نجمي انت❤️

الجزء٥💚🍃

شويه ستوريات ضحك نشرت ومنشور غزل للعسكري (ملازمي) المجهول لسه مالاكيته 😂اصدكون احبه قبل لا التقي بي او اعرف هو منو لو يصير صدوك شلون
خبال ادري😂
جان واحد تابعته جديد
اكو بيج عسكري هو معلق بي شفت تعليقه محترم وواعي يختلف عن البقيه عبارة عن غلط و افشار ف تابعته ف كام دائماً يشوف ستورياتي اسمه علي او ملازم علي 🤷‍♀️
بشرته حنطيه او اغمق بشويه عندة شوارب شعرة اسود بي تجاعيد خفيفه عيونه سود
ب اختصار شكله رجولي جداً
ستورياته عبارة عن حكم ومواعظ
يعني مبين مثقف 😂 بس ماادري ليش احسه مغرور مينبلع مع العلم ابد محاجين احنه بسس هيج مااحسه ينحب 😂😂
جنت متعاركه ويه واحد اسمه احمد حول موضوع عسكري
هذا احمد متابعني بس لزكه ويلح
ف تعاركنه ع موضوع(رتبة الملازم الثاني) الي هو نفسه الملازم
يعني نجمه وحدة
وهذا لزك كوة ماكو شي اسمه ملازم ثاني عاد اني اعصابي بطرف خشمي كبل تعاركت مااتحمل احد يعاندني
نزلت ستوري بي محادثتي ويه احمد او مناقشه اقرب للعركه
ف جاوب علي ع الستوري
كالي انتي كلامج الصح فعلاً الملازم الثاني نفسه الملازم وهي اول رتبه عبارة عن نجمه وحدة ⭐️
كتله ادري شكراً 😂💔
دزلي سمايل قلب
حسيت روحي اسلوبي جان محلو بس غلست مستحيل اعتذر😌بس بنفس الوقت تمنيت يرجع يرد على وحدة من ستورياتي
ماادري ليش🌚
حسيت بشعور حلو من رد هو مع العلم ردو غيرة وهم ضباط
بس ماادري ليش هيج حسيت
وهم شويه ضمير انبني لانو هيج جاوبت عليه☹️مع العلم هم جاوبت على الكل هيج😂🤦‍♀️
((مااحب انطي مجال لاحد خصوصاً اذا جان ملازم لانو منشوراتي عن الملازم ف اخاف يفكر حاله هو المقصود لو اني ميته عليه
والواحد اهم شي كرامته😂💔))
واستمر روتيني مال كل يوم دوام ونوم ودراسه ووفون
لحد مااجه بابا
بابا جان مراسلني الصبح كالي بعد الظهر اجي
اني كولش فرحانه الدوام كله
منتظر يخلص الدوام حتى ارجع للبيت وانتظر بابا
واني اول وحدة افتحله الباب
احب هيج اسوي
اكعد اتمرجع بلحديقه وانتظر لحد مايدك الباب
وافتحه اني شعور يجنننننننننن
رجعت من الدوام ب٢
بدلت وكذا وكعدت اتمرجح شويه اندكت الباب
صحت منوووو
صوت بابا كال اني
رحت ركض لبست عبايه وفتحت الباب حضنته حيل
لانو كولش اشتاقله والله من اليوم اليروح بي ابدي اشتاقله وانتظرة
باسني من راسي
وكال افتحي باب الكراج حتى افوت السيارة
فتحت الباب كلها
فوت السيارة
كالي نزلي الغراض وفات يسلم ع البقيه
نزلت الغراض ومن ضمنهن شفت علاگه چمه كولش چبيرة
عززة نقطه ضعفي كمت اكمز واحظه ب العلاكه واضحك بصوت عالي
اموووت عليه
ام رقيه:شبيج ولج تخبلتي شلكيتي اكيد اكل لان هاي الفرحه بس للاكل😂😂وياريت مبين بيج
رقيه:ايي يمه چمه😻🤤🤤چمممممممممممه تعرفين شنو چمه يعني نقطه ضعفي يعني الحب
ام رقيه:يكول صارلج شهر مماكلته ترة اولت البارحه اكلنه
رقيه:ادري يمه بس احبه لو كل يوم وكل وجبه هم ما امله اريد اشبع منه هو فترة ويروح☹️وفراگه صعب
ام رقيه: خبال ايي والله
ابو رقيه: ايي رقيه اليوم نتعشه اني وياج چمه
رقيه :هلا هلا هلا💃💃💃💃😋😋😋مستعدة
احله اسبوع اكضي من يجي بابا اتونس كولش حتلو يوم ماطلعنه بس وجودة بلبيت يفرحني
دائماً اكول هو نعمتي😻 وبطلي 😌
اول يوم الاجازة هو استراحه لبابا يعني منطلب منه يطلعنه
من ثاني يوم تبدي الطلبات 😂😂
ثاني يوم فعلاً اتفقنه ورحنه للحله هناك بيت جدو اهل بابا
عايشين بقريه
.................💚🍃

أنك الخطوه التي لا اخبر احدا أني امشي اليها💋