منقول
اعاده نشر
صلى في جنبي واحد .. ربي يهديني ويهديه !! كل شيء في الصلاة عنده جهر ، لما سجدنا بدأ يقول (وبدون مبالغة) سبحان ربي الاعلى سبحان ربي الاعلى سبحان ربي الاعلى ياربي دخلني الجنة أنا وامي وبوي وخوتي وأخواتي وصغاري (للأمانة ما جابش سيرة مرته) يارب نجّح مفيدة ، وإن شاالله تنوض فتحية لا سو ولا سوية .. الله أكبر .... (صمت) الله أكبر .. يارب تنجح مفيدة ويبرأ سالم وخليفة يلقى سيارته ويصير من سفر خوي محمد وتمم لحسين عرسه وارزقني بطاقة الفيزا ..
وهكي في كل سجدة وبصوت واضح جدا جدا
المهم وبصراحة شوش عليّ وقعدت غير نتبع في أخبار العائلة وخلاص 😂😂 .. حاولت نرفع صوتي شوية حتى أنا ما امشاش الحال ، حاولت نستجلب الخشوع ونستحضر هيبة السجود ، ما فيش فايدة ، 😁انخسته بمرفقي بالك يفهم ، 😂تقول عليّا فكرته في مشروع تخرج سعاد ، 😂وباب الجراج ، وطوبو المية امتع الجيران
آخر حاجة قررت نسرح وخلاص – هي الصلاة راحت راحت😑
بعد ما سلم الإمام تلفتت نبي نقوله: آ ياخوي ، الحمد لله على سلامة فتحية ، شن جابت وليد والا بنية ؟ غير ناض 😂وطلع بسرعة ..
(ملاحظة // أنا مش ضد الدعاء ادعي حتى لقطوسة شارعكم ، لكن ياأخي ادعي في سرك راك في جامع وفي ناس يصلوا معاك!!)
