.#سنتراا_فرش
.
طبعااا نابيدي ابدويه نين خلاااص😍😌
في جدت خشتي للجامعه جيت منفجعه يبي يبي بنات و لبس و شباب شئ لي داير لحيه شئ لي وجهاا اتقول لوزه مزلطه😂 يبي ونا جاايه لابسه جولي متاع الثانوي☹ جعت ماعد عرفت وين المقصف😂 اشوي جيت لبنت و قتلهاا هي يااياام وين المقصف قعدت تضحك🙄☹ ياخيتي نابيدي قتلك نكته ولا ايش😲 قالتلي قصدك الكافترياا اهي تلقيهاا هنكك😌 و قتلها شكرن بلنون و عديت وفي فرعة بنات طالعات ماسكات كبابي و يأكلن قلت حيهاا حي والله دنيا متحظره او دارو مثروده في كبابي😍 ونحنا تصهد فيناا هذك النيراان و نديرو في فطاطيح😢😂 خشيت للمقصف ولا نقوللكن ع قولت هذك البنت الكافتيريا💔 او قتلااا ي استاااز نريد مثروده في كبايه😲 ولي غادي كلهم اسكتوو و بقو يبحتو في قعدت نحس روحي اني قلت كلمه عيب🙁🙁 طلعت 😌 و سيبتهم يضحكو علي☹ مو نا مضحكه 😂 و قطعني الشر فتحت شنطتي لقيت هضك السندوتش متاع التن و كليته ووخلاص و خشيت للمحاظره و استاذ يسأل و كلهم يجابو سأال سؤال نطيت نا من دون الطلبه و نقول انا انا ي استاذ و حسي عاالي😂و كلهم بقو يشفطو عليا ☹😲 مو ناابيدي واخذا ع اني نجاوب ايام المدرسه😂✋و روحت و خاطري في هذك المثروده☹☹وما كليتهاا و جيت للامي و قتلهاا ليله هذ ضروري نديرو مثروده في كبابي وكل واحد يمسك كبايته في يده و قعدت تعارك في 😂 ايسمدوتهاا مثروده في كبابي مو نديرو فيها ف اربيعات من قبل☹😂
و درنا مثروده ونا بس لي كليتها في كبايه ☹بس م شبعتش منها و قلت هذكين بنات ابلاد يشبعن من كبايه😂 وعديت تربعت معاهم ع اربيعه😍😌
ثاني يوم مشيت للجامعه و تعرفت ع بنت و قالتلي نبي نعدي للكافتيريا لي هيا مقصف😂 قتلهاا حتي نابيدي نمشي امعااك 💔 ونا عقلي كله ف مثروده هذك😂✋ شفتها قالتلا عطيني سنترا فرش 😲😲 قلت اخراا يدلعوو فيهاا 😂 و قالي انتي شن طلبك قتلا كيفهاا فش😂😂✋ و مسكتهااا فرحانه عاد درت انجااز 😂💔 و طلعت يبتي ماهش مثرودناا طلعت حااجه اسمح منهاا وفيها شكلاطه😂
.و كليت منها و عقبت منها لهلي ف الحوش ولي يخش نعطيه منها 😂وامي قالتلي جيبيلي الطريقه من امتاع المقصف😌
.
.
مابين الواقع و الخيال😌💫
.
.#للتشفيط_فقط
