منقووووووول
منقوووووووووووووول
منقوووووووووووووووووو😱😱😱😱😱😱😱😱
حسبي الله و نعم الوكيل ف خالتي القرقاضه لقاقه معقوله ادير فينا هك
طبعن هي خالتي بس ما نشوفش ف خليقتها الا ف مناسبات المهم عزمتنا علشان ولدها الطرف متخرج و دايره حفله فرحانه بيه و عدينا و اول ما خشيت انا و امي و خيتي لقينا عرم كنادر و كعوب قدام الباب ماما قالت شكلهم عازمين كوكب الارض كله وهو متخرج من اقتصاد المهم خشينه و الحوش مليان ناس راقين وهاي هاي و فلوس و مورقين تحشمنا من اشكالنه ودبشنا قعمزنا ف الدار و انا و امي وخيتي بالسلامتنا نحبو الموالح ماما سألت وليه حداها قالتلها وزعو الشاهي و الموالح؟ الوليه بحت في ماما وتكشخ مش عارف كنها عليك طروح تهيالي سألنا سؤال عادي ماقلنلهش وزعن الحشيش المهم قلت لماما تعالي نقمعزو ع صالون لي مقابل الكوجينا عشن نشوفو ف شن يحطن و شن يوتن عدينا قمعرنا و شفت وحده طلعت من الفريز سطل مجمد مليان موالح لما شفته قلبي دق 3دقات 😍😍بعدها قعدت تستف فيهن ف الكوشه المهم خشيت لكوجينه دروحني عطشانه عشان نعرف كم نوع موالح البنت قالتلي تفضلي؟ قتلهت نبي نشرب قالتلي مش حاطين كاس واكواب ف الدار المهم ازلطت قتلها اها اها ما نتبهتش و طلعت بعدها طلعن طابور بنات ماسكات سفرة و يوزعن ف الموالح و الشاهي بعد وصلن فينا فتحت عيوني زييين نبي نعرف اين اكبر تبسي فيه موالح حطيت عيني علي واحد و لما بحتت ماقيتش فيه طرف بوريك وتباسي الصبايا الاخرات فيهن بوريك انصدمت من خالتي معقوله ادير فينا هكي خشيت للكوجينه وحق الله ناخذ كيفي كيف الصبايا شن ناقصني يد ولا كراع قلت لي بنت خالتي نبي بوريك قالتلي اها اسفه سامحيني ولله ذاهبه شيرتي وعطتني طرفين بوريك فتحتهن قدامها لقيت فيهن جبنه عليك بخل قلتلها قصدك مش دايرينها بالمفروم قعدت تضحك المهم طلعت وقلت لامي ف عرم بوريك ف كوجينه كان تبي تو هاجر تعطيك بعدها الوليع لي حدانا قعدت تسهوك ما فش حاجه تضحك و خالتي جت قالت لي امي اسمعي انتي و بناتك ف كل لمه تركزن ع الوكال و ناس كلها شهدت عليكم ولله عيب يا نجوى كان تبي بوريك علي عيني و راسي توا نعبيلكم حفاضه بس متجش تسالي الصبايا وزعنا عليهن ولا لا امي قعدت تبكي من كلام خالتي خزي
لي نبي انوضحه لكم مش قصة لقاقه بس انصدمت من خالتي تكرهنا من نحنا صغار تضرب فينا و قالت كلام لامي لين روحت تبكي و باتي سالها و بكره باتي ماشي لرجل خالتي يعزق علي وجه حفاضة البوريك يريتك حتا جبنه بقره عقاب جبنه ربيع
