اليوم جاني المرسول خديته ... وين قريته نزلت دموعي بليته
نزلت دموعي من عيني ... ضاع حنيني عالغالي لى مايبيني
وزاد حرقني وسط كنيني ... وين القيته كاتبلي ماضيك انسيته
كاتبلي مضيك حرام مغير كلام ... كنت معيشني فوهام
مايحساب الدنيا اقسام ... كتاب طويته ونا تحت وسادي حطيته
حطيته نا تحت وسادي ... وقت ارقادي ساعه كاين جوي هادى
وكنت طيف خياله انادي ... الشوق هديته جاني فى عز منامي ريته
ريته جاني فى عز منامي ... وقت احلامي ساعت كاين جرحى دامي
مانحسابه يريد ملامي ... بشوق خديته مابين احضاني ضميته
ضميته بشوقي وحناني ... القيته يعاني ذكرني بياسي وحزاني
وكان سبايب فى حرماني ... لى حبيته ما لحظه فى العمر نسيته
