منقول
☹️💔 وجعتلي قلبي
-
انا قصتي مش خيانة ومش غدر صحبات
في ال2010 اولى تانوي كنت وقتها تعرفت على ولد سلف خالتي مواليد 87 جتني بنت خالتي وقاتلي ان احمد يبيك وعاجبتيه قولتلها عادي
قعدت نكلم فيه بدرقة بتلفون اختي لي اكبر مني
لان وقتها معنديش تلفون ومرات نكلم فيه بتلفون خالتي وبنتها لما يكونو عندنا وحبيته هلبا وستريحت معاه هلبا وقعدت نكلم فيه بدرقة وكانت تشد فيا امي ونحصل منها في طريحه هههههه بس مع هدا كله متبتش كملت علاقتي بيه في ال2012 بعت ماليه وجو خطبوني وبوي وافق بس قاله مانبيش ندير شي الا خطوبة توا والعرس بعد ماتم قرايتها وبعتلي تلفون مع اخته وشفره وقعدت نكلم فيه وستمرت علاقتي بيه ومافيش حاجة منقولاش فيها خاطري نلقاها في نفس اليوم جايبهالي ولما نصفي موادي يبعتلي في هدية ولما نطلع من سيمستر يديرلي في حفلة هدا غير خوفه وحبه ليا
ومايرضاش فيا دقة شوكة كان حد حطمني في حاجة نلقاه هوا اول مشجع ليا ويشجعني
استمرت علاقتنا ومتعلقين في بعض هلبا ونحبه
في ال2014 صار نقاش بيني وبين اخته لان قاتلي " صراحة مافكرتش فيك باش تكوني مرت خوي تمنيتها صحبتي لانها تستاهلها " وجعتني كلمتها قولتلها وخوك نصيبه فيا اني ويبيني اني مايبيش صحبتك طبعا نقاش هدا صار في حوش خالتي روحت لي امها واختها قاتلهم قالتلي والله لما نخليكم تحلمو تشوفوه احمد واساسا بتنسوه من يوم دخوله واحمد ليا انا وخاتم في صبعي " انا بروحي نصدمت من الكلام " كلمت امه خالتي وتناقشت هيا وياها ان قدامها صار هدا كله ومافيش منه الكلام قاتلها ماهو بنت اختك بتوقفي معاها لكن والله تحلم تعفس حوشنا ولا تكوون كنتنا "
روحت لي حوشنا وكلمني احمد خفت يصدقهم هدرز وبعدين سالني شن لي صار بيني وبين اخته
حكيتله وقعد نحلف وقولتله مستعده نحط يدي على المصحف
سكرت امه راسها ان تفسخ الخطوبة والكنه هيا معش نبيها ومتناسبناش تصل بيا قالي تعالي اليوم حوش خالتك واني والله مصدقك لكن قدام امي تحلفي بالمصحف قوتله عادي وفعلا مشيت واخته ماجتش قالت كيف طلعوني كدابه واني منحطش يدي على المصحف
تاكد ان اخته كدابه وتصل هداكا اليوم يتاسف مني ويعاود ان درتلك موقف خي وسامحيني
بس نبي امي تصدقك ومتاخدش عليك موقف خي
برا الايام وامه قاعده ماتبينيش
سيبلهم الحوش لان كان بيسكن فوق ماليه وخدي قطعة ارض وجاني في الكلية ورسمت معاه تفصيلت حوشنا وبدي في البني في شهر 4 ف ال2014 وكمل البني في 2016 بيحدد العرس امه قالت لا وبنخطبلك وحدة تانيه تعارك مع امه وقال شي البنت هادي مش حانسيبها قاتله وانا مش نمشي نحدد العرس
جي لي بوي وحكاله القصة وقعد يترجا في بوي ان حتى هوا مايجيش ضده وان بنتك في عيوني ياعمي ومتكسرنيش زي ماكسرتني امي
وافق بوي وقاله خلاص خلي عمك يجي والبنت ليك
جي عمه الكبير وخوه وتفاهم مع بوي وحددو العرس
في ال14/2/2017 حايكون عرسنا
قعد نوتي ونجري ليه ليه ونطلع اني واحمد نختارو في الاثاث مع بعض
كملت بتاتي وحجزت في كل شي وبدت صدمة حياتي
قبل عرسنا بشهر تغير هلبا وقعد يوصي فيا ف هلبا حاجات يقولي تحبي غيري ! تتزوجي غيري مسامحك لكن بالله عليك متعطيشي مكاني متحبيشي زي ماتحبيني انا كان صارتلي حاجة مش تنسيني خليني ديما في بالك واعرفي ان اني نموت فيك وديما ادعيلي ' نقعد نبكيي ويقعد يضحك يقولي يامهبولة خيرك مافيش الا الموت تبعدني عليك اني
يوم 28/1/2017 💔 تصل بيا وقالي سامحيني نوضتك من نومك قوتله من امتا هادي كلمة سامحيني انك نوضتني ! قعد يضحك قالي نحبك اني باهي قولتله به قالي امتا بتطلعي قولتله بعد العصر قالي به ردي بالك على روحك مش تنسيني باهي قولتله لالا اول مانروح نكلمك وقبل مانطلع قالي به وقعد ساكت بعدها قالي نحبك وهي سلام
سكر وتقول من ضربني بموس على قلبي حسيت بحاجة مش طبيعيه تعودت من شيطان ونضت درت دوره في الحوش وقعمزت انا واختي نكتبو في نواقص ونغم قلبي نضت تصلت بيه مردش
ساعه 6 خش بوي وجهه اسود وناده على امي في دار وقتها تصلت بنت خالتي رديت عليها تعيط وتقولي احمد مشي احمد مات نضت نعيط ونخبط جتني امي تجري وبوي يقول هادي من قالها واختي تشد فيا لبست عبايتي قولتلهم توا ترفعوني لي حوشه نبي نصدق رفعتني امي ولقيت الخيمه وعيلته تعيط طحت عليهم معش نندري على شي الا في تغدية ومستشفى " دار حادث وهوا ماشي لي القرابولي نقلبت بييه سيارة "
حبيبي مات لي حلمت معاه بكل شي وحلمت ان حانربي صغاري معاه لي رسمنا حوشنا مع بعض لي كان متحملني بكل عيوبي وصابر عليا لي حطني في عيونه لي عاند امه على خاطري مشي وخلاني ويوصي فيا يقولي ماتحبيش غيري انت قولي نقدر نحب غيرك اني بعد سنين هادي كلها نقدر نكون مرت راجل تاني غيرك انت ياروحي موته لا توا مش قادره نصدقها ولا توا كل ليلة نبكي عليه يجوني حطابه من اقارب بوي وصحاب بوي بس والله ماقدرت تقول نخون فيه وقت يجو ناس نفس ليلة نحلم بيه 💔
فراقة حرقت قلبي حرق 😭😞
