ماترايفو ماعاد نشقا بيكم
خلاص انسو قولت حبيب ايجيكم
مانلهيكم
مادام عني ما وطي عاليكم
ومادام فرطتو بي الله لايهديكم
شمعا ضاويه نا كنت في ضلام ايديكم
كم كان ودي في الرجا انراجيكم
وطبعي انطبع بالياس في ماضيكم
ادموع اعيوني كي تقربو نرويكم
كي يخطرن في الليل علي سهاريكم
بم اعيوني والروح نا نفديكم
ونفرح معا خاطري كي انلاقيكم
امغير الله يلطف بيكم
خنتوني و طبع الخون جاري فيكم
و هنتوني و مو بالكاد نا هنت عليكم
قلبي ابيض كي لون التلج كي ايكون بين ايديكم
هو كاين منكم وفيكم
وهي عادتا ايجافي اللي في الجفا جافيكم
اذكرت ايام كنت انحاكيكم
وحطت ايدي وقت السهاري فوق ايديكم
كان واهم خاطري انا شاريكم
و واخد عهد في غيتي نا بيكم
حتا ان دهرني الدهر ماني ناسيكم
وخودو سموحي من غلاي لولي نا عافيكم
حنعدكم نسمت زها فيهن زها ماضيكم
مربوحا حياتي مش اموقفا عليكم
ياما درنا من غلا غالا غلا غاليكم
و ما ترايفو ما عاد نشقا بيكم
خلاص انسو قولت حبيب ايجيكم
