THE BAD BOY | SMH

05. His friends

- He's not my type -

Ухаалаг, буурь суурьтай, тэвчээртэй, даруухан, энгийн залуу үргэлж миний хүсдэг төрлийн залуу байсан. Амьдралд минь түшиг болох нэгнийг л насаараа хүссээр ирсэн. Учир нь аав минь ээжид минь сайн хань байж чадаагүй юм.

Аав минь Бельги хүн л дээ. Ээж минь залуудаа европд сурч яваад танилцан, нэгэндээ хайртай болж улмаар намайг төрүүлсэн. Аав минь сайн амраг байсан ч сайн нөхөр бас сайн эцэг байж чадаагүй. Тэр эхийг минь солонгост буцаж ирэх тухай хэлэхэд салан одсон.

Миний бодлоор Азиас бусад улс орны хүмүүст хариуцлага гээч ойлголт их бага юм шиг санагддаг. Угаасаа л тэгээд өсчихсөн.

Ээжийг минь туслаж дэмжих ах дүү хамаатан их байсан ч тэр үргэлж тусламж хүсч зүрхэлдэггүй байлаа. Хүмүүжил нь түүнд эдгээрийг заагаагүй юм.

Гэсэн ч ганц охиноо тэр зовохгүй өсгөсөн бөгөөд намайг 9 настай байхад нөхөртэй болсон юм. Би түүний өмнөөс баяртай байсан. Насаараа ганцаар явна гэж байхгүй шүү дээ. Тэр хүн ч надад сайн бөгөөд үргэлж л төрсөн охин шигээ санана. Гэсэн ч би хэзээ ч 'аав' гэж дуудаж үзээгүй. Тэр үүнд эмзэглэдггүй мэт харагдах ч жаахан балгасан үедээ гомдоллож эхэлдэг юм. Тэр надад их гомддог. Гэсэн ч надад хайртай.

Сун Мину.

Тэр миний сонирхдог төрлийн залуу огтоос биш. Бүр дэндүү хол зөрөх нэгэн. Яахав, тэр ухаалаг л даа. Гэсэн ч би түүнтэй хамт байвал хэзээ ч тайван амьдарч чадахгүй гэдгээ мэдэж байна. Учир нь тэр бол өөрөө адал явдал юм шүү дээ. Түүний өдөр тутмын амьдрал хэзээ ч минийх шиг нэгэн хэвийн байдаггүй. Бид дэндүү өөр хүмүүс.

Сүүлийн лекц дуусан танхимаас гарахад Мину амандаа модтой чихэр үмхээд хана налан зогсож байлаа. Намайг гарч ирэхийг харан өөдөөс минь инээмсэглэн урд минь ирэн гараас хөтлөөд "Явцгаая." хэмээн хэлэхэд би чимээгүй л түүнийг дагалаа.