****اجر قلمي على كتفي...
واحفر على راحتي كفني...
تمرد علي اليوم قلبي.بعد ماكنت اظن موته بالامس....
كنت اظن ومااكثر ظنوني!!!
اني دفنته في ثنايا اضلعي؟؟
ماذا انا فاعلة به لااعلم!!!
سوى اني رغبت بدفنه حيا!!!
بموته؟؟باعدامه؟؟ان اسمعني نبضاته!!!
كنت اظن انه خاف من ارهابي واجرامي...
لكنه اليوم تمرد علي دون ان يعلمني...
اعلن اليوم عصيانه وتمرد
اعلن لي صموده وتجرد..
من كل كتل الرمال عليه..من كل الطعنات التي به...
اعلنها اليوم ..اعلنها لي...
تعبت..نعم تعبت..
هكذا هو قالها لي..لن اقدر ان يحسب لي نبض وانا روح تموت!!!
تعبت ان استمر في جسد لايبراْ؟؟؟
لن اظل لك ابدا مجرد اخرس.......؟؟؟؟؟؟ *******************************عائلات الشرقية...
عائلة بو علي السبيعي...
(ابو علي/ام علي/ام ناصر/ناصر/علي /نجود/سعد/هيا/نورة/رحاب)
عائلة فواز السبيعي...
(ابو بندر/ام بندر/بندر /عبير /هنوف/مضاوي/لبنى)
////////////////////////////////
عائلات الرياض...
عائلة بو مشاري الفارس..
(بو مشاري/ام مشاري/مشاري/محمد/مروة/منال/مي /مازن)
عائلة فهد الفارس
(فهد/نجلاء/سارة/لمى/فيصل)
عائلة عبدالرحمان العطا الله...
(ام مصعب/مصعب/فوزية/الجازي/)
//////////////////////////////////////////////////////////////
شخصيات جانبية لها اهميتها...
سالم الشبيلي
عبد العزيز حمود..
لمياء العبدالله...
جواهر الهاجري...
هاجر اليامي..
ملاك الفايز...
وسيتم التعريف بكل الشخصيات حسب ظهورها واهميتها.....
/////////////////////////////////////////////////
وقبل البدء بالبارت الاول الشكر الجزيل لمن سيتابع جديدي وبنتظار اراه وانتقاداته واقتراحاته....
**********لكم نبضي الجديد....تمنياتي لكم بقراْة ممتعة...والرواية ستكون هدية مني لااعضاء منتدى غرام الكرام وستكون حصرية واتمنى ان ماحد ينقلها الا بعد ماتنتهي ولكم الف الف شكر...
///////////////////////////////////////////////
البارت الاول,,,,,,,
في كافي هادىء جدا بضاحية من ضواحي الخبر ويبين عليه الفخامة والغلاء...
كانت الانوار هادئة جدا وماتقدر تبين الشخص اللي قدامك من كثر ماهي هادية ونورها خافت....
وفي كبينة من الكباين كان الورد الاحمر مالي الطاولة اللي عليها كوبين كافي وصحن فيه قطعتين ترايميسو.....
وبجنبهم كانت يدين مشبوكتين مع بعضهم البعض ومافي أي بادرة انهم ناويين يبعدون عن بعض لو ثواني....
وفي ظل ها الصمت المطبق كانت دموع غزيرة وحارة تطيح من عيون اللي جالسة على كرسيها بهدوء......
وقطع الصمت صوت جهوري شوي بس بهدوء وحنان/جواهر...يابعد قلبي..ليش توسين كذا في نفسك!!!لاتقطعين قلبي انا مقدر على بكيك؟؟؟
جواهر بهدوء رغم الدموع اللي كانت تنزل منها مثل الشلال/تبي تروح وتتركني وماتبيني احرك ساكن بمشاعري!!!
قرب بندر يدينها اللي كانوا شابكين بيدينه وباسهم وقال لها بحنان/ياعمري انا كل اللي بتركك فيه سبعة شهور بس!!!وحطي في بالك ان عقلي وتفكيري معك علطول ياجواهر...واني ماسك نفسي على فراقك ولا الود ودي مااتركك لحظة وحدة!!
بس صدقيني بتمشي بسرعة واول ماتخلص بتلاقينه سكنا في بيت واحد وتركنا كل شي ورانا.....
جواهر/بندر حلفتك الله تتصل فيني بكل وقت!!!ترى ماعندي غير صوتك يطمني عليك؟
بندر/وعد...بس اخاف تتمللين من كثر اتصالاتي؟
جواهر/لاطبعا ماراح امل,,,مابيكون عندي سلوة غير اني اسمع صوتك؟
بندر/انا مدري كيف بتكون الظروف هناك علشان اكون صريح معك بس وعد اول ماتترتب اموري بكون معك طول الوقت بصوتي طيب....ولايزعل حبيب قلبي...خلاص عاد فكي ها المناحة شوي مابغينا نشوف بعض الا بتقلبينها لي بكي ونوح!!!تعالي قربي مني انا ابي شي ثاني منك؟؟؟
.................................................. .................................................. ..........................
في ضاحية من ضواحي الشرقية وتحديدا بالدمام
وفي ذاك البيت الكبير بالحي الراقي بالدمام كانت نجود واقفة قدام مرايتها بغرفتها وهي تناظر شعرها اللي وصل لنص ضهرها...الود ودها قصته من زمان بس ابوعلي الله يسامحه ماهو براضي!!!!
وقفت تناظر بشكلها ..على كثر ماكانت تنتظر ها الوظيفة تطلع لها وتجيها على قد ماكانت مرتبكة وخايفة ومترددة!!!
اول تجربة لها بعيدا عن اهلها وهي اللي طول وقتها ملازمتهم وملازمينها ومتعودين يكونون مع بعض علطول,,,,,
ياترى هل بتقدر تخوض التجربة وتقاوم ولابتفشل فيها!!!!
دخلت هيا ../خذي العدسات اللي بغيتيهم!!!
وحطتهم قبالها على المرايا وطلعت مثل ماادخلت...
شالتهم نجود ولبستهم على مهلها وهي تتاْمل بشكلها كيف صار بها اللون الرمادي اللي تموت فيه,,,
وبدون مقدمات نادت بصوت عالي...هيا...هيا...ياهيا!!!
بعد ثواني دخلت هيا بدون ماتدق الباب وقالت بملل..
هيا/نعم!!!
نجود بدون ماتلف عليها وهي بعدها تناظر بشكلها بالمرايا/ناصر هنا؟
هيا/مدري ليش تسالين؟
نجود/لاني قايلة له بروح السوق باخذ لي كم غرض قبل لاامشي؟
هيا بدون اهتمام/باقي وقت بعد عندك اسبوع قبل لاتروحين؟؟؟يمديك لاتخافين؟؟؟
نجود لفت عليها وقالت بعصبية/وليش تتكلمين معي بها الطريقة؟؟؟
هيا تغيرت ملامحها وحبست بقلبها غصة ومشت لعند الباب وسوت روحها مو مهتمة/ولاشي....
وطلعت من الغرفة وتركت نجود بضيقها من اسلوب هيا الجديد معها!!!!!!
//////////////////////////////////////////////////////
في بيت المحامي فهد الفارس بالرياض....
كان قاعد بمكتبه الللي مفتوح على الصالة ويقرا الجريدة لان اليوم الخميس ومايفتح المكتب.....
لمى/بابا..
رفع راسه لها/نعم بابا بغيتي شي؟
لمى بخجل/بابا بنطلع اليوم مثل ماوعدتنا ولا بتغير رايك باخر لحظات؟؟؟؟
فهد توه بيرد عليها الا ونجلاء داخلة...
نجلاء/ماما لمى روحي شوفي اخوك فيصل وينه؟
لمى/طيب بس بشوف بابا وش يقول؟
نجلاء وهي تحط كوب الشاي قدامه/شعنه؟
لمى/عن الطلعة؟؟؟؟؟
نجلاء/فهد وهم صادقين صار لك فوق الاسبوعين ماتطلعهم ويطلعون مع بيت عمهم!!!هم مايبون الطلعة يبون وجودك معهم؟
ناظرها فهد بنظرة وقفت قلبها لانها عارفة وش تعني ها النظرة...اكيد انها غلطت بشي!!!!
نجلاء بارتباك/روحي ماما وبعدين تعالي شوفي البابا وش يقولك؟
طلعت لمى وهي متضايقة حييل....انشغال ابوهم عنهم ها الاسبوعين موترهم ومخليهم عايشين بضيق..يحبونه ويتفدونه بالعالم وهو بعد يحبهم بس وقته دايم مشغول ومايفضى لهم الا بالنادر وها الشي اللي دايم يزعلهم منه..ومعظم الوقت يعيشونه ويقضونه مع بيت عمهم اللي ملاصق لبيتهم مباشرة..
فهد بصرامة/مايحتاج كل يوم اقولك انا بين عيالي لي هيبتي!!!!قدامهم انا ابو فيصل واذا رحنا غرفتنا سميني فهد ولا أي اسم تبين براحتك؟؟؟؟
نجلاء جلست على الارض قباله.../سامحني ياالغالي مااخذت بالي...ادري انك تتضايق منها وماتحبها بس معليش طلعت بالغلط وماراح تنعاد....
فهد غير الموضوع/وين فيصل؟
نجلاء/اذا ماهو عند سارة بغرفتها اكيد عند بيت اخوك؟
فهد/وسارة للحين زعلانة وبغرفتها؟
نجلاء/ماعليك منها مو بزر مثلها تخليك تغير رايك؟؟؟بعدها صغيرة يافهد....
فهد ترك الجريدة/ماشفتيها البارحة ماتعشت؟
نجلاء/خليها...هي بس تشوف بنات عمها وتتدلع!!!هاذي باول متوسط كذا!!!وشلون لاراحت الثانوي بالله ؟؟؟بتشيبنا!!!!
فهد مسك كوب الشاي وقام يشرب فيه بهدوء وعلى اقل من مهله وطلع باكيت السجاير اللي مرافقه وشغل له وحدة يتسلى فيها مع الشاي,,,,,,,
////////////////////////////////////////////////////
في بيت بو مشاري الفارس.....
مروة/فصيل هنا؟؟؟
فيصل/لاتقولين فصيل لابعلم ابوي عنك!!!اسمي فيصل..ولد فهد الفارس؟؟عرفتي ولاشلون؟؟؟
محمد/ههههههه طول لسانك يبى؟؟؟وش دعوة عاد؟؟؟
فيصل/ماتسمعها وش تقول؟؟فصيل كني بزر عندها!!!انا السنة هاذي روضة واللي يسلم عمرك والجاية مدرسة؟
مروة ومحمد طالعوا في بعض وضحكوا....
فيصل صفق يدينه بيدين بعض/لاحول الله جنوا عيال عمي وقعدوا!!!اروح بيتنا ابرك لي...
دخلت منال بها اللحظة/مرحبا....ها فيصل حبيبي شلونك؟
فيصل/هاذي الناس الحلوة مو انتي ياحسرة؟اقول منال يصير اروح ادرس بالمدرسة اللي انتي تدرسين فيها؟
منال ضحكت وخلته جنبها/مايصير لانك ولد وانا ادرس بنات..وبعدين انا ادرس باالثانوي مو بالابتدائي؟
فيصل/اوووووووف..انا ماابي اروح الروضة اللي امي مسجلتني فيها مو عاجبتني ولو اقول للبابا عنها ماراح يخليني اروح بس اخاف امي تزعل؟
منال/طيب انت جربها اسبوع لو ماعجبتك بعدين لاتروح صح ولالا؟
مروة/الا صدق منال عرفتيها الا قلتي جايتنا بالمدرسة جديدة بدل وئام؟
منال/هو انا عرفت عنها كذا كم معلومة بس يقولون من الشرقية الظاهر من الدمام اسمها نجود السبيعي بس مو رسمية على ماسمعت يعني درست بالخبر والضهران بعقود واللحين جايبينها الرياض بس اللحين الضاهر بيثبتونها؟
مروة/صغيرة ولاكبيرة؟
منال/ماادري..كلها اسبوع ونشوفها؟
محمد/ليش عيال عمتي ماجونا ها الاسبوع؟
مروة/على مااعتقد ان عمهم مسوي لهم عزيمة بس مدري ليش ماعرفت السالفة صح؟
منال/فيصل ...عمي في البيت لو طلع؟
فيصل/بالبيت؟
منال/انا بروح اشوفه..
فيصل/اخذيني معك؟
////////////////////////////////////////////////////////
في غرفة نجود كانت ماسكة كتاب وتقرا فيه..(الشعر العباسي للدكتور شوقي ضيف)وهي مندمجة فيه الاوجوالها يدق...شافت المتصل وقالت بجدية/كان لا رديتي اسم الله عليك!!!وينك انتي؟؟؟
جواهر بهدوء/كنت طالعة مع بنت خالتي...المهم انتي شلونك؟
نجود/مالي لون..للحين خايفة ومرتبكة؟
جواهر/حشى لله..ترى كلها بكلها روحة الرياض شلون لو رحتي امريكا؟؟
نجود/تدرين فيني مااقوى على فراق اهلي؟
جواهر/المهم خلصتي كل شغلك رحتي اخذتي كم تنورة وكم بلوزة للمدرسة؟
نجود/لا...انتظر تشريف الاخ ناصر مابعد شرف؟
جواهر/معناته ماراح تروحين لو اعتمدتي على ناصر!!!اقول قومي ندبر حالنا بناس غير ناصر ونطلع؟
نجود/أي بس اللحين الساعة تسع ونص على مانوصل جت عشر وشوي...مابيكون عندنا الاساعة؟
جواهر/وخير ان شاءالله...ماراح نلاقي يعني بها الساعة شي؟ولو افترضنا مالاقينا اسمنا فينا رحنا قومي يالله,,,,
نجود/طيب بروح اشوف احد ثاني وبرد عليك.....
جواهر/انا كني لمحت سيارة علي برة واقفة؟
نجود/أي لاتحلمين كثير علي لاراح يوصلني ولاهم يحزنون خلني اشوف سعد؟
جواهر باعتراض/مو بايعة عمري اركب معه!!!!تدرين شلون مافي غير ابوي الله يخليه بطيح على راسه تبويس لين يقوم يوصلنا
نجود/هههههه يالله على يدك بقوم اعطي امي خبر وبلبس عبايتي وبنتظرك ياويلك وياويل ابوك ان تاخرتوا؟؟؟
**تعالوا نتكلم شوي عن نجود السبيعي بطلة الرواية الرئيسية نجود بنت عمرها خمس وعشرين سنة,, جامعية,,مثقفة واول شي بيجذبك لها صوتها المبحوح المحبب للاذن واللي حوالينها دايم يحبون يسمعونها تصدح وتغني لهم...طولها معتدل لاطويل ولاقصير,,بشرتها مايلة على البرونزي,,شعرها يوصل لظهرها رغم انه مو ذيك النعومة النعومة بس ابوها كان عاجبه ومو راضي انها تقصه,ولونه بني فاتح..,ترتيبها بين الاهل الكبيرة بين خواتها من امها وقبلها ولد واحد بس ..اما بالنسبة لااخوانها من ابوها فهي ترتيبها الرابعة قبلها ولدين وبنت...
علاقتها كويسة مع الكل رغم اسلوبها الشديد بالتعامل والقسوة اللي تغلب عليها اكثر من الطيبة باوقات كثيرة...اغلى صديقة بالعالم جواهر واللي كل وحدة فيهم كانت تعتبر الثاني مكملة لها بكل شي.....
***جواهر....بنفس عمر نجود ومعها من الابتدائي لين تخرجوا...قبل لايكونون اصحاب وبينهم عشرة عمر هم جيران الباب بالباب,,
شخصيتها مماثلة لنجود بس مو بكل الاوقات لان جواهر اكثر حساسية ودلع من نجود الجدية....
ورغم تشابههم بالصفات الا انهم يختلفون بالشكل لان جواهر اطول شوي من نجود وانحف وشعرها اقصر بكثير ..
كل شي بحياتهم مشترك الا علاقة جواهر ببندر ولد عم نجود ماكان احد يدري عنها حتى نجود اعز صديقة لها)
/////////////////////////////////////////////////////////في الرياض....
منال/قوة خالتي....
نجلاء/هلا وغلا منال كيفك حبيبتي...
منال/بخير الله يسلمك انتي شلونك....
نجلاء/الحمد الله...
منال/وعمي شلونه؟
فيصل اللي كان ماسك يدها/لاتقولين عمي قولي بوفيصل؟
نجلاء/ياسلام عليك...اصلا هو عمها قبل لايصير ابو فيصل ياروح امك انت!!!يللي كله مطيح ببيت عمك؟
منال/هههه مرة عمي شكلك تغارين من فيصل ليش انه كله عندنا!!!
نجلاء/هههه والله اريح منه ومن حنته يامنال...قعدي ليش واقفة؟
منال/لابروح اسلم على عمي وبجهز تعرفين اليوم الخميس وقعدتنا بالبيت شبه عملية انتحارية لازم نطلع....
فيصل/بروح معك منال مثل ماوعدتيني؟
نجلاء/اول روح قول لاابوك ...
طلعوا منال وفيصل من غرفة المخزن اللي كانت ورى البيت وقريبة من الباب اللي يدخلون منه بيت بومشاري وراحوا لمكتب بوفيصل وكان قاعد مكانه وريحة السجاير مالية المكان كله....
منال/مرحبا عمي شلونك....
فهد رفع راسه لها وابتسم/هلا منال شلونك انتي....
منال/زعلانة منك لانك ماتغذيت معنا اليوم مثل عادتك كل اسبوع ولاتحاول تراضيني لاني ماراح ارضى ابدا!!!!
فهد بجدية/ومن قال اني براضيك اصلا!!!!
ابتسمت منال له وهي عارفة عمها واسلوبه الجدي وانه مايمزح ابدا ولا يعرف يجامل حتى,,,,
وقالت بضحكة وهمس/انت شتسوي مع خالتي نجلاء ياعمي فهد؟؟؟؟يتراواللي انها لاقية منك الويل على ها الجدية اللي انت فيها ولو انا مكانها ماصبرت عليك؟
فهد بصرامة/مايتكلمون بها السوالف ومعهم صغار يامنال؟
سكتوا اثنينهم وقام فيصل يناظرهم....
فيصل/بابا....بروح مع منال..
فهد/وين بتروح بابا؟
فيصل/معها ..وين ماراحت بروح؟
فهد/بخلي السايق يوصلك انت وخواتك الملاهي مع امك....
فيصل مسك يد منال بقوة/انا مااحب السايق؟؟هو مو البابا؟؟؟
فهد تنهد/يعني شنو؟
فيصل/..........
فهد كل شي ولازعل الولد /تبيني انا اوديك؟قالها بدون حنان ..
فيصل بفرح/أي بابا...
فهد/طيب روح البس وقول لاخواتك يجهزون....
فيصل/ماحد منهم بيجهز بابا لانهم يعرفونك اذا قلت اللحين بنمشي معناته بعد ساعتين!!!!!بس ولايهمك بقولهم علشان ماتقول اني مااطاوعك,,,,,
طلع فيصل وظلت منال واقفة تسولف مع عمها بالشغل والمكتب وامور عامة......
***نجي نتكلم عن فهد الفارس....
محامي كبير له اسمه وسمعته بين الناس بالرياض وعنده مكتب محاماة....داخل على الخمسة والاربعين من عمره.....ومتزوج من نجلاء بنت عمته واللي اخوها متزوج اخته ام مصعب...
شخصيته جدية بشكل كبير نادرا مايضحك مع اهله وعياله وهم تعودوا على شخصيته عنده سارة الكبيرة باولى متوسط..ولمى بخامس ابتدائي....وفيصل خمس سنين.....له هيبته وشخصيته عن الكل سواء من الاهل ولا المعارف,,
الشيب اللي طالع له بشعره عاطيه هيبة ووسامة ووقار اكثر واكثر,,,,,,
******منال بنتكلم عنها اذا تكلمنا عن عيلة بو مشاري كلهم......
////////////////////////////////////////////////////////
الهنوف/طق طق طق...
ناصر فتح الباب..../هلا ..هلا بنت عمي شلونك
الهنوف/هلا فيك ياعمي...اخبارك ياولد ماتبين اصلا؟
ناصر/ههههه شسوي تعرفين مدير اعمال وانشغالاتي مالية دفتر اعمالي مقدر اطلع لكم بدون موعد مسبق؟
الهنوف/امممم قلت لي ....اقول نجود هنا ولاطلعت؟
ناصر/لاطلعت بس الظاهر الباقيين هنا؟
الهنوف/اللحين بالذات مالي خلق الباقيين ابيها بس هي؟
ناصر/وانا ماانفع؟
هنوف/هههه انت راعيها والله....يالله اشوفك بخير؟
ناصر/وين هنوفوا تعالي.....
هنوف/هلا...
ناصر/وش مسوين عشى؟
هنوف/مدري مادخلت المطبخ وكشفت بس تعال بيتنا من زمان تعشوا ؟
ناصر/دجاج تعشوا من زمان؟؟؟؟توها عشر ونص!!!!!
هنوف/ومتى الناس تتعشى يافالح؟
ناصر/مدري بس يمكن على الوحدة وحدة ونص...كذا...
هنوف/جوعان؟؟؟
ناصر/بتسوين لي عشى؟
هنوف/علي امتحان ادب بكرة ولا ليش ابي نجود ان شاءالله؟؟؟؟؟
ناصر بطفش/وليش تساليني اذا كنت جوعان ولالا؟
هنوف/ههههههه علشان اقولك ضربك الجوع بللي مايردك هههههههه
قالتها ومشت على قسمهم وناصر طلع وراها بيلحقها بس كانت اسرع منها...
ناصر/الله ياخذها من بنية ملعونة بجد؟
هيا من وراه/مني هاذي؟؟؟
لف لها ناصر/هاذي الخبلة بنت عمك هنوفوا؟
هيا/اووف مااطيقها؟
ناصر/هههههه وانتي تطيقين منو ياهيا؟؟؟انتي كل الناس تكرهينهم وماتحبينهم؟
هيا/مالي خلقك نصور الله يخليك!!!
ناصر/وش الللي مالي خلقك وشنو نصور هاذي بعد!!!!يبى تدرين كم عمري انا؟؟؟عمري واللي يسلمك ثلاثين سنة بالضبط؟
هيا باحتقار/وش اسوي لك انا يعني؟
ناصر فتح عيونه على وسعه/شوف اللي ماتستحي؟؟؟؟انا اخوك الكبير تقولين لي كذا؟؟؟؟صدق انك ماتستحين؟
هيا نزلت راسها وبان عليها الضيق....
تقرب منها ناصر وهو عارف نقطة الضعف اللي عندها وقال بشماتة/اكيد زعلانة من حبيبة القلب؟؟؟؟؟؟
////////////////////////////////////////////////////////////في قسم علي ومرته....
كانوا نايمين وكل واحد عاطي الثاني ضهره وهو شارد بافكاره بعيد.... بعالم ماحد يعرفه ولاسمع عنه......
صار لهم سنتين من تزوجوا بعد اصرار الاهل ورفضهم ثنينهم لبعض؟؟؟؟؟
علي ماعمره فكر فيها ولاحتى مرت على باله!!!
وسارة بعد ماطرا لها علي حتى بالحلم!!!!بس اصرار الاهل انهم ياخذون بعض خصوصا ان الاخوان ساكنين في شبه بيت واحد....(كان بيت ابو علي ملاصق لبيت اخوه بو بندر ومن ورى البيت في باب بين الاثنين يدخلون منه على بعض)
تفكيرها شغله واحد ثاني ومشاعرها تعلقت بغيره!!!لاالزواج ولاغيره قدروا يغيروا منها شي...بالعكس صد علي لها كان اكبر حظ لها بالعالم علشان تهرب منه ومن زواجهم اللي انكتب له الفشل قبل لايبدي!!!!!!
***علي...الولد الكبير بين اخوانه كلهم عمره ثلاثة وثلاين سنة...وسيم..اوسم واحد بين اخوانه..بس دايم تلاقيه ساكت وحزين....العلاقة بينه وبين ابوه صفر رغم انه اكبر العيال واولهم!!!!
زوجوه سارة بنت عمه وهو رافضها نهائيا وعارف انها ماتبيه بس كلام الاهل قبلهم ومايقبل النقاش؟؟؟
تزوجوا وكملوا همهم وحياتهم اللي اشبه بحياة ثنين عايشين بنفس الفندق المشترك؟؟؟لابينهم لاسلام ولاكلام,,,,
*****عبير عمرها سبعة وعشرين سنة...اكبر خواتها البنات وقبلها اخوها بندر اللي كان صديق لزوجها علي وبحر اسراره وعارف انهم مايطيقون بعض بس ماكان في يده شي يسويه!!!!!
ملامحها هادئة ومافيها أي شي يعيبها..غير حزنها اللي اكثر من فرحها...حبت شخص قبل لاتحب علي وبعدها تحبه ومتواصلة معه بالتلفون وعلاقتها الجافة مع علي هي اللي خلتها تكمل معه علاقتها بعد الزواج وماتنقطع عنه!!!!
كانوا علي وعبيرعايشين بشقة منفصلة عن بنيان بيت بوعلي بس بينهم الحديقة...وشقة علي كانت فوق وشقة ناصر اللي الكل ينتظر زواجه تحتهم....
ماْجلة مسئلة الانجاب وشايلتها اصلا من بالها !!!
///////////////////////////////////////////////
في مجمع مارينا مول بالدمام وتحديدا في محل كمايو...
جواهر/هاذي ممتازة....هي ياعالم وينك انتي!!!!
جواهر بصوت عالي شوي/يابنت وش فيه سرحانة!!!!!
نجود/ها...وش له تصارخين اسمعك؟
جواهر/وش له ماتردين علي يوم انك تسمعيني لو بس تبين ترفعين ضغطي ابلة نجود؟
نجود بتطنيش/باخذها..كم قياسها هاذي؟
جواهر/ادري فيك زعلانة لفراقي بس اللي انتي ماتعرفينه اني مو قادرة اتحمل غيابكم ثنينكم بوقت واحد!!!قالتها وتندمت انها مامسكت لسانها..
نجود بسرعة/انا ومنو ياجواهر!!!!!
//////////////////////////////////////////////
ماراح اكمل ياحلوين لين اشوف تفاعلكم معي.....
البارت الثاني....
////////////////////////////////////////////
جواهر بسرعة/أي انا ابيك تلتفتين علي مو حاقرتني وسرحانة؟
قالتها بارتبك وهي تتمنى ان نجود تصدقها....
نجود وهي تناظرها من فوقها لتحتها وقالت لها بتشكيك/متاْكدة؟
جواهر تنهدت/بتفارقيني يالنذلة ماراح اشوفك الا نهاية كل اسبوع!!!مو ظلم هذا بالله عليك؟
نجود/ياليت لو طلع لي تدريس هنا مثل المرتين اللي راحوا بس يالله.....الحمد الله بالرياض ولا بها القرى النائية؟
جواهر/اول مرة نفترق يانجود...حتى سفرة كل سنة كنا نسافر مع بعض احنا وانتوا علشاني وعلشانك!!!!مو قادرة اصدق انك بتقضين بالرياض ها السنة بعيدة عني وماراح نلتقي انا وانتي الا بليلتين بس بالاسبوع!!!
نجود/ياعمري جواهر لاتصيرين حساسة بنشوف بعض كل اسبوع وبعدين طول الوقت بنظل مكلمين بعض ياباالتلفون يابالمسنجر..خلاص لاتخليني اغير راي ومااروح؟
جواهر/صدقتك ماراح تروحين وانتي تنتظرين تتثبتين....حسبي الله على اللي وداك الرياض مو الضهران ولاالخبر ولا الدمام؟؟؟؟
نجود/لاتتحسبين وروحي دفعي قيمتها وانا بسبقك على المطاعم ميتة جوع....
جواهر/طلبي لي من البردوني ورق عنب وتبولة...
نجود/بروح اصف سرى اول عند سبايسي ميل وبعدها يصير خير...(على فكرة سارة بنتي تموت على سبايسي ميل هههههه)
/////////////////////////////////////////////
اليوم الثاني.....
ام ناصر./اقول يابو علي....ليش ماتروح مع نجود انت وتشوف معها الوضع كيف بيكون....
ابو علي/وانا اخلي اشغالي واروح اقابل بنتك هناك؟؟بيروح معها اخوها..وبعدين هي ماهي بصغيرة ولاهي رايحة مكان ماتعرفه رايحة الرياض ياام ناصر؟
ام علي/شوي وتقولين له اروح معك انا بعد والحجة نجود؟
ام ناصر/انتي سكتي وماحد كلمك....
ابو علي/ها بتشغلونها حرب من جديد؟؟؟لاتخلوني احلف اتزوج عليكم وحدة صغيرة واجيبها على قلبكم!!!!!
سكتوا حريمه وهم يطالعون في بعض....
الزوجة الاولى ام علي(وعندها علي اللي تكلمنا عنه..ورحاب وهيا...
رحاب/متزوجة ولد خالتهاعمرها سبعة وعشرين وعندها احمد وحامل بالثاني اللحين..و علشان شغله بالبر تكون عندهم بالعشرة ايام وبالاسبوعين واذا رجع تروح معه شقتهم....
هيا....البنت اللي بعد رحاب وعمرها واحد وعشرين سنة...بكلية الدمام...
طويلة وبيضة مثل امها واخوانها من امها..شعرها اسود ناعم يوصل لااكتافها..الشي الوحيد اللي تحبه بها العالم نجود اختها من ابوها..تلاقيها طول يومها واقفة عند باب غرفتها علشان تلبي طلباتها لو بغت شي...نجود قدوتها بكل شي....وماتطيع غيرها..وتغار من كل اللي تحبهم نجود وخصوصا جواهر....
**ام ناصر(ناصر ولدها الكبير...عمره ثلاثين سنة..اسمراني ومملوح وحبوب مع الكل مشكلته متخوف من الزواج وكل ماشاف حال اخوه علي يتراجع عن الفكرة اللي امه تحن عليها طول الوقت...بس شهم ووقت الشدايد تلاقينه بالصف واقف.....
نجود ...تجي بعد ناصر وبعدهم نورة....اللي بثاني ثانوي...وفيها شبه كبير من نجود اختها بس الاجسام هي اللي تفرق يعني هاذي اطول من نجود واملى شوي.....واطيب قلب منها....)
ابو علي/ها اشوفكم سكتوا ثنتينكم؟
ام علي/وش تبينا نقول بعد يبو علي؟
ام ناصر/الا صدق بندر مرك البارحة سالني عنك وقلت له بالقهوة مر سلم عليك؟
ابو علي/أي مرني وسلم علي..بس نسيت اساله كم بيقعد هناك؟
ام ناصر/على مااعتقد سبعة شهور...
ام علي/اللحين الشغل باعثينا سبعة شهور؟
ام ناصر/لا..هو يقول شكلها مودورة شكلهم بينقلونه جدة علطول بس مايبي يقول لاامه لين يتاْكد؟
كملوا سوالفهم مع بعض وكاْن شي ماصار بينهم وهاذي عادتهم كل يوم مع بعض من تزوجوا لين كبروا عيالهم....!!!
//////////////////////////////////////////////
في الرياض....
سارة/مروة بسالك كيف يسوون الايميل؟
مروة/ليش تسالين؟
سارة/بسويلي واحد طبعا ليش اسال يعني؟؟؟كل اللي معي عندهم ايميلات الا انا!!تصوري؟
مروة/يمه منكم يابنات متوسط توكم اول متوسط وجوالات وايميلات وحركات!!!بس تروحون ثانوي وش بتسوون؟
سارة/كل اللي يخطر في بالك واللي مايخطر بعد!!!!
مي/انتي هنا وانا رحت لك قسمكم ادورك؟
لفت لها سارة/أي جيت قبل شوي.....خلصتي واجباتك؟
مي/نص ونص ....اليوم في وحدة سالتني عنك يامروة تقول مستحيل هاذي اختك وان انتوا خوات ابلة منال ؟؟؟
مروة/انتوا متى جيتوا قسمنا بالله؟
سارة/انا عن نفسي ماجيت لاني مااحب اجي بقسم ثانوي ولابعلله ها المعلمات اللي رايحين فيها؟؟
مروة/هههه انتي شفيك كله شابة لنا بالناس ومو عاجبك احد؟؟؟
سارة/كيفي مو بنت ابوي مايعجبني غير ابوي واللي له عندي شي يجي ياخذه؟؟؟
مروة/ههههههههه ضحكي مي ليش ماتضحكين ولا علشانك نفس ها المراهقة مايدة اسلوبها العسل هههههه
مي/مالت عليك بس!!! وبعدين لاتقولين مراهقين لو سمحتي؟؟؟
مروة فطست ضحك عليها وعلى تفكيرها....
عيلة بو مشاري مكونة من ام مشاري طبعا انسانة شديدة وكلمتها وحدة ..
مشاري/الولد الكبير بالعيلة متزوج من لمياء العبد الله من الشرقية وعندهم بنت صغيرة اسمها مريم..
رحاب/متزوجة ولد خالتهاعمرها سبعة وعشرين وعندها احمد وحامل بالثاني اللحين..و علشان شغله بالبر تكون عندهم بالعشرة ايام وبالاسبوعين واذا رجع تروح معه شقتهم......
منال/عمرها خمسة وعشرين سنة مدرسة تاريخ انخطبت مرة وفكت بنت هادئة وحبوبة وشخصيتها رزة مثل امها..
محمد الولد اللي يجي بعدها واللي ماخلى بنت بالرياض ماشبك معها وكل العيلة عارفته وعارفة سوالفه وسواد وجهه..بس قلبه طيب وعسل..
