اول ليلة برمضان هلت بالرياض هالسنة غير على فهد ...
لان ابو مصعب نزل وكان معهم وبيظل معهم علطول...ولان نجود جنبه..
وعاطية حياته رونق خاص.....
كلها اسبوع بس ويروح يخطبها من ابوها وتصير نصيبه وتكمل معه باقي حياته وتعوضه عن اللي راح وعن اللي فقده...
ابو مصعب/فهد...علامك سرحان وصافن ومنت معنا؟
مصعب ابتسم/الظاهر فطورنا الليلة ماعجب خالي!!
فهد/لا..مو كذا..بس عندي سالفة وقاعد افكر فيها..
ابو مصعب/خير ياخوك قول...في شي مضايقك؟
فهد تنهد/بوقتها بتعرف يابو مصعب بوقتها...لاتستعجل ترى قربت تصير...
ابو مصعب/على خير..انا بعد عندي معك سالفة..
فهد/شنو...
مصعب/خل نتقهوى بالاول وبعدين سولفوا مثل ماتبون؟
ابو مصعب/لا مدام المجلس فاضي ومافيه احد خل نسولف على راحتنا ياولدي..
فهد باهتمام/خير وانا اخوك....
ابو مصعب/هم بصراحة سالفتين بوقت واحد...الاولى ان في واحد متقدم لفوزية من عيال الماجد..بعطيك اسمه بعدين واذا قدرت تعرف لي عنه شي خبرني لاني مااعرف ها العيلة ....
فهد/أي...والسالفة الثانية...
ابو مصعب/اني ابي اشاركك بمشروع....
//////////////////////////////////////////////////////////////////////////////
وحتى بالشرقية كانت بعد غير وخصوصا بفندق الكارلتون بين لبنى وعزوز...
لبنى/ماتدري شقد انا فرحانة لاني قاعدة معك باول ليلة وبنفطر مع بعض؟
عبد العزيز بارتباك وهو يتلفت حواليه/انا خايف احد يشوفنا....
لبنى/حبيبي شفيك...هاذي البارفانات حاجزتنا عن الكل....وين بيشوفونه؟
عبدالعزيز/واحنا قايمين واحنا قاعدين..الا مابيشوفنا احد نعرفه؟
لبنى/لاتخاف الناس اول ليلة برمضان تفطر ببيوتهم ماتطلع..ماتشوف الفندق معظمه اجانب مافيه كثير سعوديين؟
عبدالعزيز/ولو..
لبنى/حبيبي...بنقعد متضايقين كذا لين متى بالله!!
عبدالعزيز/لين نطلع ونقعد بالسيارة ساعتها برتاح؟
لبنى/اقول افطر ولاتخرب علينا شوفتنا حبيبي قلبي....
عبدالعزيز/كيف بعدين حياتي....
لبنى/بروح معك؟
عبدالعزيز/وين معي؟
لبنى/على مارينا مول...
عبدالعزيز/ماراح نروح الا بعد التسع ..طول ها المدة وش بنسوي فيها؟
لبنى/نمشي مع بعض على البحر.....
عبدالعزيز/لبنى...كيف وضعك قبل لاتطلعين...قدرتي تطلعين ولا صارت لك تعكيرة.؟
لبنى/لا...اليوم عمي وابوي يفتحون ديوانيتهم ويفطرون فيها ومانشوفهم الا اخر الليل....قلت لاامي اني بفطر مع شمايل لانها مسوية الفطور الليلة علشاني لانها تدري اني ماراح اقدر طول الشهر....وبالموت رضت؟
عبدالعزيز/بعدين انا ماراح ارضى انك تفطرين مع اهلك بتفطرين معي كل ليلة؟
لبنى/متى ياحبيبي متى....تصدق من كثر ماافكر في الايام اللي بتجمعنا مع بعض عشت الجو وقمت اتخيل اني فعلا اخذتك و..
عبدالعزيز/قريب يالبنى قريب.....انتي بس قولي ان شاءالله,,
/////////////////////////////////////////////////////////////////////////
نجود/ماشكله الفطور عجبك ..
عبير بهدوء/الحمد الله..
نجود/هو صحيح فطور متواضع بس يمشي الحال,,
عبير/الحمد الله شبعت..
نجود/عبير...ممكن نتكلم...انا تعمدت اتركك يومين ومااسولف معك علشان انتي تاخذين راحتك وتتكلمين اذا تبين فماحبيت اضغط عليك...بس صار لازم نتكلم...
عبير ودمعة بعينها/شنقول؟
نجود/مالازم بنظرك نتكلم بالطلاق؟
عبير/............
نجود/ادري ان الموضوع صعب ويجرح بس ملزومين نتكلم فيه؟
عبير تنهدت وسكتت...
نجود/بعد ماتركتكم شلي صار؟
عبير/هو يبيها يانجود واختارها..
نجود/أي...
عبير بحسرة/وسالته يطلقني ووافق بدون تردد!!!كنت هم قاعد على قلب علي يانجود ومو حاسة على نفسي!!!
حتى بعد ماحسيت بتغيره....كان مجرد تغيير زائف ومؤقت لين يضبط اموره معها؟
نجود/لاتظلمينها ياعبير يمكن هي فعلا مالها ذنب بالسالفة...وهو اللي حاط في باله ها الشي....انا بلتقي فيها وبعطيها كم كلمة وبستشف منها اذا هي لها يد بالموضوع ولالا؟
عبير/انتي....تعرفينها صح؟
نجود/تراها موجودة هنا بالرياض؟
اكتفت عبيربانها تناظرها ...
