يوم تروح الرياض مع نجود والورد اللي جابه لها بالمطعم...
جيته كل اسبوع ووقفته قبال بيتهم بالساعات....الورد اللي كان يحطه لها...يوم تنزل تهاوشه لوقفته قبال بيتهم واعترافه لها بان مشاعره ماهي بيده وانه بيظل يحبها لااخر يوم بحياته حتى لو ماكانت له وكانت بعيدة عنه...واخر شي الثوب اللي جابه لها ولبسته وهي ماتدري انه منه,,,,,
نزلت عيونها وهي تتذكر كل شي وظل يناظرها بصمت وكانه يحاول يستجمع كلماته اللي طارت منه..
مسكت الورقة وكتبت له /مصعب..شكرا..بظل شايلة جميلك على راسي...
عطته الورقة وناظرت بالارض....
كان يقراْ كلماتها وهو يتخيل صوتها الواثق وهي تبهدله قدام بيتهم بكل عصبية وخوف ان احد يسمعها...
قال لها بثقة وهو يناظر فيها/جواهر انا حبيتك بدون مااشوفك ولاحتى اعرف عنك أي شي... حبيتك من عيونك ومن ثقتك ومن كل شي كان يجذبني ناحيتك....
حتى يوم عرفت انك مرتبطة ولسه عارف ان عرسك بعد اسبوع بس هذا مو مغير شي من مشاعري ناحيتك...انا احبك ومشاعري وعواطفي لك فوق كل شي وفوقي انا نفسي..كم مرة منعت نفسي من التفكير فيك ومنعوني اللي عارفين عن حبي لك..بس صدقيني اللي انا احس فيه ناحيتك ماممكن يتغير بيوم وليلة وبلحظة من اللحظات..تعرفين ليش....لان عاطفتي ناحيتك صادقة وطالعة من قلبي ,,,
قال كلماته بحرقة وطلع ومادرى انها مااثر فيها غير كلمة وحدة بس...(عارف ان عرسك بعد اسبوع)أي عرس يامصعب أي عرس؟؟؟
مابقى فيها عرس بعد خيانة بندر اللي جرحتني...بندر اللي حبيته من كل قلبي واللي كنت احطه بوسط عيني واداريه يطلع متزوج !!!ليش؟؟؟ليش كذب عليّ ليش؟؟
والقاعة اللي كان واهمني انه مسويها باسمي وعلشاني طلعت ماهي له وهو مجرد ديكور بالسالفة؟؟؟؟والمصيبة ان انا وهي بننزف بنفس الليلة؟؟؟أي صدمة بعد انتظر منك ياحبيب قلبي أي صدمة؟؟؟؟
//////////////////////////////////////////////////////////////////////////////////////////////////
بندر بروحه كان حاير ودموعه فوق خدوده وماهو عارف وين يروح ولمن يلجاْ؟
جواهر....وينك فيه ياقلبي...وين ممكن تكونين رحتي؟
لاهي راضية ترد على اتصالاتي ولا على مسجاتي وتطمني عليها.,,,لكن استاهل انا النذل اللي تركتها تغيب عن عيوني ومالحقت عليها قبل تضيع...
وينك ياجواهر وينك...معقولة تكون راحت المطار؟؟
أي ليش لا...خلني اتصل في بيتهم واشوف هي وينها فيه....
مسح دموعه وحاول يكون طبيعي بقد مافيه واتصل في بيتهم ويمكن رحمة الهية ان محمد اللي جاوبه,,,,
بندر وهو مرتبك وتعبان/محمد..ادق لجواهر جوالها ماترد لي...
محمد/يمكن راحت المطار..خبرك رايحة ترتب اغراض نجود بالرياض وبترد المطار..يمكن اللحين راجعة؟
بندر/............
محمد/بندر وش فيه صوتك؟
بندر/ها..لاولاشي...بس ماخذ لي برد وتعبان شوي..
محمد/مادورت تاخذ برد الا قبل عرسك باسبوع؟؟؟شوف ياتطيب يا ماتاخذ اختي وتعديها وتمرضها؟
بندر مايدري اذا رد على محمد ولاسكره بوجهه كل تفكيره بللي راجعة الشرقية...
اكيد انها رجعت اللحين....
ياربي شنو ممكن يصير وعرسنا باقي له اسبوع بس؟؟؟دق قلبه وهو يفكر بها الشي...معقولة جواهر تكنسل العرس؟؟؟؟لالالالالا مستحيل...هذا الموت بعينه..والله لو تتركني اموت....لاياربي لالالالا انا احبك ياجواهر احبك صدقيني احبك....
قام يركض لسيارته علشان يوصل المطار وينزل على اول رحلة لجدة,,ويلحق عليها قبل لاتتخذ أي قرار ويشرح لها الموضوع ويتاْسف لها عن اللي صار...
/////////////////////////////////////////////////////////////////////////////////////////////////////
وحدها دلع كانت قاعدة بقهرها.......
من جت جواهر وطلع بندر وراها مثل المجنون مارجع,,ولاحتى قاعد يرد على تلفوناتي له وسافطني؟
شعليه عاد يابندر من زينك لو من زينك..نسيت اللي اكلتك وشربتك وخلتك تصير فوق؟؟؟
بس على مين على دلع...طيب بعدك انا حرقت قلبها مرة وحدة باقي بعد اذا ماصدق اكنسل عرسكم من الاساس مااطلع انا دلع..
وبدل البطايق اللي باسم بندر وجواهر بتصير باسم بندر ودلع وبتشوف؟؟
ههههههه زين يابندر...رايح تراكض ورى جواهر..يامسكين..ناسي انك انت اللي خدعتها وخنتها..يالله قول وش بتعتذر لها اللحين وكيف....
ورينا شطارتك ياولد السبيعي...
وبتجيك مني مفاجاْة ولايهمك...تقدر تقول هدية العرس,,,,
//////////////////////////////////////////////////////////////////////////////////////
عبير بصرامة/خير تراك ازعجتني بكثر اتصالاتك ياعلي؟
علي بارتباك/..اسف بس كنت ابي اتكلم معك؟
عبير بهدوء/قول وش عندك؟
علي/ممكن نلتقي بمكان ونتكلم على راحتنا بالتلفون ماينفع؟
عبير بصرامة ولااول مرة/طبعا لا..اذا تبي تقول شي قوله بالتلفون ولاعندك البيت تعال قوله...
