بندر/طيب حبيبي طيب...وش فيك كذا تكون لذة الحب..زفراق وبعد وبعده لهفة وشوفة وسوالف خربوطية؟؟؟
جواهر/المهم حبيبي انا بروح احضر الطابور اللحين بعدين ادق لك اذا خلصت حصصي....
بندر/بنتظرك ياقلبي.....
///////////////////////////////////////////////////////////ساد الهدوء غرفة المعلمات بعد ماكان الهرج والمرج طاغي عليها بعد مادخلت ابلة ابتسام مديرة المدرسة وبجانبها نجود السبيعي بكامل اناقتها ورزتها وشخصيتها وعنفوانها.....
ابلة ابتسام/وهاذي غرفة الابلات ياابلة نجود......هاذي ابلة نجود السبيعي من الشرقية ابلة العربي الجديدة اللي بتكون محل ابلة وئام.....اتمنى تكونون قروب واحد وماتصير في أي خلافات بينكم.....تفضلي هذا مكتبك اللي بتقعدين عليه..ومثل ماقلت لك المراقبة مها عندك لو احتجتي أي شي.....اتركك انا اللحين.....
صارت العيون كلها تتفحص نجود وبداْ الهمس يطلع وهي مشت بكبرياء لمكتبها وقعدت بعد ماحطت كتبها وشنطتها البيج فوقه.....وبدون أي مقدمات لقت وحدة من المعلمات واقفة على طولها قبالها...
الابلة/انتي متزوجة؟؟؟؟
صدمة نجود بالسؤال لقت اجاباتها على وجوه المعلمات واللي كانت تضحك بهمس واللي كانت تطالع المعلمة باحتقار وبنجود باعجاب واللي مالها فيهم اصلا واللي واللي واللي!!!!
نجود بقوة /عفوا!!!!
الابلة/سالتك متزوجة ولالا؟
نجود/لا...
الابلة قامت تحلطم وتدعي وطلعت من الغرفة...
////////////////////////////////////////////////////
/////////////////////////////////////////////////////////////////
البارت الثالث
,,,,,,,,,,,,,,,,,,,,,,,,,,,,,,,,,,,,
نجود/لا...
الابلة قامت تحلطم وتدعي وطلعت من الغرفة...
نجود لفت للمعلمات باستفسار وقالت وهي تنتظر أي اجابة من أي احد/شفيها هاذي بالله!!!
وحدة من المعلمات نطت عليها/لاتشيلين بال هاذي زوجها ابو عيون زايغة ومعلمتين قبلك جونا انتداب وارتبطوا معه بعلاقة وهمية وصارت تكره سيرة المعلمات اللي مو متزوجات؟؟
نجود بعصبية وحدة بينت ملامحها الجذابة وشخصيتها القوية/ماتروح تلم زوجها وبيتها بدل ماتقعد تدعي على العالم!!!!صدق ناس ماعندها ذوق ولاتفهم بالاصول؟؟؟؟
تلفتت لوجوه الكادر اللي موجود بغرفة المعلمات الاغلبية كلها كبار بالسن ومن اجيال معمرة ومافي غير ثلاث تقريبا من عمرها وبجيلها.....تنهدت وحست البداية صعبة...وينكم يامدارس الضهران بس...لو تدرون شقد انا حانة لكم كان ماخليتوني اجي هنا......
////////////////////////////////////////////////////
في الكلية....
هيا/لبنى انتي وينك؟
لبنى بارتبك/ليش تسالين؟
هيا/ملانة وجيت لعندك مو انتي قلتيلي ماعندك محاضرات بدري اليوم؟
لبنى/ها..اي....بس انا رايحة للمراقبة هاذي مدري شسالفتها حاطتني غياب وانا حاضرة؟
هيا/مطولة عندها يعني؟
لبنى/والله مدري وقت ماتتفرغ لي وتشوف سالفتي؟
هيا/طيب لاخلصتي دقي علي بشوفك وين...
لبنى/طيب..
هيا/احذ لك شي من الكافتريا؟
لبنى/لا ماابي.....
هيا/باي.....
لبنى سكرت من هيا وتنفست الصعداء لانها كانت بمجمع مارينا مول....وماراحت الكلية؟؟؟؟؟
ركبت علطول للدور الثاني وراحت يمين تدور المحل اللي يشتغل فيه عبدالعزيز لانه قايل لها اليوم بيدوام الصباح...
ودخلت المحل.....
وتلفتت تدوره بعيونها وماشافته...
لبنى في نفسها/وش ها الحظ الردي بس!!!!جاية اشوفه وماهو هنا؟؟؟كيف يقولي ان هذا المحل اللي اشتغل فيه وانه بيدوام اليوم من الصباح؟؟؟
كانت واقفة عند ركن كله تنانير جنز قصيرة....وتصير قبال الكاشيروهي وقفت هنا بالذات علشان تشوفه بس خاب املها...
وجاها صوت من وراها/كيف ممكن اخدمك....
لبنى لفت وهي عارفة صاحب ها الصوت زين....
يوم لفت لقتها واقف بلبس المحل والقميص الابيض والبنطلون الاسود...وربطة العنق(ههههه حلوة كتير ماهيك)
لبنى بهمس/شلونك...
عبدالعزيز انصدم يوم شافها وارتبك بتفس الوقت....وحس انه تفشل......
لبنى رفعت تنورة من الموجودين عللشان ماتخلي الجو بينهم متوتر.......
لبنى/كم مقاسها ذي؟
عبدالعزيز/عفوا؟؟
لبنى بضحكة/يعني اقصد وش المقاس اللي بيناسبني؟؟؟
عبدالعزيز وهو حاس ان المسئول اللي معه يناظره اخذها من يدها وقال بجدية/في عندك ثلاثة الوان...الاسود والازرق الفاتح ..والزيتي....انتي حابة أي لون فيهم؟
لبنى بهمس/اللي تشوفه؟
عبدالعزيز وهو مرتبك/طيب هذا الاسود...اي مقاس طلبتي ...
///////////////////////////////////////////////////
نجلاء/انت اصلا كسلان...
فيصل/انا مو كسلان..انا رجال...
نجلاء/والرجال مايبي يتعلم علشان بكرة تصير له هيبة ومكانة بين الناس؟؟
فيصل/بلى..بس اللي مو حاب يتعلم مايجبرونه....
نجلاء/الله يسامحك بس يافهد؟؟تاركك على راحتك...يايمه يافيصل ياحبيبي لازم تروح الروضة اللي كبرك تعلموا الارقام والحروف من زمان وانت شاطر لي بس بطوالة اللسان؟؟؟؟
فيصل/لاتدوخيني ؟؟؟قلت لك ماابي اروح.....
نجلاء/انت ماتبي تصير مثل ابوك....كل الناس تهابه وتحترمه؟؟؟
فيصل/اكيد بصير مثله مو ولده؟؟؟؟وبعدين اذا فتحتي معي نفس الموضوع مرة ثانية بقول لاابوي انك قلتي فهد قدامي ماقلتي بو فيصل وبصير اسميه فهد واذا قال لي بقول انتي دايم تقولين كذا وانا سمعتك وش ذنبي يعني؟
نجلاء وهي فاتحة عيونها على وسعها/انت ولد ولاعدو؟؟؟
فيصل/الاثنين؟
نجلاء/هذا واللي اقول اذا رجت الروضة بنام واقعد على راحتي!!!!!!والله انها راحت علي منك ومن اخوانك؟
//////////////////////////////////////////////////////////المراقبة مها./ان شاءالله بس تعرفتي على زميلاتك ابلة نجود؟؟؟
نجود ناظرتها بدون ماتتكلم وهي حاسة بالضيق...رغم وسع الغرفة....
المراقبة مها/وقت اللي تبين تاخذين لفة على المدرسة وتشوفين الفصل اللي بتدرسينها عطيني خبر؟
وقفت نجود وقالت بثقة/اللحين..
مها بدهشة/اللحين؟؟
نجود باصرار/أي الجو مو حلو هنا..خلنا نشوف الفصل والمدرسة ابرك؟
////////////////////////////////////////////////////
في مكتب فهد الفارس..
كان قاعد ومعه زميل عمره سالم الشبيلي واللي كان يعتبره اكثر من اخو....
طبعا سالم الشبيلي متزوج وعنده ثلاثة اولاد وبنتين اكبرهم بثالث متوسط....ودايم مشاكل مع زوجته ومقررين الانفصال لانه ابو عيون زايغة حسب مايوصف نفسه...يحب فهد ويحب عياله ودايم يحاول يغير منه بس فهد عاجبته حياته على هدوئها)
فهد بجدية/انت متاْكد ان هذا هو الحل الاخير؟؟
سالم بثقة/طبعا؟؟؟؟
فهد/أي بس لاتنسى ان عندك عيال وانت تبيهم وهي تبيهم ياسالم؟
سالم/العيال بيظلون عندي...انا ابوهم ومااقدر استغني عنهم ؟
فهد/وهي بعد امهم وماتبي تتركهم عندك كذا!!!!
سالم/وشسويلها بالله!!!قلبت البيت علي وسوته جحيم؟؟؟
فهد/يعني انت بعد ماتقصر كل يوم وطاق لي طائرة ورايح دبي ولاالبحرين؟؟؟؟وريحتك طلعتك ياخوك مايصير هي ولاغيرها مراح ترضاها انك تخونها وتسكت؟؟؟
سالم/وشسوي انا بنفسي يافهد؟؟؟؟قلبي رهيف على البنات ماقدر اقاومهم؟؟؟يجننون؟
فهد/مايصير ياسالم مايصير؟؟؟كم عمر ولدك محمد؟؟؟صار بثالث متوسط وانت بعدك على سوالفك يام المراهقة ماتغيرت؟
سالم باصرار/ولاراح اتغير بعد!!!!يبى خلني اعيش حياتي...ها الزوجة حكر علي؟؟؟لاتفهمني ولاتلبيلي الشي اللي انا ابيه!!!!انا احس ان علاقتنا ماطرة باطار واحد وياويل اللي يميل عنه؟؟؟يبى الزواج تفاهم ..الزواج يعني راحة...تفضفض اللي بقلبك...تلاقي لك انسانة تسمعك...تحسسك انك بعدك بها الدنيا...مو تدفنك بحجة انك صرت ابو؟؟؟؟واذا صرت ابو بالله وش فيها ذي؟؟؟؟خلاص تتسكر كل الابواب قدامي لاني ابو؟؟؟؟؟ومشاعري اللي كاتمها بقلبي!!!يبى انا رجال احس وفيني غرايز ابي من يطلعها...ابي وحدة تقعد تسايرني ...تسولف معي..تسمعني اذا شكيت...تخفف عني المي وهمي وتعب شغلي؟؟مو ماعندها غير البيت يبيله والبيت قاصره والعيال يبيون ونبي نروح هنا ونبي نجي هنا!!!!والله مللتني بعيشتي ياخوك؟؟لعلمك انا مافكرت اخونها الا من تصرفاتها معي...انت عمرك شفت وحدة ماتقعد مع زوجها ياطالعة بحفلات استقبال ومواجيب ولابتقعد لي تبي وتبي وانت ماتهتم بالعيال وماتعطيهم ولاتجيب لهم.....ورتني الجانب الاسواْ من الزواج ياخوك يافهد صدقني....مافي غير الطلاق.....احفظ لي ولها ولكرامتها!!!
فهد تنهد....../تبيني اكلمها؟
سالم بضحكة/وش دعوة ماكلمتها وفهمتها من قبل؟؟؟كم هوشة تهاوشت معها علشان ها الشي؟؟؟يبى انا جايب لها كل اللي تبيه وتطلبه....تروح السوق تبي تاخذ غرض محدد اطلع صارف عليها لوحدها فوق السبعة الاف ريال ارجع ابي اشوف شي من اللي شريته لها عليها ولابسته مافي...لازم اول تلبسهم بحفلاتها وتكشخ قدام اهلها والزوج هذا على جنب؟؟؟يبى تعالي اخذي مابخاطري اساليني شفيك شلي مضايقك؟؟؟ههههه تدري شتقولي يافهد..تقولي كلنا متضايقين مو بس انت ههههههههه
فهد/ياخوك لاتنسى انها مو من بنات ها اليومين وكبرت ماهي بصغيرة علشان ..
قاطعه سالم/وش اللي كبرت بعد!!!!اشوف ماكبرت على الطلعات والروحات والجيات؟؟ماكبرت على عمليات التجميل اللي تدفعين فيهم النون ومايعلمون؟؟ماكبرت على اللبس وال....كبرت علي انا بس...لاهي تبي تقول ان انا اللي كبرت ولازم اطلع تقاعد؟؟لكن وين وعلى مين.....بعيش حياتي بالطول وبالعرض وماهي هامتني...
فهد/طيب والعيال يافهد ليش مابتخليهم عندها؟
سالم/عيالي عندي علشان لاتطالبني بنفقة وتصرفها على نفسها؟؟؟انا فاهمها زين...اهلها ناس على قد حالهم وهي ماشافت الدنيا الامعي..بس ماحمدت ربها علي وعلى النعمة اللي عيشتها فيها...وماراح اخلي عيالي يكونون هناك ويقعدون محتاجين لااي شي وانا موجود يافهد...
///////////////////////////////////////////
اول مافتحت المراقبة مها باب الفصل قعدوا البنات اماكنهم بسرعة وساد الهدوء الفصل مرة وحدة....واتجهت الانظار لنجود اللي دخلت وراها...
مها تكلم نجود/هذا فصلك اللي بتكونين مربيته ياابلة نجود؟...بنات هاذي ابلة نجود السبيعي مدرسة اللغة العربية الجديدة.....
سكت الفصل كله وقام يناظرها...وملاك اللي كانت ماسكة جوالها والسماعة بيدها قالت بصوت عالي/تشرفنا والله!!!!
كانت قاعدة باخر الصف وجنبها وحدة من اتباعها اللي ينفذون كل طلباتها..وابتسموا بعض البنات لان المراقبة نفسها ابتسمت..
نجود بعصبية مصحوبة بسخرية/لاوالله!!!!
المراقبة مها/احم احم..تعالي شوي ابلة نجود.....
طلعت معها برى الفصل....
نجود/خير ان شاءلله؟
مها/هاذي ...لاتحطين لسانك بلسانها اذا تبين السلامة على نفسك...
نجود بدهشة/ليش؟؟؟؟
ملاك/هاذي بنت ماجد الفايز....راس ابوها عود ومن هوامير الرياض اذا ماعجبتيها لو حطتك في بالها بتوديك ورى الشمس؟؟
نجود بسخرية/وليش جايتنا بمدرسة حكومية يوم راس ابوها عود ومن الهوامير؟؟؟ياكثرهم المدارس الخاصة بالرياض وبغير الرياض؟؟؟؟
مها/مو هي بالابتدائي والمتوسط كانت بمدارس خاصة قالت ها السنة هاذي بتغير وبتجي مدرسة حكومية تتسلى وبعدها بترجع مدرسة خاصة؟؟
نجود فتحت عيونها على وسعها وبانت حلاوة عيونها مع العدسات الرمادية اللي كانت حاطتهم/قلتيلي تتسلى!!!طيب..خير ان شاءالله؟؟
قالتها وفتحت باب الفصل ودخلت وهي في بالها تقول(والله احطك براسي يابنت الفايز واوريك نجوم القايلة؟؟؟)
نجود وقفت ورى الكرسي المخصص لها ...وحطت يدينها عليها وتوكت عليه../نتعرف على بعض ولاحابين نبدي بدرس اليوم؟
البنات باعتراض/لا نبي نتعرف على بعض!!!
نجود مشت لااول جهة عند البا/طيب مو مشكلة...نتعرف على بعض.....شسمك انتي؟
نور......هنادي...مروة....الجازي.....ريم....هبة...س ارة....لمياء....شمة....هيلة....ميثة.....مزنة.. احلام.....العنود.....
ووصلوا للجهة الوسط ولااخر صف واللي كانت جالسة فيه ملاك.....
وماسكة جوالها بيدها وتلعب فيه...
نجود/وانتي شسمك؟
ملاك طنشت وماردت عليها...
نجود بسخرية/بدون اسم!!!اسمك بدون اسم!!!هلك نسوا يسمونك؟
لفت لها ملاك وطالعتها باحتقار ورجعت لجوالها وقبل لاتمسكه وصلت يد نجود له واخذته منها ....
ملاك بعصبية/جيبيه؟؟؟
نجود/حلوة ذي؟؟؟؟؟تبينا اخذيه؟؟؟
ورمته قدام بقوة لين ضرب الجدار وانكسر وكل البنات قلوبهم وقفت ..وملاك ثارت فيها براكين الدنيا.....
ملاك بكل عصبية/ياسلام عليك؟؟؟كذا سويتي فيه؟؟؟؟؟
نجود/طلعي برة؟؟؟واذا ناوية تدخلين حصتي مرة ثانية لاتد..
قاطعتها ملاك/من زينك لو من زين حصتك عاد!!!!لكن بتشوفين انا اوريك وانا بنت ابوي؟؟؟؟
وطلعت من الفصل بسرعة وكل البنات قلوبهم ودعت الابلة الجديدة اللي ماراح تكمل يوم جديد بالمدرسة.....
اما نجود ماهمها شي وكملت تعرف على باقي البنات بالجهة الثانية اللي قلوبهم وقفت من الخوف.....
//////////////////////////////////////////////
على سفرة الغذى في بيت السبيعي....
ام بندر/وحشة لبندر....
مضاوي/يابعد عمري ياخوي....اذا نزل بروح معه مو تاركته بروحه هناك؟
لبنى/وش دعوة عاد بزر؟؟؟؟
هنوف/ههههه أي واللله تلاقينه خارب الدنيا هناك...
ام بندر/عيونكم على ولدي باردة؟؟؟اصلا انا قايلة بزوجه ...
عبير اللي كانت تتغذى معها تنهدت وتركت الملعقة من يدها وناظروا فيها كلهم....
ابو بندر/فيك شي يبى عبير؟
عبير/لا يبى سلامتك......
لبنى/شارية لك شي يجنن...
هنوف بلقافة /متى شريتي وانتي كنتي بالجامعة؟؟؟
لبنى توهقت/ها...
هنوف/لايكون مارحتي الجامعة اليوم بس؟؟؟
ابو بندر/ولايكون انتي المسؤل عن البيت ياهنوف وانا ولاشي؟؟
هنوف/هههه لابس استدرجها يبى؟؟علشان اذا هي غلطانة تقول الصدق....
لبنى/حلوة ذي شايفتني مجرمة بالله!!!اصلا وحدة يوم الاربعاء كانت جايبتها لنا وتقول ان اخوها ماخذ بضايع وفاتح له محل واذا نبي بتعطينا ايهم بسعر زين..انا عجبتني وقلت منو عندي غير اختي حبيبتي اشتريها لها؟؟؟فاليوم جابتها؟؟
هنوف/احسها قصة حتى اللي بالابتدائي يقدرون يقولونها؟؟؟؟؟
لبنى بعصبية/صدقتي ولابكيفك؟؟؟
هنوف/هههههههههههه
////////////////////////////////////////
في بيت الفارس.....
مروة/وبعدين طلعت والشرر يتطاير منها؟؟؟
ام مشاري/بنت الفايز؟؟
مروة/أي يمه؟؟؟
منال/يعني راحت فيها بنت الناس؟؟؟
مروة/ماحد قال لها...اصلا ابلة مها اخذتها على جنب وقالت لها لاتقربين من ملاك بس هي ماطاعت؟؟؟؟
مي/معناته بكرة ابو ملاك بكبره بيجي المدرسة؟
مروة/عادي تسويها ملاك تجيب ابوها ليش لا؟
ام مشاري/بنت..انتي وياها بصف لكن ياويلك اذا قربتي منها ها الاشكال انا مااحبها واخاف منها؟
مروة/يمه قولي لبنتك وبنت حماك هم اللي يقعدون معها ويكلمونها موانا؟؟؟
ام مشاري بعصبية/ووجع ياميوه مو قايلة لك ماتقعدين مع وحدة اكبر منك؟؟لاوبنت الفايز بعد!!!!
مي بتوعد/انا مالي شغل فيها هاذي سارة اللي تكلمها مو انا!!!!
ام مشاري/وجع يوجعك ويوجع سارة معك!!!انا سارة بقول لاامها بس انتي مالك شغل فيه؟؟اختك اللي معها بفصل واحد ماتكلمها تقومين انتي اللي اصغر منها تصاحبينها؟؟
مي بقهر/واله ماصاحبتها ولالي شغل فيها لامن قريب ولامن بعيد هاذي رفيقة سارة؟
منال بصرامة/خلاص عاد!!!قلنا لكم لاتصاحبونهاولالكم شغل فيها..انتوا ماتسمعون سوالفها وكل يوم ومشكلة معها وحدة؟؟ هاذي ماحد قدها..متى تطلع من مدرستنا بس ونرتاح؟؟؟
ام مشاري/وحشة لحمود...الصغير؟
منال/خليهم يمه جنبه مرتاحين كم يوم ...
ام مشاري/الله يسهل عليه وعليهم ان شاءالله..
مروة/كم شهر باقي لرحاب وتولد؟
منال/شهرين.....
مي/نبيها تجيب بنت ها المرة؟
ام مشاري/اهم شي السلامة......مريوم بعد لها وحشة.....
منال/امس ماشفتها راحت علي..ومشاري طبعا مابيجيبها اليوم لنا؟
ام مشاري/مسكين متى يجي علشان يرتاح.....
مروة/هههه معروفين الامهات بالعالم دايم يدافعون عن عيالهم؟
//////////////////////////////////////////////
بندر/وبعدين ياحلوة وش صار؟
جواهر بنعس/مدري.....
بندر/ها وقت النومة؟
جواهر/أي والله؟
بندر/انسي...مافي نوم انا بالدوام وانتي تنامين وترتاحين؟؟؟ترضيناها عاد؟
جواهر/حرام عليك نعسانة مووت؟
بندر/اقنعي قلبي اذا قادرة انا مااقدر اقنعه؟
جواهر/حبيبي ليه كذا عاد!!!والله تعبانة تدري فيني اذا مانمت الظهر يصير فيني شي؟
بندر/ياحبكم ياالحريم لنومة الظهر؟؟؟اللحين انا ابي افهم كلها كم حصة داومتوا فيها وباقي اليوم قاعدين سوالف وضحك ليش تبون تنامون بالله!!!!ماتشوفونا كرف طول النهارومانقول شي!!!
جواهر بنعس/بعدين بعدين اخ بندر..وفر محاضراتك لبعدين......
بندر باعتراض وضحك/لالالا مافيها بعدين ترى اقوم ادور لي وحدة جداوية اللحين تسليني في وقت نومتك؟؟
جواهر/ههه اذا تقدر سويها يالله تصبح على خير لاقعدت اكلمك؟
بندر بزعل/شوف ولاهمها بعد!!!!!ماني مسكر انا اللي متصل؟
جواهر/ليش العناد اذا كنت تحبني؟؟؟المفروض تشتري سعادتي وراحتي بعيونك؟
بندر/أي اخذيني من الجانب العاطفي وخليني اتنازل واخليك تنامين؟؟؟شوفي من اللحين اقولها لك اذا بعد الزواج تبين تواصلين تدريس شيلي فكرة نومة الظهر من بالك!!!!
جواهر/ههه معناته مافي زواج خلينا حب من بعيد لبعيد احسن ههه تصبح على خير ياقلبي!!!
//////////////////////////////////////////////
وحدها نجود كانت حاسة بالضيق والغربة ...
رجعت الشقة وهي ماتعرفت ولاعلى معلمة من المعلمات..لانها ماكانت تبي تصاحب كبار مرة كانت تبي تشوف اللي من جيلها...ويوم رجعت كانوا هم عندهم حصصهم.....
حتى يوم رجعت من المدرسة....ماشافت أي ترحيب من اللي معاها بالشقة...رغم انها رجعت بدري وصلت بسرعة وراحت لهم غرفهم لانهم كانوا مسكرين عليهم الباب..ويادوب تعرفوا على بعض بالسريع وعلى الماشي...وماعجبوها ولاعجبتهم تركيباتهم ثنينهم ماطبقت مع بعض وهذا وحده كان كافي انه يازمها اكثر واكثر!!!!
هي مايعجبها أي شي ولا أي احد وبنفس الوقت ماتبي تقعد بروحها طول الوقت ومعتمدة بس على مكالماتها مع اهلها وصاحباتها؟؟؟؟يكفي موقف بنت الفايز اليوم واللي ماتدري وش بيصير فيها من سبته بكرة؟؟؟؟؟
رجعت غرفتها بملل مرة ثانية وهي اللي طاردة فكرة النوم من بالها....
فتحت الثلاجة وطلعت كيس البريد وحطت لها جبن وكاس عصير وخمدت نامت وبلا وجع راس زايد؟؟؟؟؟؟؟
//////////////////////////////////////////////////////
في شقة علي.....
كان الاكل بارد بمعنى الكلمة...اثنين من عالم غريب رغم انهم عايشين ببيت واحد من الصغر!!!!ومتربين فيه لين كبروا....بس لوظلوا عيال عم وبس كان ماكرهوا بعض كل ها الكره اللي هم عايشين فيه!!!!
اه لوترجع ذيك الايام الصافية بين علي وعبير وترجع سوالف عيال العم وبنات العم مثل قبل....
كم صار لهم ماسولفوا مع بعض!!!!سنتين كاملين..كانت كل سوالفهم مجرد هواش في هواش ولا لفت نظر لبعض الامور المهمة..(اليوم العيد وابوك سال عنك؟؟لازم تروحين بيت خالتي لااتفشل اذا سالوني شفيك؟؟؟؟عمك بيسافر اذا تبي تسلم عليه؟؟؟اخوك مسوي حادث كلميه تطمني علي؟؟؟)
هاذي كانت اغلب سوالفهم اللي يجتمعوا فيها.....
ماعاشوا قصة حب مع بعض رغم الزواج اللي جمعهم....
علي وكان عايش قصة حب مع انسانة اختفت من حياته فجاْة وبدون مقدمات ومايدري ليش ولا وين ولاشنو صار لها بالضبط ولا هي عايشة ولاميتة؟؟؟؟كل اللي هو عايش عليه الذكرى!!!الذكرى وبس!!!!وهذا اللي خلاه يرفض زواجه من عبير ومايتقبله...ذكريات عايشة فيه ومو قادرينساها...وعبير بعد مافكرت تشيلها من باله وتنسيه كل شي....لانها هي الثانية كانت غرقانة بقصة حب فاشلة بعد؟؟؟؟كان الفشل فيها انها ماتواجهت مع اهلها ورفضت علي يوم خطبها عمها له؟؟؟حكمت على قلبها انه يعيش قصة حب فاشلة ويخلد ماْساتها بقلبها...كانت مشاعرها مثل البركان قطعت حبيبها بمجرد خطوبتها من علي واتجهت للحياة الزوجية الجديدة ببرود شديد ومشاعر اشبه بالجليد!!!!!!مافكرت تحتوي علي بين يدينها ويتكلمون عن عواطفهم وكاْنها كانت تنتظر من علي الصدود والهجران علشان ترجع تطرب اذنها بكلام حبيبها القديم اللي ماتعبت على مارجعت له!!!!!!
القاسم الوحيد بينهم كان بندر واللي يجيهم بين فترة وفترة يتعشى معهم ويغير شوي من الجو....البارد اللي عايشينا!!!!!
كان كل واحد فيهم ياكل وهو يفكر بعالم ثاني الطرف الثاني ماله أي دور فيه!!!!
هذا حالهم من زواجهم ولاراح يتغير بيظل مثل ماهو عليه...لااهل راضين يتدخلون ولا هم ناويين يقعدون ويتكلمون مع بعض بصراحة!!!!!صحيح علي مايعرف عن علاقتها بحبيها القديم واللي كانت كلها مكالمات تلفونية وشات لااكثر ولااقل بس هي كانت عارفة بانه يحب وحدة ثانية وان قلبه ماهو لها ولاراح يكون...لانها شافت اسم حبيبته عنده ومسجاتها القديمة بجواله القديم اللي مصر انه يحتفظ فيه ويطالعه كل ليلة قبل لاينام!!!!هالشي خلاها تكرهه اكثر واكثر واكثر!!!!
وخلا البرود بينهم يبني حواجز واسوار عالية مابيوصولن لها بسرعة.....
قام علي من السفرة بعد ماحمد ربه على ها النعمة....
وظلت هي ساكتة ماتدري وش تقول......
/////////////////////////////////////////////////////////////////تغذى مع عيلته وصعد لداره يريح قبل لايرجع المكتب من جديد.....
قعد على مكانه المفضل قبال النافذة الطويلة واخذ باكيت السجاير وطلع له وحدة وولعها وحطها في فمه.....
صار يفكر بكلام سالم صاحب عن زوجته.....
ومرت في باله حياته بها اللحظات.....
تزوج نجلاء بنت عمته واخت زوج اخته بنفس الوقت......من اربعة عشر سنة....حياتهم هادئة جدا....وشبه راكدة...كل اللي يجمعهم العيال والاهل....اي هذي النقطة توه يفكر فيها...هو ونجلاء ماتجمعهم مع بعض غير سوالف العيال والاهل؟؟؟؟ماقد سولفت له وين بتروح وشنو بتشتري ولا حتى توريه وش شرت لو طلعت مع العيال....
ومايشوفها طول اليوم غير بوقت النوم اذا نيمت العيال جته....يعني طول اليوم غايبة عنه ومقابلة البيت والعيال والضيوف وهو اخر مرحلة من اليوم.....لايافهد لا...لاتخلي كلام سالم ياْثر فيك....انت اصلا اكثر شي تكرهه الحريم!!!!مافيهم غير المشاكل ووجع الراس؟؟؟وش فيها حياتك مع نجلاء....هادئة ومايعكرها شي...ولاانت ناقصك شي بعد.....
قطع عليه افكاره صوت فيصل ولمى اللي كانوا يدقون الباب...
فهد بصرامة تعودوا عليها عياله/منو؟
فيصل/انا بابا ومعي لمى؟
فهد/تعالوا......
دخلوا اثنينهم وقعدوا عند رجل ابوهم.....
لمى/بابا...ابي اروح المكتبة العصر باخذ لي اغراض للمدرسة؟
فهد/طيب....بقول لمحمد ولد عمك يوصلك لو ماعنده شي العصر..
فيصل/بابا انا بروح معها؟
فهد/انت ليش مارحت الروضة اليوم؟امك قالت لي انك مارحت؟؟
فيصل بعد تفكير عميق/كنت مريض؟؟؟؟بطني كان يعورني؟؟؟؟
فهد بلهجة جافة/ولساتك مريض ولاشفيت؟
فيصل بلامبالاة/بروح مع لمى المكتبة ويمكن اصير زين لو شريت لي شي...لو ماشريت بظل مريض!!!!
فهد/لمى بابا امك وش تسوي؟
لمى/تكلم وحدة من صديقاتها......
فهد/وسارة؟
لمى/راحت تنام..
فهد بعصبية/وليش تنام بالله!!!انا مو قايل لكم تقومون من الغذى علطول تذاكرون دروسكم علشان تنامون بدري؟؟؟وراها ماتسمع الكلام؟؟
لمى/هي تقلد البنات اللي اكبر منها...
فهد بعصبية/روحي قعديها قولي لها البابا يقول لك مافي نوم ها الحزة؟؟
فيصل/انا بقعدها...بابا عادي اكب عليها مويه!!!!!
///////////////////////////////////////////////////////////////اليوم الثاني بمدرسة البنات.....
دخلت نجود غرفة المعلمات وحطت دلة قهوتها العربية اللي ماتستغني عنها وجنبها صحن شوكلاته...
رتبت اغراضها...وقعدت....
جت لها ابلة هاجر وقعدت جنبها...
هاجر/مرحبا..
نجود ببرود/هلا...
هاجر/شلونك ابلة نجود؟
نجود بنفس البرود/طيبة الحمد لله....
هاجر/مااخذتي جو على ها المدرسة مو؟؟؟انا بعد لساتني ماحبيتها مدري ليش!!!!!
نجود ناظرتها.../ليش انتي مو من زمان تدرسين هنا؟
هاجر/لا انا اصلا من الاحساء مو من الرياض...من العام الماضي هنا وقاعدة احاول بالنقل ولسه ......انتي من وين؟
نجود/من الدمام...
هاجر/نفس الحال يعني؟
نجود تاملتها....هاجر من الفئة العمرية الصغيرة اللي كانت شافتها امس.. رجعت لفت بالغرفة مرة ثانية ولقت منال ووحدة ثالثة بعيدة عنها....والمراقبة مها..بس هذولا اصغر ناس بالمدرسة....
شكلها بتضطر تسوي علاقات مع ها الهاجر مجبرة لامخيرة رغم انها ماعجبتها بلبسها اللي كان متواضع بس شتسوي للغربة احكام وشروط؟؟؟
دق جرس الحصة الثالثة واللي المفوض انها تكون حصتها على فصلها استاْذنت واخذت كتبها وراحت فصلها.....
////////////////////////////////////////////////////////
في جدة...
طلع من الشركة اليوم من الصباح علشان الاجتماع اللي كانوا مسوينه الادارة وحمد ربه ان اسمه مو موجود...
يالله خلنا نتمشى بجدة يوم لامدير ولارقيب علينا!!!
اخذ بعضه وراح لردسي مول.....
قعد بالكافي بعد ماطلب له وحط لاب توبه على الطاولة وفتحه.....
كلم جوال جواهر مرتين وماردت عليه اكيد عندها حصص..
ياحبي لها بنت ها الجيران والله...متى اروح واقول لاامي تخطبها لي واكمل اللي بنينا ....
خل اسوي روحي رومنسي واكتب لها كلام....
صار يكتب ويمسح يكتب ويمسح...
وهو يتاْفف كان قاعد في بيتهم بصوت عالي...
وبدون مقدمات اسحبت الكرسي المقابل له وحدة كاشفة وقعدت....
البنت/عسى ماشر شكلك متاْزم؟
ناظرها بندر بدون تعليق وهو مستغرب من حركتها
البنت/ليش تطالعني كذا!!!!
بندر بصرامة/بنات الشرقية مايسوونها.....
البنت/ههههه يعني انت مو من جدة من الشرقية؟؟؟حيا الله اهل الشرقية وانا اقول ليش منورة جدتنا!!!!!
بندر قام يطالعها بدون تعليق....
البنت/وش مشكلتك قاعد تصارخ كذا!!!!
بندر/وانتي وش عليك مني بالله!!!!
البنت/حرام عليك جدة والشرقية واحد وقلت اساعدك لو محتاج!!!!بس ماقلت لي وش فيك....
////////////////////////////////////////////////////////
كل البنات بالفصل كانوا يطالعون بملاك اللي كانت اليوم هادئة وعلى غير عادتها وماكلمت احد ولاتحرشت باحد من جت الصباح!!!وجت بدري بعد وها الشي ينذكر لها بالتاريخ.......
كانت قاعدة مكانها والكل في حالة ترقب لانهم قاطعين يقين ان نجود ماراح تجيهم اليوم لان بنت الفايز اكيد ماعدتها لها ...بس الغريب الهدوء اللي كان طاغي على ملاك واللي ماكانها سوت شي وتنتظر نتيجته!!!
والاغرب بعد ان نجود السبيعي دخلت لهم بنفس شخصيتها وقوتها واللي زايدة عليهم اليوم حلاوتها!!!
الكل وقف بعد مادخلت الاملاك.....
وصارت عيون نجود تناظرهم.....وجت عينها بعين ملاك اللي كانت تطالع فيها ومن التقوا نظراتهم صدت ملاك بعيونها...
نجود بقوة وسخرية/عسى ماشر يالاخت!!!ليش ماوقفتي!!!!
ملاك مطنشة وماكانها سمعت شي...
نجود بقوة هزت الفصل كله/بنت!!!!قومي اوقفي بسرعة.....
وقفت ملاك وهي متاْففة وبدون ماتناظر بوجه نجود.....
بعد ماوقف الكل...سلمت وردوا عليها وقعدوا.....
اخذت القلم وكتبت في وسط السبورة بيت شعر....
وذي رحم قلمت اظفار ضغنه.....بحلمي عنه وهو ليس له حلم,,,
