نجود بنفس الاسلوب/وش استفدت انا من الرقم اللي قطيته اجل مدامك ماخذ رقمي؟
فهد بانكسار/انتي كنتي قاطة الرقم علشاني انا وبس!!
نجود بثقة/طبعا..لان الشي اللي جمعنا وهو اللي لازم يفرقنا!!
فهد/ليش مصرة على الفراق!!
نجود بعصبية/لان احنا يامحامي ماننساب بعض؟
فهد بضعف/مين يقول يانجودي!!!!
كلمة نجودي بس طيرتها وخلتها تعيش فوق السحاب وماعلقت بشي....
فهد كمل بنفس الضعف/اللي انا اعرفه انك صرتي جزء مني واني مثل ماقلتيلي صرت جزء منك؟
نجود/هذا طبعا بكل اسف....
فهد/انا عارف اني غلطان..بس مومعقولة ماتعطيني حتى فرصة اني اعتذر لك؟
نجود/تعتذر وش تقول؟؟مو قصدي؟؟مايمشي معي ها الكلام!!
فهد/حقك عليّ وعارف انه مايمشي بس ابيك تعرفين ان النوم مجافيني من تركتيني وموعارف شسوي بدونك..نجود انا فعلا بدونك اضيع ومااسوى؟
نجود/......................
فهد/تاخذين لي موعد مع الوالد اجيه بكرة؟
نجود بذهول/بكرة!!!
فهد بضعف/أي بكرة مقدر اصبر اكثر...
نجود/أي بس ابوي ماهو موجود بكرة بيروح القصيم يعزي ناس نعرفهم هناك؟
فهد بنرفزة/وش ها الحظ اللي يقابلني!!!طيب انتي تحبيني!!
نجود بثقل/كنت..وكان فعل ماضي؟
فهد/ طيب وكيف نحول الفعل الماضي الى مستقبل وواقع وحاضر؟
نجود/يبيلها وقت طويل؟
فهد/يعني في امل يااملي!!
نجود/انا نعسانة وبروح انام!!
فهد بتساؤل/معقولة كان يجيك نوم وانتي ماتسمعين صوتي!!
نجود/اذا تبي ترمي السالفة عليّ يافهد وتطلع انت منها فاانت غلطان!!انا للحين شايلة وبضل شايلة لو شتسوي..بس حبيت اني اعطيك خبر وارد عليك علشان لاتزعجني باتصالاتك؟
///////////////////////////////////////////////////////////////////////////////////////
دخل غرفته ودخلت وراه بتردد....
كان كل شي مثل ماهو بمكانه وعلى حطته ماتغير أي شي..بس الشموع اللي كانت طفتهم رجع شغلهم من جديد....
حتى الكيكة والعصير ماحركهم من مكانهم,,,
جواهر بضيق وهي متسندة على الباب/خير وش عندك؟
وقف قبالها وصاروا وجها لوجه وها الوقفة من بندر كانت ترعب جواهر وتخوفها وتزلزل فيها كل عواطفها....
بندر بحب/احبك...
ناظرته باستفهام وبدون ماتتكلم....
بندر بنفس الحب/احبك وقسم برب الكون احبك..
جواهر بضيق/خلصني!!وش بغيت؟
بندر حط يده على الجدار المتسندة عليه/صدقيني احبك....
جواهر/بندر..وش عندك غير ها الكلمة.؟
بندر بتردد/يعني اللي صار البارحة صدقيني ضايقني اكثر من انه يضايقك؟بس مدري شقولك؟
جواهر باصرار/لا قول لازم تقول لانك اذا ماقلت بمشي من هنا؟وبعدين انا جاية اسمع اللي عندك ومااسمع احبك؟
بندر بتردد/جواهر...صدقيني ماكان ودي اطلع واتركك البارحة بس الظروف كانت اقوى مني؟
جواهر بشماتة/مشاءالله!!وش ها الظروف اللي كانت اقوى منك ياولد السبيعي!!!
بندر بارتباك/بقولك بس مايطلع الكلام وماتساليني باي شي؟
جواهر/ياسلااام!!!هذا اللي قاصر بعد!!انت ماتقولي جاي تطلب رضاي ولاجاي ت
قاطعها بندر/اسمعيني بس!!
جواهر بعصبية/ماابي اسمعك!!اذا بدايتها كذا اسمعي واسكتي ماابيها!!انا مااعرف اسمع واسكت ااخ بندر؟
بندر تجاهل كلامها/البارحة دقوا عليّ يقولون....
جواهربستفزاز/شنو؟
لو ماكان بيكذب ماكان تحمل عصبيتها ونرفزتها بس لانه بيكذب كذبة كبيرة ومحتاج لاعصاب اقوى,,
بندر بدون مايحط عينه بعينها/دقوا عليّ علشان القاعة ياجواهر...فيها جزء كبير احترق وكان لازم اكون هناك علشان..
جواهر بذهول وانفعال/القاعة احترقت يابندر؟؟؟احترقت!!
بندر بارتباك/مو كلها ...الجزء الشمالي منها بس...وكان وجود ي هناك ضروري علشان الاثباتات والتحقيق واذا كنت شاك باحد ولا شي من ها القبيل علشان كذا ماقدرت ارد عليك وكنت اكلم العمال والمقاول وكل الموظفين اللي يشتغلون فيها علشان اجراءات التحقيق..
جواهر بصدمة/بندر..القاعة كلها احترقت؟؟انت ماْمن عليها ولالا؟
بندر/مااحترقت كلها الحمد الله يعني الجزء الشمالي كان الحريق فيه من داخل وزين انه مااندلع لباقي الاجزاء وتلاحقوه بسرعة بس يبيله شغل مضاعف..وانا لسه ماامنت عليها..صدقيني كان بالعزيز عليّ اني ابات بعيد عن حضنك البارحة بس انا وجودي هناك كان اهم شي بالسالفة يعني لو ماكنت موجود كانوا بياْخرون التحقيق...
جواهر بنفس الصدمة/ومن اللي حرقها؟
بندر/للحين مافي أي خيط يوصل للموضع..بس ولايهمك..صدقيني باخذ سلفة وبتكمل القاعة قبل الموعد المتفق عليه ياجواهر....وبتكونين انتي اول وحدة تفتتحينها؟؟؟
عمري انا مانمت البارح لين الضهر يوم اعطيك المسج....كنت رايح وجاي بينها وبين الشرطة وبين المقاول....ويوم جيت ارتاح لقيتك مو هنا وضاق خلقي اكثر واكثر خصوصا بعد ماقفلتي جوالك ومارجعتي البيت تتغذين معي!!
صدقيني السالفة كانت مو بيدي بس شسوي هو حظي كذا ولا مادور يحرقها اللي بيحرقها الا بليلة عيد ميلادي ويفرقني عنك وعن احلى ليلة ممكن نعيشها مع بعض؟
كانت جواهر بعدها تحت تاْثير الصدمة وماقالت شي....
بندر بهمس/حبيبي قول شي؟
جواهر بالم وندم وهي تناظر بالارض/شقول؟؟انا فعلا مااستاهلك يابندر؟
بندر باعتراض/لاتقولين كذا ياقلبي!!
جواهر بالم/انت كنت تدور وتروح وتجي علشان تريحني وتدور مصالحي وانا كانت الافكار والظنون تلعب فيني!!ماتقولي شلون بقدر اناظر بوجهك اللحين؟
بندر بها اللحظات طاحت من عينه اكبر دموع واحر دموع صادقة وماقدر يخفيها...
هو ماعرف اصلا شلون يخفيها...ليش انه كذب الكذبة علشان ترضى عنه بس!!ويوم شاف صدمتها وحزنها عليه اللي بان بملامح وجهها وبنبرة صوتها الخايفة انذبح,,حس انه مجرم خطير ولازم يتعاقب,,,حس ان جواهر اصلا مالازم تفكر فيه ولاحتى تحبه ولاتناظر بوجهه,,حس انها اكبر من انها تدوسه برجلها!!!
بس لايبندر انت لازم تتخلى عن كل شي لعيونها وبس,,,وابتدي تغير حياتك علشان ها الانسانة اللي واقفة قبالك ,,,
ضمها بحضنه بقوة وهو بعده بدموعه وقال بهمس/جواهر انا لو تتركيني اموت وافنى من ها العالم صدقيني!!
//////////////////////////////////////////////////////////////////////////////////////
كان نايم بفراشه وجاه مسج منها من صباح يوم الجمعة..
(انا رايحة القصيم علشان عزاء زوجة رياض,,,,)
قعد على فراشه وهو يتنهد,,لاحول ولاقوة الا بالله العلي العظيم وانا لله وانا اليه راجعون,,,,
الله يرحمها بواسع رحمته ويسكنها فسيح جناته,,,,
راح فكره لبعيد,,,,
لسالفته هو ولبنى اللي كل ماكان يبي ينهيها ترفض ظروفه انه تكون النهاية ويدخل معها في متاهات جديدة وهو عارف ومتاْكد من نهايته معها وش بتكون اخرتها وشنو بتكون ردة فعل ابوها!!
بس يظل الامل ولا شوية من بصيص الامل غامر بقلبه وعاطيه عزيمة..يمكن لانه يحبها قد العالم هذا كله ومو مستعد يفرط فيها ماقاعد يفكر بشي غير انه يرتبط فيها بالحلال؟؟
ولا لانها صارت جزء من حياته مايقدر يستغني عنها حتى لوخالطه تفكيره بانه ابوها رافضه؟؟
لبنى صارت كل عالمه وكل يوم يمر يكبر حبها بقلبه اكثر واكثر واكثر,,,
بس ياترى كيف بيقدر يخلص نفسه من ها الحب اللي بتكون نهايته كسر قلبه وقلبها؟؟؟
شي واحد بس ممكن يخفف الم الصدمة عليه...ان الموت يختارها ولايختاره؟؟؟؟؟
//////////////////////////////////////////////////////////////////////////////////////////////////
ناصر/كيف بيكون وضعك؟
نجود/عادي بمشي معكم للقصيم وبعدين بطلع من القصيم للرياض؟
ناصر/مااحسها زابطة ؟
نجود/وين المشكلة؟؟
ناصر/مدري بس فيها تعب عليك...خليها لغير ها المرة؟
نجود/لا مايصير ماعندي فرصة ثانية غيرها اصلا!!والشي حار بحار هذا عزاء مو لعب؟؟؟
ناصر/الله يرحمها ويصبر رياض على فقدانها؟
نجود/ويصبره على ولده ويكون قد مسؤليته ناحيته...
ناصر/أي...هذا حال الدنيا...ناس تموت وناس تنولد وتعيش من جديد؟
نجود/كلا بيجيه ها اليوم ياناصر...محد بيتعداه؟
ناصر/ونعم بالله.....
نجود/شلون صحتك؟
ناصر/تمام...
نجود غمزت بعينها/اشوف الوالد طالع داخل يسال عنك وعن صحتك انا مسوية عملية وكنت بين الحياة والموت وماخاف عليّ ها الكثر؟
ناصر/ها!!بتحسدين اخوك حشاشة جوفك على ان ابوه يسال عنه؟
نجود/شلون حشاشة جوفي ياحظي!!!حشاشة الجوف الولد مو الاخو؟
ناصر/والله مدري انا كل مسلسل كويتي افتح عليه اسمع ها الكلمة لقطتها اذني شسوي بعد!!!
نجود/أي احسدك ليش لا؟؟اشوف الكل خايف علي؟
ناصر/ليش انتي محد خاف عليك!!!
نجود/مو كثرك؟؟؟
ناصر/الا اكثر!!صدقيني...انتي مشكلتك مو عارفة انتي شنو بالنسبة لبيت السبيعي!!
نجود بغرور/لاعارفة.,,,وادري انهم بدوني مايسووون شي؟
ناصر بتندم/ياليتني ماقلت لك؟؟؟اللحين شهر كامل مابنسمع فيه صوتك؟؟؟
////////////////////////////////////////////////////////////////////////
فيصل/بابا..بابا...
فتح عينه بشويش..ولقى فيصل قدامه..
فيصل/انت ليش نايم على الكرسي ومارحت نمت بغرفتك؟
حس باوجاع في جسمه كلها من نومته وماانتبه لها غير يوم قال له فيصل,,
اعتدل بقعدته وناظر بالساعة كانت عشر ونص الصباح...
ماصار له زمان من نام...اللي يذكره انه بعد ماصلى الفجر وقعد يفكر بنجود كانت الشمس طلعت وطلع يمشي شوي بالحديقة علشان يشوف اشراقتها ويشوف وش بتحمل له ها الاشراقة من خبايا,,
ورجع من جديد لمكتب الاحزان يفكر فيها..ساعة ورى ساعة ودقيقة ورى دقيقة وثانية ورى ثانية...
لين غلبه النوم وهو قاعد بكرسيه ماتحرك منه,,,,
فيصل بصراخ/بابا؟؟
لف فهد له بهدوء/نعم!!
فيصل/ليش نمت هنا؟
فهد/لاني ماكنت بنام كنت اشتغل ونعست ونمت بدون مااحس؟
فيصل/وليش قاعد لوقت متاْخر تشتغل مو المفروض تنام بعد ماننام احنا؟
فهد تنهد/كانت عندي قضية وماقدرت انام بدون ماافكر بحلها؟
سارة/وش قضيته يبى قول خلينا نتناقش فيها؟
رفع راسه ولقى سارة قابلة وواقفة ورى فيصل...
سارة/صباح الخير بابا..
فهد/هلا سارونة صباح النور..
سارة/شنو قضيتك اللي متعبتك يبى؟
فهد تنهد وقال بالم/قضية حياة ولاموت؟
فيصل/بيعدمونه يعني!!!
فهد بحسرة/أي اذا ماجاه الشي اللي بغاه هو بيعدم حاله قبل يعدمونه؟
سارة بتاْثر/منهو هذا يبى؟؟وشنو يبي؟
فهد بالم/شخص...........عاش طول الوقت يدور على نصه الثاني لين لقاه..ويوم لقاه....
فيصل/وش صار فيه.؟
فهد/سالفة طويلة يبى..بتتعب وانت تسمعها انت بس قول ان شاءالله اني اقدر ارجعه له علشان يعيش ويدوم لااهله اللي يحبهم؟
سارة/طيب يبى...هو ضاع منه ها الشخص يعني ولا شنو صار بينهم؟
فهد/صار بينهم موقف واختلفت وجهات النظر وهو معلق اللحين مايدري شيسوي؟
سارة/وانت شقلت له يبى؟
فهد بالم واصرار وعزيمة/قلت له لازم ترجع ها الشخص لحياتك مهما كانت النتيجة؟لانك بدونه ماراح تقدر تستمر وبترجع حياتك عذاب بعذاب اكبر من اللي عشته قبل؟
////////////////////////////////////////////////////////////////////////////////////////
ها وش رايكم في بندر عسى عجبكم بس (واثقة انه بيعجبكم بس كلا على طريقته ههه)
المهم وش تتوقعون يصير بين نجود وفهد لو راحت ارايض؟
**حق حبيبك عليك انك تسمعينه...
**بنغمض عيونا وبنفتحها وبتلاقينا اخذنا بعض؟
**انا غلطة بحياتك يابندر؟؟
**مشاري ولمياء وشنو بيصير بينهم؟هل بيتوثق الحب اكثر ولا بيبتعدون عن بعض اكثر؟
بصمتكم احلى شي احبه ...
يابعد عمري كلكم والله تهبلون وتعليقاتكم تجنن وودي اعلق عليها بس ماعندي مجال والله مرررة مستعجلة(ليش وش وراك؟؟)
يادوب بنزل لكم البارت واتمنى انه يعجبكم وينال رضاكم..
وطبعا مانسيت البارت الجانبي اللي خص عبير وعلي وهنوف وناصر وادري انه موطويل بس علشان لاتخترب عليكم الاحداث الجاية(وش ها العذر)المهم اني قد كلمتي لو اكتب حرف واحد(اي صح صدقناك)
المهم هذا البارت الجانبي وبعده بينزل البارت الاصلي,,
قراْة ممتعة لااغلى الغوالي,,,
////////////////////////////////////////////////////////////////////////////////////
البارت المستحدث,,,(عجبتني مررة ههههه اقصد البارت اللي وعدتكم فيه يخص العلل اللي مااحبهم(كيفي والله),,,,,,,,,,اول يوم عزاء مشى بطيء على الكل بالقصيم وخصوصا عبير اللي كانت شايلة مسؤلية ولد رياض لانها تعلقت فيه واللي هو بعد تعلق فيها بسرعة,,,
طلعت تمشي اخر الليل بحديقة البيت بعد ما تاءكدت ان الكل نام وراحت تسترجع بذاكرتها الى الفترة الزمنية القصيرة اللي تغير فيها علي واللي من تزوجوا للحين ماعمرها شافته بها التغيير ابدا!!
علي صار انسان ثاني مو نفسه اللي تعرفه,,صار رومنسي حييل,,وماله بالعادة يكون معها كذا ابدا,,
راحت فيها مخيلتها لقبل ثلاثة ايام مضت يوم اللي رجعت الليل من بيت اهلها بعد ماتعشت مع امها وخواتهاودخلت البيت اللي كان غايص بالظلام ومافيه غير انارة خفيفة جدا في الصالة ..رغم انها متاْكدة ان علي موجود بس غريب ماهو قاعد يشاهد ,,
دخلت غرفة النوم وشافتها بمثل اضاءة الصالة ويمكن اعلى شوي,,,رفعت راسها لعلي اللي كان قاعد على الفراش وكانه ينتظرها تستفسر منه بس هو قام بسرعة وعطاها قميص نوم كان مجهز على الفراش,,
علي بهمس/روحي لبسيه؟
عبير بتردد/ليه؟
علب بنفس الهمس/لاني اخترته لك بنفسي وودي اشوفه عليك!!
عبير وعيونها بالارض/بس ياعلي...
علي تقرب منها وباسها على اذنها وقال لها بهمس/بتلبسينه ولاالبسك اياه بنفسي!!!!
رفعت عيونها وهي موقادرة تقاوم انفاسه الحارة اللي لافحتها بوجهها واخذت القميص منه وراحت تبدل وبعد ماطلعت لقته طفى الابجورة وشغل مجموعة شموع صغيرة على المرايا اللي قبال فراشهم وحط موسيقى كلاسك,,
علي بيجنني اكيد!!ها الشي بس كان يدور في بالها,,,
اول ماانتبه لها علي انها لبست وصارت قباله تقرب منها ومسك يدها وجابها لعند الفراش,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
هنوف بعد مانامت ذيك الليلة ,,كل افكارها كانت بالمحروس ناصر الله يحفظه من كل عين ,,,
ناصر,,,ها الشي المميز بعيونها والكبير عندها وعند الكل,,,ياليت لو بيدها تدخل قلبه وعقله وتشوف هو شيفكر فيه,,,,
تحبه..اي تحبه..لالالا ماتعتقد لان اللي بقلبها له اكبر من الحب والعشق,,,اللي بقلبها لناصر شي كبير ماينوصف بكلام مجرد ولا بحروف اللغة,,
اللي بقلبها لناصر شي مايفهمه الا اللي قاعد يمر بحالتها وتجربتها بس,,,,,
كانت تبتسم وتتنهد بنفس الوقت,,,,
وهي تذكر مواقفهم مع بعض..وكيف ان ناصر طيوب قلب بدرجة مايتصورها بشر وكيف انها من يوم يومها راعية مواقف معه وماتتركه بحاله,,,
راحت افكارها لذاك اليوم اللي كانوا رايحين فيه سوق الحب....
هنوف/اللحين هذا سوق الحب؟
ناصر/أي...انتي اول مرة تجينه؟
هنوف/وياليتني ماجيته من الاساس؟؟
ناصر/ليش؟
هنوف/توقعت اشوف قدامي كل اثنين يحبون بعض يمشون مع بعض؟
ناصر/لاوالله وين قاعدين احنا بالهايدبارك وانا مدري؟؟
هنوف/يعني حتى مغازل وترقيم مافي!!
ناصر بذهول/شوف الملعونة؟؟
هنوف ببراْة/ليش سموه سوق الحب مدامه مو حب ولاشاف الحب؟
ناصر مسوي نفسه جديّ/هذا الله يسلمك المسؤل عن تسمية الشوارع كان مار من هنا يوم شاف حبيبة قلبه وهي ماتكلمت بس قالت له بكرة ابي اشوفك هنا بنفس المكان ..فقال لها هنا بالسوق..قالت له أي هنا بسوق الحب اللي جمعتنا فقال خلاص مدامك سميتيه سوق الحب راح تنطلق عليه ها التسمية امد الدهر,,,
هنوف بخبالة/تحس انك قاعد تحكي حكاية ماقبل النوم مو يانويصر؟
ناصر/هنوف..انا ولد عمك واكبر منك ليش كل كلمة والثانية تقولين نويصر ابي افهم؟
هنوف/نصوري زين كذا..
ناصر/اممم اخاف يقولون تغازليني بعدين؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,
هنوف/نظل عليها لين يسمعها احد ويقول لنا ها الكلمة بعدها لكل حادث حديث ولاشرايك؟
ناصر/والله انا ماعندي راي..بروح باسكن اشتريلي ايسكريم..
هنوف/تعرف اكثر شي يعجبني فيك شنو؟
ناصر/اني كريم..
هنوف/انك اذا طلعت دايم تجوع يعني اضمن اني باكل شي وانا طالعة معك,,,,
تبسمت براحة وهي تذكره..ياعساها ماتنحرم منه ابدا ولامن طيبته ولاخفة دمه ولاحنانه..انتبهت على صوت لبنى اللي زلزلها..
لبنى بعصبية/ان شاءالله ماودك تنامين وتفكينا من ها التنهيدات وها الابتسامات بنصوص الليالي ولا ناسية ان بكرة فيه عزاء؟
////////////////////////////////////////////////////
قعدت اليوم الثاني على ريحة القهوة التركية وفتحت عيونها بشويش ولقته يناظرها,,,ماتدري ليش حست بالخجل منه لحظتها...بعد ماتذكرت ليلة البارح واللي صار فيها(يعني مولعة نار بس حذفت لانكم صغار ههه)
مدت يدها بتسحب روبها اللي كان جنبه وعيونه شافتها تناظره ومد يده وقال بابتسامة ذوبتها/اذا تبيه تعالي اخذيه!!وسحب الروب عنده وحطه بحضنه..
وهي شدت على مفرش السرير عليها بقوة ورفعته لفوق...
بعد ابتسامة علي هاذي راحت افكارها كلها لشي واحد..انها تحبه...ولابالاصح بدت تحبه وتنازلت عن كرهه,,,ولاليش جمد الدم بعروقها لحظتها اذا ماكان خوف منه؟؟
قال برومنسية وخبث/شكلك ماتبينا ياعبير؟
عبير بتقطيع انفاس وهي مافارق خيالها ليلة البارح/عطني اياه ياعلي بقوم ..
علي انحنى عليها وقال بهمس وهو مستمتع بخجلها/بتقومين وين بتروحين بالله!!
عبير وعيونها بالارض وهي شادة على نفسها بالمفرش/بروح اتحمم وال..
علي/وماتبين تشربين قهوتك قبل...تراني مسويها بنفسي!!!
عبير/.........
رفع علي فنجان القهوة وقربه من فمها وهي تناظره بس ماهي قادرة تفهم وش اللي تعنيه نظراته ابدا....
ماتدري اذا رشفت من الفنجان ولالا..كل اللي تعرفه انها باعدته لبعيد بسرعة وقالت بعد ماغمضت عيونها /ابي اقوم ياعلي...
ماسمعت جواب وهي مغمضة عيونها لدرجة انها فكرت تعيد نفس الطلب لانه يمكن ماسمعه..بس انفاسه الحارة اللي كانت بوجهها خلتها تجمد من الخوف بمكانها وتحس انها محاصرة منه وان قبالها وماعندها مجال للقومة والهروب منه ومن نظراته..
قال بهمس ذوبها/البارحة كانت روعة.....
ماقدرت تفتح عيونها وهي حاسة ان الدم جمد بعروقها...
ردد عليها بنفس الطريقة/بس الليلة بتكون اروع صدقيني!!!!
تنهدت من قلب وهي تذكر علي وتذكر ليلته الروعة على قولته وتذكر الورد اللي قعدت الصباح وشافته وبعدها تغير,,,ليش ماتدري,,,المهم انه تغير,,,,
تنهدت بحرقة ...وهي تردد شرعك اللهم ولااعتراض..وبعدها قامت تدخل تريح شوي....
////////////////////////////////////////////
وحدها هنوف النوم مجافيها...يمكن لانها سوت شي كبير قبل يوم من وفاة زوجة رياض..يوم تدق لها نورة وتقول لها ان بنات خالاتها وبنات خالها موجودين ومتجمعين معهم بالبيت وتطلب منها انها تروح....
لبست عبايتها وتعطرت وراحت لبيت عمها ...دق قلبها بقوة يوم شافت سيارة ناصر بس مركونة بالكراج معناته موجود لسه ماطلع...لو بس الحظ يخدمها وتشوفها كان تقوله انها تحبه بلاتردد...
ماتدري ليش تحب تاخذها فرصة اذا كانوا بنات عيلته متجمعين تتعمد تترك له ورد ولابطاقة ولاايشي..المهم انها تضيعه بالسالفة....
تقربت عند ديوانيتهم وفعلا كان بيطلع منها لفت بسرعة وشالت لثامها وغطت وجهها ومشت لعنده بسرعة وصارت وراءه وهو يقفل الباب واول مالف صدم فيها مباشرة وتوه بيحاول يعتذر تقربت منه وقالت بهمس خفيف علشان لاينتبه لصوتها ...احبك,,
قالتها ومشت لداخل.....
وظل ناصر مكانه جامد بدون حراك....مايدري منهي هاذي اللي كانت قربه واللي رمت عليه ها الكلمة ومشت..اصلا حتى ماقدر يركز بصوتها لنها كانت تهمس ماتتكلم,,,,,
وهي من دخلت داخل وسكرت وراها باب الصالة تسندت وراء الباب وقلبها يدق بسرعة...قالتها له..ماهي مصدقة انها قالتها له....ونزلوا دموعها من عيونها..هي دموع فرح ولاحزن ماتدري,,,
دموع فرح انها قالت له احبك....وارتاحت منها وشالتها من قلبها..
ولادموع حزن انها ماقالتها له وجه لوجه وعرف انها هي هنوف اللي تحبه وتفدا ه بروحها,,,,
