ملاك/يمه ابي اشوفها يمه...
ام رائد/تبين تشوفينها!!
ملاك/أي يمه..ابي اشوفها واتطمن عليها...
ام رائد/كيف تبين تشوفينها؟هي مسوية العملية هنا ولا بالشرقية؟
ملاك/بالشرقية...وقلت لها بجيك ازورك بس مارضت !!
ام رائد/خلاص اجل مافي روحة مدامها قالت لك لاتجين!!!
ملاك بعناد واصرار/انتي كل شي عندك لا!!بقول لاابوي وهو بيوديني ماراح يرفض لي طلب !!!
ام رائد/يايمه ياحبيبتي...مدامها قالت لك لاتجين ..معناتها انها تعبانة وماتقدر تستقبلك يايمه,,,,لاتصيرين مغثة وتروحين لها وهي بوضع مايسمح لها باستقبالك؟
ملاك/أي بس يايمه انا ابي اتطمن عليها بس!!!
ام رائد/هي لو كانت بخير ماقالت لك لاتجين وهذا مو من شيم العرب ياملاك..بس لانها تعبانة اولا وثانيا ماتبي تشغلك عن مدرستك وثالثا هي كلها ثلاثة ايام وترد لكم بالسلامة زوريها هنا بالرياض كل يوم ماراح اقولك لا وانا بجي معك بعد وبنغذيها ونعشيها ونباريها ..ولايهمك...بس يايمه مدام ماعطتك اذن تروحين لاتروحين ياحبيبتي لاتحرجين نفسك وتحرجينها زين يمه,,,
ملاك بتردد/انتي رايك كذا يمه,,,
ام رائد بثقة/أي يمه..علشان تكبرين بعينها انك مشيتي بشورها وماكسرتي كلامها..
ملاك/...خلاص اجل انتظر جيتها الرياض بالسلامة ان شاءالله...
ام رائد/يابعد عمري ياملاك ..عسى الله يحفظك يايمه,,,
ملاك/ولا يخليني منك يالغالية....اخذتها بحضنها...
/////////////////////////////////////////////////////////////
جواهر بالسيارة توها رادة من المدرسة..
ودق تلفونها وكان بندر المتصل...
تنهدت بقوة بس ردت بثقة وهدوء..
جواهر/هلا..
بندر/هلا,,,
جواهر/.........
بندر/ممكن اقول انك وحشتيني؟
جواهر/براحتك؟
بندر/شدعوة عاد ياقلبي!!كذا تطنشيني يومين ولاتسالين عن هوى داري؟؟
جواهر/.................
بندر/وحتى اذا اتصلت عليك ماتردين عليّ!!!
جواهر/انا مو رخيصة يابندر وانت تعرفني,,ماعمري ضحكت بوجه احد مااحبه ولاذليت نفسي لناس ماتبيني!!!
بندر/لالالاعاد..هاذي قوية....انا ماابيك!!!يبى اذا احنا بايام الخطوبة كذا!!بكرة اذا تزوجنا بنقلب عبير وعلي!!!
جواهربهدوء/وليش نكمل اصلنا اذا ماقدرنا نتخطى اللي بينا!!!!
بندربخوف/حبي شها الكلام!!!!!كل فترة بتكون في مشاكل بين أي اثنين معقولة بيفكرون بنفس طريقتك ياوردتي!!!
جواهربحدة/بندر..انت مو ملاحظ انك انت الغلطان مو انا!!!
بندر/ادري ياقلبي بس بعد انتي قاعدة بوسط اهلك وبديرتك وبين كل الناس اللي تحبينها..انا تارك كل شي وراي وجاي هنا,,,ماتعرفين وش اللي قاعد امر فيه ولاشنو يصادفني ولا شلون حياتي ماشية علشان تلوميني ياجواهر!!!!!
جواهر/غلطان يابندر...انا مو بين اهلي والناس اللي احبها...انا مفارقة اغلى حبيبي ....هو بجدة وانا بالشرقية يابندر ..فاهمني..هو بديرة وانا بديرة....ماني قادرة اتصور كيف بنتزوج ولا شلون بيكون وضعنا مع بعض!!!متعبتني السالفة حيييل..كيف بيكون مصيرنا ...انت لاراضي تتكلم باالسيرة وكل مافتحت لك السالفة سكرتها ولككتها من هنا وهنا..وعلى بالك اني نسيتها ولاراحت عن بالي!!لايابندر لا..انا اسكرها مرغمة لاني ماابي اخسر بعض اللحظات اللي بتجمعني فيك ياحبيبي...بس وقسم بالله العلي العظيم انا تعبانة حييييل...كل يوم رايحة جاية انا وابوي ها المسكين على اللون ماضبط وعلى الديكور ماطلع صح...طول يومي بها الشقة..لاتفكر انك تارك لي بطاقتك علشان اثث والسالفة انتهت لايابندر..كان بودي ان التاْثيث يكون مشترك بينا احنا الاثنين..حتى اذا كنت هنا وطلعنا مع بعض..ماتكون جدي حييل وانت تدور معي وهمك نكون مع بعض..انا محتارة اللحين كيف بنتزوج ووين بنقعد؟؟بجدة ولابالدمام؟؟منو فينا اللي لازم يضحي علشان الثاني وليش!!!وهل معقول نتزوج ونلتقي ليلتين بالاسبوع بس لو ماضحينا؟؟؟؟وهل بيكون وضعنا صعب ولاسهل؟؟؟انا خايفة ان الحب اللي بينا يموت من ها الزواج يابندر.....
سكتت شوي علشان تاخذ انفاسها...وجاها صوت بندر يبكي...
جواهر بخوف/بندر..انا مو قصدي...بس ورب الكون مضغوطة حييل ومالقيت افضل من ها الوقت افرغ اللي فيني..يكفيني قاعدة احاتني نجود وتعبها من جهة ثانية فوق تعبي !!
بندر وهو يبكي/اسف يالغلا اسف...بس صدقيني بقدم استقالتي اللحين وبنزل على اول طائرة للشرقية وببتدي من جديد..
قاطعته جواهر/لايابندر لا...لاتسويها....الله يخليك لاتسويها..انا ماقلت لك اللي قلته علشان تضحي بوظيفتك ومستقبلك هناك...السالفة يبيلها دراسة وتفكير مو تتصرف تصرف عشوائي تندم عليه بعدين.....حبيبي انا وصلت البيت بمر اشوف نجود واتطمن عليها وبعدها بروح البيت اتغذى وادق عليك زين حبيبي..بندر من بين دموعه/اكيد بتدقين؟
جواهر وهي تمسح دموعها/أي حبيبي اكيد...
بندر/الله يحفظك يالغالية..وصدقيني انا اسف على أي جرح مني جاك ولو ماكانت قاصده..
جواهر/خلاص حبيبي صار خير..بعدين نتفاهم لاتضيق خلقك ولاتفكر بالموضوع ولاتتصرف بطياشة من هنا ولامن هنا اعرفك انا زين..
بندر/طيب
جواهر/وعد..
بندر/اممم وعد...
/////////////////////////////////////////////////////
في بيت السبيعي عند الباب..
دخلت نورة بسرعة وهنوف كانت متعمدة تمشي بطيئة علشان تكلم ناصر...
هنوف بهدوء/ناصر...
لف لها ناصر وهو احمال اكياس الغذى/نعم..
هنوف بتردد/انا اسفة على اللي طلع مني وزعلك,,,
ناصر بدون نفس/لاعادي..
هنوف بزعل/انت زعلان مني!!!
ناصر بضيق/لا
هنوف وهي مقربة تبكي/أي بس مبين عليك زعلان!!ناصر انا صدق اسفة..وماكان قصدي...
ناصر بضيق/لالاتشيلين هم..انا بس متضايق...
هنوف بحالمية/عسى ماشر..وش اللي مضايقك؟
ناصر/ابد والله سلامتك...بس تعب نجود تاعبني...
هنوف بغيرة واضحة/لهدرجة عاد!!
ناصر/أي والله....انا عمري ماشفتها غير نجود القوية ,,الهيبة,,اللي واثقة من خطوتها قبل تخطيها,,,,واول مرة اشوفها كذا ماهي قادرة ...شقولك بس..تعبها متعبني...ودي تطيب وترد لنا بسرعة احسن من اول....
هنوف/ان شاءالله...كلنا ودنا ترجع نجود مثل اول وتطيب...بس مو لهدرجة عاد!!!في ناس يهمهم زعلك ورضاك ويضيق خلقهم اذا شافوك زعلان!!
ابتسم لها ناصر بدون أي تعليق..
هنوف بنظرات خبيثة لناصر وهي على بالها انه فهم هي تقصد منو.../شقولهم ها الناس اللي ضايق خلقهم عليك!!!
ناصر بضحكة وهو خاش اكياس الاكل وراه/قولي لهم مابنعطيهم من اكلنا لويموتون!!انا عازم ابوي وامي وخواتي بس!!منبي احد حتى عبير وعلي مانبيهم!!روحي يبى امك تعرف تطبخ اكل حلو..
تقربت منه هنوف وضربته بخفيف على كتفه وهي تضحك وضحك لها ودخل.....
/////////////////////////////////////////////////////////
في شقة علي...
علي دخل المطبخ وكانت عبير واقفة تحط الليمون فوق السلطة ووقف وراها وحوط خصرها بيدينه.. /وش مسوية لنااليوم..اشم ريحة اكل طيب....
غمضت عيونها علشان لايشوف ارتباكها من حركاته اللي قاعدة تجننها.....
علي همس لها/وش قلتي سويتي ماسمعتك؟
عبير بهمس/ماقلت شي اصلا كيف ماسمعتني!!
علي ضحك وصار شكله يجنن.../عارف انك ماقلتي بس قلت بسمع صوتك....
عبير/بتريح ولابتاكل بالاول؟
علي/لا..اكيد بالاول ناكل وبعدين نريح....كيف نجود اليوم مريتيها؟
عبير/الصباح كنت عندهم ..بعد ماجت من المستشفى وماتغيرت عن امس؟
علي/أي انا مريت بس كانوا كلهم قاعدين مااخذت وعطيت معها قلت الحق عليك ريحة طباخك موصلة لااخر الدمام؟
عبير/وش دعوة عاد اول مرة اطبخ لك؟
علي قرصها بخدها/وان شاءالله ماتكون اخر مرة...يالله ببدل وبجي على ماتجهزين السفرة..
وقفت تناظر بطيفه اللي مشى وهي تشوف وسامته...محتارة بامرها ماتدري وش تسوي....لاتعرف تتصرف ولاهم يحزنون..بس مالها الاجواهر ونجود اليوم تروح تسولف معهم وتشوف رايهم بالسالفة,,,,
/////////////////////////////////////////////////////////
بمطعم مكسيم بالخبر....
//سالم/ها تطمنت اللحين؟
فهد حط جواله على الطاولة بعد ماانهى مكالمته وتنهد بارتياح/الحمد الله صوتها افضل من الصباح بمراحل...وبعدين هي وعدتني تشيل الضمادات بعد شوي من عيونها وتمرن عينها شوي شوي علشان تطيب بسرعة وتجيني...
سالم/..........
فهد/وش فيك ساكت؟
سالم/هبلت فيك ها النجود؟
فهد بدهشة/انا!!
سالم/ليش مستغرب!!ولامنت مصدق نفسك؟
فهد بغرور/انا محد يهبل فيني!!
سالم بشك/متاْكد!!
فهد بضعف وهو يحط الشوكة من يده/الا نجود؟؟؟
سالم/أي قول كذا...انا ولاعمري شفتك كذا....
فهد تنهد/نجود غيرتني..ووعدتني بتغير حياتي كلها...المشكلة ان التغير اللي سوته قاعد يريحيني حييل....
سالم/هكذا اذن فعل الحب بك ياصاحبي!!
فهد بالم وتعب/سالم انا مو عارف وش اسوي ..احب نجود وتعلقت فيها بدرجة كبيرة..لايمكن يمر يوم بدون مااسمع صوتها فيه!!!احس بضيق وتعب لو ماسمعت صوتها..ازعل لو كانت زعلانة وافرح لو كانت راضية ومرتاحة,,,,
انسانة فهمتني اني اغلى شي عندها بالدنيا..فهمتني ان رضاي وفرحي هم اهم شي بالعالم وقبل كل شي لازم تسعى لهم...
حسستني بقيمتي ياسالم واني اسوى كثير..كثير بنظرها..
ماابي اخسرها لو شيصير....
سالم/ليش تقولي ها الكلام وانا عارفه يافهد؟انت لو ماكنت تعزها كان ماهمك تترك كل شي بالرياض وتجي عندها تتطمن عليها بنفسك...ماكذبت على اهلك علشان تبقى جنبها..ولاقايل لهم بتروح جدة عندك قضية هناك وانت هنا مقابلها؟؟؟؟؟
فهد بضيق/المشكلة عندي عيالي...اخاف افتح لهم موضوع الزواج ومايتقبلونه..وخصوصا سارة اللي بديت اتقرب منها وبدت تتغير علشان ترضيني ياسالم!!
سالم/همك العيال وماهمك امهم!!!
فهد/امهم خلاص..ماعادت تعنيلي ولاشي ياسالم...كل اللي بينا انتهى من زمان واذا عطيتها فرصة مو معناته اني انتظر موافقتها ولارضاها..انا بسوي الشي اللي يريحني ياسالم...[س لو العيال اعترضوا شسوي ساعتها..اتزوج نجود بالسر؟؟؟؟بدون مايدروون؟
سالم/مافي شي يضل بالسر يافهد كل سر يبان مع الايام!!!!!
فهد/ادعيلي..انا محتاج دعواتك بقوة ياسالم..ماابي اخسر عيالي ولاابي اخسر الانسانة اللي حبيتها من كل قلبي,,,,,,,
////////////////////////////////////////////////////////////////////
مشاري/كيف تركي...
محمد غمز له وهو يطالع بمنال/اكيد غير!!
منال /وشو غير!!
مشاري ومحمد/هههههههه
منال/يامشينكم لاضحكتوا بروحكم بدون اسباب!!
محمد/نعم ابلة خير ان شاءالله سمعينا...
منال بخبث/اقول فوزية شارية لي شنطة توصلني اروح اخذها..
مشاري/وهي شاريتها انتي تروحين تاخذينها!!ليش مو هي تجي تجيبها لك مدامها هي شاريتها لك!!!!
محمد/ها...يمكن مامداها تجيبها..مو مشكلة قومي لبسي اوصلك؟
منال/ههههه أي بس انا ماقلت اللحين..وبعدين فوزية راحت شغلها اللحين مابترجع الا الساعة ثمان...
مشاري/وين تشتغل هي؟
محمد/وانت وش عليك تساْل !!خلك من زوجتك وبنتك وبس!!
مشاري/ها!!وش فيه ذا قلب الحبيب عليّ؟؟
منال/هههههه ليش مادريت يامشاري؟؟
وغمزت لمحمد بعيونها..
محمد/سكتي انتي بس سكتي ...
مشاري/شاالسالفة!!!شصاير انت وياها تكلموا بسرعة!!
منال وقفت/انا مالي شغل خل حمود الحبيبي الولهان يقول لك!!
محمد رمى عليها الوسايد اللي جنبه..
مشاري/خل اختك عنك وقول شسالفتك؟
محمد/هاذي ماتعرفها ..تحب تجيب سوالف من راسها وتورطنا فيها,,الله لايسامحها لكن وين بتروح مني االليلة مافي تشوف تريك جزاء لها!!!
//////////////////////////////////////////////////////////
بحديقة بيت السبيعي بعد الصلاة مباشرة..
نجود/والله راسي صدع ياجواهر خلاص مو قادرة..
جواهر/انتي موقلتي تبين تتمشين شوي وتغيرين جو السرير والتعب اللي فيه واللي حاسته قبل لايجون خوالك وخالاتك!!
نجود/أي بس حاسة اني مو قادرة..خلاص خلينا نرجع...
جواهر/وين قوتك راحت ها؟؟؟
نجود مدت يدها لجواهر علشان تسندها/طارت بالهواء......ولاتوقعت اني بتعب كذا....
مشوا لداخل وصادفتهم عبير بالصالة وقالت لهم انها بتجيب لهم الكيك وبتجي.....
عبير/وهاذي احلى كيكة علشانك يانجود..
جواهر/ها بس علشان نجود؟وانا وين رحت؟؟عطيني جوالي ادق على اخوك يعلمك!!
عبير/ههه بسم الله عليّّ وش قلت انا عاد!!!
جواهر/عشان تعرفين انا منو؟؟انتي هي نجود بلاش تحوسين بالضمادة لاتلوثينها؟شيلي يدك يالله!!
نجود وهي تحوس بالضمادة اللي فوق عيونها وشالتها كلها/اه ياراسي حاسة انه بينفجر...
عبير باسى/طيب ليش شلتيها يوم انها بتالم راسك اذا شفتي النور؟
نجود بتعب/لازم اعود عيني خلاص اليوم ثاني...ماابي بكرة يكون مثل اليوم ماباقي غير اربعة ايام وارجع اداوم تتخيلون شكلي وانا بالصف مو شايفة شي ومو قادرة على النور؟
عبير/طيب ومايقدر الدكتور يعطيك اجازة من هنا ولاهنا وانتي بعدك تعبانة؟
جواهر/هو الود وده انها تداوم من اليوم وتعيش بطبيعة...
نجود/لا انا قوية واكيد بكون عال العال وبطيب بسرعة..
عبير/ياليتني مثلك يانجود..اقدر اعطي نفسي دفعات امل ..
جواهر/ومن قال انك ماتقدرين ..اكيد تقدرين...
عبير سكتت وناظرت بالارض ونجود وجواهر ناظروا في بعض..
جواهر/بنت..في شي مانعرفه صاير معك؟
///////////////////////////////////////////////////////////
لمى/ماما بابا يقول للحين ماشرى لي حاجة؟
فيصل/انتي متى كلمتي البابا وماخليتنيني اكلمه!!!
ماما انتي وعدتيني تخليني اكلمه وماخليتيني كذبتي عليّّّ مايصير..وصار يضرب رجله بالارض..
نجلاء/قوم صير رجال بس قوم!!انا مااتصلت لها اصلا!!لمى انا كلمت ابوك؟
لمى/لا..
فيصل/ليش تكذبين اجل وتقولين انه ماشرى لك ولاشي؟
لمى/علشان خالتي ام مشاري اتصلت فيه وانا جنبها وخلتني اكلمه..
نجلاء/عشتوا انتي وخالتك ام مشاري!!وان شاءالله ليش هي متصلة فيه بالله!!
لمى/كانت تسال عنه وتقوله شخبارك ..ومن زمان ماسمعنا صوتك ..وطمنا عليك...
نجلاء بشماتة/ياسلاااام على الحنية!!!!مالت....الا هي متصلة علشان لو شرى لنا شي يشتري لهم اعرفها واعرف ابوك..اللحين اكيد مابيجي من جدة ويده فاضية لهم بيقول انا ام مشاري عندي مثل اختي ام مصعب وماتتركني لو وين اكون..مالت بس مالت..
فيصل/شلون يعني؟
نجلاء/يعني هاذي مصلحجية ..تتصل في ابوك علشان يجيب لها ويتشرى لها...
فيصل/مثلنا يعني نتصل فيه علشان نقوله بابا اشتري لنا هدايا!!
لمى/لاموصحيح احنا نحبه لانا ابونا...وبعدين الهدايا....
فيصل/لا الهدايا اول وبعدين لانه ابونا...ًح ماما؟
نجلاء/والله مدري كل واحد ونيته...وانت يالفتان صرت اخاف منك كل شي تقوله.....
سارة دخلت/السلام..
نجلاء/انتي من وين جاية؟؟؟قلتيلي انك بتطلعين؟
سارة ركبت الدرج/يوم كنت بطلع ماشفتك بوجهيّ!!وبعدين انا وحدة من البنات مرتني وتمشينا واخذنا لنا عشى وردينا يعني وين رح؟
نجلاء/طيب..يعني ماتبين عشى معنا!!
سارة/لا..انا بقعد بغرفتي اذاكر لاحد يزعجني!!
نجلاء/روحي يمه الله يوفقك....
///////////////////////////////////////////////////////////
عبير بهدوء/علي..
نجود وجواهر/شفيه!!
عبير تنهدت بقوة/متغير حييل..صاير انسان ثاني...
نجود/كيف يعني انسان ثاني!!
عبير تنهدت بقوة وطالعت بالارض وهي تتكلم/مدري....بس كل شي فيه متغير....صار يهتم فيني...ومعاملته معي تغيرت....حتى بعلاقتنا صار غير!!شقولكم..مدري وش اسوي...دايم يدلعني ويكلمني بحنان ورومنسية وشغف وكانا احنا حبيبن...
جواهر/وهذا اللي مزعلك؟
عبير باسى/لو ماهو علي اللي انا اعرفه كان مازعلت بس علي...يحب وحدة ثانية واخاف انه متغير علشان..
نجود قاطعتها/لاتكملين!!!غبية اذا فكرتي بها الطريقة السلبية!!!!فكري مرة وحدة بايجابية ولاتقتلين فيك انوثتك ياعبير!!!انتي حلوة وحنونة وطيوبة..وهادئة وكل الصفات البريئة والحلوة فيك..اي رجال بالعالم يبيك ويتمناك...ليش ماتفتحين صفحة جديدة وتبتدين حياة جدية وتستغلين تغيره لصالحك؟
عبير/أي بس...اخاف يانجود..
جواهر/تخافين من شنو؟مو تقولين تغير من كل النواحي!!وش اللي مخوفك؟
عبير وهي شبه تبكي/ولمياء!!وحبه لها!!!
نجود/اعقلي ياعبير ولاتخربي حياتك وبيتك بيدك!!يمكن انه اكتشف وحتى اذا كان اكتشافه متاْخر..انها وهم وانه مابيوصل لها..وانه شبه ضيعك من حياته ولازم يعوضك اللي راح!!ليش ماتقولين انه رد لصوابه ويبي يصلح غلطته معك..
جواهر/انا مكانك امسك بيده واكمل معه..معليش انجرحتي مرة ومرتين..بس بعد فكري بسلبياتك وبانك اهملتيه فترة مثل ماهو كان هاملك..واللحين صار الوقت اللي اثنينكم صار لازم تتخذون خطوة في بناء حياة جديدة وبلا ها المشاكل...استقروا جيبوا لكم عيال لمتى ..فرحونا يالله نبي وناسة بالبيت وصبي صغير يخدمنا!!!
نجود ابتسمت/سمعتي!!يالله روحي جيبي لنا صبي صغير يخدمنا..ومعليش لو صارت شغالة صغيرونة مابنقول لا؟؟؟
/////////////////////////////////////////////////////////////////////////////////////////////////////////////////////////////////////////////////
بمارينا مول...
دخلت لبنى المحل بعد مادق لها عبد العزيز وقال لها ان المحل فاضي وانه محمد اللي معه نزل ...
دخلت بسرعة وراحت عند الكاشير..
عبدالعزيز وعيونه على البا/هلا وغلا..نور المحل بتشريفك يالست لبنى..
لبنى فتحت لثامها/ست لبنى!!جديدة هاذي؟؟؟
عبدالعزيز كانت عيونه تسرق منها كم شوفة وهو يناظر بالبا ومو قادر يقاوم شوفتها..
حطت له الكيس على الطاولة/بالعافية..بس امانة تقولي رايك اول ماتذوقه!!
عبدالعزيز/يعني انتي طابخته وش تتوقعين بيكون راي!!والله لو هو مر بقولك احلى من العسل!!
لبنى/أي بس اتفقنا بدون مجاملات ..تعطيني رايك بصراحة!!!!
عبدالعزيز/شسوي انا بنفسي انتي كلك على بعضك عسل يعني أي شي تصلحينه بنفسك بيكون عسل وسكر بعد!!!
لبنى بدلع/متاْكد!!!!
عبدالعزيز بهمس/احبك...
لبنى تنهدت/وانا اكثر..
عبدالعزيزبالم/انا ماابي كذا يالبنى ماابي!!ابي نكون مع بعض مو نسرق شوفة بعض بالعجلة واحنا حاسين ان احنا مسويين جريمة؟؟؟
لبنى تنهدت وحطت لثامها/انا ماشية..مع السلامة..
ناظرها بشفقة وهو عارف انها تحسست وقال بتشفق/صدقيني من زود حبي لك اقول ها الكلام!!انتي عارفة انتي بالنسبة لي شنو؟؟؟مو معقولة نضل عمرنا كله كذا يالبنى مايصير!!!
لبنى بالم/الله كريم...ثقتي برب العالمين كبيرة...واثقة ان احنا لبعض وان حبنا بيخلينا ناخذ بعض رغم كل شي حولنا...واثقة ان احنا بنتحدى كل شي علشان ينتصر حبنا بالنهاية ياقلبي!!
عبدالعزيز بالم/والماديات!!وراي ابوك!!مالهم أي دور بحياتنا وعلى مصيرنا!!!!
لبنى مشت بدون ماترد عليه ويوم و صلت لعند الباب قالت له وهي تحاول تغير الجو وتلطفه/لاتنسى تدعيلي اذا عجبك الاكل....يالله بنتظار مكالمتك حبيبي....
طلعت من المحل ومشت بالمجمع وهي ماتدري لوين تروح...كانت نظارت عبدالعزيز ولهجته التعبانة والمتاْلمة قاعدة تشكلهابقلبها وهي مو قادرة تسوي شي ابدا!!!
قاعدة تعطي نفسها امل وتحاول تكون قدامه الانسانة الواثقة من مصيرهم وارتباطهم مع انها اكثر وحدة عارفة ابوها وانه مابيقتنع لو يموت على عبدالعزيز!!بس شتسوي مجرد بث الامل بنفسها يعطيها شعور غير ويعيشها بجو ثاني!!!!
//////////////////////////////////////////////////////////محمد/لاتقولين ولاشي زعلان منك حيل؟
فوزية/بسم الله الرحمان الرحيم!!!
محمد/أي والله...
فوزية/محمد شا السالفة؟؟خير شفيك؟
محمد/تساليني!!اسالي نفسك حضرتك؟
فوزية/لاتقول علشان امي ومصعب عندكم بالبيت واني مومعهم!!حبيبي تدري اني ماطلعت لسه من الدوام؟بس اول مااطلع بدق على امي اذا بعدها عندكم بجي ولايهمك...
محمد/بعد بعد!!هاذي سالفة ثانية ياحلوة؟
فوزية/يعني انت مو زعلان علشان كذا!!اجل لشنو انت زعلان ياعمري؟.
محمد/ليش انك ماخذة لمنالوا هدية ومو ماخذة حقي!!
فوزية/بس هذا اللي مزعلك!!!ويمكن اني شارية لك وبخليها مفاجاْة!!!
محمد/في ها الحالة..انا زعلان ليش انك ماجيتي البيت مع امك واخوك ولو اني مو بالبيت؟
فوزية/يعني الا تشوف لك مدخل زعل ولامايصير؟؟؟اه منك..
محمد/هههههههه مو من حقي اتدلع على حبيبتي؟
فوزية/المشكلة انك مو بالبيت وماتدري انهم هناك لو ماانا تكرمت وقلت لك!!بس شقول بعد امري لله...ملزومة ارضيك ولو ماكنت غلطانة..
محمد/بعشى ولا بغذى؟
فوزية/لا هذا ولاذاك..باخذ لك كيكة..ولاليش كيكة سينبون ويكفيك واذا مريت بيتكم بعدين بحطه اخذته اخذته مااخذته بكيفك!!!
محمد/افا!!!انا حمود بتراضيني بسينبون؟
فوزية/وبشنو تبي اراضيك بالله!!!
محمد/مو اقل من جو شاعري على شموع...وموسيقى هادية وحركات...
فوزية/ياسلاااام!!!تحلم؟
محمد/طيب احلم..مابتحقققين حلمي؟
فوزية/يبيلها تفكير عميق....شوف متى يجيك الرد ياولد امك وابوك؟
/////////////////////////////////////////////////////////
ام مشاري/كلمتي نجود تسالين عنها يامنال؟
منال/اليوم صراحة لا؟؟
ام مشاري/ليش؟
منال/والله انشغلت بتحضير العشى تركي قايل بيتعشى هنا الليلة..او بالاحرى انا عزمته الليلة على العشى مثل ماقلت لك؟
ام مشاري/أي..
منال/وبس..توني طالعة من المطبخ شوفة عينك بتحمم على مايجي..ماصار عندي وقت...
ام مشاري/لاتخلين تركي ياخذ كل وقتك ويشغلك عن كل شي...
منال بخجل/لامو كذا السالفة يمه..
ام مشاري/ماعليه يمه ..كلميها انا بكلمها بعد متولهة عليها بسمع صوتها..
منال/طيب...
مسكت جوالها ودقت على نجود...
ام مصعب/ياهل البيت..
ام مشاري/هلا ام مصعب حياك احنا بالصالة...
ام مصعب/معك احد..هذا مصعب بيسلم عليك..
منال اخذت شيلتها وحطتها على شعرها..
ام مشاري/ادخل ماكو غير منال...
ام مصعب/هلا يمه..
منال/هلا عمتي.....ووقفت بعيد تكلم,,,
منال/الو مرحبا..
جواهر/اهلين بالعروس...
منال/هلا والله بجواهر..كيفك ياقلبي اشتقنا لك..
وقف قلبه يوم سمع الاسم وناظر بمنال لاشعوريا وهو يبي يتاكد انها تعني جواهره هو اللي يحبها...
جواهر/الله يسلمك..
منال/شلون نجود اليوم؟
اللحين بس تاْكد انها هي المقصودة وتنهد من قلب وقف يسمع شبتقول لها بعد ماغير ها الاسم من لونه بالمرة؟
جواهر/دعواتك لها..ان شاءالله بخير...
منال/مشغولة؟
جواهر/والله معها خوالها داخل اذا تبين بدخل لها الجوال ولا بتدقين لها بوقت ثاني براحتك؟
منال/لا..كنت بكلمها..خلاص اكلمها بكرة..سلميلي عليها وتحمدي لها بالسلامة بالنيابة عني!
جواهر/ان شاءالله يوصل...سلمي على الاهل....
ام مصعب/ادخل يمه ليش واقف؟
مصعب/ها..لامعليش انا بس حبيت اسلم وبمر عمتي نجلاء بالمرة بسالها اذا كانت محتاجة شي هي ولاالعيال..
ام مصعب/وش بينقصها يعني!!!اسبوع اللي رايحه جدة اخوي ماهو شهر؟؟ماعندهم قاصر روح توكل بس ماله داعي..
مصعب/مايصير يمه..
ام مصعب/بكيفك....
طلع مصعب ولفت ام مشاري على ام مصعب/خير..مالك خلقهم ليش ان شاءالله؟
ام مصعب وهي تناظر بمنال/لا ولاشي سالفة بعدين اقولك عنها..
منال/انا استاْذن بروح اتجهز..
ام مصعب/وش عندك؟
منال/تركي جاي يتعشى هنا ..
ام مصعب/امممم...زين اللي بنشوفه..من يوم الملكة ماشفناه,,,,
**********بقسم ام فيصل,,,
نجلاء/هلا مصعب هلا حبيبي..
مصعب/عمتي ناقصك شي تبين شي؟
نجلاء/لاوالله يمه مو ناقصنا شي..عساك سالم ماتقصر..
مصعب/وين العيال اجل ماشفتهم في بيت خالي يوم امر قبل شوي؟
نجلاء/وي قطيعة تقطع بيت خالك الود ودي مايطبون بس فصيل هذا من يقدر عليه!!!!سارة بغرفتها ولمى نامت وفيصل تلاقيه يعفس من هنا وهنا مايقعد بمكانه,,
مصعب/ياحليله ابو فهد .....يالله انا ماشي تبين شي قبل لاامشي...
نجلاء/اقعد عاد من زمان ماشفتك..
مصعب/والله مااقدر مواعد واحد من الربع بمره حتى مشاري وانا جاي قال لي انه تركي بعد شوي بيجي يتعشى مع خطيبته اقعد سلم عليه وتعرف عليه اعتذرت منه وقلت له مرة ثانية ان شاءالله..
نجلاء/تركي بيجي؟؟؟تصدق ولااحد قال لي؟؟؟لكن زين؟
مصعب بارتباك/عمتي ماهي عزيمة..هو جاي لخطيبته..حتى خالي ماهو بالبيت؟
نجلاء/زين....
مصعب/يالله انا ماشي...
نجلاء/الله معك يايمه.....
////////////////////////////////////////////////////////////////////فهد كان واقف بالفندق قبال النافذة ..
وسالم يطالع بالتلفزيون..
فهد/تهقى طلعوا خوالها ولالسه؟
سالم بلامبالاة/لسه..
فهد/وليش مطولين عاد؟
سالم/توها ماصارت تسع ونص؟؟؟عندك الليل بطوله تكلمها اعتق البنت شوي وخلها عند اهلها..
فهد/أي بس هي تعبانة ولازم ادير بالي عليها...
سالم/أي بس ياقلبي..لاتنسى انك للحين مافاتحت ست الحسن والدلال..
فهد بعصبية/سالم؟؟
سالم/تصدق مرتك تذكرني بطليقتي...
فهد/خلاص عاد؟
سالم/مادقت عليك ولامرة من جينا الشرقية؟؟يعني من ثلاث ايام!!حتى عيالك اشوفك ياتدق انت لهم على البيت ولا يكلمونك هم من بيت عمهم؟؟؟؟
فهد سكت وماعلق..
سالم/فهد,,اتخذ قرارك بسرعة قبل لايمشي فيك الوقت ياخوي..ساعتها ماراح يفيدك ندمك....
فهد/الله كريم ياسالم الله كريم....والله ان عقلي كله مشغول وماهو قادر يستقر بتفكير ابدا!!
سالم/انا مثلك يافهد.....بس الفرق بيني وبينك اني للحين مالقيت لي وحدة تشاركني حياتي وتبدي معي من جديد ..بس انت عندك النعمة تحت رجلك ورافسها ومو مقدر ثمنها؟
فهد بنرفزة/سالم انت تعرف غلاوة نجود عندي ..بس انا فعلا محتار ماابي ابني سعادتي على حساب عيالي وبيتي اللي بينهدم من ها الزواج؟
سالم بعصبية/بالله ماتقول لي بيتك وش اللي بيهدمه اذا تزوجت؟
فهد/نجلاء ومن غيرها؟
سالم/ومن متى انت تاخذ راي نجلاء بعين الاعتبار ولاتخوفك تصرفاتها؟؟
فهد بعصبية/ياسالم انا نجلاء عمرها ماتهمني ولابتهمني بعد!!بس ماابيها تاْثر على العيال من هنا ومن هنا وتقلبهم عليّّوخصوصا سارة اللي قاعد استميلها ناحيتي...اي صدق ذكرتني اليوم ماسمعت صوتها..خل ادق عليها يمكن انها مانامت والاكيد انها مانامت وان البيت مقلوب فوق تحت بغيابي....
مسك جواله ودق على البيت وردت عليه الشغالة وسال عن نجلاء وقالت له انها في قسم اخوه بو مشاري وسالها عن سارة وراحت تناديها..
سارة بفرح/هلا بابا..
فهد/انا ازعل منك ولاافرح لاني سمعت صوتك ياسارة؟
سارة/ليش؟
فهد/كم الساعة اللحين؟مو المفروض تكونين بفراشك ياباب؟ولاعلشاني مو موجود ماخذة راحتك بالسهر..
سارة بارتباك/لا بابا...انا عندي امتحان بكرة وقاعدة اذاكره...
فهد بتاْنيب/وطول العصر والضهر والمغرب وش كنتي تسوين؟
سارة بارتباك/كان بطني يعورني ويادوب حليت واجباتي وريحت شوي واللحين قاعدة اذاكر ماابي اروح الامتحان بكرة وانا مو عارفة احل..وتوني بدخل فراشي نادتني الشغالة وقالت انك تبيني وقلت اكيد ان بطني عورني اليوم لاني ماسمعت صوتك؟
فهد/انا دقيت اليوم وفيصل قال انك مو هنا؟
سارة/كنت مع مي ...
فهد/طيب امك ليش رايحة بيت عمك؟
سارة/امي!!والله مدري اقولك داخلة بنام....
فهد/خلاص بابا انتبهي على نفسك وروحي نامي..بكلمك بكرة اشوف وش سويتي بالامتحان طيب..
سارة/مدام سمعت صوتك اكيد بسوي زين..بابا اذا قلت لك بكرة اني سويت لك زين وش بتشتريلي من جدة؟
فهد/اللي اشوفه يناسبك يابابا...تصبحين على خير...
////////////////////////////////////////////////////////////////////////
يالله ابي تعليقاتكم للبارت الجاي وش بيصير انا ماراح احط لكم اي اسئلة ولا شي بس ملزومين تكتبون ولا تراني بزعل منكم
,,
دائما هناك منبع للعطاء والتقدم,,
واسباب للتواصل والاستمرار,,
[size="5"]انتم,,نعم انتم,,يامن تشجعوني وتثنون دائما على مااكتب ..انتن اسباب تواصلي واستمراري معكم رغم كل مالاقيه من مضايقات واقاويل بكل وقت وزمان,,لكنني معكم اشعر بالسعادة لما اقرئه من لفتاتكم الجميلة,,
عزيزاتي لكل واحدة منكن مكانة ما في قلبي,,,واحببت ان اوجه لكن جميعا كلمة شكر لمتابعتكن اياي...فالف الف شكر يامن تقفون بجانبي وتشدون من ازري على المتابعة ولكن مني اليوم هدية بسيطة قد ترضي البعض فيكم,,
ثلاثة بارتات مدموجة مع بعضها,,,[/size]
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,
البارت الخامس والاربعين والسادس والاربعين والسابع والاربعين,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,
فهد كان واقف بالفندق قبال النافذة ..
وسالم يطالع بالتلفزيون..
فهد/تهقى طلعوا خوالها ولالسه؟
سالم بلامبالاة/لسه..
فهد/وليش مطولين عاد؟
سالم/توها ماصارت تسع ونص؟؟؟عندك الليل بطوله تكلمها اعتق البنت شوي وخلها عند اهلها..
فهد/أي بس هي تعبانة ولازم ادير بالي عليها...
سالم/أي بس ياقلبي..لاتنسى انك للحين مافاتحت ست الحسن والدلال..
فهد بعصبية/سالم؟؟
سالم/تصدق مرتك تذكرني بطليقتي...
فهد/خلاص عاد؟
سالم/مادقت عليك ولامرة من جينا الشرقية؟؟يعني من ثلاث ايام!!حتى عيالك اشوفك ياتدق انت لهم على البيت ولا يكلمونك هم من بيت عمهم؟؟؟؟
فهد سكت وماعلق..
سالم/فهد,,اتخذ قرارك بسرعة قبل لايمشي فيك الوقت ياخوي..ساعتها ماراح يفيدك ندمك....
فهد/الله كريم ياسالم الله كريم....والله ان عقلي كله مشغول وماهو قادر يستقر بتفكير ابدا!!
سالم/انا مثلك يافهد.....بس الفرق بيني وبينك اني للحين مالقيت لي وحدة تشاركني حياتي وتبدي معي من جديد ..بس انت عندك النعمة تحت رجلك ورافسها ومو مقدر ثمنها؟
فهد بنرفزة/سالم انت تعرف غلاوة نجود عندي ..بس انا فعلا محتار ماابي ابني سعادتي على حساب عيالي وبيتي اللي بينهدم من ها الزواج؟
سالم بعصبية/بالله ماتقول لي بيتك وش اللي بيهدمه اذا تزوجت؟
فهد/نجلاء ومن غيرها؟
سالم/ومن متى انت تاخذ راي نجلاء بعين الاعتبار ولاتخوفك تصرفاتها؟؟
فهد بعصبية/ياسالم انا نجلاء عمرها ماتهمني ولابتهمني بعد!!بس ماابيها تاْثر على العيال من هنا ومن هنا وتقلبهم عليّّوخصوصا سارة اللي قاعد استميلها ناحيتي...اي صدق ذكرتني اليوم ماسمعت صوتها..خل ادق عليها يمكن انها مانامت والاكيد انها مانامت وان البيت مقلوب فوق تحت بغيابي....
مسك جواله ودق على البيت وردت عليه الشغالة وسال عن نجلاء وقالت له انها في قسم اخوه بو مشاري وسالها عن سارة وراحت تناديها..
سارة بفرح/هلا بابا..
فهد/انا ازعل منك ولاافرح لاني سمعت صوتك ياسارة؟
سارة/ليش؟
فهد/كم الساعة اللحين؟مو المفروض تكونين بفراشك ياباب؟ولاعلشاني مو موجود ماخذة راحتك بالسهر..
سارة بارتباك/لا بابا...انا عندي امتحان بكرة وقاعدة اذاكره...
فهد بتاْنيب/وطول العصر والضهر والمغرب وش كنتي تسوين؟
سارة بارتباك/كان بطني يعورني ويادوب حليت واجباتي وريحت شوي واللحين قاعدة اذاكر ماابي اروح الامتحان بكرة وانا مو عارفة احل..وتوني بدخل فراشي نادتني الشغالة وقالت انك تبيني وقلت اكيد ان بطني عورني اليوم لاني ماسمعت صوتك؟
فهد/انا دقيت اليوم وفيصل قال انك مو هنا؟
سارة/كنت مع مي ...
فهد/طيب امك ليش رايحة بيت عمك؟
سارة/امي!!والله مدري اقولك داخلة بنام....
فهد/خلاص بابا انتبهي على نفسك وروحي نامي..بكلمك بكرة اشوف وش سويتي بالامتحان طيب..
سارة/مدام سمعت صوتك اكيد بسوي زين..بابا اذا قلت لك بكرة اني سويت لك زين وش بتشتريلي من جدة؟
فهد/اللي اشوفه يناسبك يابابا...تصبحين على خير...
//////////////////////////////////////////////////////////////
هنوف/الو..
ناصر/هلا...
هنوف/طلعوا خوالك؟
ناصر/أي قبل ساعة طلعوا..
هنوف/زين يعني مااضايقتك باتصالي؟
ناصر/لاعادي..
هنوف/أي انا قلت ادق الحق عليك قبل لاتنام لانك مو سهير باخر الليل..؟
ناصر/خليت السهر لااهله؟؟ماسمعتي نام بكير واصحى بكير شوف الصحة كيف بتصير؟
هنوف/وكيف بتصير؟
ناصر/هههه والله مدري؟
هنوف/يعني بس كلام ياحظي؟
ناصر/ههههههه
هنوف/ناصر..
ناصر/امريني يابنت العم...
هنوف/كنت بكلمك بموضوع بس مترددة حييل
ناصر/خير ان شاءالله قولي انا اسمعك..
هنوف بتنهيدة/اللي قلت لك اني احبه..متعبني
ناصر/متعبك!!وش مسوي لك ياهنوف علميني ولاتخبين عليّ شي انا بحسبة اخوك..هو ماسك عليك شي ويهددك فيه؟قولي خليني اروح اتفاهم معه؟
هنوف/اصيل ياولد عمي...بس السالفة مو كذا!!
ناصر/اجل وش السالفة؟
هنوف/اني مو قادرة اقوله واصارحه بحبي؟
ناصر بذهول/يعني للحين مايدري عنك وعن حبك له؟
هنوف بضعف/لا..
ناصر/ولمتى تنتظرين لين يتخرج من جامعته ويشتغل ويخطب له بنت حلال؟
هنوف بخجل/أي بس هو مو بالجامعة هو يشتغل...
ناصر/............افضل شي انك تصارحيه..صحيح يمكن تحسينها ثقيلة ولامدري انتوا شلون تحسونها يالبنات تروحون وتقولون لشاب احبك... بس اذا انتي تبينه وحاسة انك بتخسرينه لو ماقلتيها لازم تحاولين...
هنوف/رايك كذا!!!بس انا احس اني خجلانة ومو عارفة اذا بيتقبلني ولا مايبيني؟
ناصر/انتي جربي مو خسرانة شي؟
هنوف بالم/وافرض ماتقبلني؟؟؟اعيش بهم وحسرة طول عمري من رفضه لي!!!!!
ناصر/عارف انها صعبة...بس قلبي معك يالهنوف صدقيني كلا الحالتين صعبة وتعور بالقلب..بس ان شااءالله اذا هو من نصيبك ومكتوب لك بتاخذينه
هنوف/يارب يارب يكون من نصيبي..
ناصر/بعدين يالهنوف انتي بعدك صغيرة على الحب!!!العمر قدامك بكبره وش اللي حادك على الحب من بدري كذا!!!يمكن انه يكون مجرد اعجاب وبس!!!
هنوف/لاياناصر هذا حب..حب انا متاْكدة من ها الشي....
/////////////////////////////////////////////////////////
ركب مصعب سيارته وهو بحالة ضيق ونرفزة..
مو قادر يشيلها من خياله وافكاره وكل ماحاول يجي طاريها ويقلب له كيانه من جد وجديد,,
صورتها وصورة بندر مو مفارقين مخيلته وكانهم استحلوا كل شي وكل قطعة بتفكيره..
ياترى ممكن انك تسعدها يابندر...وتخليها اسعد بنت على وجه الكون مثل لو اخذتها انا!!!ولا انت بتسعدها اكثر مني لان حبك لبعض متبادل!!!!
ليش شفتك بعد مااتخطبتي ياجواهر ليش؟؟؟وش ها القدر اللي استكثر عليّ لذة الفرحة فيك وانتي اللي سحرتيني وملكتيني بكلمتين,,,,
جواهر..يااغلى درة مكنونة بالارض عسى الله يحفظك ويحميك من كل شر يارب.....
وعسى بندر يصونك ويقدر قيمتك..وعسى ربي ينسني اياك ويرتاح بالي شوي من كثر تفكيري فيك؟
///////////////////////////////////////////////////////////
بمجلس الرجال اللي كانوا قاعدين فيه تركي ومنال يتعشون,,,
انطق الباب ودخلت شغالة ام فيصل حاملة صينيتها ووراها نجلاء...
نجلاء/هلا ومرحبا بولد الصالح والله..
تركي وهو يناظر بمنال وكانه يستفهم منهي هاذي/هلا فيك عز الله مقدارك..
نجلاء/طبعا ماعرفتني انا نجلاء....زوجة فهد الفارس
تركي/اها..الاستاذ فهد...هلا ومرحبا..
نجلاء/يعني تعرف فهد؟
تركي/اكيد من مايعرف المحامي ..الاستاذ فهد الفارس....زوجك علم..
نجلاء/أي بس مايوصل لكم ياعيال الصالح؟؟
تركي باستغراب/افا..ليه عاد!!!
نجلاء/ترى منالوا ماقالت لي انك جاي والله كان حطيت لك السفرة من كل نوع بس مو ذنبي؟
منال بشوية عصبية/كلفتي على نفسك ياام فيصل انا ماحبيت اسوي حلى لاني قلت بنتعشى وبنحلي بسوالفنا مانبي نثقل..
نجلاء/مو شي كبير ومايليق بمقام ولد الصالح بس ولا العدم..
تركي/ماتقصرين والله..
نجلاء/شلون الوالدة..
تركي/الحمد الله بخير..
نجلاء/سلم عليها كثير وقول لها بينا زيارة ياهي تبدي فيها ولاانا ببدي فيها وان شاءالله يكون بينا اتصال..
تركي/يبلغ ان شاءالله...
نجلاء/حياك الله البيت بيتك ياتركي....
////////////////////////////////////////////////////////
اخر الليل,,,,
بندر/شلون حبيبية قلبي,,,
جواهر/بخير....انت شلونك
بندر/مشتاق لك كثير...
جواهر/اشتاقت لك العافية حبيبي...
بندر/بعدك ماخذ على خاطرك مني؟
جواهر/لا..
بندر بشك/اكيد؟
جواهر/اكيد..تعرفني مقدر اطول بزعلتي عليك يالغالي...
بندر/مايجي بكرة بسرعة وانا مصدق..
جواهر/ليه؟
بندر/تسوين روحك ماتدرين وش بسوي يعني اذا شفتك بكرة اول مااتطيح عيني بعينك؟
جواهر/اممم يعتمد وين بنشوف بعض؟
بندر/والله مايخصني ان شاءالله عند ابوك ولاقدام امك..بحضنك بقوة ومابيبعدني عنك شي؟
جواهر/مجنون وتسويها؟
بندر/شخبار الثوب..
جواهر/ماشي عال العال..
بندر/قرب ...
جواهر/أي تقريبا باقي شهر واستلمه...
بندر/ومنو اول واحد بيشوفه؟
جواهر/نجود ولبنى..لانهم هم اللي رايحين معي
بندر/طيب قولي لي باي مشغل وانا بروح اشوفه؟
جواهر/ممنوع..
بندر/يعني مااكسر بخاطرك...
جواهر/لا
بندر/طيب...ماراح تساليني لااي مرحلة وصلنا بقاعة الجواهر للاحتفالات؟
جواهر/..............
بندر/ها الاسبوه بيصبغون..وش رايك اول مايخلصون صبغ اخذك تشوفينها؟مابتصدقين مثل اللي كنتي توصفينها لي قبل بالضبط بالشكل والديكور واللون؟
جواهر/ماراح اصدق الا لين شفتها بعيوني؟
بندر/شفتي اني اطيب منك وراح اوريك القاعة مو مثلك بخلانة عليّ بشوفة الثوب؟
/////////////////////////////////////////////////////////
فهد/انا ماابي كذا وعدتيني تطيبين وماطبتي للحين شسوي فيك قوليلي؟
نجود/يقولون الطعنة ماتاْثر بالميت..وش ماتبي سوه ماهي فارقة عندي؟
فهد/خيبتي املي...كنتي بالنسبة لي جبل مايهزه شي يانجود..
نجود تنهدت/..........
فهد/.........
نجود بالم/حبيبي والله ورب الكون منت حاس بللي انا قاعدة اعانيه..الشي مؤلم صدقني ...
فهد برفق/ياقلبي عارف انه مؤلم بس انتي اقوى من كل شي...
نجود/انا حتى بالاجازة شكلي بمددها..موقادرة..
فهد/شلون يعني مو جاية الرياض ها الاسبوع؟
نجود/اذا ظليت كذا ليوم الاربعاء ماظني بطيب يوم الجمعة وبجي..
فهد بصرامة/تعالي..حتى ولو ماطبتي..
نجود/وش اسوي اجي؟
فهد/تجين عندي انا اباريك وادير بالي عليك...لاتداوميني بس خليك قربي علشان اتطمن عليك ...
نجود/حبيبي...
فهد/مافيني اخذ اجازة اسبوع بعد...يعني انتي عارفة زحمة المكتب..والعيال اللي تاركهم مع نجلاء وانا عارف ان كل الانظمة بالبيت فوق تحت انقلبت؟
نجود/فهد انا ماقلت لك تعال معي انت جيت بنفسك؟لاتقعد تخليني احس بتاْنيب ضمير انك تركتهم وجيتني؟
فهد/لاياقلبي مااقصد صدقيني ..بس تعرفين مااقدر اتشتت..ابيك وخايف عليهم..
نجود/ادعيلي..
فهد/اهم شي الارادة والعزيمة والاصرار انك تتخطين ها المرحلة
نجود/طيب
فهد/قولي وعد..بكرة من الصباح بكون غير وكل شي حولي بيكون غير وبرجع نجود اللي حبها فهد
نجود/وعد
فهد/أي كذا تريحني...
//////////////////////////////////////////////////////////////////////////////////////////كانت قاعدة بغرفتها وهي تناظر بعلي اللي واقف ويتكلم مع بندر بالجوال قبال المرايا وهي تفكر بكلامهم لها...يعني معقولة تنسى كل تعبها وجراحها من علي وتبتدي معه صفحة جديدة؟؟
يعني في امل انه ينسى لمياء ويفكر فيها وهي تنسى انه كان تفكيره المجرد بس يخونها ويفكر بغيرها؟؟؟؟
كل شي صعب...تغيير نفسها صعب ونسيان الماضي صعب..
بس في شي اصعب من الثاني..
وهي لازم تقرر..لمتى بتكون هاذي الحياة بينها وبين علي عاد!!!
لازم تفكر بكلام جواهر ونجود وتاخذه بعين العقل..
وطالما انه قاعد يتغير هي بعد لازم تتغير معه مثل ماقالوا لها وتستغل ها الفرصة اللي ممكن تقلب حياتها فوق تحت!!!
بس لو ماكان يحبها بجد وناوي على شي هي ماتعرفه وش ممكن يصير لها ساعتها!!!!!!!
علي بهمس/الو..وينك وين سرحانة فيه؟
انتبهت على صوته وهو شبه منحني عليها يكلمها..
عبير بشرود/ها..ولا شي موجودة....
علي/أي بس منتي معي صار لي ساعة اكلمك وانتي بعيد.....
عبير/يمكن سرحت شوي......تصبح على خير...
/////////////////////////////////////////////////////////////////////////////////////////////////////////////
الصباح في بيت السبيعي,,,
ام علي/صباح الخير يمه ..شلونك..
نجود وهي تمشط بشعرها/هلا خالتي صباح الانوار....
ام علي/لا اليوم النفسية احسن بكثير عن اول..
نجود/الحمد الله حتى الصداع بداْ يخف بس لازم له شوية وقت وينهي..الحمد الله رب العالمين على كل حال...
ام علي/عسى الله يعطيك العافية ويريح بالك ان شاءالله..يالله على ماتغسلين بكون جبت فطورك..مسوية لك العصيدة اللي تحبينها من يدي...
نجود/ماتقصرين ياخالتي عسى عمرك طويل..ان شاءالله عقبال ماتفرحين بشوفة عيال علي وهيا..
ام علي تنهدت/علي........الله يسمع منك ان شاءلله ويهديه ويصلحه ها الولد...
نجود/ان شاءالله خالتي ان شاءالله,,الله كريم ماهي ببعيدة على رب العالمين....
ام علي/صدقتي يابنيتي مافي شي بعيد على رب العباد...هو القادر على كل شي...
نجود/انا شفت الموت بلحظة من اللحظات اول ماطلعت من العملية..حسيت لاني عايشة وكل شي فيني قاعد يموت ببطْ شديد..والله لو اعرف اوصف لك حالتي اللي كنتي فيها كان وصفتها....بس الحمد الله شوفي هذا انا اسولف معك والالم خف الحمد الله وان شاءالله العصر اروح ويشيل باقي الخيوط والليلة اقوم واقعد وبكرة اصير احسن واحسن والجمعة اضب اغراضي واروح الرياض..
ام علي/الله ياكريم يابنيتي يانجود..عسى الله يقومك بالسلامة...يالله قومي غسلي لاتبرد العصيدة..
نجود/يالله قايمة..
ام علي/اسندك يمه..
نجود/لاخالتي انا بخير الحمد الله....
///////////////////////////////////////////////////////////////
في الخبر بلازا,,,,
سالم/الحمد الله ماقومتنا ووديتنا المستشفى مثل كل يوم؟
فهد/لان موعدها اليوم العصر؟
سالم/يعني مافي مجال للتهرب من الموعد؟
فهد/وانت ليش بالله جاي معي الشرقية موعلشان تخاويني وين ماكنت؟
سالم/أي بس مو كل يوم مستشفى؟وبعدين انت لاتدخل معها ولاهم يحزنون؟تنتظرها تطلع علشان تروح للدكتور وتساله؟
فهد/اليوم راح ادخل معها.....وبعدين انا يهمني اتطمن على حالتها بنفسي؟
سالم/عشتوا.....شياب اخر زمن؟
فهد/شوف..
سالم/شنو؟
فهد ابتسم/المحل اللي يقابلنا اسمه نجود...
سالم/الله واكبر...وفتح لك نفسيتك يعني؟تعال بس محل ها الالعاب واعد العيال اجيب لهم ولو ان كل شي عندهم بس عادات قشرة عودناهم نروح ونجي والهدايا قبلنا!!!
/////////////////////////////////////////////////////
العصر,,
رحاب/وانتي ليش متضايقة اللحين؟
منال/لانها ماكانت جاية لي؟
ام مشاري/براحتها محد جبرها تجي ولاتسوي شي من الاساس...
منال/منو قال لها اصلا ان تركي هنا بيتعشى؟
رحاب/يمكن هي شافته وهو جاي ولا شافت سيارته....
منال/لاوالقهر قاطة الميانة حييل والماي يجري بيني وبينها ...ولو انها عارفة ان ها الشي مو صحيح بس مدري ليش قاعدة تسوي كذا؟
ام مشاري/لانها تبي تتقرب من امه...من شافتها ليلة الملكة وهي ملازمتها مثل ظلها..
منال/وقالت له بعد خذ لي موعد من امك وخل يصير ينا تلفون ياهي تزورني ياانا بزورها.....
ام مشاري/وانتي ليش مضيقة خلقك يمه..
منال/لاني انحرجت ماعرفت اقوله ان علاقتنا بعمي بس زينة بس نجلاء ماتحبنا واقل هبة هواء تكشر بوجههنا...
/////////////////////////////////////////////////////
عبير/اووووووووف
علي/ليش تتاْففين؟
عبير/مسوية لك سينبون وخله مايضبط بموت نفسي!!
علي/افا بس افا!!بتموتين نفسك علشان سينبون يبى يوم انك مشتهية دقيتي عليّ اجيب لك وانا جاي...
عبير/ياسااام..يعني سينبون يسويه احسن مني!!!ليش بالله!!!انا لازم اسويه احسن منه واحلى علشان....
علي/علشان شنو؟
سكتت ماجاوبت بس كانت تناظر بعيونه..
علي برومنسية/علشان شنو ياعبير؟
عبير بتردد/ودي اسالك سؤال ومو عارفة شلون اساله؟
علي حط يده بشعرها/سالي؟
عبير/لا بدز لك مسج وانت جاوبني طيب...
علي/طيب بظل متنظر المسج على نار!!!!
تنهدت ونزلت راسها وسكتت وعم الصمت المكان بينهم,,,,
علي/شفيك سكتي..جوالك وعندك يالله دزيه انا بموت على مااعرف شنو سؤالك؟
عبير/بينقلب حالنا لو...
علي/لاتتكلمين بالالغاز وقولي كل شي بوضوح؟
عبيرقامت من مكانها واخذت جواله/انا بروح الحديقة امشي...وبعدين برسله لك....
//////////////////////////////////////////////////////
نجود/تسلمين ماتقصرين ياملاك...
ملاك وصوتها بيروح من كثر البكي/والله انها كسرت بخاطري ولاخلتني اكلمك..
نجود/معليش انا كنت تعبانة بجد وقلت لها ماودي اكلم احد؟
ملاك/أي بس انا قايلة لك وقلتيلي بتردين عليّ؟
نجود/ماكان لي خلق احد اصلا ياملاك صدقيني..وهذا انا اليوم صرت بخير ورديت عليك بنفسي وطمنتك..
ملاك/أي بس انا زعلانة..لاني خفت عليك كثير وامي مارضت اجي لعندك وانتي مارخصتيلي وجواهر ماخلتني اكلمك؟
نجود/امك تفهم بالذوق حيل مشاءالله عليها عسى الله يحفظها لكم وجواهر انا قايلة لها اني تعبانة ومابرد على احد الا اذا صرت افضل..
ملاك/وانتي اللحين افضل..
نجود/الحمد الله وين قبل يومين حييل تغيرت اكيد قاعدة تدعيلي بعد كل صلاة ياملاك صح ولالا؟
ملاك بسرعة/انتي عندك شك اني قاعدة ادعي لك؟
نجود/هههه لاادري فيك مايحتاج اوصيك...
ملاك/يعني بتداومين يوم السبت ولاسؤالي جاي بدري؟
نجود/والله للحين ماقررت شي يعتمد على رقدتي الليلة وقومتي بكرة كيف بكون....تعرفين الصداع شوي مع كل قومة وقعدة يتعبني..ومافيني اجيكم المدرسة وانا بعدني تعبانة....
ملاك/عسى ربي يسلمك ويعافيك ويخليك لنا ان شاءالله..
نجود/تسلمي..خلاص تطمنتي عليّ وسمعتي صوتي..
ملاك/ماراح اسكر!!!!ماصدقت اسمع صوتك تبيني اسكر؟
نجود/ماوراك مذاكرة؟
ملاك/كل المدرسة مالها طعم بدونك...
نجود/لايكون رجعتي تغيبين مثل قبل؟؟اوعي ياملاك ترى بزعل منك لو عرفت انك اهملتي!!
ملاك/لا ماغبت صدقيني..بس صايرة اروح المدرسة بدون نفس..حصصك موزعة على ابلة الكيمياء والرياضيات واذا كلش جمعتنا ابلة سعدى مع الفصل الثاني وصار الوضع لايطاق!!!الكل يسال عنك وعن غيابك ..
نجود/.........
ملاك/ماتتصورين شكثر المدرسة كئيبة ومملة بدونك ياابلة نجود..
نجود/ملاك انا شاكرة لك شعورك ناحيتي.....وبس ارجع في موضوع ودي اكلمك فيه واتمنى تتقبلين تتكلمين معي كاْخت وصديقة ماشي..
ملاك بفرح/انتي كل شي عندي.....
نجود/خلاص انا بسكر طيب...
ملاك بزعل/لا..توني اقول انتي كل شي عندي؟
نجود/ابوي بيجي يتقهوى معي اللحين مايصير ..بعدين ..
///////////////////////////////////////////////////
فوزية/مصعب شفيك؟
مصعب تنهد وهو سرحان /ولاشي..
فوزية/والمطلوب مني اصدقك طبعا!!
مصعب/........ف
وزية/مصعب شفيك..حالتك مو عاجبتني اصلا!!
مصعب بعصبية/وش فيني بعد!!مافيني شي؟؟من تشوفوني قاعد سالتوني شفيك؟
فوزية/وليش تصارخ؟
مصعب/انا ماقاعد اصارخ عادي بس سؤالك نرفزني!!!يعني غصب يكون فيني شي؟
فوزية/انا ماقلت كذا ياخوي..بس ها الايام حالك مايسر احد ..لاحبيب ولاعدو؟
مصعب بنفس العصبية/وش فيه حالي بالله!!!!
فوزية بهدوء/دايم شارد وفكرك مو معك,,,حزين وشايل هموم على راسك,,,,متضايق وضيقتك ماْثرة علينا كلنا,,,تعبان وتعبك قاتلنا قبل لايقتلك,,مصعب اذا مفكر ان احنا مو ملاحظين ها الشي فانت غلطان!!انت لاقمت تطلع مع ربعك مثل قبل ولاتجلس تتسامر معنا مثل قبل,,,حتى امي والجازي لاحظوا ها الشي وقالوا لي وسالوني اذا كنت اعرف شي وقلت لهم اني مدري عن شي...ابوي ..البارحة مكلمني يسالني عنك..يقول صوتك متغير وكاْنه حاس ان فيك شي؟؟قلت له من فراق خالي فهد اذا ماشاف خالي تتغير احواله وانا اداري عليك وعلى نفسي....مصعب علامك ياخوي...ليش معذب نفسك ها العذاب هذا كله عاد!!مصعب بنرفزة والم ودموعه مقربة تطيح/لانك ماجربتي تحبين تقولين متعب نفسك ومعذب نفسك وعذبنا معك!!!!
ياليتني ماشفتها بطريقي ولاالتقينا ابدا!!!يابنت الناس انا تعبان مو قادر..دخلت ها البنت فكري ولعبت فيني....
لاني قادر اشيلها وكل مااتذكر خطيبها تزيد فيني النار..ليش هو مو انا اللي صارت من نصيبنا!!شعنده وماعندي علشان تحبه وتختاره تكمل معه حياتها!!!
مستعد احلف لها وللعالم كله ان حبه لها ماراح يغطي ربع حبي انا لها...
فوزية بشدة/بس الاهم انها هي تحبه واختارته هو؟خلاص يامصعب خلاص؟؟كافي..بتجنن نفسك علشان وحدة مرتبطة..انت شفيك مو صاحي!!!!
مصعب نزلت منه دمعة لاشعوريا وكانت معالم وجهه كلها معتفسة فوق تحت ومسحها بكم ثوبه ودخل داخل بدون مايقول أي شي..
فوزية تنهدت بقوة/الله يلعنك ياابليس,,,,,يارب اهديه واصلحه ووفقه للي فيه خير له..
////////////////////////////////////////////////////
في بيت الهاجري....
ام محمد/اليوم العيون عليك باردة مانمتي الضهر ومقابلة المطبخ اكيد بتعشين بندر مو لنا!!
جواهر ابتسمت/يمه..حرام عليكم طول الاسبوع غايب عني وتناظروني بالليلة اللي يقعد معي فيها!!
ام محمد/ههههه عاد انا امك بناظرك ياحظي!!بس اقوله يابخته تنشال عنه نومة الضهر عكسنا لو يتزلزل فينا البيت ماحد لنا!!
جواهر/شدعوة يالغالية..انتوا اغلى عندي من بندر وطوايفه..
ام محمد/ياعسى ربي يجمعكم مجمع خير قولي امين..ولايفرق بينكم ولايسلط عليكم ناس ماترحمكم..
جواهر/امين يايمه امين...
ام محمد بتاْثر/بيفضى عليّ البيت بعد كم شهر ياحبيبتي..
جواهر تقربت من امها ومسكت كفها وباسته/عسى الله لايحرمني منك يالغالية ولامن حنانك ولاوجودك معي وبقربي دوم يارب!!يمه..البيت كله بكله خطوتين وانا جنبكم....وبعدين اذا بندر بيضل هناك انا بضل هنا ماراح اقعد بالشقة بروحي يايمه...
ام محمد بتعجب/كيف يعني..انتي مو قلتي انها دورة وبتنتهي ياجواهر؟
جواهر/.......
ام محمد/شالسالفة لايكون نقلوه هناك علطول بس!!
جواهر/الظاهر كذا يمه....(ماتدري ليش لحظتها ماحبت تقول انه انفصل ولقى له وظيفة جديدة هناك)
ام محمد/لاحووول....طيب وكيف بيصير وضعكم يمه؟
جواهر/مدري يمه..بندر يبي
////////////////////////////////////////////////////////
ناصر/اقول ترى خالد خويي امه وخواته بيجون يحمدونك السلامة ويتعافون لك..
ام ناصر/ولد اصل ها الخالد مايتركنا لابفرح ولابحزن..عسى الله يبلغه بولده ويفرح فيه ويفرحني فيك ان شاءالله..
نجود/عنده بنت ولاولد؟
ناصر/عنده وليد....
نجود/لو انك معرس وياه كان انت بعد عندك محمد اللحين؟
ناصر بخبث/لا كان عندي ثلاثة انا حار مو مثله؟؟
نجود/شوف اللي مايستحي؟؟!!!!
ام ناصر/ههههه يالله اعقلي عن ولدي ...
ناصر/هههههه
نجود/وان شاءالله هو ولدك وانا عدوتك!!سمعيه شيقول؟
ناصر/امزح معك يابنت الناس علامك انتي!
نجود/اقول ويوم انك حار ليش للحين قاعد عزابي وانت بتصك مو بتصل بعد الا صكيت الثلاثين؟
ناصر/بعدني باقي كم شهر؟
نجود/الله واكبر...
ام ناصر/يايمه خلني افرح فيك واشوف عيالك مدامي حية واشيلهم واربيهم لك..
ناصر/لك طولة العمر يالغالية لاتقولين ها الكلام..ان شاءالله بتشوفين عيالي وعيال نجود وطبعا عيالي بيكونون الاقوى علشان نعكس القاعدة وعيالها رايحين فيها ودايم عيالي يطقونهم وينتصرون عليهم..
نجود/تحلم يابابا..محد يلامس شعرة وحدة من عيالي!!!مايجيه خير اللي يقربهم وانا راسي يشم الهوا..
ام ناصر/ياعسى الله يبلغني واشوف ذاك اليوم ان شاءالله....
//////////////////////////////////////////////////////
محمد/هايمه شقلتي؟
ام مشاري/شقول وابوك موجود الكلمة له مولي؟
محمد/هايبى شقلت؟
ام مشاري/بعد بنت اختي والنعم فيها...بس انا اقول لو تصبر شوي يكون افضل..
محمد بحلطمة/وليش بعد اصبر!!
ابو مشاري/يعني ابوها ماباقي له شي ويجي لهم ..خله لين يجي ابوها ونخطبها منه رسمي ...
محمد/...........
ام مشاري/ها خلاص...
محمد/لامو خلاص..زين عطي عمتي خبر يبى؟
ام مشاري/لاماهي حلوة نعطيها خبر يمكن انها تقوله بعدين كيف بتصير روحتنا اذا رحنا نخطبها منه..انتظر وش فيك انت كلها كم يوم..
محمد/مو انتوا ماعندكم قيمة للايام!!الكم يوم يصيرون كم شهر وكم اسبوع مو كم يوم؟
/////////////////////////////////////////////////////////
كان قاعد بغرفته والنار شابة فيه من كل جهة..
طولت...
ماصار ذا مسج اللي بترسله ولاسؤال اللي ودها تساله اياه!!!
ياترى وش عندها تبي تسال عبير؟؟؟
وليش مترددة بعلاقتها معاه كذا!!!
للحين شاكة بتصرفاته وبحبه للمياء؟؟أي اكيد مافي مجال انها بتكون تراجعت عن تفكيرها....
بس انا لازم اقول لها اني نسيت لمياء وفتحت معها صفحة..صحيح مانسيتها نسيتها وتمر على بالي بلحظات كثيرة,,بس اني مقرر انساها واشيلها من بالي وعبير وانا بنبدي حياة جديدة مع بعض..لازم تعرف ها الشي واني بحطها بعيوني وبداريها وبخليها تحبني وانا بعد بحيها,,,
قطع عليه افكاره صوت جواله يدق وفتحه بسرعة وهو يلعن في باله الاتصالات اذا هم اللي راسلين وحمد ربه انها عبير ...
(علي....انت تحبني؟وياترى انت نسيت لمياء ولا قاعد تتلاعب بمشاعري معك؟وهل فعلا احنا قادرين نفتح صفحة جديدة مع بعض)
ارتبك حييل من اسئلتها وكانه ماتوقع وحس ببرودة عجيبة تسري باطرافه......
////////////////////////////////////////////////
//////لبنى وهي فيها النوم../الو..
عبدالعزيز/هلا وغلا..
لبنى بزعل/صباح الخير
عبدالعزيز/أي بس اللحين مو صباح؟
لبنى/صباح الخير على اتصالك يعني تو الناس باقي وقت ليش متصل؟
عبدالعزيز/وش فيك حبيبي زعلان؟
لبنى بعصبية/سلامة عمرك!!مكلفة على نفسي امس وطابخة لك العشى بيدي وجايبته لك للمحل واقولك اول ماتاكله عطني خبر؟؟وانت الله بالخير قافلي الجوال مرة وحدة؟؟
عبدالعزيز/مو كذا السالفة..
لبنى/لاتحاول..انا ماودي اتكلم..مالي خاطر اكلمك؟
عبدالعزيز باستعطاف/طيب سمعيني بس..
لبنى/يعني ماعجبك الاكل قطه بالزبالة وقول الحمد الله ورد عليّ!!مو قافل لي الجوال حضرة جنابك؟
عبدالعزيز/انتي كبريت ولابنزين؟؟؟
لبنى/..........
عبدالعزيز/بسم الله عليّ وعلى عمري....مانتي عاطيتني مجال اتكلم ابدا!!!
لبنى/تفضل..
عبدالعزيز بتنهيدة/شبعده عاد ياقلبي....عموما تسلم يدك على ها الطبخة الروعة..صراحة عجيبة ...بس خسارة اضطريت اخلي محمد ياكل معي...
عبد العزيز/ها وش فيك قولي شي...
لبنى/ليش مقفل جوالك؟
عبدالعزيز/مو مقفله ..طاح وانكسر ..وتوني ماخذ جوال اخوي ....
لبنى/عذر مو مقنع..
عبدالعزيز/شلون يعني؟
لبنى/يعني بعدني زعلانة...
عبدالعزيز/طيب تجين المحل ارضيك..
لبنى/لا..
عبدالعزيز/والحل....
///////////////////////////////////////////////////////////
سالم/كسرتنا اليوم انت بالاسواق شسالفتك ؟
فهد/انت مو تبي تشتري لعيالك اشياء وهدايا هذا انا جبتك الراشد...
سالم/باقي بكرة عندنا خوب احنا مابنطلع الا اخر اخر الليل..
فهد/بكرة بقابل نجود مو فاضي اتسوق لهم؟
سالم/وين بتقابلها؟
فهد/مدري...بس انا قلت لها تاْجل موعدها للساعة ست ونص المغرب يعني على ماتروح وكذا...بنطلع بعدين نتعشى؟
سالم/واللي معها..اخوها مدري شسالفته..خوب شكله لزقة مايفارقها ابدا!!
فهد/هذا اخوها ناصر يحبها حييل..وانا مالومه طبعا محد يعرف نجود ومايحبها.....بس انها بكرة ماراح تروح معه...بتخلي جواهر تروح معها مع سايقهم..هي قالت بتدبرها علشاني..
سالم بخبث/ليش وش بتسوون؟
فهد/والله عجزت اقنعها علشان تطلع معي نتعشى...بالموت رضت وقالت لي انها تعبانة ومالها خلق أي مكان بس انا حلفتها اذا لي معزة ودي اشوفها واتطمن عليها بنفسي..قالت يكفيك بتشوفني بالمستشفى ..ومن هنا ومن هنا يالله رضت ولا هي ماهي مقتنعة اصلا!!!ويادوب كلها ساعة قالت لي اكثر مابتقدر...
سالم/اقول فهد مااشوفك اخذت لنجلاء شي؟
فهد/وماودي اخذ بعد!!
سالم/ليه؟
فهد بعصبية/لعن بو دارها بكمل اسبوع وانا غايب عن البيت سماعة تلفون مارفعت تسالني شخبارك ولاشمسوي؟حتى اذا كلمت يالله تقولي انا طالعة ولابطلع ولامشغولة بعدين اكلمك....ومتفرغة لي البارح متصلة ابيك تشوف لي شي حلو بوديه لاام تركي مدري لمنو اذا راحت تزورها؟؟؟بالله عليك مو حرقة دم؟
سالم/غريبة مع انك مو عاطيها وجه تسوي ها الحركات...
فهد/انا بس منشغل ها الايام بنجود..بس ارجع لازم تنحط النقاط على الحروف ويتقرر كل شي...
سالم/بديت تشتغل بشقتكم مدري بجناحكم؟
فهد/لا لسه..بكلم العيال اول وبعدين بشتغل فيه..ماابي اشتغل فيه واجهز كل شي وبعدين اكلمهم احسهم مابيتقبلون الشي مني وبيحسون بانهم مالهم قيمة...
/////////////////////////////////////////////////////////
الليل في بيت السبيعي كانوا مضاوي ونجود بس اللي قاعدين والباقي ماهم هنا بالاضافة لخوات خالد وامه....
خلود/مشاءالله عليك......تهبلين..
مضاوي بنعومة/تسلمين..
خلود/وين مخبينها هاذي يانجود ماكنت اشوفها قبل؟
نجود/انتي جاية تشوفيني انا ولاهي حددي موقفك؟
خلود/هههههه الاثنين...
نجود/هه على فكرة مضاوي..هاذي خلود اخت خالد صاحب ناصر ترانا شايفين بعض قبل ها المرة يعني زرناهم وزارونا..يعني شبه ماخذين على بعض...خلود ترى مضاوي بنت عمي حياوية حييل..
خولد وهي تتفصحها/مبين عليها....تدرسين؟
مضاوي/لا..زمان تقاعدت عن الدراسة...
نجود/أي زمان!!!صار لها ثلاث سنين مو عشر من خلصت الثانوية وقاعدة تاخذ لها دبلوم اللحين وباقي لها السمستر هذا بس وتتخرج.....
مها (اخت خالد الثانية)/مشاءالله تبارك الله..تصدقين فكرتك بمتوسط؟؟والله مايبين عليك..
مضاوي/...........
نجود/يالله لاتخلونا تذوب عليّ
خلود/يعني اللي يشوفك مايقول مسوية عملية لسانك دوم متبري منك..
نجود/حرام عليك تاْدبت يومين كاملين اليوم بس من شفتك فليتها شوي؟
خلود/ههه يعني شوفتي جابت لك العافية...
مضاوي/الظاهر كذا.....
مها/تعالي مضاوي قعدي جنبنا خل نسولف...
راحت مضاوي قعدت جنبهم وهم عيونهم عليها...
نجود ابتسمت وفهمت نظراتهم وهي ماتطوف شي وملاتخلي شي في بالها/اقول خلود..شخبار محمد اخوك..وين يشتغل اللحين ؟
خلود/يتشغل في بنك ..
نجود/لا..تمام الله يوفقه ..وين؟
خلود/احزري وين..
نجود/بالرياض ولابجدة؟
مها/في مكة...
نجود/مشاءالله..دايم الدوم صلاته في بيت الله ..الله يعطينا ونروح احنا بعد ونصلي في بيت الله ..
مها/ان شاءالله نسافر مع بعض مثل المدينة يوم نروح قروب احنا وانتوا...انبسطنا كثير ذاكرتها ولاناسية؟
نجود/لاوالله مو ناسيتها..عاد تصدقون امي دايم تقول لناصر خل نعيديها..بس الظاهر خالد مرته مالها نية.؟.
مها/تصدقين مانشوفها كثير..بالمناسبات الاجتماعية وبس؟
نجود/وهو عادي مرتاح من الوضع انكم ماتتزاورون؟
مها/اختياره خله ينطق محد قال له؟
خلود بهمس لمضاوي/في احد بالبال؟
مضاوي بخجل/طبعا لا..
خلود بنفس الهمس وهي تبتسم/اجل خلنا نفرح فيك فرحتين..واذا بالك فاضي تراك محجوزة لااخوي محمد بس تتخرجين!!!!!
///////////////////////////////////////////////////////////
باخر الليل وعلى ضوء الشموع...
كان بندر محاوط خصر جواهر بيدينه..وهو يناظر بالطاولة...
بندر بهمس/انتي مسويته علشاني؟
جواهر بنفس الهمس/اذا ماكان لك لمنو بيكون؟
بندر/احبك...
جواهر/صدقني ياعمري لو اظل احلف لك من اللحين لبكرة اني احبك ماراح تصدقني..اصلا حبي لك فاق كل تصور وخيال..
بندر/قولي امين..الله يوفقنا ويتمم علينا فرحتنا...
جواهر/ان شاءالله..الله يسمع منك...
بندر/سامحيني ياجواهر..سامحيني على كل غلطة غلطتها بحقك ياعمري..
جواهر لفت له وحطت اصبعها على فمه/حبيبي احنا بشر..محنا معصومين من الغلط والخطاْ..بقصد ولابدون قصد...صدقني يابندر ممكن تواتجهنا ظروف اقسى من كذا...لازم نتعود على ها الشي والاهم نتصدى للمشكلة ومانخليها تتغلغل فينا..
بندر رفع كفها طبع عليها بوسة حنونة/ياربي..لاتحرمني من ها الانسانة ..ويخليني اسعدها بكل مافيني...
جواهر ابتسمت له..
بندر/بكرة لك عندي مشوار ...
جواهر/وين..
بندر/بكرة بتعرفين....
جواهر/قول..
بندر/لا...
جواهر/مريت الشقة شفت وش صار فيها....
بندر/انتي مبدعة...وكل شي من يدينك وبذوقك حلو..
جواهر/ياسلااام على النفاق!!يعني لو ماسالتـك ماكنت جاوبت؟
بندر/حتى لو قلت لك اني كنت بقول قبل لاتساليني ادري فيك ماراح تصدقيني فما بقول؟خل نتعشى ترى حدي ميت من الجوع واحتمال اكلك لو ماعشيتيني؟
جواهر/طيب..عنادا فيك ماراح نتعشى..وخل محمد اللحين يطب علينا؟
بندر/لا تكفين الا محمد لايجي ؟؟الليلة بالذات مانبيه!!!
//////////////////////////////////////////////////////////نجود/هلا حبيبي....
فهد/هلا فيك..
نجود/شلون اسواقنا عجبتك؟ولااسواقكم بالرياض احلى؟
فهد/شوفي انا اصلا الاسواق مااحبها ولااوطنها..ادخلها كل مارحت مكان عن عيالي علشان لاارد لهم ويدي فاضية...ولااناوالاسواق مو كويسة علاقتنا ابدا!!
نجود/أي بس انا علاقتي بالسوق ممتازة جدا ولازم تعرف ها الشي...
فهد/ياسلااام!!
نجود/وشنو شريت لهم؟
فهد/العاب..
نجود/لافهد بناتك كبروا على الالعاب والعرايس اللحين..
فهد/مو المشكلة توني شاري لكل وحدة طقم ذهب حق نجاحها ولو شريت لهم اللحين مابيعجبهم كثر الالعاب..
نجود/لا بناتك يبيلهم ..يعني تاخذ لهم فساتين..بيجامات..شنط..جزم..اكسسوارات..مكياجات..ها السوالف يعني...
فهد/أي بس انا ماافهم بها الاشياء ولاادري كيف مقاساتهم ولاشي؟اقولك ماعمري دخلت معهم سوق...
نجود/ولايهمك انا اخلي جواهر تطلع اليوم تاخذ لهم وبعدين اعطيك اياهم ولاتشيل هم يالغالي....
فهد/أي بعد انتي خبرة بالاسواق...
نجود/محلي المفضل زارا..هذا حبيب قلبي اموت عليه هو ومجموعة السواني..
فهد بشماتة باينة/أي وبعد..
نجود/كانك تكلمني باستخفاف!!نغير الموضوع..
فهد/لاعادي.....شريت لك شي...
نجود/شنو..
فهد/جلابية..
نجود/انا مالبس جلابيات!!!!
فهد/هي هي مو جلابية ..ثوب بدوي...مدري تخيلتك فيه ولازم تلبسين لي؟
نجود/ياسلااااام؟؟
فهد/خلاص موعدنا بكرة...
نجود/أي...بس ماعندي مجال للتاءخير اصلا!!وانا احس شوفة بكرة مدري كيف؟
فهد/شلون يعني؟
نجود/يعني حرام عليك!!بطلع من موعد عيني وانا تعبانة وهلكانة وانت تبينا نروح نتعشى ؟؟مدري كيف تجي ذي؟
فهد/اهم شي اني اشوفك واتطمن عليك قبل لاامشي...
نجود/تصدق بتوحشني!!رغم اني كنت تعبانة باليومين اللي طافوا..وماكنت اشوفك بالمستشفى عدل..بس مدري كنت حاسة انك عايش هنا معي...اذا رحت بيتغير الجو عليّ؟وبحس بفراقك..
فهد/لاتنسين اني بروح ويوم ثاني انتي بتجين معي وبلتقي بالمزرعة وبنشبع من بعض صح ولاانا غلطان يانجود...
نجود/انت ماعمرك قلت شي غلط يافهد..كل شي تقوله صح بدون ماننظر فيه ياحبيبي....ياعسى ربي يخليك ولايحرمني منك قول امين..
//////////////////////////////////////////////////////////////في غرفة لبنى باخر الليل..
عبدالعزيز/ها الحلوين بعدهم زعلانين ؟
لبنى/.........
عبدالعزيز/ترى جايب لك ورد بسبعين ريال وحاطه عند باب بيتكم بنفسي؟
لبنى شهقت/وانت بتظل تعايرني بها الورد ياعبدالعزيز؟؟
عبدالعزيز ضحك/لا يبى والله مو قاعد اذلك بس ابيك تنطقين وتقولين شي...يالله عاد افتحي ..
لبنى بضحكة/طيب..
عبدالعزيز يقلدها/طيب....
لبنى/لاتقلدني انا مو كذا احكي..
عبدالعزيز/فديتهم انا اللي زعلوا عليّ؟
لبنى/علشان تعرف انت بالنسبة لي شنو؟وصوتك اذا اختفى عني شيصير فيني!!والله اتضايق ياحبي..
عبدالعزيز/ماعليه..شرحت لك ظرفي...
لبنى/واخوك بياخذ جواله ولا بعد...
عبدالعزيز/أي برده له وبكرة بروح اخذ لي واحد...لاتخافين مابعطيه جهازه الا لين شريت الجهاز لاتدقين وتشوفينه مغلق وتاخذك الظنون هنا وهنا وتفكيريني رايح البحرين العب واغازل..
لبنى/ياسلااام...والله اللي يبي يلعب يلعب هنا مايحتاج يروح هناك.؟
عبدالعزيزبخبث/ صدق!!وين ماادل دليني ابي اروح؟
لبنى/علشان اذبحك واشرب دمك؟؟
عبدالعزيز/هههههههههه
لبنى/عيدها مرة ثانية وشوف وش يجيك.؟
عبدالعزيز/والله انك تجننني بصراحة؟اللحين واحد مثلي حافي منتف مولاقي اكل واعيش بروح العب؟كيف تجي بالله ذي!!!
لبنى/والله عادي هم يدفعون لك وياخذونك يشوفونك قمر معوذ بالله شلون يعوفونك ؟
عبدالعزيز/ههههههه انتي مو صاحية ابدا!!وش شاربة اليوم يالبنى ها؟
لبنى/ولاشي بس الضاهر من شوفتك عند باب بيتنا طلعت لي تاْثيرات من هنا وهنا؟
///////////////////////////////////////////////////////////////////////////////////////////////////////////////
صباح يوم الخميس...
رحاب قاعدة مع احمد وفيصل..
رحاب/وبعدين اللي مايطيعون اهاليهم وين يروحون؟
احمد/النار...
فيصل/رحاب..متى بيجي ابوي...
رحاب/الليلة حبيبي...
فيصل/متى؟
رحاب/طائرته متاْخرة يعني وقت اللي بيوصل انت بتكون نايم..
فيصل/لاماراح انام بظل متنتظره لين يجي...
رحاب/اشتقت للبابا...
فيصل/أي..
احمد/كذاب..انت قلت لي تبي الهدايا اللي بيجيبها؟
رحاب/حمود..عيب..كم مرة قلت لك مايقولون كذاب؟قوله اسف يالله..
احمد ببراْة/بس هو قال كذا!!
رحاب/هو يبي يشوف الهدية اكيد ويفرح فيها بس اهم شي عنده يشوف ابوه..مثلك انت تبي تشوف الباب والهدية ولالا؟
احمد/أي....
فيصل/امي قالت زين انه بيجي اخر الليل وانتوا نايمين علشان هي تفتح الشنط وتشوف وش اشترى لايعطيكم هو بنفسه؟
رحاب/الله يسامحها امك بنهاية المطاف بتفرق بين عمي وبينا..بس عمي مابيخيلها...وبعدين تعال مو قايلة لك مو كل شي تسمعه تقوله!!ياولد البيوت اسرار؟
فيصل/أي بس هي قالت كذا عنكم عادي اذا عرفتوا؟
رحاب/لا عيب....
نجلاء فتحت باب الصالة ولفوا لها..
نجلاء/انت هنا وانا ادورك؟يالله قوم...
راح احمد لها وكد يده يسلم عليها وسلمت عليه بدون نفس..
نجلاء/ماسمعتني !!يالله قوم...بنروح بيت جدك؟
فيصل/ليش بنروح؟
نجلاء/لان ابوك مو هنا بنروح لهم اليوم نتغذى هناك؟
فيصل/بقعد هنا مو رايح..
نجلاء/قوم لااذبحك اللحين؟لاتخليني اصارخ ويسمعني عمك؟
فيصل/صارخي اجل..ماابي اروح بقعد مع احمد...
مي دخلت الصالة/رحاب..بسمة تبكي...تعالي شوفيها...
رحاب وقفت/يالله جاية..
مسكت يد ولدها وركبت فوق..وتركت نجلاء بروحها تتفاهم مع فيصل..
نجلاء وهي تناظرها/قطع!!!انت قوم خلصني تسمع؟
فيصل/لامااسمع!!!
وقام وراح لعند الدرج..
نجلاء بعصبية/فصيل!!
فيصل/اسمي فيصل وبركب فوق اذا تبيني تصيديني تعالي لي فوق!!!!
/////////////////////////////////////////////////////////////بشقة علي..
عبير/زارتنا البركة...
نجود/ماله داعي ها الخرابيط انا مو لهم..ليه البارحة مامريتي افتقدتك؟
عبير سكتت..
نجود/صار شي بينك وبينه؟
عبير بهدوء/سالته؟
نجود/عن شنو؟
عبير/عن علاقته بلمياء اذا انتهت؟وهل هو يحبني صدق؟وهل اللي بينا صفحة جديدة بنفتحها؟
نجود باهتمام/أي..وشنو قال لك؟
عبير/...........
نجود/شفيك؟
عبير باسى/مارد عليّ اصلا!!!!رجعت الشقة ولقيته نايم!!وانا متاْكدة واحلف لك انه مو نايم كان يفكر؟وطلع اليوم من الصبح وترك لي خبر انه بيكون مع ربعه بالبحر ومابيرد الا الليل لاانتظره....
نجود/وانتي ليش زعلانة؟
عبير/ماني زعلانة..بس سالت سؤال وجتني اجابته؟
نجود/بس هو ماقال لك شي؟
عبير/حركاته مبينة ..ماله داعي يقول شي زيادة بعد...
نجود/عبير....يمكن ان سؤالك ماتوقعه..او انه حس انك شاكة بتصرفاته وحبه لك وانتي تعرفين علي حساس....ولا هو نفسه مو عارف اذا كنتي بتقبلين بفتح صفحة جديدة معه ولالساتك خايفة منه وعلشان كذا تسالين لاسيما انك ماسايرتي بالايام اللي راحت وظليتي مثل ماانتي!!انا افضل انك تتركينه بناره لين هو يجي ويقولك عن اللي في باله..
عبير/شلون يعني!
نجود/يعني لاتدقين عليه اليوم ابدا!!ولاتنتظرينه حتى...نعستي وهو بعده مايجي نامي ولاتشغلين بالك فيه...اذا هو عنده شي بيقوله يقوله..انتي سالتي سؤال وهو عليه الاجابة ...
عبير/رايك كذا!!
نجود/أي...
عبير/وش تبين نتغذى فيه؟
نجود/خلينا نت الغذى..وش رايك نروح شقة جواهر وبندر نشوف وش صار فيها خبري فيها منق بل العملية مدري وش اللي صار..ابي اشوف مثل وصفها ولا احلى....
عبير/يالله..ان شاءالله عقبال ماندخل بيتك مو شقتك...
///////////////////////////////////////////////////////////الجازي/أي قالت لي مروة انها سوت عملية...
فوزية/كلمتها البارح ...
الجازي/جد؟؟شلونها؟
فوزية/امس صوتها كان حلو....رغم ان منال تقول يوم الاربعاء كانت مش ولابد..بس صارت احسن..
فوزية/يعني بتداوم يوم السبت؟
فوزية/والله مدري بصراحة..بكرة اذا رحنا بيت خالي ساْلي منال؟
الجازي/تصدقين عاد وحشة لها المدرسة..حصصها صايرين فراغ قاتل..تعودنا عليها وعلى عصبيتها وعلى صراخها....وعلى هيبتها...شخصيتها مميزة جدا وتعجبني....دايم نذكر اليوم اللي سولفت معنا فيه ..الله يردها لنا بالسلامة بالقريب العاجل ان شاءالله..
فوزية/ان شاءالله...اذا جت الرياض بروح ازورها..تجين معي!!
الجازي/لايامعودة مستحيل..
فوزية/ليش..توك تقولين معجبة بشخصيتها؟
الجازي/أي بس ماتوصل اني ازورها ...احس اني مابتصرف بطبيعتي..انا شفتها بالجبيل ذاك اليوم وحسيت اني اتنافض للحين..
فوزية/أي بس رحتي بيتها معنا؟
الجازي/رحت وماقعدت معها..اللحين بتكون بروحها يعني اكيد بسولف معها..احس الوضع غير ها المرة...
//////////////////////////////////////////////////////////هيا/انا افضل انك ماتروحين الاسبوع هذا وتكملينه اجازة...
نجود/يبى انت شرايك؟
ابوعلي/لايبى راي وراي غيري مو مهم كثر مااحساسك انتي شيقولك..تحسين انك طبتي الحمد الله وقادرة تقومين بالبنات وتشرحين روحي..مو قادرة لاتتعبين نفسك هناك وماحوالينك احد يابنتي...
هيا/قعدي كلنا حولك هنا..لاحقة على المدرسة وعلى الفصل والشرح والبنات ووجع الراس..بعدك بفترة نقاهة يانجود لاتتعبين نفسك...
نجود/الدكتور يقولي زاوالي حياتك طبيعية ولاتعتمدين على اجازات وتتحججين بالتعب..خلاص كل حياتك يفترض ترجع مثل ماكانت عادي..
ابوعلي/وانتي وش تبين؟ماعليك من احد يبى...
نجود/مدري..بنام الليلة وبشوف
ابوعلي/جمعي لك ها البنات اللي حوالينك وصيري ابلة عليهم وجربي تصارخين عليهم شوفي قادرة ولاموقادرة..
نجود/تكون حليتها يعني يبى؟
هيا/صدقيني يانجود ارتاحي مافي اهم من راحتك خلي كل شي يولي ورى ضهرك..
نجود/يصير خير....
///////////////////////////////////////////
رحاب بصرامة/فيصل ليش مارحت مع امك؟
فيصل/ابي اقعد معكم؟
رحاب/أي بس امك تبيك تروح معها بيت جدك..
فيصل/ماابي اروح ماعندي احد يقعد معي هناك محد كبري..حتى خواتي مايقعدوني معي اذا رحنا هناك؟
رحاب/ياربي عليك..وكن احنا ناقصين وجع راس مع نجلاء؟اللحين بتفكر اني انا اللي قايلة لك اقعد ولاتروح معها؟
فيصل/خليها تفكر واحنا وش علينا من تفكيرها؟
رحاب/فيصل..عيب مايقولون كذا عن اللي اكبر منهم وخصوصا امهم وابوهم؟
فيصل/عادي انا اقول كل شي ابيه مااخاف من احد....اقول رحاب حطي بسمة بحضني شوي..
رحاب/اقعد عدل..تربع..ايوه....هاك هاذي بسمة..
فيصل/تعطيني اياها؟
رحاب/عطيك بنتي عاد!!ليش شنو فاكرها حضرة جنابك لعبة؟
فيصل/ادري فيها مو لعبة بس ابيها ها شقلتي موافقة؟
رحاب/موافقة على شنو؟
فيصل/على انك تعطيني اياها؟....طيب وش رايك تبيعيني اياها..بشتريها منك..
رحاب/انت وش فيك؟
فيصل/ابي طفل صغير مثل احمد صارت عنده بسمة انا ماعندي احد.....
رحاب/ههه ياحليلك..
فيصل بجدية/تتوقعين اذا قلت لاابوي ابي بيبي صغير يجيب لي!!
رحاب/والله مدري!!!
/////////////////////////////////////////////////
في بيت الهاجري...
جواهر بالمطبخ وبندر قاعد يسولف معها وهو قاعد على الطاولة....
محمد/السلام عليكم..
جواهر/وعليكم السلام والرحمة..
محمد/القاء التحية مستحب والرد عليها واجب؟
بندر/طبعا لي ها الكلام!
محمد/ليش في غيرك هنا مارد عليّ؟
بندر/كيفي مالي مزاج ارد عليك؟
محمد/طيب...بس بيجيك يوم تترجاني اتوسط لك عند اختي وانا بسوي روحي مااسمعك؟
جواهر/هههههه
بندر/هاذي قاعدة مقلوبة!!منو بيتوسط حق الثاني!!!!اقول خلنا نسولف براحتنا ولاتعكر علينا..
محمد/وش الغذى...
جواهر/وش تبي انت؟
محمد/انا اشم ريحة دجاج مشوي..
جواهر/أي امي مسوية دجاج مشوي...
محمد/وانتي وش تسوين؟
بندر/وانت وش عليك؟
محمد/انا اكلم اختي مااكلمك انت؟
جواهر/قاعدة اسوي اسباكتي...
بندر/حقي انا وهي وبس!!
محمد/مصدق حاله هذا قاعد في بيتنا ومايبينا!!
جواهر/محمد..خلاص ..
بندر/لا واجد؟؟انا منك اقوم اطرقه؟
جواهر/وانت يابندر بعد بتحط لي دوبك من دوبه الله يهداك!!
بندر/هو اللي حاط دوبه من دوبي ومو طايق شوفتي!!
محمد/لاانت اللي ماتطيقني وتبي تفرقني عن اختي!!
جواهر/لاحووول...لفت عنهم وهي تتحلطم...
بندر/مااسمعك وش تقولين؟
جواهر/سلامتك قاعدة اغني بيني وبين نفسي؟
محمد/طيب رفعي صوتك علشان اسمعك تغنين؟
بندر/وانت شكوا فيها غنت ولاماغنت!!ياشين اللقافة والله!!مرتي ومناشبني؟
محمد/مابرد عليك لانك في بيتنا يااخ بندر؟
لفت جواهر عنهم وهي تتحلطم من جديد..
بندر/ماسمعت..سمعيني بالله!!!
جواهر ابتسمت له/اقول....
ماشفت انا زيه...روحه جنوبية..
والطلة شرقية..والقمرة غربية ..قامة شمالية والهيبة سبيعية..ماشفت انا زيه...
بندر/يابعد عمري...عسى الله لايحرمني من ها الذوق اللي فيك..والله ان مكانكم بالقلب محفوظ ياعيال الهاجري..بس مو كلكم!!!(قالها وهو يناظر في محمد اللي كان يناظره)
محمد بقهر/تدري انك بيجيك يوم بتترجاني اتوسط لك عند اختي ومابرد عليك!!بسوي روحي ماسمعتك ياولد السبيعي!!
بندر بسخرية/لا ياشيخ قول قسم والله!!!
////////////////////////////////////////////////////
العصر,,,
لبنى/وين سرحانة حضرة جنابك؟
هيا/انا!!!
لبنى/لا..انا!!
هيا/موجودة...
لبنى/تفكرين بنجود؟
هيا/ها..اي..
لبنى/معناته مو بنجود...لو كان بنجود تكلمتي بسرعة ؟قولي شقاعدة تفكرين فيه يابنت!!
هيا بارتباك/ولاشي...
لبنى/مالك مفر مني ترى مقابلتك اربع وعشرين ساعة فتكلمي احسن لك؟
هيا تنهدت/امس كنا متجمعين في بيت جدي كا العادة..
لبنى/أي...
هيا/و..وصار بيني وبين رائد موقف بالغلط وخايفة...
لبنى/خايفة من شنو؟
هيا/مدري....
لبنى/ها ...وش صار تكلمي بلا نحاسة؟
هيا/يعني موقف عادي بس ماابيه يفكر عني باي شي..
لبنى/مدامه بالغلط وين بيفكر بعد!!
هيا/على قولتك....
لبنى/تراك عاطيته حجم زيادة وهو مايستاهل..
هيا/ليه تقولين كذا!!
لبنى/أي وانا الصادقة....ليش يعني ماتاْخذين معه الامور بانسيايبية وطبيعة...
هيا/.........
لبنى/ليش دايم خايفة ومترددة انه يفكر عنك شي بالغلط ولاياخذ عنك فكرة..يبى منتي قاعدة تسوين شي ليش بعد ها الدوخة كلها!
///////////////////////////////////////
محمد/وينك مااشوفك؟
فوزية بهمس/انا قبالك كيف منت شايفني ياحظي؟
لف حوالينه وابتسم/أي شفتك خلاص...
فوزية/خلاص...مليت عينك؟
محمد/وشو خلاص؟؟؟
فوزية/امشي..
محمد/والله ماهو مجمع ابوك علشان امشي...قاعد على قلبك؟
فوزية بترجي/حمود علشاني امشي..
محمد/ليش ماتبيني؟
فوزية/معي امي واختي وماابي وجودك يربكني بينهم!!
محمد/وانا شبسوي؟؟؟يكفي اني بناظرك من بعيد لبعيد ياقلبي..
فوزية/حبيبي خلاص اتفقنا من اول اصلنا انك ماتجي بس بعد الحاحك قلت لك نظرة وتمشي وانت وافقت ليش اللحين غيرت رايك؟
محمد/امشي بشرط؟
فوزية/شنو؟
محمد/قولي تم..
فوزية/مو قبل مااعرف شنو هو؟
محمد/تغطين شعرك وتلبسين نقاب؟
فوزية/...............
محمد/حبيبتي انتي بتكونين ملكي وماابي مين ماكان يناظر فيك؟؟انتي حلالي!!!وهذا من حقي صح ولاانا غلطان!!
فوزية/امشي اللحين وبعدين نتفاهم..
محمد/اللحين.....لاتكونين زعلتي من كلامي؟
فوزية/يعني لك شي اني اكون كاشفة وجهي!!بالله منت واثق من تصرفاتي!!
محمد/فوز لاتفكرين بذي الطريقة الله يخليك!!!انا عارف انك اعقل واثقل البنات بس ابيك تكونين لي وحدي...مااعتقد انه طلب صعب....
فوزية/انا بسكر وبنتفاهم بوقت ثاني....
///////////////////////////////////////////////////////
الساعة ثمان ..بمطعم دارين بالدمام...
كانت الاضاءة خافتة وماغير الشموع منورة المكان والجو هادىء وبارد,,وماغير اياديهم اللي ماسكة بعض فوق الطاولة ترتعش....
فهد قطع الصمت/شيلي نقابك..لمتى بتظلين حاطته؟
نجود/فهد تكفى الا ها الطلب!!وجهي صاير كئيب؟؟؟وسحبت يدها من يدينه,,,
فهد/ماهو كئيب يتهياْ لك..توني شايفه بالمستشفى مافيه شي...
نجود/لا..اعفيني..
فهد/يالله لابشيله بنفسي!!
نجود/ياثقيل الدم!!!
فهد/اللحين جو رايق ورمنسي واضاءة وشموع واخرتها ثقيل دم!!!صدق ماعندك ذوق ابدا!!
نجود/ههه طلعت بالغلط...
فهد/غمضي عيونك وعطيني يدينك..
نجود/بس امانة ماتشيله...
فهد بهمس/انتي طيعيني.....
امتثلت لاامره وغمضت عيونها ومدت يدينها له..
حست بيدينها تنرفع بيدينه وبشفايف فهد فوقهم...
ارتعشت...وارتبكت بنفس الوقت وحست بالدم يغلي فيها....
فهد بهمس/صار ماصار لاتفتحين عينك...
نجود/.......
تقرب منها ويده ماسكة كفوف يدينها ثنينهم واليد الثانية امتدت وشالت نقابها وسط تذمرها...
ويوم شاله وحطه على الطاولة قال لها/خلاص فتحي عيونك الحلوة..
نجود باعتراض بعد مافتحت عيونها/فهد!!انت ليه تحب تعاند؟؟؟تدري انك غيرت مزاجي مية وثمانين درجة!!
يوم شافته يبتسم وقع قلبها بين رجلينها وسكتت..كانت تتاْمله بهدوء وشوي عيونها فيه وشوي بالارض..
فهد بهمس/انتي الاحلى بعيوني..وبعدين قايلك فوق المليون مرة..انا مااحب المكياج والسوالف ذي...احبك مثل ماانتي...
نجود/أي بس لاكحل ولااساس..وتوني طالعة من موعد؟
فهد/وش فيك..انا مو شايف فيك شي متغير ابدا!!
نجود/ياسلاااام!!
فهد/المهم ماعلينا...اطلب لك على ذوقي ولابتطلبين لي على ذوقك؟
نجود ناظرت بساعتها/فهد مانبي نتاْخر عفية...هم يظنون اني مع جواهر؟
فهد/اووف..كم مرة قلتيلي ها الكلمة؟يبى مو ماْخرك...بنتعشى وبنمشي...
نجود/معليش خليها عصير ومقبلات وبس...
فهد باعتراض/نجود وش فيك..
نجود/اذا رجعنا الرياض بكرة بتعشى معك ..
فهد/..........
نجود/ووقت ماتمل مني قولي قومي..وبقوم..اليوم معليش الظروف ماهي مناسبة انا قلت لك حبيبي....
فهد/........
نجود/قدامك كم مرة امي اتصلت تسال عني!!
فهد/ماينسونك يوم؟
نجود بدلع/اذا انت نسيتني هم بينسوني؟
فهد ابتسم لها/وها الشي اللي لايمكن يصير؟
نجود/يالله..
فهد/زين خل اطلب لك عصير على الاقل ومقبلات....وبعدين اذا جيتي الرياض بتكون عزيمة عزيمة بمناسبة شفاءك وقومتك بالسلامة لي..
نجود اكتفت بانها تبتسم له وماتعلق اكثر,,,
////////////////////////////////////////////////////////وقفت سيارة بندر قدام مبنى كبير باخر الدمام..ومبين توه مخلص بنيانه ,,
لف لها..
بندر/يالله نزلي؟
جواهر/وين؟
بندر/نزلي وبتعرفين؟
جواهر بتردد/بندر شنو هذا؟
بندر/قاعة جواهر ..لاتخافين مو مكان ثاني؟
جواهر/صدق!!!هاذي القاعة...
قامت تناظرها من النافذة..
بندر/ليش تناظرين من هنا قومي شوفيها على الطبيعة؟
جواهر/عندك المفتاح؟
رفع لها المفتاح..
بندر/صاحبها وماعندي مفاتحها؟؟شلون ذي تجي بالله!!!
جواهر/يالله اجل قوم...
نزلوا من السيارة ودخلوا داخل وقفلوا الباب وراهم وقاموا يتمشون فيها..
كانت القاعة جاهزة وفيها بعض الديكوارات يعني مو بكل الجهات مخلصة ديكوارتها...
وجواهر تمشي وتنبهر منها..بندر مسويها مثل اللي بخيالها وكانت تسولف له عنها..
جواهر/بندر...مني لعرسنا تكون خلصت؟
بندر/شلون ماخلصت بعد!!الشهر الجاي بتتعلق اللوحة وبننتهي من كل التشطيبات ياعمري...
جواهر/حبيبي كيف جا على بالك تسويها؟
بندر/انا هذا حلمي من عرفتك..اسوي لك شي غير...مكان ماتوطاه رجل قبلك...تكونين انتي اول وحدة تفتتحينه ويليق بمكانتك عندي..
جواهر/هاذي اكيد كلفتك قروض وسوالف..قول كم كلفتك؟
بندر/وانتي وش عليك مني بالله!!!يكفيك تدخلين برجلك اليمين فيها ليلة دخلتنا وبس!!!!
//////////////////////////////////////////
بااخر الليل بغرفة نجود وجواهر..
جواهر/وهذا ورق عنب الساحل اللي وعدتك فيه جبته...
نجود/كنك عارفة اني ميتة جوع..
جواهر/أي عارفة ادري فيك بتسوين روحك حولة وماتشوفين ومابتاْكلين شي قلت عاد لازم اروح القطيف ادور المطعم واخذ لنا ورق عنب علشان نتسلى فيه انا وانتي بسهرتنا..
نجود/نص الكلام ماني رادة عليه بس زين سويتي..عطيني الشوكة..
جواهر/وهاذي شوكة تفضلي..
نجود/وشو هذا ...
جواهر/كوكتيل..
نجود/جيبي.....
جواهر/امسكي شوفي..وعطتها جوالها...
نجود/شنو؟
جواهر بفرح/قاعة الجواهر....
نجود اخذت الجوال/جيبي بشوف............................
جواهر/هنا الجناح الخاص في اهل العروس...وهنا بتكون القاعة الرئيسية..وهنا البوفيه....
نجود/أي بس كمل الديكور بعد!!
جواهر/الشهر الجاي بتكون انتهت وشطبوا على كل شي؟
نجود/كم كلفته؟
جواهر/مارضى يقول لي..قال ماتغلى عليك يابعد قلبي...
نجود سوت حركة بفمها كانها مو طايقة..
جواهر/وش فيك انتي ماتصدقينه؟
نجود/خليني اكل ابرك لي من بنيدر ومن سوالفه..
جواهر/هذا اللي مسكين ذابح عمره وكل يوم يتصل فيك يتطمن عليك؟
نجود/عشتوا..عشتوا..مايتصل علشاني..يتصل علشان يكسبك انتي لااقل ولااكثر ويكبر بعينك..عارفته وعارفة حركاته ياماما!!
جواهر/اووووووووف..
نجود/يابعد طوايفي اللي بعد شوي بينورنون الرياض وبيظلمون علينا الشرقية؟
جواهر/مالت ثم مالت..
نجود/عليك وعلى بنرد!!
جواهر/افا!!تبيعيني علشان فهيدان اللي كبر ابوي؟
نجود/أي كبر ابوك انتي بعد!!!شباب فديته...
جواهر/أي بس كني شايفة فيه كم شيبة من هنا ومن هنا؟
نجود/وش فيها..الشيب وقار ولاماتدرين...
جواهر غصت /كح كح كح كح...يمه منك يالعيارة!!!صار الشيب وقار وحلاوة ووسامة يوم انه بفهيدان!!!
///////////////////////////////////////////////////////
على الساعة ثنتين ونص وصل فهد بيته ..وفتح الباب كان الجو هادىء جدا....ومبين ان الكل نايم...
ركب غرف عياله يتطمن عليهم بالاول..
اول مادخل غرفة فيصل ومالقاه بغرفته ووقع قلبه...
راح لغرفةة نجلاء علطول واللي كانت غرفته بس هجرها وترك الغرفة لها ومااهتمت..
فتح الباب بهدوء وماكانت نجلاء موجودة..ناظر بساعته...وين معقولة تكون وهو قايل لها انه بها اللوقت بيكون وصل البيت..وهل ياترى تنتظر وصوله وهو مانتبه لها ؟؟؟ولاتكون نايمة مع البنات!!!
طلع من الغرفة وراح لغرفة سارة وكانت نايمة..غطاها وباسها على جبينها وحط هديتها فوق مكتبها وطلع وراح لغرفة لمى وسوى نفس الشي..ونزل مرة ثانية.....
قعد على مكتبه بعد مافتح كل الغرف ومالقى نجلاء...
رفع جواله يدق على تلفونها..وبعد شوي ردت عليه..
فهد/نجلاء انتي وينك؟
نجلاء/ليش انت وصلت؟
فهد بصرامة/انتي وينك؟
نجلاء/.....انا كنت معزومة بعرس وكاني رادة بالطريق...
فهد/والعيال كانوا بروحهم؟
نجلاء/انا ماطلعت الايوم ناموا البنات...
فهد/فيصل معك؟
نجلاء/لا..
فهد/لا؟؟؟؟وينه اجل؟
نجلاء/يعين وين بيكون بمقر الامم المتحدة علشان يفرون عقله!!
فهد/ومنو اللي عطاك الاذن تطلعين العرس وتقعدين لها الوقت برى البيت؟؟؟؟وانتي عارفة اني بكون موجود الليلة؟
نجلاء/انا دقايق وادخل البيت ...ونتفاهم..
//////////////////////////////////////////////////////
مارجع الشقة الا الساعة ثلاث ونص الفجر..
كان المكان كله ظلمة بظلمة..يعني عبير نايمة او تنتظره بالغرفة....
راح للغرفة وشغل الاضاءة وكانت فعلا نايمة..
قعد جنبها يتاْملها..هاذي اول مرة تطنشه وماتتصل تساله متى بتجي....ولاحتى تقعد تنتظره مو من عوايدها يعني!!!
كان من الامس وهو يفكر برسالتها ومحتار كيف يجاوب سؤالها!!
هو نفسه محتار ومو عارف الاجابة شنو؟
هل هو فعلا انتهى من لمياء واقتنع بكلام نجود وهل ممكن انه يحب عبير ويفتح معها صفحة جديدة فيها حب واحترام وينسون الماضي بكل مافيه!!!!
/////////////////////////////////////////////////////////
/////////////////////////////////////////////////////////////////////////////////////////////////////////
ها ان شاءالله كفيت ووفيت وماقصرت معكم حبايب قلبي,,,
توقعاتكم اللحين بعد هالقراْة الطويلة للبارت الجاي وش بيصير,,
***شبتقول لمى لاابوها وبتخاف انه يقول لاامها ياترى؟
**صرامة عبدالعزيز مع لبنى وش بتكون اسبابها وهل بتخفف منه وبتقنعه؟
***ناصر وهنوف وش بيكون بينهم وهل بيكتشف ياترى؟
**نجود وهل بستقبلها فهد اذا راحت الرياض؟
***هذا مفتاح جدةوصار عندنا وعدنا الاسبوع الجاي يابندر؟؟ليش بتقولها جواهر ؟وهل فعلا في مصيبة بتشوفها اذا راحت وبينتهي كل شي بينهم؟
***حبيبة قلبك ها؟طيب وش سوالفكم البطالية مع بعض قولي سمعينا؟
***
البارت الثامن والاربعين,,,
,,,,,,,,,,,,,,,,,,,,,,,,,,,,,,,,,,,,,,
صباح يوم الجمعة..
سارة ولمى يركضون على الدرج,,,
سارة/انا اول..
لمى/لاانا قبلك..
لف لهم فهد وهو قاعد على الكرسي اللي بمكتبه..طول الليل وماتحرك عنه..
سارة رمت نفسها عليه حمد الله على سلامتك يبى؟
فهد مسح على شعرها/هلا يبى ..الله يسلمك..
لمى/خلاص وخري دوري..
بعدت سارة شوي وتقربت لمى من ابوها وحضنته/حمد الله على سلامتك يبى..نورت البيت..
فهد/هلا بابا لمى...شلونكم..
سارة/احنا بخير....انت شخبارك...متى جيت يبى؟
فهد/جيت بااخر الليل؟
لمى/وليش ماصحيتنا؟
فهد/دخلت عليكم لقيتكم نايمين وغاطين بسابع نومة ماطاعني قلبي اصحيكم من نومكم.....الا فيصل وينه ماشفته نايم بداره..اكيد نايم مع احمد؟
سارة/أي..امي قالت له يروح معنا بيت جدي بس هو مارضى...
لمى/بابا شكرا على الهدية عجبتني...
ابتسم لها فهد..
سارة/انا مافتحتها لسه قلت اول اشوفك واتحمد لك بالسلامة وبعدين افتحها لاحقة عليها...
فهد/عاقلة بنيتي..الله يكملك بعقلك...اقول سارة روحي نادي فيصل ابي اشوفه...
سارة قامت/ان شاءالله...
فهد/تعالي وين؟
سارة/بروح اناديه...
فهد/وين العباية؟
سارة/..........نسيت..يالله بروح البسها وبجي....
ركبت ولف فهد للمى..
فهد/شلونك انتي؟
لمى/بخير...
فهد/كل شي تمام..المدرسة تمام..
لمى/أي بابا..عطوني شهادة تقدير ها الاسبوع وكرموني بالطابور..
فهد/صدق!!يابعدي ...هاذي يبيلها احتفالية خاصة..لمى ابيك مهتمة دوم بدروسك مو بس اللحين طيب...
لمى/طيب...
رفع شعرها عن عينها وبان تحت اذنها جرح صغير ..
اعتدل من مكانه وهو يناظر فيها بخوف..
فهد/لمى حبيبتي هذا شنو؟
لمى/..........
فهد ناظرها/شنو؟
لمى/انجرحت..
فهد/من شنو؟اكيد مو من الحلق...شوفي وين صاير؟
لمى/................
فهد بصرامة/تكلمي!!!
//////////////////////////////////////////////////////////
ام علي/يعني بتمشين الليلة؟
نجود/أي...
ام ناصر/تقدرين يمه..
نجود/يمه شفيك..الحمد الله امس موعدي كان عال العال وصحتي صارت فل شوفيني قدامك وماعندي موعد الااسبوع الجاي يوم الخميس....
ابو علي/على بركة الله....
نجود/ناصر وينه ماشفته اليوم؟
ام ناصر/والله طلع من الصبح يقول معزوم على فطور؟
ابوعلي/وهذا ماينعزم الا على وجبة!!يافطور ياغذى ياعشى؟عمره ماانعزم على قهوة بس!!
ام علي/عيونك عليه باردة يابوعلي لايصير فيه شي؟
ابوعلي/انا مو قاهرني الا جسمه ولاهو راضي يمتلي من كثر ها الاكل..بالعكس كل ماجاه يصير رياضي وحلو..
نجود/ها..ابو علي قول غيران من ولدك؟
ابوعلي/أي بالله غيران!!انا اللي السكري ذابحني ومااكل نص اكله كريشتي قدامي وهو اللي يبلع الدنيا ومافيها صاير وش حلاوته!!!
ام علي/الله يحفظه لشبابه..لانه مايترك الرياضة...وبعدين انت ليش تبي تصير مثله؟
نجود بخبث/علشان يتهافتون عليه البنات!!الرجال يبي يعرس...
ابوعلي/وش فيها بعدني شباب!!
ام ناصر/ها ابو علي..قمت تخور بالحكي؟على منو شباب وكان ماندري عنك؟
نجود/هههه أي يالله عندكم فضحوه...
/////////////////////////////////////////////////////
لبنى/صباح الخير والحب والود وكل شي ..يالله باي..
عبدالعزيز/وش ها النحاسة!!صحيتيني من نومي وبتروحين والله مااخليك؟
لبنى/خلاص انا قفلت وبنام...قلت اصبحك بالخير وارقد..
عبدالعزيز/لايبى..وين...تو الناس؟
لبنى/ وش تبي؟
عبدالعزيز/ابيك انتي ياعسل؟
لبنى/وعاوز مني ايه بالضبط ؟
عبدالعزيز/لامدام تتريقين يعني منتي نعسانة اخذ راحتي!!
لبنى/من قال مو نعسانة!!انا بس عاطيتك وجه بزيادة؟
عبدالعزيز/حبيتي..جد...ابيك تاخذين لي موعد من ابوك..بجي انا والاهل بنخطبك رسمي؟
//////////////////////////////////////////////////
فهد/تكلمي؟
لمى بخوف/بس ماتقول للماما؟
فهد/لمى..قولي لاازعل منك....
لمى/كنت متهاوشة انا وسارة....
فهد/متى؟وانا غايب؟
لمى/أي..
فهد/وانتوا هوشاتكم ماتخلص؟ليش متهاوشين قولي لي!!
لمى/ هي طلعت ذاك اليوم وماقالت لااحد..ورجعت متاْخر وامي ماقالت لها شي..وانا يوم كنت اكلمك ذاك اليوم كنت بقولك..وقلت لها اني بقولك...وتهاوشنا..وضربتني...وطحت وانجرحت..
فهد/وامك عارفة؟
لمى/قالت لي ان قلتي لاابوك ولاجبتي سيرة ماراح اكلمك وبيزعلون منك كل الناس..لان ابوك بيزعل من سارة لانه يحبك انتي ومايحبها وهي بتروح بيت عمتها...وماراح تسكن معنا وكل الناس بيقولون اني بنت مو كويسة..
فهد/لاحوووول...انا من وين اخذها منك يانجلاء بس!!!!
لمى/بابا لاتقول لها اني قلت لك؟
فتح فيصل الباب بقوة وهو يركض..
فهد ابتسم له/اهلا وسهلا...
فيصل/وين الهدية؟؟
فهد اتلاشت ابتسمته وسوه روحه زعلان وسكت..وسارة دزت فيصل بكتفه..
فيصل/أي عورتيني...
سارة/اول يقولون حمد الله على السلامة...
فيصل/أي نسيت...حمد الله على السلامة بابا..
وراح له وباس يده وراسه وقعد بحضنه..
فهد وهو يلعب بشعره/تعرف انك منافق..
فيصل بملل/بابا وين الهدية..
فهد/تبي سيارة ولا شاحنة؟
فيصل/ليش..مو ثنتينهم لي!!
فهد/لا..وحدة لك ووحدة لااحمد,,
فيصل/طيب وبسمة وش شريت لها..
فهد/والله بسمة ماشريت لها شي؟
فيصل/أي بس انا احبها...يبى انا بشتري بسمة من عند رحاب علشان تصير اختي معليش....
فهد/فيصل بابا شها الكلام!!!
سارة/انت منو معلمك تقول ها الحكي؟؟العيال مايشترونهم يافيصل..
فهد/سمعت اختك شقالت؟
فيصل/طيب..تجيب لي انت اخت صغيرة؟
فهد/عندك سارة وعندك لمى..
لمى/صدق بابا نبي ..
فهد قاطعها/اليوم عمتكم ام مصعب وعمكم ابو مشاري وعيالهم غذاهم عندنا...
نجلاء وهي نازلة من الدرج/انا اقول عشى وانت عناد تقول غذى مدري ليش؟
فهد بصرامة/انا قلت بغذيهم..بعدين الليلة انا مشغول...وماراح اكون موجود لازم امر اشوف اخر قضية وش صار عليها؟؟(اكيد قضية نجود ههه)..
نجلاء بدون نفس/ماقلنا شي...
فيصل/يالله وينها الهدية..
فهد/سارة امسكي اخوك وروحي معه للمخزن شوفي وش يبي وعطيه..
فيصل/حتى حق احمد انا بروح اوديها له..
فهد/كاهي معك سارة....هي بتساعدك...
سارة/ان شاءالله بابا..
نجلاء/روحي وصليه ورجعيه لاتنقعين انتي بعد هناك؟
فهد/وليش ماتبيها تقعد هناك ؟؟ولامنتي معترفة بانه بيت عمها؟؟؟
نجلاء/لامو قصدي..بس بنات عمها بيجون بعدين وبتشوفهم..وهناك محمد ومشاري...
///////////////////////////////////////////////////////////////
بشقة علي...
قعد الصباح على ريحة القهوة اللي دخلت راسه..
لف حوالينه ومالقاها اكيد قامت...
قام من السرير وهو حاس بارتباك..كيف بيكلمها,,,وشولون بيكون الوضع بينهم,,وهل راح تساله عن شي ولالا؟
دخل الحمام وغسل وجهه واسنانه..وطلع للصالة مباشرة,,,
كانت قاعدة بهدوء وهي ماسكة فنجانها وعيونها بالارض...
في شي بعيونها ...عبير...ماتغيرت ولاراح تتغير...ها الحزن اللي بعيونها من اخذها مو مفارقها ابدا......
قعد قبالها..
علي/صباح الخير...
عبير رفعت راسها بهدوء/صباح النور...
علي/............
عبير/.............
رجعت لهدوءها ورجع لصمته..بس الصمت كان خانقه بقوة وحس انه بيموت وقرر يقطع الصمت باي وسيلة..
علي/نمتي بدري البارحة؟
عبير/أي...
علي/توقعتك تنتظريني مثل العادة؟
عبير/حسيتك بتتاْخر....
علي/مابتفطريني..
عبير/بلى....علي...ممكن اطلب منك طلب...
علي ارتبك وسكت..
عبير بتردد/ممكن اروح القصيم....
علي بذهول/القصيم!!!وش عندك هناك؟
عبير/زوجة ولد خالي تعبانة حييل...وهاذي ايامها الاخيرة..وامي بتروح الليلة تشوف خالي وتتطمن عليها...قلت لو ماعندك مانع بمر عليهم..منها اشوف خالي وبنات خالي اللي من زمان عنهم..ومنها امرها المستشفى اتطمن عليها..البنت يتيمة وبيت خالي مربينها من الصغر وماعندها احد...
علي/..................
عبير/شقلت؟
علي/طيب..بفطر وبعدين اشوف شقرر؟
///////////////////////////////////////////////////
عبدالعزيز/لبنى حياتي وين رحتي؟انا اكلمك؟
لبنى بزعل وارتباك/معك حبيبي بس الضاهر من النعس قمت اسطل واخور...شكنا نقول؟
عبدالعزيز بجدية/كنت اقول اذا حضرتك ماعندك مانع تاْخذين لي من الوالد موعد علشان الاهل بيجون معي يخطبون رسمي...
لبنى/ها..اي...
عبدالعزيز/وشو أي؟
لبنى/يعني..
عبدالعزيز/يعني شنو؟
لبنى/شفيك؟جايتك بالكلام,,,,
عبدالعزيز/أي...
لبنى بارتباك/اجل الموضوع شوي...
عبدالعزيز بصرامة/لا..
لبنى بارتباك اكثر/حبيبي...
عبدالعزيز بجدية/شوفي لبنى..احبك..بس بعد ابيك على سنة الله ورسوله وبموافقة اهلك اني اكون زوجك.....يبوني مثل ماانا..ولاتراني مااراح اتغير الا اذا نزلت عليّ معجزة من السماء؟؟؟
لبنى بارتباك اكثر/انت ليش تقول ها الكلام!!حبيبي..انا كنت بقول..
عبدالعزيز/شبتقولين؟
لبنى تنهدت بقوة وفي عيونها الف دمعة محبوسة والف دمعة ماقاومت ونزلت على خدها وكانها شلال مطر..
لبنى/يعني في عندنا بالبيت شوية ظروف...ومااعتقد الوقت ملائم لخطوبة اللحين؟
عبدالعزيز بصرامة/شنهي ها الظروف؟
بكت بصمت وهي مو عارفة شتقول..تقطعت على ماقالت له/وانت ليش تبدل كلامك وصرت تحاكيني كذا!!
عبدالعزيز بجدية/لاني ابي ارتبط...ابوي يبيني اتزوج واستقر واشيل البيت وهو غايب...وانا بصراحة قلت لااهلي اني اعرف وحدة وكلمتهم عنك...ولو ان امي رفضت وقالت لي ماراح يقبلونك..هذولا مستواهم غير بس انا مصر....اني اكمل معك للنهاية واكون سويت اللي عليّ؟
لبنى/حبيبي احنا لبعض...بس صدقني اللحين البيت حوسة...تجهيزهم لزواج بندر من جهة وعمال داخلين طالعين بجهة ثانية..وبعدين امي رايحة القصيم تزور خالي والله اعلم كم بتقعد؟
عبدالعزيز/...........
لبنى/زوجة ولد خالي مريضة...يعني مدري كم بتظل هناك وبتقعد في بيت اخوها ويمكن ابوي يروح معها الله اعلم!!!
عبدالعزيز بحزن/طيب لمتى يعني؟
لبنى/اول ماتكون الظروف حلوة بعطيك خبر علشان تجي؟
عبدالعزيز/اكيد مو تنسين؟
لبنى/الا اكيد....طيب بتركك تنام اللحين قصدي انا بنام وبعدين ادق عليك؟باي....
سكرت حتى قبل تسمع جوابه وشنو قال لها ورمت الجوال بعصبية على فراشها وحضنت مخدتها وقامت تبكي بحرقة......وهي تلعن ابو الفلوس والماديات اللي خلتها بها الوضع وتدخل بسالفة وتطلع من الثانية علشان تبين له ان التاْجيل مو بكيفها والظروف حاكمة كذا!!!!
//////////////////////////////////////////////////////////////
ام مصعب بهمس/شفيه فهد شكله متضايق؟
نجلاء بنفس الهمس/سكتي من البارح وهو قالب الوجه عليّ ومايكلمني؟تصدقين انه مانام من وصل؟
ام مصعب باهتمام/ليه؟؟؟
نجلاء/ليه بعد؟؟سوالفه اللي ماراح تتغير!!!يبي أي شي يمسكه ويقلبه لسالفة مالها أي معنى؟؟
ام مصعب/شصاير؟
نجلاء/البارح كنت معزومة بعرس بيت الخالدي واتصل فيني بوانا راجعة بالطريق ومن جيت استلمني...انتي ماعندك اهتمام قايل لك بجي كيف ماتقعدين بالبيت ومن منو استاْذنتي علشان تروحين وكيف تتركين البنات بروحهم نايمين بالبيت وليه فيصل ماهو بالبيت ومن كل شوي وولعها عليّ؟واليوم قالب الوجه ومايتكالم!!
ام مصعب بلوم/أي معه حق؟؟؟يعني تدرين بيجي وراك ماقعدتي تنتظرينه!!
نجلاء/انتي معي ولامع اخوك؟
ام مصعب/انا مع الحق!!!تدرين انه بيجي وش ياْخرك بالعرس لها الوقت وبعدين كيف تتطلعين وبناتك بروحهم بالبيت!!!انا جويزي وهي شكبرها ومااتركها بروحها يااخوها يااختها بالبيت ولا بيتي يضمني مااطلع!!!!
ام مشاري دخلت /السلام عليكم...
وعليكم السلام والرحمة...
ام مصعب/شلونك ام مشاري..
ام مشااري/الحمد الله..
فوزية/خالتي شلونك..
ام مشاري ابتسمت/هلا..هلا فوز...ها الجازي شلونك يمه..
الجازي/بخير خالتي الله يسلمك....
ام مشاري/حمد الله على السلامة ياام فيصل؟
نجلاء/الله يسلمك...
رحاب/وينه عمي ماشفناه؟
نجلاء بدون نفس/الظاهر انه مع مصعب ومحمد....
ام مصعب/مشاري ماراح يجي؟
ام مشاري/مارجعوا من الشرقية والله..
ام مصعب/قطع وش يقعده هناك عاد!!يقابلها ويقابل اهلها؟
ا م مشاري/هذولا خوال عياله...
ام مصعب/ياشين ماناسب والله!!والله لو محمد بعد ماعليه بس مشاري!!!النصيب!!!
ام مشاري بزعل/ام مصعب..ولدي ومرتاح مو كل ماشفتيه زعلتيه؟
ام مصعب/وانا شقايلة عاد!!من ضيقي عليه؟؟؟ودي له بالزين...
دق جوال منال وردت..
منال/هلا.....اي....ليه...اي بس انا قايلة لك هذا عمي فهد وماْكد عليّ انك تكون موجود وده يتكلم معك ويشوفك فلازم تجي..دبر نفسك...اي...طيب يوم انك جاي ليه بعد تطول وتعرض بالسالفة!!يالله طالعة لك؟
نجلاء/هذا تركي؟
التقت عيونها بعيون منال وقالت منال بقوة/أي..
نجلاء/ماهو بجاي؟
منال وقفت/الا كاهو واقف بطلع له......
///////////////////////////////////////////////////////////
المغرب....
ناصر/الو..
هنوف/ناصر..
ناصر/نعم...
هنوف/في واحد جاي ومعه اكياس مطعم عند باب بيتكم يقول يبيك...
ناصر/انا!!
هنوف/لا انا...
ناصر/غريبة..البيت مافيه احد كلهم طلعوا ونجود نايمة وماقالت لي انها طالبة شي من مطعم!!
هنوف/شلون يعني اروح انا اكلمه!!اطلع شوفه..
ناصر/يالله يالله....
نزل بسرعة وطلع لباب البيت وكان في واحد واقف عند باب البيت وهو متلثم واستغرب ناصر...كان طول الوقت يطالع بالارض وماد بيده بالاكياس..
ناصر بجدية/عفوا يالاخو..لمنو هذا.؟
اشر الشاب الواقف على ناصر وماتكلم..
ناصر/أي بس احنا مو طالبين....
اشر الشاب براسه يعني بلى ووراه الورقة مكتوب فيها طلبية ناصر السبيعي ومدفوعة....
ناصر اخذها وهو مستغرب ومشى الشاب شوي من عند البا وهو جنب الحيط..وناصر للحين بتردده ودفعة وحدة راح له..
ناصر/لو سمحت..
وقف الشاب مكانه ومالف لناصر بس ناصر مشى ووقف قبالها ..
ناصر/ممكن ترفع راسك....
توهق الشاب وماعرف شيسوي...
ناصر دقق اكثر وقال بصدمة /هنوف!!!
ناظرته بسرعة والتقوا عيونهم!!
ناصر تلفتت حواليه وحمد ربه ان ماكو احد بالشارع وقال بهمس/قدامي بالبيت لااتوطى في بطنك؟
دخلت قدامه البيت وهي فاطسة ضحك وسكر الباب ولف لها...وهي تسندت وقعدت على اول درجة من مدخل بيتهم,,
ناصر/مجنونة انتي!!!وش مسوية بنفسك؟
هنوف وهي غرقانة ضحك/ملانة...ويوم طلبت لي من المطعم قلت خلني اسوي فيك مقلب واشوف بتعرفني ولامنت عارفني....واشوف ردة فعلك يعني!!
ناصر/لو شافك احد؟ماخفتي!!
هنوف نست حالها وفتحت لثامها وهي تتكلم/تاْكدت ويوم لقيت انه ماكو احد طلعت..طبعا دقيت لك وبعدين طلعت!!
ناصر/اخ بس لو شايفك عمي!!
هنوف ببراْة/كنت بمشي وبوسوي روحي واحد مار من هنا!!
لف لها ناصر وهو مستغرب منها ومن افكارها...وقام يناظر فيها..وهي لافة عليها الشماغ...ولثامها مفتوح..عيونها كانت حلوة حييل وهي متكحلة ومبينة وسعها....مايدري وش اللي خلاه يناظرها كذا....بس حول نظراته فجاْة وهو يحاول يشيل الفكرة من باله وسالها وهو يناظر بالسماء/من وين لك الثوب؟
هنوف ببراْة/ثوبك؟؟
لف لها ناصر من جديد/ثوبي!!!!
هنوف بابتسامة/أي...اللي اخذته ذاك اليوم مارديته..
ناصر/ياسلااااام!!اي بس انتي ماقلتيلي انك بتاخذينه!!!
هنوف/للذكرى...اذا ماعندك مانع!
ناصر/بلى عندي مانع.....
هنوف/هههههههه مانع ولامواساة ماتفرق عندي لاني مابرده ههههههه
ناصر/ظريفة حضرة جنابك؟طيب سعد يمشي ولامايمشي؟
هنوف/هههههه لامايمشي غير مستشفى اسطون ههههه
ناصر/هههه امسكي بس عشاك بلا جنون!!
هنوف بزعل/عشاي!!ماراح تتعشى معي!!
ناصر/.........
هنوف/تكفى..انا قاعدة بروحي...امي وعبير راحوا المطار ابويوداهم علشان يروحون لخالي...ولبنى نايمة بالعسل للحين ماقامت ومضاوي الله بالخير مدري نها حية لو ميتة ماينسمع لها صوت؟
ناصر/والله هالبنت مظلومة بينكم !!
هنوف /شلون يعني مظلومة؟؟
ناصر/يعني صوتها همس ماينسمع!!وبينكم تصيرون وحوش بغابة حواتلينها!!
هنوف بغيرة/ها ناصر اشوفك تدافع عنها شالسالفة؟
ناصر/والله اذا تبين الحقيقة مضاوي ولااروع...ماكو مثلها اثنين بها العالم!!بس النصيب ماراح يجمعنا؟؟
هنوف بانكسار/ناصر؟؟؟
اللي لاحظه تغير ملامح وجهها بس ليش مايدري!!
ناصر/شوفي هنوف..مضاوي اختي بالرضاعة يعني مايصير اتزوجها وحتى لو ماكانت اختي...سالفة عبير وعلي...سكتت كل العيلة عل مااعتقد!!!
كانت نظراتها بالارض ودموعها خانوها مايدري ليش...
ناصر بحنان وخوف/هنوف..علامك ليه تبكين!!
خبت وجهها بين يدينها....
ناصر بخوف اكثر/هنوف...شفيك؟
هنوف من بين دموعها وراسها اللي مخفي بين كفوفها/ناصر..انت كنت تحبها؟
ناصر...........احبها عاد!!ههههه لاانتي ماتتصدقين ولاتصدقين تسمعين كلمة علشان تقلبينها براسك!!!
يوم سمعت ضحكته ارتاحت نسبيا..ناصر مايعرف يلف ويدور...
رفعت راسها وكان الكحل نازل من بين دموعها
ناصر/ول شكلك يخوف!!!لهدرجة مستحيل يمر موقف بالبيت وماتدرين عنه يصير فيك اكتئاب نفسي!!!!
///////////////////////////////////////////////////////////
فوزية/يالله احنا بنمشي..
منال/اذا بتمشون احنا بعد بنقوم؟
فوزية/كاْن رحاب ماطولت تغذت وراحت؟
منال بهمس/وضعنامع نجلاء صاير مو مريح ابدا!!!ماتشوفينها كيف تعاملنا!!
فوزية/غريبة عمتي نجلاء وش اللي مغيرها ياترى هي ماكانت كذا!!
منال باصرار/بلى بس كانت بخفيف اللحين صارت علني!!!
فوزية/الله يهدي الجميع..
فهد/احم..في احد بالصالة..
ام مصعب/تعال اخوي ماكو غيرنا يعني منو بيكون موجود؟
فهد دخل وبيده سيجارته..
منال ابتسمت له/تفارق العالم وماتفارق صاحبتك؟
فهد/تعودنا..
ام مشاري/الله يفكك من بلاها بس...نذر عليّ بس تترك التدخين اسوي عزيمة طول بعرض...
فهد/معناته احتفظي بقيمة العزيمة ياام مشاري؟؟
فوزية/شفتي ياخالتي..خالي فهد يحبك ومايبك تخسرين..ههه قال ماله داعي يخسرك..هههه
ام مصعب/شلون رحلتك ياخوي؟
فهد/ماشية...تمام...
ام مصعب/مصعب تركنا ولا موجود؟
فهد/وش عاجلك خلك قاعدة؟
ام مصعب/الليلة السبت ياخوي..ورانا مدارس مثلكم...
فهد/بلى موجود مع محمد ...ولف لمنال..
فهد/الله يوفقك مع تركي..تراه كويس..وفاهم الدنيا..
منال ابتسمت له..
فهد/يالله دورك عاد فوزية جيبي لنا معرس انتي بعد!!
فوزية/ههه اطر يعني؟؟؟هههههه
ام مشاري/ههه وش تطرين...الف واحد يتمناك يابنيتي...
ام مصعب/ان شاءالله الله يبلغني وافرح فيهم...
ام مشاري/بتفرحين فيهم ان شاءالله وبعيال عيالهم بعد!!بس قولي امين...
ام مصعب/امين يارب...الله يسمع منك.
ام مشاري/وانت بعد يافهد بتفرح بسارة وبلمى وبفيصل ان شاءالله....واخوانهم بعد!!!
فهد/حرام عليك!!!
فوزية/افا يابو الشاب...
منال/شوف ولدك بالينا...ومطلع لنا ها اليومين سالفة جديدة تعالوا بيعوني بسمة؟
فهد/وينه مااشوفه؟؟قعد شوي معنا بعدين تملل وقام..ناداه تركي تعال يابن الحلال بسولف معك..قال انت لاوراك احمد ولاعندك بسمة شسوي معك اسولف!!!
ام مشاري/يموت على ها البسمة..
ام مصعب/جيبوا له ياخوي...
وقف فهد معلن انتهى الجلسةوانه مايبي يتكلم بها الموضوع/انا طالع تبون شي..
ام مشاري /سلامتك يابو فهد...
صعد فوق لداره يبدل ونجلاء بحضوره ماقالت كلمة وحدة..
فوزية/عمتي شفيك؟
نجلاء بدون نفس/ولاشي....
ام مشاري/يالله منال مشينا يمه...
منال/يالله..
ام مصعب/وين...
ام مشاري/بروح اشوف البنات..
منال بغمز لعمتها/والاهم ابو البنات؟؟تشوفه وشيسوي؟؟؟
ام مصعب/هههههههه الله يخليه لها اذا كلكم رحتوا عنها ترى ماعندها غيره..
ام مشاري/انا ادري فيهم ها البنات!!بنشوف بكرة تتركين تركي؟
منال/كانها قلبت السالفة عليّ؟
فوزية/المهم لو بغيتي تروحين لنجود عطيني خبر اروح معك..
منال/صار.....
////////////////////////////////////////////////////////////
على الساعة عشر كانت سيارة نجود وصلت لمزرعة فهد اللي كان ينتظرها من قالت له انها وصلت الرياض,,,,
نزلت السيارة بخطى واثقة....وتقدمت حتى تقربت منه...
ابتسم يوم شافها واقفة بطولها قدامه...
فهد/نورتينا والله..الف حمد الله على سلامتك يالغالية..
نجود/الله يسلمك....ويخليك لي يارب...
ظل يناظرها وحالها اليوم غير عن امس بكل شي..حتى وجهها مورد ورجعت حيويته..ومانسى كحلها اللي بعيونها وبسرعة سالها/عادي تتكحلين؟مايضرك؟
نجود ابتسمت لانها عارفة انه قاعد يتفحصها بمهل وبشكل دقيق/لا..مامنه مضرة...خلاص كل شي طبيعي...
فهد/يالله تفضلي ولاناوية تضلين واقفة طول الوقت؟
نجود وهي تتلفتت للبركة اللي وراهم/ورى مانقعد هنا؟
فهد/لا الجو بارد عليك....
نجود ناظرته بقوة خوفته وقالت بثقة/اذا بردت فنت بتكون جنبي وبتدفيني!!!انا ماعندي مشكلة مع البرد؟
فهد/.........
نجود/.........
فهد/يالله ندخل....
مشى وماعطاها مجال ومشت وراه وهي تتامله بثوبه الشتوي الكحلي اللي عاطيه هيبة ووقار اكثر واكثر وشماغه عليه لافه بس ..
فتح باب الصالة ووقف ينتظرها تدخل هي قبله...
دخلت وهي تتامل بكل المكان.....
كان الورد الاحمر منثور بكل جهة والشموع متناثرة على كل ركن وزاوية....
ومافيه غير كنبة وحدة لااثنين بس ..ومغطية بالورد من فوقها لتحتها....
كانت تتامل بالمكان الهادى والموسيقى الكلاسيكية اللي ماتدري وين مصدرها وهي تقول له...
نجود/فهد..مين جهز لك المكان؟
فهد بصرامة/نجلاء؟؟؟
طالعته بنص عين وهي تضحك وفاهمة عليه وقالت بدلع/كنت متوقعة انه يطلع منك بس اللحين اكدت لي ها الشي واكدت لي بعد ان احنا بنكون اسعد اثنين مع بعض؟
فهد مسك يدها وراحوا للكنبة وقعدوا.....وظل ماسك يدها...
فهد/ممكن اقولك شي...ن
جود/طبعا..وانت تستاْذن علشان تتكلم يافهد ؟
فهد وهو يناظر بالارض/كنت خايف عليك يانجود...يوم دخلت غرفة العمليات معك حسيت باحساس فظيع,,,,خفت اخسرك وانا مابعد ربحتك!!!!
شكلك ...صورتك ماهي قادرة تفارقني....اسرتني بكل مافيك من قوة وعنفوان وثقة وهيبة....ويوم شفتك لاحول ولاقوة بغرفة العمليات انكسرت...حسيت ان فقدانك اصعب من اني اتصوره......
ويوم قلتي للدكتور اني الشخص الوحيد اللي تحبينه وتعزينه بالعالم..انذبحت ماقدرت اكمل معك وانا اللي روحات وجيات علشان ادخل معك غرفة العمليات....
طلعت ...بكيت...ظليت ابكي وابكي بروحي وانا مدري وش اللي جرى لي....كل اللي اعرفه اني كنت تعبان وخايف ومتردد..تعبان من تعبك وخايف عليك وماابي يمسك شي..لعنت نفسي لحظتها ليش عرضت موضوع العملية عليك....
انا اللي جبت لك التعب بنفسي..وبيدي..
حبيبتي...صدقيني اول مرة بحياتي احس بها الاحساس....مدري ليه كنت خايف عليك لهدرجة...تعرفين..ذكرتيني بمشاعري يوم ضاع فيصل ..يوم لقيتيه تذكرين...
كانت مشاعري متلخبطة مثل ذاك اليوم بس انتي كانت معك اكثر..بكيت وانا اللي عمري مانزلت مني دمعة وحدة؟؟؟
حسيت اني لو خسرتك ماراح تكون لي قيمة بعدك يانجود وبظل الوم نفسي اكثر واكثر...
مدت يدها الناعمة ورفعت راسها بيدها وتواجهوا والتقت عيونهم مع بعض.....
نجود بهمس وعيونها مقربة تدمع../لو ماني مصدقة عيونك كان قلت لك احلف!!!بس عيونك ماتكذب عليّ حتى لو كذبت انت!!!!فهد حبيبي..صدقني انت عندي شي ثاني...شي مايتصوره بشر ولاراح يحس فيه غيري وغيرك بس!!!
امتدت يده ومسكت يدها وقربها من شفايفه وباسها بنعومة..
نجود/احبك...واموت بقربك....يالله هانت كلها كم يوم...ونكون لبعض...واوعدك..وعد ..وعد يافهد مابيغيرني عليك الا الموت!!
فهد/اسكتي ولاعاد تقولين ها الكلمة مرة ثانية؟انا مااحبها...انتي وردتي ...اللي ماراح تذبل وبتظل متفتحة لي علطول.....
ابتسمت له بهدوء بدون ماتعلق ودق جوالها وتضايق فهد...
نجود/علامك...لاتخاف ماراح ارد اذا بيضايقك اني ارد؟...يالله فل مابرد..
فهد بضيق/طيب بيدقون مرة ثانية؟
نجود/مااقدر اقفل جهازي لاني ادري انهم يبون يتطمنون عليّ!!
فهد/معناته ردي من اللحين وفكينا وقولي لهم انك بتنامين علشان مايدقون خلاص؟؟؟؟
///////////////////////////////////////////////////////////////
كان بندر يتحمم وجواهر بالغرفة تجهز اغراضه..
طلعت من الغرفة وردت بعد عشر دقايق..وهي مرتبكة وحمدت ربها ان بندر لساته بالحمام وكاهو صوته يغني...
ردت مفاتيحه مكانهم..وهي تبتسم...
جواهر/هذا مفتاح جدة وصار عدنا....وعدنا الاسبوع الجاي يابندر...بتفرغ لك تفرغ تام علشان اشوف وش مسوي انت بعيد عني ياحبي!!والله متصورة وضع المكان كيف مكركب وحالتك لله واكلك من ها المطاعم وثيابك مرمية....
بس بجننك بغير لك كل شي وانت ماتدري منو اللي مسوي ها الشي وماراح اقولك......
بندر/منو تكلمين؟
لفت بفزع/بسم الله!!!
بندر/يمه..خرعتك!!!ماخبري اني اخرع كثير يعني!!
جواهر/لامو كذا...بس انا كنت افكر بشي....
بندر لبس ثوبه/بشنو؟
تقربت منه تسكر له ازارير ثوبه وقالت بدلع/حبيبي جهزت لك شماغ ثاني ...بندر/أي بس هذا مافيه شي؟
جواهر بنفس الدلع/عطني اياه حبيبي الليلة ودي انام وانا لافته عليّ علشان تبقى ريحتك معي طول الليل,,
بندر حط يده بشعره وقال بهمس/اخذيني انا نوميني عندك ليش تاخذين الشماغ بدالي!!!!جواهر ابتسمت له/حبيبي...ودي اطلب منك طلب؟
بندر/امريني الغلا...
جواهر لزقت فيه/مو كاْنك مقصر معي!!من زمان ماقلت لي كلام حب وغزل؟؟
بندر مسوي روحه مصدوم/من زمان!!!قولي والله!!!لالالا هاذي سالفة ماينسكت عليها ابدا!!طيب وليش ساكتة ماقلتيلي قبل كذا!!
جواهر بنفس الدلع/قلنا نتركك على راحتك انت تحس...بس شكله ماكو فايدة...خلنا نتعامل بصراحة افضل,,,,
بندر مسوي انه متاْسف وندمان ومو عارف شيسوي من الاحراج/ياربي...شلون كذا!!!!سامحيني !!مدري شلون صار التقصير وماانتبهت!!
جواهر وهي ماسكة ياقة ثوبه/وماعندك وقت طبعا علشان تقول لانك بتمشي!!
بندر همس لها باذنها/نخلق وقت مو مشكلة!!ولف يناظرها وهو يغمز لها بعيونه..
جواهر ابتسمت/لاتصير خبيث ترى انا اموت اذا شفت عيونك كذا!!!بندر مسك يدها وجرها معه..جواهر/وين؟
بندر/يبى بعطيك معلقة حب وغزل ولايصير بخاطرك بعد!!!خوب مايصير مااقول لك بعد مانبتهتيني على ها الشي واسوي نفسي ماسمعت واروح عادي.....
جواهر/لاحبيبي مسامحتك انا اليوم بس ابي وعد اسبوع الجاي تجي تسلم على اهلك وتقعد معهم مابقول ربع ساعة...يالله نص ساعة خلني كريمة معهم..وبعدها تركب فوق هنا..انا بكون منتظرتك؟
بندر/غريبة ماقلتي بمعتقل بيت الهاجري!!
جواهر/لا مدام السالفة فيها تعويض مانبي مقاطعات من محمد كل شوي..
بندر/أي يابنت الحلال خلك كذا دايم..عاقلة مو يزر عقلك من تشوفين ذاك الفرعون؟جواهر/ها بندوري بتزعلني منك!!ترى مهما صار اخوي وماارضى عليه ابدا!!!!
///////////////////////////////////////////////////////////
ملاك كانت قاعدة بغرفتها وهي تفكر بنجود...
بكرة بتجي المدرسة....وبتنورنا..ان شاءالله تجي مثل ماوعدتني اليوم بالتلفون يوم كلمتها...
يااني مشتاقة لها حيل وودي اشوفها....
بس ياترى هي وش تبي مني!!قالت ابيك بموضوع جديّ وبتناقش معك فيه!!!شنو ياربي شنو,,,,معقولة علشان البنات...هي دايم تقولي اختاري لك بنات متميزات وامشي معهم...بنات من فصلك وبعمرك..مثلا الجازي..ولانور ولامروة ولاشما...ياترى ها الشي اللي تبيني علشانه ولافي شي ثاني!!معقولة تبي تسالني عن سارة وانا قلت لها كل اللي اعرفه عنها وان علاقتي فيها انقطعت خلاص من بعد ها الموقف!!!
وش تبي مني...وهل بتكلمني بكرة ولا بعد كم يوم...لامااعتقد بكرة...بتكون تعبانة وتها جاية ومافي فرصة...يمكن بعد يومين كذا!!!
ام رائد/ملاك.....وش ها الهدايا هاذي كلها...
ملاك/يمه..قلت لك بكرة نجود بتجي؟
ام رائد/أي صح..
ملاك/ها ان شاءالله نسيتي بعد توصين الطباخ على غذاها لبكرة؟انا قلت لك بجي بتحمم وباخذ الاكل وبروح لها...تراني موصية عليه بس بعد ذكريه انتي..
ام رائد/ان شاءالله يايمه...الا وش فيك سرحانة؟
ملاك بتردد/يمه..ابلة نجود امس قالت لي...انها تبي تكلمني بموضوع جديّ وتبيني اتقبله منها واخذي واعطي معها....
ام رائد بفرح/أي..وبعدين..ووين المشكلة مو ابلتك وتحبينها وكل شي فيها يعجبك؟
ملاك/يمه...وش تتوقعين تبي تكلمني فيه؟
ام رائد/مدري يمه..انتي شتتوقعين؟
ملاك/مدري قولبتها براسي..واحترت...يمكن علشان البنات هي دايم تقولي اختاري لك صديقات مضبوطين مثل ماقلت لك..ولا يمكن عن بنت انا عارفتها من زمان اللي اسمها سارة وقلت لك عنها...بس هذا اللي طلع معي!!
ام رائد تلاشت فرحتها/بس!!!طيب هي مالمحت لك كيف نوعية الموضوع اللي تبيك فيه؟
ملاك/لا..بس كل اللي قالته ابي اكلمك بموضوع واعتبريني اخت وصديقة..
ام رائد/ملاك...وش ماكان الموضوع راح تتقبلين منها؟
ملاك باندفاع/وبدون أي تفكير..ولو هي من ها المطوعين وتقولي لبسي عباية راس وغطي شعرك ووجهك ولبسي قفازات كان لبست حتى لو مااقتنع ابوي!!!اهم شي هي ترضى..بس مدري ليش محتارة بالسالفة اللي تبيني فيها....
ام رائد/كم باقي على امتحاناتكم؟
ملاك/اممم اسبوعين...
ام رائد في بالها(وش ها التوقيت الفاشل يانجود قبل اسبوعين بتكلمينها عاد!!انا متاْكدة انها بتتعب حييل ولابتروح امتحانات ولاغيره....انا لازم اكلمها واقول لها تاْجل الموضوع شوي)
////////////////////////////////////////////////////////
نرجع لنجود اللي كان راسها متوسد حضن فهد وهو يلعب بشعرها......
نجود/تعرف يافهد شنو امنيتي!!او اول شي بسويه اذا تزوجت؟
فهد/شنو؟
نجود/بقص شعري..
شدت يده على شعرها اللي كان يلعب فيه والمها..
نجود/أي...
فهد/وش قلتي؟
نجود/امنيتي اقص شعري,,ماتدري كيف ابوي حارمني من ها الشي من زمان!!تصدق من وانا بالمتوسط ماعمري قصيته؟؟
فهد/هاذي كذبة ماتتصدق!!بالمتوسط يعني المفروض يكون اطول من كذا مو ها الطول بس!!!(عجبتني يافهد هههه)وبعدين منو قال لك ان سجني بيكون اخف من سجن ابوك؟؟؟
نجود/شلون يعني!!لاتقول ان حضرة جنابك معترض؟
فهد/ا لا معترض ونص بعد!!قص شعر مافيه,,حالك من حال لمى وسارة..مايلمسون شعورهم لو شيصير....حلاة البنت بشعرها الطويل...
نجود بابتسامة/وثوبها القصير!!لايابابا...معناته زين قلت لي..علشان اقصه بالكوافير يوم العرس اكون دخلت عليك ولايمديك تقول لي شي!!!
فهد/مافيه قص يعني مافيه قص ومافيها نقاش زيادة؟
نجود/وبعدين منو قال لك اني بترك لمى كذا!! لاحبيبي...البنوتة مسيكينة ضعفونة ووجها كرزة صغيرة وشعرها لضهرها!!كيف تجي بالله ذي...ماعليّ منك اول ماادخل باخذها وبقصه لها....سندها بصدره وكانه ينهي الموضوع ولفت له مرة ثانية بعد ماشمت عطره..
نجود/فهد انت مغير عطرك؟
فتح عيونه على وسعها وبعد راسها عن صدره شوي..
فهد بدهشة/وش عرفك؟
نجود/ليش ماادري عنك ولا مو متابعة تحركاتولاادري انت وش تستخدم!!!ماغابت عني ريحتك من اول مادخلت بس قلت يمكن مشككة بس اللحين تاْكدت انك مغيره,,,...بعدين ترى تغيير العطور فيه عدم استقرار بالمشاعر وهذا يدل على عدم الثقة بالنفس والشخصية تكون الى حد ما مهزوزة!!ادري مايناسبك بس لاتحاول تغير كثير لانك فعلا بتتغير بشخصيتك..كانك البنت الحلوة اللي عندي؟
فهد باستفهام/أي وحدة فيهم!!
نجود/وفي غيرها جواهر هانم!!الصباح عطر خاص وللمدرسة عطر خاص وللبيت عطر خاص ولليل عطر خاص وللطلعة عطر ولليل واخره وسهراتها مع بندر عطر....مابقى عطر بالعالم مو عندها؟
فهد/انتي وش سالفتك مع ها البنت الحلوة على قولتك؟وش تعني لك؟
نجود ضحكت/هههه جواهر..حبيبة قلبي والله...
فهد بابتسامة/حبيبة قلبك ها!!طيب وش سوالفكم البطالية مع بعض قولي سمعينا!!
نجود وهي تضحك/اوه ه ه اسرار مانقدر نقول ههههه...بينا عمر من زمان وسوالف ماينحكى عنها لااحد مهما كان لانروح فيها!!!جر خدها بالقوة وهي ميتة ضحك على ضحكته,,,
////////////////////////////////////////////////////////
////////////////////////////////////////////////////////////////
شبيطلب محمد من فوزية وهل بتتضايق من طلبه ولاشبتسوي؟
**وليش مااغار!!تعرفين قدرك عندي شقده وماتعبريني وتسالين في اللي مايسال فيك؟
**لو ادري ذكرتك بالبارحة قبل لاينشف ريقي؟
**مو لازم تعرفه يكفيك اني بطلبه وانه طلبي ولازم تحققه لي؟
**دلع وشنو بتسوي بين بندر وجواهر وهل بتنجح وبيتم الموضوع مثل ماخططت؟
البارت التاسع والاربعين,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,
يوم السبت بالمدرسة...
منال/هلا وغلا..حمد الله على السلامة..
نجود/الله يسلمك..ها احلويتي...كان انخطبتي من زمان!!
منال ضحكت/يالله بطلي من سوالفك بس!!
هاجر من وراهم/يالله باقي انتي نجود شوفي لك معرس بعد وش تنتظرين؟
لفوا لها وتقربت منها هاجر تسلم عليها..
هاجر/حمد الله على سلامتك..
نجود/الله يسلمك..
هاجر/وحشتينا مرة يانجود...دوم نذكرك بالخير ونسولف عنك..
نجود/ماتقصرون والله..
منال/الصدق الصدق اشتقنا لك...
نجود/من ذوقكم والله....
هاجر/شلونك اللحين؟
نجود/الحمد الله ...عال العال..يالله انا عندي حصة بروح ...اشوفكم بعدين....
اخذت كتبها ومشت لفصلها وكانوا نص البنات برى الفصل,,,,,
ابتسمت وهي تشوفهم..ياانهم وحشوها حييل..بمشاغبتهم وخوفهم وعنادهم وكسلهم وكل شي فيهم...
كانت ملاك الوحيدة اللي مادخلت الفصل ويوم شافت نجود طاحت منها دمعتين ومسحتهم..
وراحت تركض لها تسلم عليها وشوي وتحضنها بس نجود ماعطتها مجال..
ملاك بوناسة وفرح/حمد الله على سلامتك نورتينا والله..
نجود وهي تمشي معها للفصل/الله يسلمك...ليش طالعة برى الفصل ها؟
ملاك/هههههه توك رادة بتتحلفين فيني!
نجود/يالله دخلي قدامي وعلى مكانك بسرعة....
دخلت ملاك وبعدها بشوي نجود..
نجود/السلام عليكم..
وعليكم السلام ورحمة الله وبركاته...
نور/شلونك ابلة نجود..وحشتينا مرة؟
شما/الفصل بدونك ماكان يسوى أي شي؟
مروة/اشتقنا لك؟
ملاك/زين خلوها تاخذ نفسها بعدين تكلموا؟
ريم/ملاك وش عليك منا!!نبي نقول اللي بخاطرنا؟صح ابلة نجود؟
نجود/ملاك ليه مغيرة مكانك؟
كانت ملاك باخر الصف تقعد واللحين قعدت جنب نور وشما قدام بالنص قبال مكتب الابلة..
ملاك بفرح/اكتشفت اني غبية تاركة لهم ها المكان الذهبي والاستيراتيجي...
نجود/على مكانك يالله..
ملاك/لا ابلة مايصير؟؟وبعدين انا مااشوف ورى؟
البنات/هههههههه
نجود/توك مكتشفة انك ماتشوفين؟
ملاك/شسوي..وخصوصا بحصص العربي؟
نجود/ملاك خلك قاعدة هنا بكل الحصص الا حصتي ماابي شوفتك هنا اذا ماعندك مانع!!
ملاك/اووووف انا ماابي الا حصتك؟معليش من الحصة الجاية نطبق النظام...
نجود/وش جايبن معكم؟
مروة/مطالعة..
نجود/يالله خلاص خلونا نبدي بالجد....
////////////////////////////////////////////////
في القصيم...
عبير/رياض...شلونك ياولد خالي...
رياض باسى/هلا عبير...
عبير/علامك كذا متضايق ومكدر خلقك..يبى الاعمار بيد الله وماحد ياخذ اكثر من يومه؟
رياض/عبير انتي شلونك؟
عبير/............
رياض/بعدك بمثل وضعك ماتغيرتي؟
عبير/الحمد الله على كل حال.....
رياض/تذكرين يوم ان ابوي يكلم امك علشان تخطبك لي وابوك قال انك لولد عمك علي....
عبير/السالفة مرت عليها اكثر من سنتين ياولد خالي....
رياض/انا تعبان ياعبير...شوفة عينك..امي تعبانة وماهي قادرة تقوم بولدي..وخواتي ثلاثهم صغار ومايعتمد عليهم اكبرهم باولى متوسط؟والشغالات عانينا منهم لدرجة ان احنا فضلنا نموت قهر ولانجيب وحدة منهم!!شسوي بولدي ياعبير شسوي..
عبير/الله كريم..ادعي لها بالسلامة يارياض..
رياض/الله يقومها بالسلامة.....
عبير/..............
رياض/يتيمة وربيناها من الصغر..لاعندها احد ولااحد يدري عنها غيرنا...وبالطلعة والدخلة توصيني على ولدي...وانا خايف من ها الموقف ياعبير مدري شسوي.....
عبير تنهدت/افراجها عند رب العالمين يارياض...
//////////////////////////////////////////////////////
في مكتب فهد,,
مصعب/خالي..
فهد/شسالفتك انت من البارح خالي وخالي؟شعندك.؟
مصعب قعد والهم باين بوجهه..
فهد/قول؟
مصعب بانت دمعتين بعينه ماعرف كيف يمسحهم..وقال بنبرة باكية وزعلانة../ابي اسمع صوتها ياخالي!!
فهد بذهول/مصعب؟؟وش سالفتك انت!!
مصعب بترجي/صدقني بس اسمع صوتها واتركها واشيلها من بالي بعد!!!
فهد بصرامة/مصعب..البنت مرتبطة وقايل لك ها الحكي الف مرة؟؟؟اعقل وش جاك انت وخلاك تصير كذا!!
مصعب بالم/خالي انا عارف انها مرتبطة...بس كنها ساحرتني ها البنية كل ماقولبتها براسي ابيها تطلع الاقيها اخذت حيز اكبر من تفكيري!!!
فهد بنفس الصرامة والقوة/مصعب وقسم بالله لوعرفت بس انك للحين تفكر فيها ومالشتها من بالك ماراح يصير خير..طيب...انت اعقل من كذا..والله اني ماهقيتها منك ابدا!!معقولة توصل فيك لهنا...شوف حالك كيف صاير كنك مجنون مو عاقل!!
مصعب كان منزل راسه وكنه يداري دموعه لاتنزل...
فهد/اسمعني زين يامصعب..انا بكلم اختي وبقولها ولدك كبر دوريله عروس لمتى بعد!!!اخطب...بتشيلها من بالك وبتبدي حياة جديدة...وبلاش تزعلني منك وتضل تفكر ها التفكير اللي ماوراه غير التعب والجنون لك؟؟ولاالبنت تبي خطيبها وتحبه وتموت عليه.....
/////////////////////////////////////////////////
ابو مشاري/لو تدري نجلاء وش ناوي عليه فهد كان تقوم حرب عالمية؟
ام مشاري/هو مو ناوي يقول لها؟
ابو مشاري/بلى...قال بيعطيها خبر...وحتى عياله بيقول لهم؟
ام مشاري بهمس/هو حاط عينه على وحدة يابو مشاري؟
ابو مشاري/والله انا نشدته..قال لا..بس انه تعبان بحياته ويبي يرتاح وها الشي من حقه...وانا مقدر اقوله شي..
ام مشاري/يعني اختك ام مصعب عارفة؟
ابو مشاري/أي عارفة..
ام مشاري/وهي اللي بتختار له؟
ابو مشاري/لا ماظنتي..هي سالته منهي واذا كانت مطلقة ولاعندها عيال ولاكبيرة بس فهد تعرفينه كتوم ومايتكلم قال بتعرفونها بوقتها....
ام مشاري/يعني ماشال الفكرة من راسه؟
ابو مشاري/لاوالله شكله معزم عليها بقوة بعد..يقول بيخطب ها اليومين بعد مايكلم نجلاء وبعد رمضان بيتزوجون...وبيجيبها البيت.
ام مشاري/بيجيبها مع نجلاء بنفس البيت؟؟؟راحت فيها؟؟؟خله ياْجر لها شقة؟
ابو مشاري/قايل له...اجر شقة ولاخذ بيت ابوي وطلع منه المتاْجرين وعدل فيه وسكنها هناك..قال عن عيالي ماراح ابعد..بياخذ المساحة الفاضية هاذي اللي بجهة البركة وبيدخل عليهم المجلس الصغير والغرفة اللي جنبه وبيسوي لها شقة ..غرفتين وصالة وحمامين ومطبخ ..
ام مشاري/يا انها بتمر عليك ايام يافهد الله يعينك فيها..
ابو مشاري/انا قلت له يوم انك ماخطبت للحين لاتخطب الا اذا قلت لها وشفت ردة فعلها..
ام مشاري/هي اكيد بتدري اذا شافت العمال يشتغلون ليل نهار بتدري..الله يستر بس منك يانجلاء؟
/////////////////////////////////////////////////
هنوف/امي ماجت للحين؟
لبنى وهي مقهورة بوقفتها بالمطبخ/من صدقك انتي !!البارحة رايحة الليلة بتجي؟
هنوف/انتي مارحتي الكلية؟
لبنى بقهر/لا...حضرة جنابه ابوك مارضى...قال مافي روحة..قعدي اليوم بالبيت قابلينا طبخي وشوفي وش نبي مدام امك غايبة؟
هنوف/اها....قدر عليك السيد الوالد؟؟؟الله يكون بالعون..على فكرة وش طابخة لنا غذى ترانا جواعى؟
لبنى بعصبية/طابخة هم وضيم وقهر؟
هنوف بسخرية/وااااااااو؟؟؟شكلها الطبخة عجيبة!!مينة من مكوناتها بعد مايحتاج!!!
لبنى رمت عليها ملعقة الخشب اللي كانت بيدها/ذلفي عن وجهي انتي بعد لااحط حرتي فيك!!!
هنوف/ههههههههه
لبنى/الله يهداها امي وش موديها عند خالي بس!!!
هنوف/جنيتي انتي!!اخوها هذا شلون ماتبيها تروح له؟
لبنى بقهر/طيب ياخلت عبير معنا!!ولااخذت زوجها معها!!شوفوا ترى انا بحط الغذى وبركب انام مالي شغل با احد؟
هنوف طلعت وتركتها بروحها...ودق جوالها...
لبنى بزعل/هلا..
عبدالعزيز/وش ها الهلا الزعلانة؟.
لبنى بضيق/مافيني شي؟
عبدالعزيز/وراك مادقيتي لي اليوم ؟مو مفروض بين العشر والاثنعش فاضية ماعندك محاضرات!!!
لبنى/أي انا مارحت الكلية اليوم؟
عبدالعزيز بخوف/ليه!!فيك شي؟
لبنى بقهر/صايرة ربة بيت على اخر الزمن؟؟امي ماخذة الشغالة معها وانا اطبخ وانظف واسوي كل شي!!تصور...
عبدالعزيز بمسخرة/لا,,,مسكينة الله يعينك...وش مسوية لهم مندي ولامظبي ولامحشي ولاهامور؟
لبنى/لاتتمسخر انت بعد؟
عبدالعزيز/وانا شقلت عاد!!ابي اتطمن بكرة لارجعت من الدوام وش بيكون ينتظرني؟
لبنى/توست وجبن ماغيره...عندنا خميس وجمعة بس اللي بنتغذى فيهم!!!
عبدالعزيز/افا!!ليش عاد!!
لبنى /انت ناسي ان وراي كلية وماارجع الا بعد الثنتين....حبيبي مافيني اقابل المطبخ انا كل اللي اعرف اسوي اذا وصلت البيت ابدل وانام!!!
عبدالعزيز بحسرة/يعني ماراح تطبخين غير الخميس والجمعة بس!!
لبنى بفزع/ومن قال اني بطبخ عاد!!الخميس عند اهلك والجمعة عند اهلي!!!!
///////////////////////////////////////////
بندر/حبيبي مشتاق لك مووت؟
جواهر/يابعد عمري تدري فيني نعسانة توني رادة من المدرسة بعدين اكلمك لاصحيت؟
بندر/لا..وش بعدين تكلميني!!
جواهر/مافي كلام...انا اذا تكلمت بفضح اهلي!!!بعدين حبيبي ادق لك زين...باي...
سكرت وماعطته مجال يتكلم وحط التلفون قدامه باستسلام..
دلع بخبث/وش عندها مسكرة ..مالها بالعادة هي بالساعة وبالساعتين سوالفها؟
بندر بدون مايحس/انا نحاسة فيني اصلا كل يوم ادق لها ها الحزة وانا عارف انها نعسانة وبتنام بس احب اعاندها واجننها؟
دلع بخبث وحقد/طيب واذا نعسانة..مافيها تتكلم مع خطيبها شوي بس!!!
بندر/ها..
دلع/هذا مو عذر؟؟يعني شكلها مالها خلقك؟
بندر/ليش تقولين كذا!!
دلع/يعني اذا صاحبتها دقت لها اللحين مابترد عليها وبتقول نعسانة؟؟ولا بس عليك ها السالفة حبيبي؟
بندر بعصبية/لا..هي تنام ها الوقت..
دلع/اقول خلك رجال وكلم وقت ماانت تبي وسكر الخط بوجهها وقت ماانت تبي!!مو اذا تفرغت حضرة جنابها دقت لك واذا مالها خلقك عرفت شلون تطفرك؟
//////////////////////////////////////////////////////
فهد/السلام عليكم..
وعليكم السلام....
نجلاء/نجهز الاكل..
فهد بدون نفس/بصعد ابدل ثيابي بالاول..
ولف للجهة اللي عياله قاعدين فيها وقام يناظرهم..
نجلاء/فهد..وش فيك تناظر العيال كذا؟فيهم شي؟
فهد بصرامة/كني ملاحظ ان لمى ماتقعد مع سارة كثير؟وبعدين شنو ها الجرح اللي ورى اذنها؟
نجلاء بارتباك/ها..لاانت يتهياْ لك....وبعدين هاذي هي طايحة بالمدرسة ذاك الاسبوع؟
فهد/وعسى ماتعورت؟
نجلاء/لالالا لاتشيل هم بخير مافيها الا العافية...
فهد/لمى...
لمى رفعت راسها/نعم يبى..
فهد/امك تقول انك طايحة بالمدرسة ومتعورة...
لمى ناظرت بامها اللي نظراتها كانت تتوعد...
نجلاء بسرعة/يوم تطيحن ذاك الاسبوع يالمى....؟
لمى بهدوء/أي بابا...بس ماتعورت...
/////////////////////////////////////////////////////
ام ناصر/زين انك جيت...روح ودي ها الصينية لبيت عمك؟
ناصر شال نظراته/شنو هذا؟
ام ناصر/يعني شنو؟الله يهديك ياناصر شبيكون يعني ريوق؟
ناصر/ وان شاءالله قصرتي علينا بالاكل علشانهم؟
ام ناصر/استحي على وجهك ياناصر هذولا عمك وبنات عمك!!!!وكلها بكلها نقصة من غذانا ووديناها لهم!!
ناصر/أي ماقلنا شي..بس مضاوي اكلها اكل عصافير ماتاكل كثير ولبنى تجي من الكلية تنام وماتقعد الا المغرب حق السهر اخر الليل الملعونة!!وهنوفوا هاذي الطامة الكبرى اللي تاكل عن بلد!!!وعمي يجي يتغذى مع ابوي...خلاص شيلي من ها الاكل شوي..
ام ناصر/هذا اللي بيذبحني؟
ناصر/ههههه والله اني كنت امزح معك ابي اشوف وش تقولين؟
ام ناصر/زين اجل....
ناصر/يالله يالغالية على ماروح اوديه جهزي غذانا...
ام ناصر/ولمتى ان شاءالله بظل اخدمك؟
ناصر/عسى ماشر؟؟ليش قلبتي علي ّ مرة وحدة؟
ام ناصر/هذا الصدق!!يعني مو المفروض اللحين مرتك هي اللي تخدمني بدل ماانا اخدمك واشيل واحط لك؟
ناصر ابتسم لها/بس تجي لااخليها تشيل البيت عنك..
ام ناصر/متى ياناصر..خلني افرح فيك ياولدي واشوف عيالك قبل لااموت...
ناصر تقرب منها وباس راسها/لك طولة العمر يالغالية..قايل لك انا بتشوفينهم شياطين اباليس مو عيال كل يوم بيكسورن لك شي بالبيت!!
ام ناصر/الله يبلغني واشوفهم لو يكسرون البيت على راسي بس اشوفهم..يارب انت واخوك علي ونجود وهيا..
ناصر/أي زين بس احنا مادعيتي لنوير...سميت جدتي؟
ام ناصر/وي لازم تذكرني بجدتك عاد!!روح يالله روح سديت نفسي الله يسد نفسك؟
ناصر/هههههههههههه
//////////////////////////////////////////////////////////
بندر /الو..
جواهر بنعس/بندر فيك شي؟
بندر بعصبية/شنو يعني فيني شي؟
جواهر/سلامتك بس ليش داق؟.
بندر بنفس العصبية/ياسلاااام!!خطيبتي وبكيفي ادق بالوقت اللي ابيه!!عندك مانع!!
جواهر بجدية/وليش معصب حضرتك؟
بندر وهو يشوف نظرات الانتصار والفرح بعيون دلع/ولاشي..بس ابي اسولف..
جواهر/يعني السالفة عناد؟
بندر/ياسلاااام..اقولك بسولف تقولين عناد؟
جواهر بعصبية/انت تعرف ان هذا وقت نومتي؟
بندر بنفس العصبية/نومتك تاْجلينها تلغينها انا مالي شغل!!رجال وابي اكلم مرتي واشوف وش بنسوي ووش مابنسوي...ولا اذا فضيتي حضرتك دقيتي؟
جواهر/............
بندر/ماتردين ليش ساكتة؟
جواهر بهدوء/بسمعك وش بتقول؟
بندر ارتبك وسكت..
جواهر/كنت بتتكلم عن الشقة طبعا.لا,,..لو ين وصلنا بالتاْثيث وشنو باقي..بعدلا,, العرس وشنو بنسوي فيه بعدلا,, وموضوع استقرارنا وحياتنا ..هم لا,,...يعني باالمختصر تبي تخلق سالفة ومشكلة من العدم....طيب..انا اسمعك وش تبي تقول؟
بندر سكت مرة وحدة...
جواهر بنفس الهدوء/قول...انا اسمعك يابندر....وش ها الشي الضروري اللي خلاك تتصل فيني مرة ثانية وتبي تسولف معي !!
بندر بهدوء وشاعرية نزلت عليه من السماء وهو يشوف صوتها معصب بس مسوية روحها هادية وهو يتخيل شكلها كيف وهي متضايقة لانها مانامت..ويدري انه غلطان يوم سمع كلام دلع وانه يحب ها الانسانة ومايقدر يزعلها,,
بندر بوله وحب/احبك...
جواهر/........
دلع فتحت عيونها على وسعها ونزلت رجل من على الرجل الثانية وقعدت على اعصابها
بندر تنهد وقال بنفس لهجة الحب/جواهر انا اموت عليك...والله اني حسيت بالغيرة من نومتك...يااخي سولفي معي شوي!!انا بعيد عنك ياروحي وانتي موهامك؟(قلب السالفة عليها المسكينة*)
تذكرين يوم قلتيلي امس انك محتاجة لكلمات حب واني مقصر معك؟؟؟انا بعد محتاج وانتي مقصرة معي!!
جواهر بتاْثر/حبيبي..
قاطعها بندر/لاتقولين شي...انا عارف انك نعسانة ومابيطلع منك شي..
جواهر/ياسلاااام!!
بندر بضحكة/مجربك من قبل....ههههه بس ابيك توعديني تصحين وتفضين لي حالك..ابي اليوم مكالمة لاتنتهي...ابي اسمع كلام ماسمعته من قبل...تم...قولي وعد...
جواهر/وعد...بس انت طيرت النومة من عيني!!
بندر بضحكة/اوه ه ..تدرين ان النومة جت لعيني!!ههههه يالله شكلي اخذتها منك وانا اللي بنام...تصبحين على خير ومو تنسين الوعد..وهاذي احلى بوسة علشان تنامين..اموووواه..يالله باي..
اول ماسكر تلفونه انفجرت براكين دلع وقالت بكل عصبية/ياسلاااام!!هاذي المرجلة والله!!!
بندر بهيام/اذا سمعت صوتها ..ادري اني انا اللي مقصر بحبي لها!!
دلع وهي بركان ثاير/ياسلاااام والله!!عشنا على ها الاخبار الزينة؟؟؟انت مو متصل تسوي روحك رجال عليها؟؟؟ليش قلبت السالفة مرة وحدة؟
بندر بعصبية/انا رجال وغصبا عنك!!واحترمي نفسك احسن لك؟
دلع/اشوف رجال ومايطول لسانك الا عليّ انا!!!على بنت الهاجري تنسحر وتتدوده ماتقدر تتكلم بكلمة...ينربط لسانك!!
بندر رمى المخدة اللي جنبه واخذ شماغه وطلع وسط صراخ دلع,,,,,
/////////////////////////////////////////////
هنوف/الحمد الله بيت عمي انقذونا بغذى عاجل ولارحنا فيها؟
لبنى/انتي سكتي لااقوم اتوطى في بطنك اللحين؟
مضاوي/هدي..هدي علامك..
لبنى بعصبية/يعني مخليني اغيب عن الكلية واقابل البيت وطبخ ونفخ وحالتي لله واحر شي احط لك شي تاكله يبى الا يقولي لاوالله اكلت مع الربع!!! مجنون اتسسم من يدك؟؟؟؟زين عطيتني خبر مو تخليني اذبح عمري وبالنهاية بلوشي؟
مضاوي/واحنا وين رحنا؟
لبنى/والله عاد مااشتغل عند احد؟
هنوف/لاوبنموت احنا علشان نتسمم منك على قولة الوالد الله يحفظه...خل ناْكل من بيت عمي احلى وابرك..
مضاوي بهدوء/حرام عليك اصلا لبنى تجي بعد عبير بالطبخ..ولااذا السالفة رادة عليّ وعليك صدق نروح فيها؟
هنوف/اللحين في شي ثاني يناكل مقدر اجامل..لو ماعندي غيرها كنت بقول أي....
مضاوي بهدوء/لبنى...في شي ودي اقوله لك؟
لبنى/شنو..
مضاوي باحراج/بعدين..
هنوف/لاعمري..بعدين وبعدين علشان لااسمع!!تتكلمين لااذبحك؟
مضاوي/سالفة ماتخصك تخصني انا وابي اشوف رايها فيها....
لبنى/لاتتعبين نفسك ترى هاذي مثل الصمغ ماتفك اذا عرفت ان في شي بيصير؟؟
هنوف/سمعتي!!يالله قولي شعندك؟
مضاوي/ولا شي..سالفة صايرة لي وبغيت اخذ راي لبنى فيها؟
هنوف/قولي..
مضاوي قامت من السفرة/الحمد الله...تبون شي بروح انام!!
لبنى وهنوف بصوت واحد/وين على الله!!
لبنى/تعالي رتبي معي!!!
هنوف/قولي السالفة وبعدها خمدي!!
/////////////////////////////////////////////////////////
نجود/علامك معصب كذا؟
فهد/ولاشي...
نجود/أي بس انا عارفة ان في شي..
فهد/تغذيتي؟
نجود/كاهي ملاك جاية بالطريق حالفة غذاي اليوم عليها..
فهد/وان شاءالله بتتاْخر حضرتها؟
نجود/ماهي متاْخرة بس انت ليش متضايق علمني!!!
فهد/بس في شوية امور نرفزتني اليوم...ومحتاج شورك وخبرتك...
نجود/شنو...
فهد/يبى بعد ماتطلع ملاك دقي لي!!ماابي اتكلم ونقطع السالفة..
نجود/طيب...بس ممكن اطلب منك طلب..
فهد/شنو؟
نجود/لا كذا ماينفع..
فهد/شنو اللي ماينفع..؟
نجود بدلع وهمس/انك تقولها بها الطريقة!!ابيك تقول انتي امريني وانا حاضر وش مابغيتي طلبي عيوني مو بس تطلبين طلبات صغيرة؟
فهد ابتسم وسكت..
نجود حست عليه وكملت/ها..اطلب..ولا..
فهد/شتبين؟
نجود/وبتوافق على طلبي!!
فهد/مو قبل مااعرفه؟
نجود/مو لازم تعرفه!!يكفيك انه طلبي واني انا اللي بطلبه ولازم تحققه لي!!
فهد/شنو؟
نجود/مو قبل لاتقول تم؟
فهد/خلصيني يالله العيال ينتظروني بنزل اتغذى معهم!!
نجود/ياسلااااام!! منو اللي داق على الثاني بالله!!!
فهد/يالله قولي..
نجود/ماابي كذا كانها منة...ابي تدلعني مثل البارحة؟
فهد تنهد بقوة وقال بحالمية/اه من البارح واللي صار فيها!!متى بتنعاد!
نجود/................
فهد/امريني...تدللي..وش ماتبين تم ...
نجود بزهو وثقة/لو ادري ذكرتك بالبارحة من قبل لاتنشف ريقي!!!عموما...ابيك تدير بالك على صحتك علشاني مو علشانك..وماابيك تمسك سيجارة وحدة ...عارفتك معصب وكل ماعصبت لهفت بها السجاير بدون احساس!!توعدني ماتدخن لين تقولي شلي مضيق خلقك؟
فهد/..............
نجود/فهد وين رحت انا اكلمك؟
فهد بحب/اللحين..صار لك ساعة ابي اطلب وقول تم ومدري شنو...واخر شي..اهتم بنفسك ولاتدخن ولاتضايق عمرك!!!من جدك تحكين يانجود؟
نجود/طبعا!!!وانا من عندي غيرك ياحبيبي علشان اخاف عليه!!وبعدين اذا نقضت بوعدك ترى بتعب ونفسيتي بتتعب وبنزل الشرقية..
قهد/وتعرفين تهددين بعد؟
نجود/شوف ملاك على الخط الثاني اكيد وصلت اخليك اللحين حبيبي طيب...
فهد/طيب..احاكيك بعدين..
نجود/لو تدري اني بضل افكر في ها البعدين كثير ماتركتني اسكر الخط ورحمت اشواقي!!بس مجبورة اتركك حبيبي مو بكيفي!!
فهد بتوعد/ترى والله يابنت السبيعي اذا تغيرتي وغيرتي حكيك بعدين بذبحك بيدي وبدفنك وماراح اندم ابدا!!!
//////////////////////////////////////////////////////////
علي كان قاعد بشقته...
كل ركن بالشقة يناديها..,,,,,.يا اْن غيابها مظلم المكان بعيونه..من البارحة وهو حاس بفقدانها ومو قادر ياْكد لنفسه هاالشي....
مايبي يعترف بها السهولة انه بداْ يميل لعبير ..وانها صارت تدخل قلبه وتاْخذ مساحة من افكاره ..
كل شي يناديها..المطبخ..الصالة ..غرفة النوم...
كل زاوية تستنى لمسة من لمساتها الحانية...
امتدت يده لاشعوريا لجواله ودق لها...
عبير/هلا علي..
علي/هلا...
عبير/شلونك..
علي/بخير..انتي شلونك وشلون الوضع هناك؟
عبير/والله....الحمد الله على كل حال..
علي/وش ها الصراخ اللي عندك وين قاعدة انتي!!
عبير/في بيت خالي...هذا ولد رياض..مسكين طول وقته يبكي...الله يعين اهله ويعين مرة خالي..
علي/الله يعين..وكيف الوضع..
عبير بتنهد/مامنها امل ياعلي..هاذي ايامها..والدكاترة يقولون ماهي بمطولة...
علي/الله يصبر اهلها؟
عبير/هي يتيمة ياعلي..ماعندها اهل..بيت خالي هم اهلها..وكل شي بالنسبة لها....الله يعينهم بس...من وين يجيبوها ليجيبوها....مرة خالي التعبانة ولابناتها الصغار اللي مايعتمد عليهم ولاها الشغالا ت اللي كل ماجابوا وحدة سوت لهم سالفة طول بعرض ووجعت لهم قلوبهم!!!والله ان اكثر واحد رايح فيها رياض..الله يعينه..
علي/كم عمر ولده..
عبير/سنتين...
علي/,,,,,,,,
عبير/يكسر الخاطر ياعلي...ياانه مو داري وش اللي قاعد يدور حوالينه..
علي/يمكن انها خيرة انه مايحس...
عبير/نسيت اسالك تغذيت؟
علي/لا..
عبير باسى/ليه؟
علي/مدري رجعت البيت وبعدين ذكرت انك مو بالبيت وان مافي اكل ينتظرني...
عبير/طيب وبعدين..مادبرت حالك ورحت عند امك تاْكل؟
علي/ماحبيت اروح يمكن ان ابوي هناك..خبرك ماينام الضهر؟
عبير/واذا عمي هناك شبيصير يعني؟
علي/ماراح يصير شي بس انا مالي خلق شي بالمرة...المهم متى واصلين؟
عبير/على الساعة وحدة...
//////////////////////////////////////////////////////////
ملاك/هني وعافية يارب...
نجود/الله يعافيك....
ملاك/والله لو اوصف لك وش قد انا مشتاقة لك ماراح تصدقين؟
نجود/معناته لاتوصفين وتتعبين حالك؟
ملاك بزعل/حرام عليك ليه كذا دايم تحطميني وتحطمين مشاعري!!!
نجود/يبى انا لاحطمتك ولاحطمت مشاعرك!!اعرفك واعرف مشاعرك ناحيتي شنو؟
ملاك بقهر وانفعال/لا ماتعرفين..اصلا انتي ماتطقين لي خبر ودايم تطنشيني...ولو انا الجازي كان ركضتي وراي....والله اليوم بغيت اموت منها..يبى كل البنات ميتين عليك وسلامات ووحشتينا ومدري شنو...وانتي بكل برود اشتاقت لكم العافية ويالله ندخل بالجد وطلعوا المادة اللي عليكم..وبعدين قومي الجازي سمعينا صوتك صار لي اسبوع ماسمعت صوتك يبى وحشتينا؟؟؟
نجود/الله..يعني غيرانة من الجازي؟
ملاك بانفعال/وليش مااغار!!تعرفين مقدارك عندي شقده وماتعبريني وتسالين دايم عن اللي مايسالون عنك؟
نجود/يعني انتي مو ذابحك غير اللي يسالوا عني وبس!!
ملاك/أي...
نجود/ياملاك....انتي علاقتك فيني غير عنها...انتي تحاكيني ومدخلتك بيتي وحياتي وعاطيتك اهتمام اكثر منها صح ولالا؟
ملاك/أي..
نجود/خلاص...ليش تغارين منها اجل؟
ملاك/لانك بالفصل دايم معها وماتشوفين غيرها؟ وانا ماتعبريني ابدا ولاتهتمين فيني ولاحتى تناظرين بوجهي؟
نجود/لاني مالازم ابين للكل ان علاقتي فيك مفتوحة وان الشي بينا عادي..يكفيني بين كل حصة والثانية ورازة لي وجهك بسولف معك!!
ملاك/...وش فيها يعني؟
نجود/فيها انك ترجعين البيت وترجعين تدقين عليّ وماكانك توك مسولفة معي بالمدرسة!!!
ملاك/متمللة مني!!
نجود/لامني متمللة بس انتي قاعدة تسولفين بنفس المحور وماتغيرينه؟
ملاك/شلون يعني!!
نجود/يعني..دق جوالها بها اللحظة وكانت ام رائد المتصلة..
ملاك/اووووف منو هذا اللي قطع علينا جونا بالله!!!
////////////////////////////////////////////////////
فوزية/هلا وغلا..
محمد/اهلين...
فوزية/شلونك..
محمد/بخير..
فوزية/عندك وقت نتكلم ولا مشغول؟
محمد/زين انك ذكرتي ان احنا نبي نتكلم فكرتك نسيتي ولاتناسيتي!!
فوزية بثقة امها/ماعندي شي اخاف منه علشان اتهرب!!
محمد/..............
فوزية/محمد ممكن نتكلم مع بعض بصراحة وبدون لف ودوران؟
محمد/ياليت..
فوزية/انت وش تبي؟
محمد/ولاشي...
فوزية/شلون ولاشي..
محمد/ماابي شي..ابيك انتي وبس!!
فوزية/مافهمت عليك..
محمد/اكون اناني اذا قلت لك اني ابيك تغطين وجهك؟
فوزية/.........محمد من زمان وهاذي لبستي ولبسة خواتك بعد!!وش اللي تغير؟
محمد/انا محترم ها الشي...وصدقيني ماني قاعد افرض قرارتي عليك وكل شي بالنهاية بيكون حسب ماانتي تختارين بس شي ضايقني وصار في بالي وقلت اقولك عنه..
فوزية/طيب..
محمد/فوزية انتي لي انا...وانا ماابي احد يشوف أي شي منك غيري!!
فوزية/محمد انا مو ماشية بالشارع وفاتحة عبايتي للكل يتفرج عليّ!!
محمد/انا مو هذا قصدي!!!بس شعرك يطلع..خوب انتي الشيلة عندك بس ديكور تحطينها كذا بس حتى لف ماتلفينها على راسك!!
فوزية/وبعدين؟؟؟
محمد/اللي بغيت اقوله...اني بغيتك لي بروحي وماابي احد يشاركني فيك...فوزية انا اغار عليك...احس ان كل شباب البلد يطالعون فيك وكان ها الشي من حقهم!!!انتي مو بتكونيني لي بروحي ومحد يشاركني فيك؟؟طيب ليش...ليش ماتلفين الشيلة على الاقل..انا مااجبرك على الغطا بس لفي الشيلة ودخلي شعرك....
فوزية/............
محمد/انا ماابي ها الموضوع يزعلنا من بعض؟
فوزية/لا تطمن ماراح يزعلنا..لانه مجرد وجهة نظر وطبيعي نتبادل وجهات النظر مو لهدرجة وصلنا يعني!!
محمد/بس هذا كل اللي عندي ياحبي...ماعندي غيره..
فوزية/يعني اسكر؟؟
محمد/افا بس!!ليش فهمتيتها كذا!!انا بس حبيت اقولك عن اللي عندي ....
فوزية/طيب وانت شلونك بعد واخبارك وسوالفك..
محمد تنهد وهو حاس انها غيرت الموضوع بسرعة بدون ماتقول رايها ولاتعلق بكلمة وحدة/
قال بروح رياضية/انا بخير ياوجه الخير..معقولة اسمع صوتك يافوز ومااكون بخير؟؟
/////////////////////////////////////////////
هنوف/نورة..
نورة/شنو..
هنوف/وش رايك بكرة نطلع نشوف بازار وش جايب من اقمشة جديدة..
نورة/لعرس بندر...
هنوف/أي..
نورة/بس بدري..باقي اربعة شهور...جت اقمشة غيرهم وصاروا قديمين...
هنوف/لا مااعتقد..لاتنسين خياطهم بياخذ له وقت..
نورة/خليها للاربعاء بكرة مستحيل نطلع...وسط اسبوع..
هنوف/طيب بس على شرط ناصر يودينا؟
نورة/ههههههه
هنوف/ليش تضحكين؟
نورة/لانك ضحكتيني!!
هنوف باستغراب/ليش؟
نورة/لانه طلب غبي!!يبى اذا مو ناصر ودانا منو تتوقعين بيودينا بندر ولاعلي!!ولاابوي ولاابوك؟؟
هنوف/أي والله عدل هههههه
نورة/هههههههه
ناصر /احم احم احم...
هنوف حطت شيلتها عليها..
نورة/ادخل..ندري فيك نشف ريقك من كثر ماتحمحمت...
ناصر/السلام عليكم اولا..
هنوف/وعليكم السلام..وش ثانيا..
ناصر/مني مودي احد؟
نورة وهنوف ناظروا في بعض...
هنوف/انت قاعد تتسمع على سوالفنا!!
ناصر/انت قاعد تتسمع على سوالفنا!!يبى كل الشارع سامع سوالفكم من قصر صوتكم يبى!!صوتكم واصل للخبر؟
نورة/مشاءالله ..تصدق حسبته للحين بالدمام مامداه ينتشر ويوصل؟؟
ناصر/قلت لكم مو بموصل احد؟
هنوف/وليش يعني!!
ناصر/بس لعانة فيني!!
نورة/وعلينا بس لعانتك ولاعلى الكل؟
ناصر/هو بيني وبينكم انا نويت اتغير واغير شخصيتي!!
هنوف/وماصار التغير الا في حظنا!!!
ناصر/نصيبكم شسوي بعد!!
هنوف/طيب وفي مغريات نقدر نقدمها ممكن تخليك تغير رايك؟
ناصر مشى عنهم/لاابدا...
نورة/ولاعشى ولاغذى ولاريوق ولادنر من هنا وهنا؟
ناصر/كل شي ماينفع..
هنوف/مدام الاكل مافاد فيها معناته السالفة عصيبة..قول شفيك وليش بتتغير؟
ناصر/اجهز نفسي على الشخصية القوية لاني ابي اعرس!!!!
//////////////////////////////////////////////////
نجود شالت جوالها../هلا والله..
ام رائد على الخط/شلونك...
نجود/الحمد الله..
ام رائد/حمد الله على سلامتك..
نجود/الله يسلمك...
ام رائد/انا ملاك قالت لي انك قايلة بتكلمينها عن سالفة وقلت يمكن نفس الموضوع...وقلت بنفسي لو تاْجلينه شوي لبعد الامتحانات..
نجود/هو انا ماابي ادخل مباشرة بالسالفة بس بمهد لها شوي تعرفين عنيدة وماراح تتكلم من البداية...
ام رائد/ماهي جنبك تسمعك...
نجود/انا معي ملاك اللحين جاية تتغذى معي...اذا في مجال بعدين ادق لك واسولف لك...
ام رائد/خلاص ماشي..يعطيكك الف الف عافية يمه...
نجود/الله يسلمك ويعافيك...يالله باي...
ملاك/مابغيتي...
نجود/لعلمك هاذي مكالمة جدا مختصرة...
ملاك/ادري فيك....
نجود/وحدة طالبة مني شي والله ماني عارفة شلون اسويه...
ملاك/شلون يعني؟
نجود/عندها مشكلة وتبيني احلها لها عبالها اشتغلت اخصائية اجتماعية...
ملاك/يابعد عمري شفتي ان الناس كلها تحبك وتبيك تحلين مشاكلها؟؟اصلا انتي بس تدخلين بالمشكلة تنحل من راسها ومايحتاج تسوين شي؟
نجود/هذا مديح ولاغزل.؟؟
ملاك/الاثنين!!
نجود/صحيح وش كنا نسولف فيه!!
ملاك/سلامتك على اتصالاتي لك؟
نجود/أي...يعني مثل ماقلت لك قبل لمى اكلمك ماعندك غير نفس السالفة انا احبك...
ملاك/وماتكفيك اني احبك؟.
نجود/لاطبعا ماتكفيني..وبعدين انتي شلون تبيني احبك وانا مااعرف عنك أي شي ولاتسولفين لي عن شي من الاساس!!
ملاك بحزن/اذا سولفت لك شتبيني اقولك؟
نجود/عن حياتك برى المدرسة,,عن اسرتك واهلك وعيلتك,,صديقاتك..كل شي...هواياتك..
ملاك/مافي شي مهم..
نجود/انتي ليش متضايقة ياملاك..
ملاك/مني متضايقة بالعكس فرحانة لاني معك..
نجود/لا بلى انا حاستك متضايقة..واذا ماتبين تسولفين لي عن شي بكيفك..بس لاتقولين بعدين ليش انا مااخذ واعطي معك بالحكي..لاني اساسا ماادري وش سوالفك وشنو اسولف لك عنه؟؟؟
ملاك/كل شي حولي يضيق الخلق ويسد النفس خليني كذا احسن؟
/////////////////////////////////////////////////////////
الليل على بحر جدة الحلو...
كان يتمشى وسماعة الجوال معلقة باذنه وهو يسولف مع حبيبة قلبه..ومو راضية رجله ترجعه للمكان اللي طلع منه.....
مايبي يشوف دلع يبي يطردها من حياته..خلاص كافي جواهر عنده بالدنيا كلها...
جواهر بزعل/بندوري حبيبي..وين رحت اكلمك انا!!
بندر تنهد بارتياح وفكرة انه ينهي اللي بينه وبين دلع بدت له مريحة/قاعد افكر بكلمتك اللي قلتيها..
جواهر/أي كلمة...
بندر/احبك...
جواهر/احبك!!وش فيها ؟
بندر/قاعد افصلها بيني وبين نفسي..
جواهر باهتمام/ولشنو وصلت؟
بندر/وصلت.....
اْ/احلى ايام عمرك معك..
ح/حلم حياتي انتي ...
ب/بدايتي بالحياة انتي ونهايتي هي حبك بلاشك..
ك/كل يوم يمر عليّ اتاْكد انك اجمل شي بحياتي وقدري...
احبك ..كلها على بعضها ماتوفي مشاعري ناحيتك...
جواهر بحب/ياسلااام عليك..لو ادري من زمان قلت لك اني محتاجة منك كلام حب وغزل؟
بندر/تصدقين طلعت مني بالصدفة وماكنت مجهزها في بالي..
جواهر/تدري ليش يابندر...لان الكلام الصادق ينبع من قلوبنا فجاْة بدون ماندرك ان احنا نبي نقوله ...علشان كذا الانسان لمى يكون صريح بمشاعره مايحتاج يرتب افكاره ويقول من وين راح يبتدي..الكلام ينساب منه بدون مايحس...
بندر/أي والله صدقتي....مافي احلى من الكلام اذا طلع من القلب ودخل للقلب؟
جواهر/بعد سمعني؟
بندر/لاخلاص انا دوري انتهى...قريحتي مافيها أي شي...الدور والباقي عليك انتي يابنت الحلال؟
جواهر/اوووف..شكلي حسدتك بالله؟
بندر/ذنبك ماهو بذنبي....احنا قلنا نبي كلام جديد وماسمعناه من قبل...يالله سمعيني؟
جواهر/أي بس ماعندي كلام جديد ويدخل القلب بسرعة مثل كلامك...
بندر/جربي وش خسرانة يعني!
جواهر/اممم خلني افكر....(وجا في بالها كلام نجود لها عن مصعب)
جواهر بسرعة/بندر..
بندر/لبيه..
جواهر/
دآمي على الدنيآ وآشم آلنسايم
وآلله ماآبيعك يآرفيقي وآخليك
لو حال من دونك بغيض ولآيم
مغليك مهمآ كلف آلآمر مغليك
ولو صآرمن دونك جدال وشتآيم
آبيع عمري وآفتخر يآقلبي فيك
/////////////////////////////////////////////////
نجود بدلع/بس هذا اللي مضايق خلقك؟
فهد بضيق/وش ها الاستهتار يابنت!!اقولك نجلاء قاعدة تفرق بين البنات؟؟قاعدة تدخل براس لمى وسارة اشياء غريبة..انا اول مرة اشوف ام تبي بناتها يتفرقون وتقول لهم ابوكم يفضل وحدة على وحدة رغم انها عارفة انهم ثنتينهم عندي سواسية؟
نجود بخبث/وولي العهد معهم بنفس المرتبة بعد!!ولا ذاك حبه شي ثاني!!
فهد بلف ودوران/موقضيتنا فيصل يانجود قضيتنا البنات!!
نجود/رجال مابتتغيرون!!مدري وش يفرق عندكم الولد عن البنت!!وليش عندكم الولد غير!!
فهد/انا ماقلت كذا!!
نجود/لانك مو قادر تقول كذا لو قادر قلت بس تبي تقنعني انا بعد ان فيصل عندك مثل لمى وسارة!!!بس لاعيوني عارفة ان فيصل عندك غير وغير الغير بعد!!
فهد/يابنت الحلال كلهم عيال..والمساْلة انهم مالهم غيره بعد عيني!!
نجود بفزع/اسم الله عليك..لاتقول ها الكلام؟؟ياجعل يومي قبل يومك..
فهد/الموت حق علينا كلنا يانجود ولازم نحسب حساب لحياة اللي نحبهم بعد عينا؟
نجود/ممكن ماتجيب ها السيرة يافهد؟
فهد/سكرناها...يالله قولي..
نجود/وش اقول؟
فهد/دبريني شسوي..انا معتمد عليك...
نجود/وش تبيني اقولك يعني يافهد..اساس المشكلة انت ونجلاء؟
فهد/انا!!!كيف بالله؟
نجود/يعين سارة ولمى مالهم شغل بالقضية..القضية قضيتكم انت وهي...لازم تحلون المشكلة بينكم ..
فهد/طيب...
نجود/خلني اتكلم ولاتقاطعني لو سمحت..ممكن..
فهد/أي اكيد تفضلي..
نجود/اقعد مع نجلاء...اسالها..افهمها..هي ليش من الاساس تقول للمى وسارة ها الحكي..وقبل لاتقعد معها اقعد مع نفسك..شوف انت تصرفاتك معاملتك لهم ثنتينهم شلون وهل فيها تقصير لوحدة يحسسها ان الثانية افضل؟بعدها قلالا وش الحل..ماتقدر تعالج المشكلة وانت متجاهل الاساس؟
فهد/طيب نجود انا مو فاهم شلون يعني!!
نجود/وش اللي مو فاهمه حبيبي..
فهد/يعني شلون تصرفاتي ومعاملتي..عادي انا اتصرف معهم مثل بعض..
نجود/بكل شي؟
فهد/أي بكل شي..اللي اجيبه لسارة مثل اللي اجيبه للمى...ويمكن سارة زود بعد عن لمى بشوي؟
نجود/طيب....وماصارت مواقف لهم مع بعض وانت وقفت مع لمى ضد سارة..
فهد/يعني ماتخلى السالفة من المصادمات وهواشتهم...
نجود/ونجلاء وش رايها؟
فهد/يبى اللي مخرب السالفة نجلاء؟هي حاطة في بالها اني احب لمى اكثر وادلعها اكثر..
نجود/ليش طيب..
فهد/والله مدري ليش هي معتقدة ها الاعتقاد؟
نجود/.....يمكن انت فعلا تدلعها اكثر بس بدون ماتحس؟
فهد/انا ماادلع غيرك!!
نجود بفرح/تسلم ياقلبي ياعساك دوم ومنحرم من دلعك..
فهد بصرامة/خلينا بالجد وتركي عنك الحكي الفاضي...
نجود بهدوء/طيب....انا اشوف..ان المشكلة بينك وبين نجلاء..
فهد/شلون يعني!
نجود/طبعا مو شرط نظرتي تكون صحيحة..بس اللي انا اشوفه..انه يمكن لانك توقف مع لمى ضد سارة..صارت تفكر بانك تحبها اكثر..
فهد/انا مااوقف ضد سارة يانجود انا ابي اربيها واعلمها..بنفسك شفتي موقفها معك مرتين مو مرة...هي ماتجي تحاسبها وتتفاهم معها بصرامة وتحسسها انها غلطانة..لا كلمتين تقولهم وهي ماشية..لاتعيدينها ثاني ياسارة لابزعل منك!!انا ها الحكي مايمشي عندي..اذا مافهمت غلطها ولافهمت انها بتتحاسب الدنيا بتصير سايبة عندها..علشان كذا هي صارت دايم توقف مع سارة وتنصرها وتفكر اني لمى اجي احاسبها اني كارها واحب اختها اكثر منها لاني مااصرخ عليها!!طيب لمى ماتغلط ليش اصارخ عليها...
نجود/حلو يعني انت عارف الاسباب...شلون صارت علاقتك مع سارة...عال العال...سالتها اذا كانت راحت مكان بغيابك ولاماقالت لك؟
فهد/سالتها بس ماقالت لي..قالت كل شي الاطلعتها..
نجود/معناته لازم تتقرب بعد اكثر واكثر...عطيها ثقة اكبر وحسسها انها مهمة عندك..حاول تنسى اوراق بمكتبك بكرة واتصل بالبيت خليها هي تروح تشوفهم لو كانوا موجودين وبين لها انك ماتقدر تعتمد الا عليها بما انها الكبيرة والمطيعة..ولمى ترجع امدحها شويات وانتوا تاكلون وسولف لها عن الاوراق وليش نسيتهم وكيف انها لو ماقالت لك كنت بتتورط يعني حسسها انها سوت لك جميل..فاهم عليّ يا فهد ؟
فهد/أي....
نجود/هاذي وعرفناها...بعد شعندك.
فهد بتعب/مصعب..
نجود/مصعب؟؟شفيه؟
/////////////////////////////////////////////////////////////////////////////////////////////////////////////////
في البارت الجاي,,
هل بيتقرب فهد من سارة مثل ماطلبت منه نجود؟
اي امانة اللي بتوصلها نجود لفهد بمكتبه؟
عساه الموت ان شاءالله الله ياخذه ويقصف عمره ويفكني من سيرته نهائيا؟
ابي رقم حسابك..ليش بتسرقيني؟
شبيقول عزوز للبنى وشنو بتكون ردة فعلها؟
يالله اسهل من ها التوقعات مافيه وعلى فكرة بكرة بيتاْخر البارت شوي لاني بطلع مشوار من الفجر يعني مابحطه لكم الا باخر الليل (موقايلة لكم وين مشواري هههه)
يابعد عمري كلكم والله,,
تصدقون ودي اعلق على تعليقاتكم العسل بس خوفي ان الصفحات تطول خصوصا وانا غايبة يوم تقومون وتتوطون في بطني ورغم انكم تمونون بس ادري بتعوروني(هههه)
المهم شلونكم وشخباركم واشوف في منافسات وحجوزات وناس تحجز المكان وتروح بدون ماتعلق على حرف(عارفة تفسها طبعا)
لاومشاءاللله معظمكم مجاوب صح..ياسلاااام عليكم خصوصا بسالفة ....(بتشوفونها بالبارت)
واللحين تبون تعويض,,,,اعطيكم ولامااعطيكم يبيلها وقت ياقلبي خلوني افكر على راحتي وارد لكم الموافقة بعد شهر(لاياشيخة خخخخ )
المهم منهي فيكم من قطر ولادايم تروح قطر ابي منها تعطيني مطاعم عائلية حلوة (لي مو للرواية لاتخافون)
انا امس اول مرة اروحها وكنت قاصدة فيها بس مجمع فيلاجيو وعجبتني ومفكرة كل اسبوع اروح بس انتوا دبروني بمطاعم حلوة لاني مااحب المطاعم السريعة اللي بالمجمعات..(ادري بتساعودني ياحبي لكم)
طيب وعلشان اختصر لكم وادري انكم تبون تعرفون الرواية وشون صار فيها بنزل لكم بارتين بارت امس وبارت اليوم,,,(لاتقولون بعد مو تعويض ترى والله غيري مايسويها بس من غلاتكم ياقلبي,,)
************************************************** **********************************
البارت الخمسين والبارت الواحد والخمسين,,,
.,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,
عبير/يااني متكسرة ومو قادرة اتحرك..
علي/نورتي البيت..
عبيرشكرا...
علي/ها..تحممتي وبتنامين!!مع منو اسولف انا!!!
عبير/نعسانة..
علي/شنو نعسانة!!انتي من البارحة تاركتني؟
عبير قعدت وتسندت /قول شعندك...
علي/ماعندي شي..
عبير/وليش تبيني اقعد؟
علي/علشان نسولف..
عبير/بس انت تقول ماعندك شي تسولف فيه..
علي/السوالف تطلع مو مشكلة...اهم شي تظلين انتي قاعدة..
عبير/على ماتطلع السوالف بقوم اشرب لي ماي وراجعة....
/////////////////////////////////////////////////////////
لبنى/أي حبيبي...معك..
عبدالعزيز/وين رحتي؟
لبنى/لا بس قفلت باب الغرفة وجيت..كمل ..
عبدالعزيز/الاخير اني مااكمل؟
لبنى/ليه؟
عبدالعزيز/لان الكلام اللي بقوله مابيعجبك ابدا!!
لبنى/أي بس انا مصرة اسمع!!!
عبدالعزيز/اليوم جت وحدة عجيبة غريبة...
لبنى/شلون يعني!!!
عبدالعزيز/يعني صاروخ ارض جو...تطير الطير من السما...
لبنى/شلون تطيره من السما!!هو وين يطير مو بالسما؟وين توديه اذ ا طيرته من السما؟؟(لبنى متفرغة للاخر هههه)
عبدالعزيز/والله مدري عنها وين توديه..هذا اللي طلع معي!!!وبعدين انتي تركت لي سالفة جمالها الصاروخي وفاضية لي حق الطير وين بيطير صدق متفرغة وفاضية وقاضية بعد!!!شاربة شي انتي!!
لبنى/أي...لهدرجة ماقاومت جمالها...
عبدالعزيز/شااقوم ...اروح اجاهد بالعراق وافغانستان ابرك لي من جمالها الفتان!!!!
لبنى/.........
عبدالعزيز/واللي حلى السالفة زيادة انها اشرت لي تبي تكلمني..ويوم رحت لها قالت لي بذاك الصوت اللي يذبح اني اطلع محمد من المحل علشان تبي تكلمني براحتها وانا ماصدقت على الله انها تبيني ..طيرت محمد ولو ماطار طيرت جده معه...
لبنى/......................
عبدالعزيز/وش ها الكلام اللي عليها...ياانها شيب راسي من بدري!!مو طبيعية ابدا ها البنت يالبنى..بس لو شفتيها...تدرين شقالت لي..قالت انا احس اني اعرفك من زمان رغم اني توني اشوفك!!وانا بعد يوم شفت عيونها الحلوة قلت ششكلي خاتمها وعارف كل شي...رغم اني بحياتي ماصادفت جمالها ابدا!!!
لبنى/............
عبدالعزيز/..الو..وينك بعدك معي...
لبنى..........
عبد العزيز/احاكيك يابنت؟
لبنى انفجرت تبكي بقوة بدون مقدمات ووقف قلب عبدالعزيز..رمت الجوال على جنب ودفنت راسها بمخدتها تبكي بقوة وهي تشاهق..
وكان عبدالعزيز يكلمها يكلمها ويناديها بس بدون فايدة...قفل منها ورجع دق عليها بعد شوي وماشالته..وظل يدق ويدق ويدق..وهي لاحياة لمن تنادي,,,,,,
رجع كتب لها مسج ويبيها ترد عليه بس كانت غرقانة بدموعها وماهي واعية للي حوالينها,,,,
//////////////////////////////////////////////////
نجود/شفيه مصعب يافهد؟
فهد بعصبية/شفيه بعدّّ نفس السالفة ماهي راضية تنتهي؟
نجود بتردد/جواهر؟
فهد بصرامة وقوة/وهو في غيرها جننته؟
نجود/أي بس هي مالها شغل يافهد؟؟هو اللي حطها في باله وهو عارف انها مرتبطة؟
فهد/..عارف يانجود بس والله لو شفتي شكله اليوم ماتقولين مصعب ...تقولين مجنون؟بيموت نفسه علشانها؟
نجود بالم/شفيه؟
فهد/ذابح لي حاله الا يبي يسمع صوتها؟؟؟والله انه جن..يعني عارف انها مرتبطة وزواجها قريب..وانها تحب خطيبها وخطيبها يحبها...ماتشيلها ياولد الناس من بالك...لا....ولاكانه يحس لشي اصلا!!
نجود/ابي افهم كيف تعلق فيها بسرعة كذا وهو ماشافها غير مرتين ولاثلاث..والمشكلة انها ماعطته وجه؟
فهد/.............
نجود/...........
فهد/فهد...تعرف اني انا بعد كنت افكر فيك..وان صورتك مافارقتني ابدا منشفتك اول مرة؟
فهد/...........تدرين وش اللي اذكره كل ماذكرتك؟اذكرك وانتي بالمزرعة تغنين ومبسوطة...
نجود/على طاري المزرعة..بكرة منال وام مشاري جاينيومعهم فوزية بعد!!
فهد/اممم متى بيجون...
نجود/والله مدري بس يمكن بعد صلاة المغرب...
فهد/اجي معهم؟
نجود/وش تسوي معهم!!
فهد/مدامهم جاين اجي اخطبك ؟
نجود/تبي تلعب عليّّ تخطبني كذا؟
فهد/هههه
نجود/عساها دوم ها الضحكة منحرم منها يارب..قول امين...
فهد/بتموتيني..
نجود/أي..بموتك حب وغرام ..ليش لا..مستعدة اموتك باليوم مليون مرة؟
فهد/بس انا كبرت ومافيني اتحمل؟
نجود/ومن قال عاد!!!اللي انا شايفته منك انك انضج واحد بالعالم.....يابو فيصل ياعمري!!
فهد/والله انك بتدوخيني..
نجود/ارتحت اللحين...راح الضيق عنك..
فهد/سامع صوتك كيف ماارتاح عاد!!!انتي في احد يعرفك ويتكلم معك ومايرتاح!!
نجود/الصدق الصدق ذكرتني...
فهد/بشنو؟
نجود/ابي رقم حسابك...
فهد/لشنو بتسرقيني؟
نجود/ليش عندك ماانع اني اسرقكك؟مو حلالي حلالي!!ولاغيرت رايك؟
فهد/عارف وش تبين؟مو قلت لك البارح لا..
نجود/فهد والله مايصير..انا حالفة على ابوي اني دفعتهم خلاص وهو مارضى قال لي عمليتك من عندي وادري فيك تستلمين المعاش من هنا تنثرينه بها الثياب وبها الاسواق وعطاني المبلغ...وانت لازم تاخذه اللحين؟
فهد/وليش اخذه؟
نجود/لانك انت اللي دفعت..يعني هاذي فلوسك..من البداية قلت لك..بدفعهم انا قلت لي دفعت كامل ...وصرت تلف وتدور..والبارح يوم جبتهم لك مارضيت تاخذهم؟
فهد/انتي وش اللي مضايقك؟.؟
نجود/ابيك تاخذ فلوسك؟
فهد/يبى العملية من عندي انتي مالك شغل فيها وانتهينا من ها القضية..نجود/أي بس انا مااقبل...
فهد/طيب..بشيلها من المهر حقك ارتحتي اللحين؟
نجود/لا...لازم اشوفك واعيطك اياهم مرة ثانية وتاخذهم ولا والله والله والله بزعل,,شقلت؟
فهد بزعل/ليش تصيرين بايخة كذا!!!تخلين ها السالفة تزعلنا من بعض؟نجود بقوة/لاني بجد بزعل لو مااخذتهم....اذا ماكان يهمك زعلي بكيفك...فهد/نجود وش لزمته بالله ها الحكي ماتقولين لي!!خلنا حبايبي وبلاش نحاسب بعض على ها الشغلات الصغيرة؟
نجود/أي بس انا مصرة..
فهد/طيب انا زوجك...قريب بصير شفيها بالله..
نجود/بعدني ماصرت زوجتك..لاصرت زوجتك بتدفع كل مصاريفي غصبا عليك بعد مو برضاك وانت ساكت!!والله لو كل اسبوع اقولك ودني باريس اتسوق وارد ماتردني؟
فهد/هههه ياحليلك...خلك كذا!!
نجود/بظل كذا اذا اخذتهم صدقني...واذا صرت مرتك ردهم ماعندي مانع....فهد/نعستيني انتي مع ها السالفة..
نجود/بنشوف بعض بكرة ولا مافي مجال؟
فهد/هو مافي مجال؟
نجود/لانك داري اني ابي ارد فلوسك؟
فهد/هههه حرام عليك..مو تقولين بيت اخوي بيجونك..يعني صعب ننسق وانتي ماتدرين متى بيجون ومتى بيقومون؟
نجود/ها المرة بمشيها....بس اذا وعدتني ان ...
فهد/ان شنو؟
نجود/تدري شلون..انا جتني فكرة ثانية اصلا..
فهد/شنو؟
نجود/ماارح اقولك..مو تقول نعستك...يالله تصبح على خير حبيبي...ياعساك تحلم احلام سعيدة وتشوفني معك بها الاحلام,,,,
////////////////////////////////////////////////////
صباح يوم ثاني..
كان اليوم ماشي طبيعي بكل مكان وعند الكل والاحوال الجوية مستقرة,,,,
وفهد طاع نجود وسوى حركتها اللي قالت لها عنه وشبه اثمرت بنتيجة عند سارة اللي فرحت حيا يوم صار يمدحها ابوها على السفرة وهو اللي ماله بالعادة يتكلم وهو ياكل....وقعد معهم فترة الضهر هي ولمى وفيصل يراقبهم وهم يذاكرون ويحلون واجباتهم وفيصل بلعبه.....
فهد/سارة...بابا..بيصير عندك وقت فاضي اذا خلصتي مذاكرتك؟
سارة/أي بابا...
فهد/متاْكدة؟
سارة/بابا جدولنا بكرة سهل....وانا مخلصة تحضير كل شي....وباقي جغرافيا بس اللي عليّ بروح لمنال بعد العصر تراجع معي...
فهد/طيب بابا..تعالي قربي اشرحي لفيصل وعلميه كيف يكتبون الحروف ..
فيصل/ماابيها تعلمني؟
فهد بصرامة/فيصل.....
فيصل/.......ماابيها تعلمني؟؟
فهد/بتعلمك وغصبا عليك؟؟احمد اللي هو كبرك كاهو يعرف يكتب اسمه بالكامل واسم ابوه وجده وعيلتهم وانت مافلحت لي الا بكم ها الحرف اللي علمتك اياهم نجود وسكت!!
فيصل/مو ذنبي اذا انت ماخليتني اروح لنجود تعلمني الباقية؟
فهد بعصبية على فيصل ولاول مرة/وهي مسؤلة عنك بالله علشان تعلمك!!ماهي امك...امك واللي هي امك ماتدري عنك تبي نجود تعلمك؟
(شكلها غيرة من قرب فيصل من نجود)
سارة بخوف وهي تشوفه يصارخ على فيصل لاول مرة/بابا..خلاص انا بعلمه..لاتعصب...بسويله اشياء بالكمبيوتر علشان يفتحون نفسه....
فهد/..........
سارة/فيصل مو بتتعلم علشان مايزعل البابا منك!
فيصل بعناد/ماقلت له انا يزعل؟
سارة بصراخ/فيصل اقولك قول ان شاءالله للبابا مو تردد بالحكي!!
فهد بعصبية/سمعت...
سارة بزهو وثقة بنفسها/خلاص بابا فيصل صغير ومايدري وين مصلحته لاتشغل بالك وتضيق خلقك انا بعلمه..
فهد/وعلمي لمى بعد ..
لمى/انا!!اي بس انا واجباتي كلها صح...
فهد/معليش هي اشطركم وكتابتها احسن منكم خلها تعلمك كلمات ماتعرفينها وتمليك علشان تتحسنين بالاملاء طيب..
لمى بانصياع/انشاء الله بابا...
سارة/شفت يافيصل لمى ابوي يحبها لانها ماراددته بالحكي وقالت ان شااءلله يالله صير مثلها مؤدب ولاعاد ترادد بالحكي ...
فيصل/ماابيك تكلميني...
سارة /جيبي ورقة وقلم وتعال جنبي بشوف وش اعطيك..
لمى/طيب ..
سارة/بابا وش امليها؟
فهد/عطيها كلمات صعبة ماتعرفها..
سارة بفرح/هههه طيب...
/////////////////////////////////////////////////////////
قعدت من النوم وهي راسها ثقيل حييل....
ماتدري كم الساعة ولااي شي..
تلفتت حواليها وشافت الساعة اربع الا ربع,,,
تنهدت وهي تذكر انها مانامت غير الساعة عشر الصباح..بعد مالبست وكانت بتروح الكلية وغيرت رايها...
طول الليل وهي تبكي....كلامه زلزلها ماتدري ليش..رغم انها سمعت صوت الجوال مليون مرة وكان هو المتصل فيها لانها مخصصة له نغمة اغنية انا مابدلك لو بالملايين بس ماردت عليه..وعارفة انه بعد ارسل لها رسايل اكيد يعتذر فيهم...ومن قهرها اخر شي رمت الجوال تحت السرير,,,,
هو احساس بالغيرة يالبنى هذا اللي تحسيه ولا شنو بالضبط؟
صدمتها فيه كانت كبيرة..يمكن اخر شي توقعته انه يناظر بغيرها ولو كانت ملكة جمال العالم!!!!
مسحت دمعتين نزلوا اول ماذكرت كلامه وحاولت تكون قوية....
قدرها كذا...دوم وياها عناد...
تحبه وتموت عليه...وماتبي غيره ولا تبدله لو بالملايين... وماهو صاير من نصيبها..واخر شي كاهو هو اللي جابها من الاخير...بس لحظة...
عبدالعزيز مو كذا انا اعرفه...معقولة مسوي ها الحركة وقايل ها الشي علشان يحاول يزعلني منه واني انا اللي اتركه واهون عليه الشي!!!!!!!!!!!وهو عارف ان ارتباطنا صعب واني قاعدة الف وادور علشان ماخليه يجي مع اهله!!!!!!!!!!!
نقزت دفعة وحدة تحت السرير تدور موبايلها اللي صار بها اللحظة اغلى شي عندها ومسكت وفتحته بسرعة للرسايل وفتحت رسالته وانصدمت بالكلام اللي كان كاتبه وماتوقعته ابدا!!!!!
///////////////////////////////////////////////////////
جواهر/وينك انتي؟
نجود/طالعة...
جواهر/وين رايحة والساعة خمس ونص؟
نجود/عندي مشوارين يابنت الناس ...
جواهر/على وين؟
نجود/بمر بندة الشقة فاضية مافيها ولاشي...خبرك اليوم منال وامها بيجون...وبعدين بمر اخذ شويات حلويات وخرابيط وها السوالف ....
جواهر/وهم متى بيجون؟
نجود/ثمان ونص...
جواهر/اممممم...
نجود/وش مقعدك انتي....ماتقعدين بالعادة الا بعد الست ونص؟
جواهر/مو اليوم ياحظي بيجيبون طقم المجلس وابي اشوفه مثل مااخترت ولابعد وراي مصيبة ثانية؟
نجود/تصدقين كرهتيني بالزواج من راسه!!
جواهر/اوووف...بس تدرين اموت عليه؟
نجود/يابخته!!
جواهر/وليش تقولينها بدون نفس؟
نجود/جواهر...امس مصعب راح لفهد المكتب؟
جواهر بنرفزة/اووووووووووف وانا شعلي بالله؟
نجود/وانا وش قلت عاد!!!
جواهر/مجرد اسمه بس ينرفزني؟
نجود/لانك عارفة انه يحبك!!طيب اخذي من هنا وقطي من هنا!!!
جواهر/شعنده؟
نجود/بيموت متولع يبي يسمع صوتك؟
جواهر/عساه الموت ان شاءالله اللي ياخذه ويقصف عمره ويفكني من سيرته نهائيا!!
نجود/ول ول ول!!!!
جواهر/نجود اذا تبين الصراحة ها السيرة تضايقني وماعاد ابيك تفتحينها لاقدامي ولاوراي بعد!!!انا يكفيني بندر عن العالم كله ...اه ياحبي لك ياولد السبيعي..
نجود بغيرة/حتى انا مكفيك عني!!
جواهر بضحكة/بدينا نغار؟
نجود/مجرد سؤال..انتي مو تقولين انه مكفيك عن العالم كله..ياترى انا مع العالم كله ولا..
جواهر/لا تطمني انتي...من القسم اللي مايشمله عالعالم كله ولايقدر بندر يكفيني عنك..
نجود بارتياح/أي كذا ريحتيني ياشيخة...
جواهر/المهم باختصار ...ابيك تطلعين السوق..
نجود/وش تبين...
جواهر/ابي اخذ هدية حق بندر..
نجود/وش المناسبة بالله!!!
جواهر/ياسلااام ولازم مناسبة يعني!!كل العالم اللي يحبون بعض يهدون بعض بدون مناسبات!!
نجود/أي بس مو بندر..مايستاهل..
جواهر/ابي افهم ليش مايعجبك؟
نجود/لنفس الاسبابا اللي تخلي مصعب بعيونك ولا..
قاطعتها جواهر بسرعة/شقلنا تونا من ساعة!!
نجود/بس حبيت اوضح لك الامور...
جواهر/خلينا نحكي بالجد...عيد ميلاده يوم الثلاثاء..وبحتفل معه يوم الاربعاء...ابيك تاخذين لي هدية محترمة عليها القيمة وتفكرين وتعصرين مخك بحركات حلوة للاحتفال خوب انتي راعيتها..
نجود/وانا من وين لي ياحسرة!!!!سالي رعية ابو ريالين هنوفوا ذيك كل شي تعرفه؟
جواهر/مجنونة!!علشن تروح تتصل في بندر وتقوله وانا ابيه يتفاجاْ بكل شي لانه مايذكر انه عيد ميلاده...
نجود/يصير خير..مااوعدك مدام لبنيدر مابيشتغل مخي....بس انتي نقي علشان الهدية تراني مفلسة؟
جواهر/نعم نعم نعم!!وشو مفلسة هاذي بالله!!!!وانا من وين لي ياحافظ؟؟؟فلوسي كلها طارت يابابا على الاغراض اللي اخذتهم لبنات فهيدان!!
نجود/والله هذا من غباءك..جايب لك البطاقة وعاطيك اياها بنفسه بالمستشفى سويتي لي روحك ملكة حضرة جنابك ورديتيها وانتي صارفة من جيبك؟؟منو قال لك بالله!!
جواهر/يو نجود..فشلة اسحب من فلوسه وانتي مو معي!!!حسيتها مو حلوة؟
نجود/عادي مافيها شي...انتي شارية الاغراض له بقيمتهم ..وبعدين ترى فهد اخر شي يفكر فيه الفلوس..تصدقين انا اتوقع حتى ماشاف رصيده ولايدري اذا كنتي سحبتي ولالا؟اعرفه انا....
//////////////////////////////////////////////////////
مشاري/ليش تصارخين عليها كذا؟
لمياء بعصبية/لانها مشيبتني!!
مشاري/لمياء حبيبتي شوي شوي...مو كذا يتفاهمون مع البنات الحلوين..مريومة تعالي قولي بابا ليش مزعلة الماما..
مريم بزعل/مااحبها..
لمياء بعصبية/وانا بعد مااحبك..
مريم بعناد/انتي كله تصارخين عليّ!!
لمياء بنفس العصبية/لانك تستاهلين يالكسلانة..يالله انقلعي عني!!
مريم/لاتقولين لي انقلعي مااحبك اذا قلتيها!!
كانت عيون مشاري بينهم ثنتينهم وهم يتهاوشون مع بعض وهو مثل المسبه مو عارف شيقول,,,(على فكرة هاذي سالفة انقلعي انا مقتبستها من حبيبة قلبي سارونة تزعل موت اذا قلت لها انقلعي وتطالبني باعتذار فوري واحتمال انها ماتقبله لانها عندها ان هاذي شتيمة قوية بالنسبة لكرامتها ههههه)
مريم راحت غرفتها وسكرت وراها الباب..
مشاري قعد جنب لمياء..
مشاري/وش فيكم..ليه متزاعلين مع بعض؟
لمياء بنفس العصبية/لانها عنيدة وماتسمع الكلام واللي براسها تسويه!!
مشاري بضحكة/طالعة على امها الله يحفظهم لي...
لمياء بضيق/مشاري واللي يسلمك مالي خلق مزحك ابدا!!خلني بروحي برتاح شوي؟
مشاري وقف/كبريت مو زوجة!!خلني اروح اراضي حبيبتي مريومة لانك تبين تنفجرين فيني بس بقوم قبل لايجيني طشار!!!!
///////////////////////////////////////////////////////////
علي قعد من نومته وشاف عبير قاعدة بالصالة,,
تقرب منها ولقاها ماسكة جوالها وتناظر بصورة عبد الرحمان ولد رياض..
علي بصرامة/كانك من البارحة وانتي تناظرين فيها!!
نزلت الجوال من يدها بسرعة وخوف...
علي/وش سالفتك انتي!!
عبير بتردد/ولاشي...
علي قعد جنبها/أي بس انتي من البارح..وانتي ماسكة صورته وتناظرين فيها؟؟عسى ماشر..
عبير بارتبك/مثل ماقلت لك..ظروفه بس مضايقتني!!واذا يضايقك خلاص بلاها..هذا انا شلت الجوال؟
علي/.........
عبير/شفيك.
علي بعصبية/انتي اللي شفيك؟
عبير/انا مافيني شي...
علي بقمة العصبية/بلى فيك!!!انتي اصلا من رجعتي البارحة وانتي مقلوبة فوق تحت وكاني واحد من الشارع مو زوجك؟
عبير بارتباك/علي..انا بس كنت تعبانة ومو قادرة..
علي قاطعها وهو يصارخ/وش تعبانة موتعبانة!!!!انا ماتمشي معي ها السوالف!!انتي زوجتي فاهمة شنو معنى زوججتي!!سالفة تعبامنةومالي خلق ماتمشي علي!!
عبير بحزن/انا اسفة حقك عليّ!!!
قام عنها وطلع من الشقة وتنهدت بحرقة...وهي تكلم نفسها..
أي هذا علي اللي اعرفه من زمان وذاك كان مجرد انسان ثاني ماهو الاصلي!!!
تنهدت بقوة ورجعت تناظر بصورة عبدالرحمان علشان تنسى كل شي وراها!!!
////////////////////////////////////////////////////////////
في مكتب فهد ..
السكرتير/استاذ فهد..
فهد بقوة/نعم..
السكرتير/وصلت لك قبل ثواني..
رفع فهد راسه ولقى بوكيه ورد ابيض..ومعاها ظرف مغلف...تركهم السكرتير على الطاولة وطلع..
امتدت يده وفتح الظرف اللي كان بظرف ثاني..ومكتوب من فوق الظرف....(تسلم حبيبي..عساني منحرم منك ابدا..وتراني مشتاقة لك نار وابي اشوفك)
فتح الظرف وكانت فيه الفلوس....
ناظر في بوكيه الورد ومالقى فيه أي كرت..مسك جواله ودق عليها...
نجود بدون مقدمات/وصلت الامانة!!
فهد بصرامة/ليه كذا!!
نجود/قلت لك....انا
فهد قاطعها/السايق جابهم؟
نجود/أي..انا قلت لك اني بطلع بندة شوي..ومرينا اللحين عند مكتبك يوم خلصت..
فهد/يعني راجعة الشقة...
نجود/أي..
فهد/صار لازم نشوف بعض بكرة...
نجود/ههههههههه
فهد/مجنونة وعنيدة مثلك صدقيني ماشفت؟
نجود/انت قلت خلنا نتعامل مع بعض بصراحة وحرية وكل واحد يسوي اللي يعجبه...
فهد/أي بس ها الاشياء تافهة ومالازم..
نجود/قلت لك وبعيدها لك مرة ثانية لمى اصير زوجتك....بتكون تافهة وماراح نتكلم فيها....وبعدين ماابي اعطلك وانت بالمكتب....
فهد/يابعدي انتي تعطليني مثل ماتبين اذا بتعوضين بدل ها التعطيل بعدين انا راضي!!
نجود/ياعمري انت..
فهد/ماقلت لك,,,سالفة سارة ماشية تمام..
نجود/صدق!!علشان تعرف منهي نجود وش بتغير بكل حياتك؟
فهد/ياعسى الله مايحرمني من عقلها ولامن زينها ولامن قلبها..
نجود/لالالا هذا مو قبول ,,ابي غزل صح بس مو اللحين وانت بالمكتب وانا مستعجلة!!ابي قماري الليلة!!!
////////////////////////////////////////////////////
كانت واقفة وهي معصبة حييل...
بندر وجواهر...
شي اقوى من اللي توقعته؟
بس مو مع دلع...بيفترقون يعني بيفترقون لو على رقبتي!!!!
يحبها أي نعم.,..بس لازم ينساها وينسى اللي خلفوها بعد!!!
انا عطيته وجه بزيادة وخليته على راحته معها..بس هي طلعت حقيرة وقاعدة تربطه فيها اكثر واكثر بااسم الحب والغرام!!!
لكن على مين,,,عليّ انا وانا بنت ابوي!!!
والله لاابكيها واخليها تندم على انها حبته وارتبطت فيه وعطته اسمها وحبها وقلبها وكل ماتملك!!
انا دلع يابنت الناس دلع,,,حطيني على بالك زين..ماعاش اللي يرد لي طلب ولا يخليني متضايقة ساعة وحدة بس!!!
اذا مااخليك بليلة عرسك تنامين في بيت اهلك قهر وحسرة مااكون انا دلع!!وبتشوفين يابنت الهاجري...حلوة ومزيونة ماقلنا شي ,,بس انا بندر حطيته في بالي,,,ورزيته وعدلته ولبسته ووظفته ..وبيكون مثل الخادم تحت رجلي.,,,,وانتي..خلاص,,,صلاحيتك بتنتهي بالنسبة له...وبتصيرين سلعة قديمة وبيرميها قدام الكل,,,,
بس انا ماابي أي وقت ياجواهر...ابي بيوم عرسك..وبخططها صح ليوم عرسك...لبسي ثوبك لاابوك وامك مو لبندر...ههههههههههههههههههههه
//////////////////////////////////////////////////////////
نجود/هلا وغلا زارتنا البركة والله....
ام مشاري/هلا فيك انتي..حمد الله على سلامتك...
نجود/الله يسلمك يارب...والله احرجتيني بها الزيارة ياخالتي؟
ام مشاري باحراج/والله انا الللي مو عارفة كيف ابدي معك الزيارة...من زمان وانا منحرجة منك بعد اللي صار..
منال/يمه قلت لك نجود تفهمت الموقف....
نجود/اللي راح راح....وبعدين انا لايمكن اشيل علك وانتي مالك شغل.....
ام مشاري/الله يسلمك...شلون عينك..عسى ماتعورك؟
نجود/الحمد الله بخير....
ام مشاري/الله يعطيك العافية.....
نجود/وين فوزية مو قلتي انها بتجي معك؟
منال/شكلنا بنجي زيارة ثانية,,,عمتى طلعت واضطرت تقعد مع اختها بالبيت لاتتركها بروحها....
نجود/مع الجازي...كان جابتها معها.....
ام مشاري/لمياء ورحاب بعد يسلمون عليك ويتحمدون لك بالسلامة..
نجود/الله يسلمهم.....دقت لي لمياء وقالت اذا صار عندها وقت فاضي بتمرني...شلونها بسمة كبرت؟
ام مشاري/أي تعالي شوفيها يمكن تخطبيها؟
نجود/لاعاد هذا مو قبول اخطبها وانا بعدني ماانخطبت!!!خل اول انا يجيني معرس بعدين اخطبها؟
منال /ام مشاري/هههههههه
نجود/خالتي وش تشربين..
ام مشاري/بعد جايين لعندك اكيد قهوتك.....
نجود/ان شاءالله...
منال/انتي اللحين يبيلك جزر علشان نظرك....
نجود/تعرفين انها قاعدة مو صحيحة؟الجزر مايغير أي شي بالنظر...زيوت الاسماك هي اللي تقوي النظر وتخليه ثاقب وتقضي على هفوات الكتابة والتلعثم بالكلام.....
/////////////////////////////////////////////////////////ا
م مصعب/اخوي مارجع البيت؟
نجلاء/لا...اليوم قاعد مع العيال لازم يتاْخر بالليل؟
ام مصعب/نجلاء...ودي سالك عن شي..
نجلاء/شنو؟
ام مصعب/شلونه فهد؟
نجلاء/لاتخافين صحته عال العال مافيها شي..
تنهدت ام مصعب بضيق بس ماحبت تبين/...طيب وهو كيفه مرتاح...
نجلاء/وي انتي الثانية بعد!!وش اللي بيضايقه ان شاءالله!!!
احنا لالنا فيه ولاهو لنا ,,وقت مايبي يقعد مع العيال بكيفه ولاتلاقينه بها المكتب وساكت ماندري شفيه...بس ماعليك فهد طول عمره كذا..تعرفينه اخوك كتوم ومايحب يسولف واذا سولف ضيق خلقنا بسوالفه!!
ام مصعب/نجلاء!!هذا اخوي...
نجلاء/أي وانا الصادقة...لايبيني اسولف عن الحريم وين رايحين ومن وين رادين!!ولايبي يقولي اخر اخبار مرة سالم بعد ماتطلقوا!!ولا ها السوالف اللي يحبها قلبي...ماعنده غير ديري بالك على سارة..ومدري وشو..وانا تعبان وماسالتيني شفيك وانا متضايق وانا تارك الغرفة وانتي مالاحظتي....يي...خلنه صاخين بس وقولي..منتي ناوية تزورين ام تركي؟
ام مصعب/وليش ازورها بالله!!!
نجلاء/شلون ليش!!!ياحظي انتي عارفة هاذي من بنته ومن اهلها ومنو ماخذة؟زين اللي صرنا نسايب علشان نتعرف عليها..
ام مصعب بثقل/هي اللي مناسبتنا...ورى ماتبدي الزيارة هي!!ليش نبديها احنا؟
نجلاء/انا عن نفسي بروح ازورها...تبين امرك اذا رحت لها؟
ام مصعب/لاطبعا.....
نجلاء/بكيفك.....
ام مصعب/نجلاء...ديري بالك على اخوي فهد..
نجلاء/ليش شفيه؟
ام مصعب وقفت/يعني لازم يكون فيه شي علشان تديري بالك عليه وتنتبهين له؟؟؟
نجلاء بلامبالاة/لامو كذا السالفة بس..
ام مصعب بحدة/كلمة وماراح اعيدها لك يانجلاء...فهد ضايق فيه البيت يارايت لو تراعينه اكثر وتهتمين فيه اكثر...علشان لاتجي لحظة تندمين عليها....
اخذت اغراضها ومشت ووقفت نجلاء تناظر بمكانها اللي مشت منه...وهي تكلم نفسها/هاذي وش تقصد بالله!!!وبعدين فهد من متى يشتكي لااحد من اللي حواليه عن اللي يحس فيه؟؟؟؟؟
فهد ماشكى بس هذا اكيد من ام مشاري تبي تهيني وتذلني وقالت لاام مصعب ها الكلام!!!لكن زين انا لكم يابيت ابو مشاري!!!
////////////////////////////////////////////////////////////
ناصر/وش بغيت لجيتني انت؟
خالد/مو انا اللي ابي..
ناصر/ومنو بالله ظلك؟؟؟؟انا اشوف اتصالاتك انت اللي بجوالي؟
خالد/سلمك الله هذا اخوي محمد..
ناصر/وش فيه؟هو مو يشتغل بمكة؟
خالد/الا يشتغل بمكة..
ناصر/طيب وش يبي مني يعني!!
خالد/وانت ليش بصلتك محروقة جايك بالحكي انا...
ناصر/قول يالله تراك نشفت دمي...
خالد/تذكريوم يجون الاهل بيتكم لااختك يتحمدون لها بالسلامة....
ناصر/أي...
خالد/هم شافوا بنت عمك وعجبتهم وقرروا يخطبونها لمحمد اخوي وخلود قالت لها الخبر على الماشي...ومن قالوا له وهو اتصالاته ماوقفت كلم ناصر وكلم ناصر..وهاذي كل السالفة؟
ناصر/ياانكم ارعبتوني بجد!!!!طيب مو اختك كلمتها...
خالد/أي قالت لها بس الضاهر بنت عمك تدرس وبتتخرج ولا شي من كذا..وهو مو صابر يبي اللحين يجي يخطبها....
ناصر/والله لو يخليها تخلص وتتفرغ له افضل...بس على كلا وش المطلوب مني...تبي اخذ لكم موعد مع عمي حاضر...
خالد/أي تكفى..وبالقريب العاجل بعد..
ناصر/خلاص انا اشوف عمي ومتى يناسبه وارد لك خبر....
خالد/صار....وعقبالك انت ياحظي...
ناصر/هههه انا شكلي بعمر بالارض والله..
خالد/وانا شكلي نويت اجيب الثاني يانويصر ..لحلح حالك شوي وتعال معي بعد مايصير عيالنا يكون الفرق بينهم كبير...
ناصر/هههههه أي يصير خير ان شاءالله...
//////////////////////////////////////////////////////////////////////////////////////////////////////////////////
شمايل /يالله انا برى البيت...مو تتاْخرين؟
لبنى/يالله طالعة لك..
مضاوي/على وين؟
لبنى/بروح معها مشوار ...
مضاوي/مطولة؟
لبنى/لا مااتوقع....
مضاوي/طيب لارجعتي ابي اكلمك...
لبنى/شسالفتك انتي!!
مضاوي سكتت ونزلت راسها..
لبنى اخذت شنطتها ومشت لعند الباب وقالت بدون ماتلف لها/طيب لارجعت بنتكلم.....
//////////////////////////////////////////////////////
ملاك/شلونك..
نجود/هلا والله...
ملاك/طلعوا ضيوفك؟
نجود/أي طلعوا...
ملاك/ماقلتيلي منو تعرفين من الرياض؟
نجود/ناس....
ملاك/وليش ماتبي تقولين لي منهم هذولا الناس؟
نجود/بكيفي....مو انتي ماتحبين تقولين لي كل شي عنك!!خلاص انا بعد بحط لي بعض الاشياء الخاصة....
ملاك/حرام عليك!!انا وش اخبي عليك..كل حياتي كتاب مفتوح بين يدينك..
نجود/كتاب..بس مو مفتوح فيه بعض الصفحات المغلقة؟
ملاك بتردد/وش تبين تعرفين يعني؟
نجود/يعني...انتي أي امور عائلية ماتتكلمين فيها ليش؟
ملاك بنرفزة/لان العلاقة بيني وبينك ليش لازم يدخلون فيها الاهل؟
نجود/مو صحيح..الاهل هم الاساس....
ملاك/طيب ابوي...
نجود قاطعتها/فكيني واللي يعافيك!!!انتي ماعندك غير ابوي وابوي!!ترى كلنا عندنا احلى من ابوك اللي مدري وش عليه نافخة ريشه!!
ملاك /ابوي...لازم انفخ ريشه على قولتك!!وبعدين كل فتاة بابيها معجبة!!!
نجود/صح كل فتاة بابيها معجبة بس مو لدرجة انها دايم تتخبى ورى اسمه وشخصيته وتاخذ اللي تبيه بها الطريقة!!هذا مرض ياملاك!!
ملاك بفزع/وش قصدك ؟؟اني مريضة!!احد قايل لك اني مريضة!!!!!
نجود/علامك انتي!!!!كل كلمة تحطين لها الف تفسير من عندك!!!!!
ملاك بخوف/بجد احد قايل لك اني مريضة ياابلة نجود!!انتي شفتي امي غير المرة اللي زرتيني فيها بالبيت!!
نجود/ومن وين بشوفها ياقلبي!!!!وبعدين وش سالفة مريضة ومامريضة!!!!يابنت الناس انا قصدي اقول..ان حلو البنت تكون تحب ابوها وتقتدي فيه لمى يكون انسان محترم وسمعته بين الناس محترمة وماش....
قاطعتها ملاك بسرعة وانفعال/ابوي محترم ومااحب احد يتكلم عنه بها الطريقة لو سمحتي!!
نجود بعصبية/اولا انا اذا تكلمت مااحب احد يقاطعني!!ثانيا انا ماكملت كلامي وماالمفروض انك تقاطعيني وتفهمين الشي مثل ماتبين!!!وثالثا تصبحين على خير انا قايمة انام!!
ملاك بتحسف/انا اسفة...
نجود/تصبحين على خير..
ملاك بخوف/ابلة نجود لاتسكرين...
نجود بصرامة/قلت لك تصبحين على خير....
وسكرت بوجهها الخط...وتاْففت...هاذي شكلها بتطلع روحي......
//////////////////////////////////////////////////
هنوف/اوووووووووووف ياربي وش ها الملل..كل مافتحت كتاب طلعت لي صورتك ياناصر بوجهي!!!
احبك ورب الكون احبك...بس قولي لمتى...
لين يشيب شعري ,,ولا لين تيبس عظامي!!!
بس ولايهمك ..بيظل حبك محفور بقلبي علطول...لين الله ياخذ امانته ...ياعمري وروحي انت...,,ياكل شي بحياة هنوف,,,,بس لو تحس بقلبي وبمشاعري ناحيتك,,,,
انت الحبيب اللي عشقته من صغري,,,وبظل احبه طول عمري,,,
محد بالبشر عندي له مقام مثل مقامك ياحبيبي,,,انت قلبي وروحي ودنيتي وكل امنياتي,,,
انت احلى ضحكة اشتاق اني اشوفها مرسومة وارتاح لاشفتها,,انت اغلى نظرة بالوجود تشرح الخاطر,,,
انت اللي تتغنى بك كل القصايد والالحان,,,انت وانت وانت,,,,اه,,,انت اللي يعجز لساني عن وصفك ووصف حبي لك,,,شقول فيك يازين الطبايع شقول...
اذا جيت اوصف جمالك,,ازعلت اخلاقك,,,ولامني جيت اشعر واتغزل بمقامك وقامتك ازعلت عيونك الذباحة,,,ولامني تكلمت بطيبك وحنانك غارت لمساتك الحنونة,,,,
اه ياناصر لو تدري شسويت بهنوف بنت عمك ..وش سوى فيها حبك كان رحمتها من زمان,,,لو تدري انك من الصغر واهي معتزلة العالم والالعاب والكون والبنات علشان تناظر عيونك وتسمع لحونك وعذب صوتك...كان انت اللي جيت وشلت عنها عذاب انها تصارحك بحبها اللي معذبها...
قامت وراحت لعند دولابها وفتحته وطلعت من ثوب ناصر وشماغه...وحضنتهم بقوة وهي متسندة على الدولاب...حضنتها بقوة كبيرة وكانها تحضن ناصر وتشم ريحته من ثيابه.....
دمعت عيونها دمعتين حارتين نزلوا على خدها بس مسحتهم وهي تبتسم...ياعسى يكتب لك بكل خطوة تخطيها خير ياوجه الخير انت ياحبيبي,,,
قطع عليها صوت جوالها يدق
ومشت تشوف من المتصل وفتحت عيونها على وسعها يوم شافت اسم ناصر منور شاشتها,,,
/////////////////////////////////////////////////////
فهد بتعب/اهلين...
نجود/هلا بروحي....توك راد البيت..
فهد/هلا فيك..اي والله تصدقين حتى مانزلت من السيارة لسه...تعبان بدرجة ماتتصورينها...
نجود/اول شي تسويه تروح تاخذ لك حمام دافي وترتخي وترخي اعصابك..
فهد/علشان انعس وانام!!!
نجود/وش فيها ذي بالله اذا نعست ونمت!!!
فهد/أي بس انا ماسمعت صوتك اليوم...كل مكالمتنا صارت مقتطفات...
نجود/حبيبي احنا مابنروح عن بعض...احنا كل يوم نسمع صوت بعض..بس الاهم راحتك ياقلبي...
فهد/راحتي في اني اسمع صوتك وتريحيني...تسمعيني وتتشاورين معي مثل ماتسوين كل ليلة...وراك الليلة تبين تحرميني من ها الشي؟
نجود/حبيبي انا ابي اريحك وبس....والله لو انك عندي كان خليتك قاعد ومرتاح وجيت اسوي لك كل شي بيدني..شوي مساج على شوي دلع على تدليك خفيف واطير تعبك كله...
فهد/صدق!!ولا اذا صار وقت الجد بتنسين؟
نجود/مابرد عليك...خلك تشوف بنفسك افضل....
فهد/ليش مانورتيني المكتب بطلتك البهية يوم انك وصلتي لعنده؟
نجود/يدخلون عندك حريم عادي!!
فهد باحتقار خفيف/ياسلااام!!يعني القضايا اللي تشوفينها بالمحاكم بس للرجال ماتخص الحريم؟؟
نجود بدفاع/لامو كذا!!بس توقعت انهم يوكلون احد بدالهم!!
فهد/ليش وين عايشة انتي!!
نجود/يالله عاد!!من جد ترى ماكنت ادري ان الحرمة بالسعودية عادي تدخل مكتب محاماة خوب احنا وين مارحنا ياحرام ياممنوع ياوين المحرم يا يطلعون لهم سالفة من تحت الارض علشان يغثونه!!!
فهد/المهم ماعلينا وش كنتي تبين ...قلتي انك تبيني في شي..
نجود/أي...ابي مساعدتك..
فهد/مساعدتي انا!!!بشنو؟
نجود/بما انك رجال ابي ذوقك...في بعض الاشياء اللي ممكن تتقدم كهدية؟
فهد بغيرة/لمنو؟
نجود/لحبيبي...
فهد/ليش وش ناوية تعطيني ها المرة سيارة بالاقساط؟؟؟
نجود/اقلب وجهك لاصدقني اذا شفتك بوريك نجوم الليل بعز الظهر؟؟؟؟
فهد/لا بجد ليش تسالين؟
نجود/يعني لمنو تتوقع..اكيد جواهر تبي تعطي بندر ومحتارة وش تهديه...سالتني وقلت اشاورك انت عندك خبرة اكيد ..
فهد/وليش اكيد؟
نجود/يعني انت بالنسبة لك وش تحب انك تنهدى,,,او تتقدم لك هدية...يعني تعطيني افكار علشان اساعدها باختيار الهدية وبنفس الوقت اعرف ذوقك علشان لمى اجي اهديك مرة ثانية اكون عارفة!!!!
///////////////////////////////////////////////////////
بمارينا مول,,,,,
دخلت لبنى المحل اللي كان يشتغل فيه عبد العزيز وهي لابسة عباية مخصرة حييل حق صاحبتها وفاتحتها نصها ومبين من تحتها بنطلون الجينز ولابسة الشيلة اسم على راسها وشعرها نصه مبين على وجهها ومن تحت الشيلة....
كانت تتمشى مع صاحبتها وهي كل شوي ترفع عينها تنتظر يرفع عينه ويشوف بس ابدا ولا كان معها كان يناظر بالارض ومحمد اللي معه يكلم بالتلفون..
شمايل بهمس/اناديه...
لبنى لفت للجهة الثانية/أي....
شمايل/لو سمحت...
رفع عبد العزيز راسه/نعم اختي..
شمايل/ممكن توريني الالوان الموجودة من ها القطعة؟
عبدالعزيز في باله(وش ها العمى اللي فيها كاهم الالوان عندها وتعال وريني!!!!ياان البنات صدق فاضيين)
تقرب منهم وكانت لبنى لافة للجهة الثانية...ويوم تقرب دق قلبها بقوة وتندمت انها سوت ها الحركة وتمنت الف مرة انها لاسوتها ولاجت له المحل اصلا!!!لان الحركة كلها على بعضها غبية ؟؟؟؟
اوووف الله يخزيك يابليس!!!
تركت القطعة اللي بيدها وطلعت بسرعة من المحل وهي بعدها عاطية عبد العزيز ظهرها يعني لاشافها ولاشافته...
شمايل باحراج/طيب شكرا...
تركت القطعة وطلعت ورى لبنى اللي راحت الحمام تلبس عبايتها ..
شمايل/وش فيك انتي!!!تعالي نروح وتعالي نروح واخرتها حتى ماتحطين عينك بعينه!!!اجل ليش جايين احنا بالله ماتقولين لي!!
لبنى بندم/الله يلعن الشيطان !!!!امسكي عبايتك بس ,,,ياليتني ماجيت ياشمايل ياليت؟؟
شمايل الف علامة استفهام على وجهها..
لبنى بزعل وندم/فكرك شافني!!!!
شمايل/مااعتقد...دقي له علشان تتاْكدين؟
لبنى بتردد/اللحين!!!لا مااطنها فكرة صايبة يمكن حتى لو مالاحظ بدخل الفكرة في باله...خليه لبعدين احسن...
توها متكلمة ودق جوالها وكان عبد العزيز المتصل...
لبنى بخوف/اه...هذا هو اتصل!!اكيد شافني؟؟
شمايل/والحل؟
لبنى/ماني رادة عليه...مستحيل...هو يبيها من الله يتركني واللحين بياخذها حجة علشان يرميني...
شمايل/يوم انك مو قد ها الحركة ليش فكرتي فيها من الاساس!!
لبنى بقهر/الله يلعن الشيطان....اوووف ياربي...قومي وصليني البيت ..مالي خلق اقعد اكثر احس ان عبد العزيز بيطلع من أي جهة...
////////////////////////////////////////////////////////
بندر/السلام..
دلع بعصبية/صباح الليل!!!
بندر اكتفى بانه يناظرها ويرمي شماغه على الطاولة ويقعد ويمدد رجلينه...
دلع وقفت قباله وقالت بعصبية/وينك فيه...
بندر/اتمشى....
دلع/لا,,,خبرية جديدة؟؟من متى تتمشى بروحك في جدة؟
بندر باحتقار/ليش جدة مكتوبة باسمك وانا مدري!!!
دلع/كلمني عدل احسن لك!!
بندر/اقول...ورى ماتتكلمين انتي باحترام اكثر معي!!!
دلع تخصرت/شوف بندر.....اذا انت تحب خطيبتك فهذا شي راجع لك...بس انك تاخذ من وقتي وتعطيها ها الشي لايمكن اني اسمح لك فيه!!
بندر/ومن قال اني انتظرك تسمحين لي فيه ولاماتسمحين!!وبعدين انا وقتي ملكي محد يقولي وش اسوي فيه؟؟؟وبعدين من قال لك اني كنت اكلم جواهر ولاغيرها؟
دلع/لاتقعد تستهبل معي!!عارف انك كانت طايح معها سوالف حب وغرام على البحر ومسوي روحك رومنسي على اخر الزمن....انت محد علمك الرومنسية غيري!!ومابتستخدمها الا معي انا وبس!!!ولاتضطرني احلف اسوي شي ياْذيك ويتعبك؟
بندر/تهدديني؟
دلع قعدت قباله/انا مااهدد انا انفذ بمجرد الشي يخطر في بالي!!!!
دلع /طيب لنشوف....قومي بنام؟
دلع/بتنام هنا!!!!
بندر انبطح على الكنبة/عندك مانع!!
دلع بقمة الانفجار والعصبية/وش قايلة لك بنت ابليس اليوم معفوتك اياي مرة وحدة؟
بندر غمض عيونه وبس......
دلع في بالها زين ياجواهر...بتشوفين انتي معه....منهي دلع...
/////////////////////////////////////////////////////
هنوف بفرح وحب واضحين/هلا وغلا...
ناصر/اهلين...خوب عشقانة انتي دايم سهرانة بنصوص الليالي!!
هنوف بهيام وهي ضامة ثوبه/كيف مااسهر وانا واجب عليّ افكر فيه قبل لاانام!!
ناصر/اوه ه ه عليك سوالف يالملعونة وانا مدري عنك...
هنوف انبطحت على فراشها..وقالت له وهي تلعب بشعرها/وهذا انت دريت...
ناصر/اقول هنوف...انا عازمك..
هنوف/على شنو...
ناصر/على اندومي؟؟
هنوف وجهها صار؟؟؟؟؟؟؟؟؟؟؟؟؟؟؟
هنوف بضيق/على شنو؟
ناصر بفرح/اندومي...واحد من الربع معلمني طريقة جديدة وسويته صار صراحة يهبل انا اكلت وقلت يالله اعزمك لو مانمتي اطرش لك تاْكلين وتعطيني رايك بالمرة...
هنوف/يالله جيب وش ورانا كل شي من يدك يصير حلو...
ناصر/صايرة ذربة وكلامك حلو..اخاف شابكة معه على المسن بس!!
هنوف/لاوقسم بالله مو كذا!!انا طول عمري ذربة بس مو ذنبي اذا مالاحظت!!!
ناصر/ماعلينا انا اجيبه لك واحطه عند بابكم ونزلي خذيه...
هنوف/تسلم نصور...
ناصر/مالك بالعادة والله!!بالعادة انتي نويصر!!!
هنوف/شسوي حب رباني نازل عليّلك؟
ناصر/هههههه دوم ان شاءالله مو يوم..
هنوف/هو دوم دوم محد بيغير مكانتك ياولد عمي..
ناصر/تسلمين هنوفة....اقول صراحة انا لي بعد غرض ثاني من الاندومي..
هنوف بفرح/شنو؟
ناصر/ابيك تتعلمين شلون تسوينه علشان اذا انا مو بالبيت تسوينه لي!!!
هنوف بضيق/يعني انت ماتفكر باشياء اكثر رومنسية من كذا وتصير ذرب شوي؟؟
ناصر/شسوي في الذرابة معك انا!!!انتي اتوطى في بطنك ويخب عليك؟
//////////////////////////////////////////////////////////فوزية/شفيك...
مصعب/خالي فهد..
فوزية/شفيه؟؟
مصعب تنهد/قال..
فوزية/أي..
مصعب بزعل/قال انه بيكلم امي تخطب لي!!!
فوزية/زين يسوي...
ناظرها بزعل وماتكلم....
فوزية/لمصلحتك ياخوي...خالي فهد لو ماكان يحبك مافكر بها الشي علشانك؟
مصعب بحزن/أي بس انا ..
فوزية/شنو؟انت تبي تهدم حياتها وترتاح!!
مصعب/انتي ليش فاهمتني غلط!!انتوا كلكم فاهميني غلط؟؟؟
فوزية/طيب فهمنا انت وش الصح يامصعب!!!وحدة مرتبطة ماشفتها غير لمحة ولالمحتينبالسريع وبدون مايدور بينكم أي نقاش حتى!!تدري عنها مخطوبة وتحب خطيبها وهو يحبها وارتباطهم قريب وتقولي منتو فاهميني!!بالله فهمني انت شنو اللي مو فاهمينه احنا يامصعب ..قول انا اسمعك....
مصعب تنهد وماتكلم...
فوزية/........
مصعب/.........
فوزية/بتظل ساكت مابتقول لك كلمة...
مصعب/فوزية...جواهر..
فوزية/شنو..
مصعب/جواهر بالنسبة لي قدري...تعرفين شنو قدر الانسان اللي يصادفه بحياته بدون مايحسب له أي حساب ويلاقيه بلحظة سريعة وبغمضة عين يتغلغل بافكاره ومايطلع منها...
هذي حكايتي معها..كل ماجيت اشيلها من افكاري وخيالي...ترفض كل ذرة فيني ها الامر وتعتبره مستحيل....
خيالي مايملاْه غير صورتها وصوتها,,,,
جواهر..شي انا مو عارف وش نهايتي مع تفكيري فيها!!
صدقيني انا نفسي تعبان ومتضايق..بس والله العظيم الشي اللي انا قاعد احس فيه مو مني يافوزية...حاولت وحاولت وحاولت اشيلها من بالي بس ماقدرت....عجزت...دايم الوم نفسي واقول يليتني ماشفتها ولاصادفتها بحياتي يليت؟؟بس شقول غير شرعك اللهم ولااعتراض!!!!!
//////////////////////////////////////////////////////
مضاوي/لبنى انتي معي!!
لبنى كانت سرحانة بعالم ثاني..
مضاوي هزتها بكتفها/بن بن..انتي معي!!انا احاكيك...
لبنى/ها...اي معك..
مضاوي/لامنتي معي!!لو اسالك شقلت بتقولين ماانتبهتي!!
لبنى تنهدت/معليش مضاوي لاتزعلين مني سرحت شوي..وحدة من البنات صايرة عندها سالفة وكانت تبي راي فيها ..معليش سامحيني ..قولي وش عندك..؟
مضاوي بحيا/تعرفين خالد رفيق ناصر ولد عمي!!
لبنى/عاد مضاوي مالقيتي غير كلمة رفيق !!تذكرني بالهنود!!!كان قلتي صاحبه!!
مضاوي بهدوء/اللحين تركتي السالفة وعلقتي على رفيق!!!
لبنى/لانها ضيقت خلقي!!يالله قولي لااقاطعك؟
مضاوي/كانوا اهله جايين لنجود يتحمدون لها بالسلامة يوم الخميس امه وخواته وهي تعرفهم طبعا وعادي العلاقة بينهم و................................................. .................................................. ...............................................,,, ,,وش رايك انتي وش تتوقعين؟
لبنى بفرح/نجود قالت شي؟
مضاوي بخجل/مدري هي صراحة ماقالت بس تعرفين تلميحاتها...يعني شكلهم قالوا لها يوم قمت ولاطلعت لانها صارت تلمح لي بعدين بها الشي...
لبنى بفرح/الله وناسة....لو صدق...بفرح من كل قلبي علشانك؟
مضاوي بتردد/ومابتزعلين لو انخطبت قبلك لو صار ها الشي؟
لبنى/يالله عاد بلاها التخلف!!وليش ازعل!!انتي اختي حبيبتي فرحك هو فرحي!!!
مضاوي/يعني اقصد انتي مابتتضايقين لو صار ها الشي وبيحز بخاطرك؟
لبنى بفرح/طبعا لا ياقلبي!!!اصلا بظل ارقص لك طول الليل علشان تدرين اني فرحانة لك؟؟
تقربت منها وحضنتها بفرح..
لبنى بمرح/واللحين يالله قلبي وجهك وخليني اقولب بها التلفون اغازل لي واحد يجي يخطبني مثلك؟
مضاوي/ههههههه
لبنى/بكلم نجودوا باخذ منها الاخبار...عندك مانع!!
مضاوي بهدوء/طبعا لا...بس قولي لي لاعرفتي شي؟
لبنى/ياسلاااام وش عليه مستعجلة!!!اذا هو لك ونصيبك بتاْخذينه حبيبتي...
مضاوي وقفت/تصبحين على خير...
انتظرت مضاوي لين طلعت وسكرت الباب وحطت راسها على المخدة وتنهدت....عبد العزيز شاغل لها بالها وافكارها من البارحة..كلمها اليوم اكثر من مرة وماردت عليه..احساسها بالذنب تجاه حركتها اللي سوتها ماْرقها حييل ومو مخليها ترتاح!!!
فتحت جوالها تشوف رسالته البارحة اللي ماقرتها غير الصباح (حبيبتي..لاتزعلين مني والله اني اكذب عليك ..انا قلت انك شابة نار من الصباح على شغل البيت خلني اكملها معك واشوف قوة اعصابك بس الظاهر انك رايحة للنهاية!!ولامعقولة تشكين بحبي لك!!!
خلاص ياعيوني بقولك السبب الحقيقي..هذا جزاءك علشان تقولين لي كل صمول وجبن وتوست مدري وشوه من خرابيطك؟؟؟يالله حبي ردي عليذ واللي يخليك ترى مفارقني النوم على زعلك..والله احبك وماعمرها وحدة وشنو ماكانت بتاخذ غلاتك بقلبي!!ردي عليّ لبنتي...)
تنهدت باقوى شي عندها..على انها تدري انه يمزح ومو قصده بس ماتدري وش اللي خلا الفكرة تدور في راسها وتروح تسوي ها الحركة الماصخة اللي سوتها!!!!
بس الحمد الله انه ماشافها واذا شافها وكان متصل يعاتبها فتستاهل مليون مرة...
اتصل فيها وهي بعدها تناظر بالرسالة وماقدرت تتغلا اكثر ليش انها متولهة على صوته حييل..
ردت بزعل بنات/الو..
عبدالعزيز بشفاقة/حياتي..
لبنى بدون نفس ومن ورى قلبها/شبغيت!!لقيت صاروخ ثاني اليوم تبي تقولي عنه!!
عبدالعزيز بتحسر/لبنى شفيك!!والله ماتوقعتك تاْخذينها في بالك كذا!!!!انتي عارفة اني مو حق ها السوالف ولايمكن اكون!!انا كل السالفة حبيت استخف بدمي عليك وياليتني ماسويت!!!لبنى واقسم لك ها الشي ماصار انا عمري ماناظرت في أي وحدة غيرك صدقيني ولايمكن اني اسويها...اترجاك لاتزعلين وسامحيني لو غلطت معك بالحكي ترى والله مقدر اتحمل زعلك اكثر من كذا!!!
لبنى وصورته وهو يناظر بالارض يوم تدخل مع صاحبتها معششة في بالها قالت بهدوء ودلع/اسامحك بشرط؟
عبدالعزيز بحسرة/يعني انتي مصدقة ها الحكي يالبنى!!
لبنى/بغض النظر اذا كنت مصدقته ولا..
قاطعها عبدالعزيز بسرعة/لا..اذا كنتي مصدقته فهاذي مسالة ثانية يبيلنا اخذ وعطى فيها!!
لبنى/مو افق ولالا؟
عبدالعزيز/على شنو؟
لبنى/بكرة بطلع من الكلية الساعة اربع وشوي...بروح كنتاكي الاقيك هناك نتغذى مع بعض؟
عبدالعزيز/كنتاكي عاد!!!
لبنى/انت تبي تراضيني ولالا؟
عبدالعزيز/وانتي من صدقك زعلتي مني وانتي عارفة اني امزح معك!!!!!
لبنى/لاتلف وتدور!!تبي تراضيني بكون هناك بكرة وبدق لك وانا بالطريق ماتبي بكيفك ماجبرتك على شي ماتبي تسويه..واللحين تصبح على خير,,
عبدالعزيز برجاء/طيب خل نتفاهم..
لبنى/اذا في تفاهم بيكون بكرة اليوم ماعندي شي اقوله...باي...
سكرت السماعة وهي بقمة الفرح ...وقامت تناقز على السرير ...وتصارخ...يس..يس..يس...صدق رب ضرة نافعة..هذا انا كسبت شوفتك بكرة...بكنتاكي عاد ولاغيره!!اهم شي طاولة وحدة بيني وبينك !!!!
///////////////////////////////////////////////////////////اليوم الثاني بالمدرسة,,,
طلعت من الفصل وكانت ملاك اليوم بقمة الهدوء وماحطت لسانها بلسان نجود ابدا ولاحتى نجود لفت عليها......
لفت يوم نادتها ملاك..
ملاك/ابلة نجود/
نجود/نعم..
وقفت تناظرها وبعدها نزلت راسها بالارض...
نجود/خير...في شي صاير؟
ملاك بتردد/انا اسفة....اسفة اذا كنت زعلتك وضايقتك.
نجود بلامبالاة/أي بس انا مو متضايقة ولازعلانة ابدا!!
ملاك بندم/ابلة نجود..انا مانمت طول الليل وانا متحسفة اني زعلتك!!!كنت بدق لك بس خفت ازعجك بتالي الليل؟
نجود بثقل/أي اكيد كنتي بتزعجيني!!انا مو عاطيتك رقمي علشان تدقين لي بكل وقت وباي وقت تبين؟
ملاك/والله كلمة طلعت بالغلط ماكانت قاصدتها صدقيني؟
نجود/خلاص قلت لك مو زعلانة؟انا كل ماعندي بغيت ندردش مع بعض اكثر ونتعرف على بعض اكثر...هاذي كل السالفة...
ملاك بمرح/عدنا وقت صح ولا انتي مشغولة وتبين تروحين تفطرين؟
/////////////////////////////////////////////////////////////نجلاء/فهد..
لف لها وهو اللي كان واقف قبال المرايا يضبط شماغه..
فهد/خير في شي؟
نجلاء/وليش يعني مستغرب؟حرام يكون في شي بيني وبينك؟
فهد بلامبالاة واحتقار/لا...بس انتي بالعادة يروحون بناتك المدرسة ترجعين تنامين مالك بالعادة تقعدين وقت طلعتي المكتب!!
نجلاء/كنت بسالك عن شي؟
فهد/ومالقيتي احسن من ها الوقت؟
نجلاء/فهد...انت قايل لااختك ام مصعب شي؟
فهد بدون مايرمش له جفن/شي عن شنو مثلا!!
نجلاء بتردد/يعني....اي شي..
فهد/انا مااحب تاخذين لي العالم باوسعه وتبين اجاوبك!!!سالي عن شي محدد مااحب كلمة أي شي تنرفزني؟
نجلاء/فهد لاتلف وتدور وقولي..
فهد بعصبية/وش عنه اقولك!!شايفتني مجرم تحققين معه من صباح اله خير’,,,هذا بدل ماتزهبين فطوري وتجهزين ثيابي واغراضي وتقولين لي الله يرعاك ويوفقك بكل خطوة تخطيها ..وان شاءالله يومك يكون خير وفرح وسرور!!مسويتلي مجلس تحقيقي انت وش قايل لااختك ؟؟
يبى تدرين وش قايل لها..قلت لها بتزوج ارتحتي اللحين!!!
اخذ شنطة اوراقه وطلع من الغرفة وتركها بروحها..
نجلاء بنرفزة/هذا شفيه كل ماكبر زادت سخافته وعصبيته علينا!!!!!اللحين اقوله وش قايل لااختك وعن شنو شاكي لها حالك يقولي قلت لها بتزوج!!!!زين يافهد انا اعرف شلي صار..قلت من البداية ماهو منك من ام مشاري وبناتها بس غبية يوم اني قعدت من نومي علشان الحق عليك قبل لاتطلع واساْلك !!!
//////////////////////////////////////////////////////
بندر/لاتقولين ان يومك حلو وانتي ماسمعتي صوتي كفاية؟
جواهر/بلى سمعته الصابح ونور لي يومي كله..
بندر بزعل/أي بس انا ماكفاني ها الدقايق اللي صيحتيني فيهم من النوم!!ودي اسمع صوتك وانا موقت اني ادق اللحين وقت الفسحة..
جواهر/ههههه حبيبي عندي موجهة بتحضر لي خل اروح ارتب اموري وبس تعدي بدق لك ماشي..
بندر بلهفة/احبك..
جواهر/يعني مصر تخربها عليّ!!
بندر/افا!!ابي اعطيك مقويات ومغريات ودوافع اني بكون جنبك !!
جواهر/يابعد عمري منحرم منك يارب...
بندر/شفتي ان بندر حبيبك دايم يدعيلك بخير,,
جواهر/اه من بندر ومن حنان بندر...انا مدري بقدر اوفيه حقه..
بندر بخبث/بسيطة اول ماانزل الدمام نكون بروحنا واعلمك وشلون توفينه حقه؟
جواهر بهمس/بندر انا بالمدرسة بعدين اكلمك...
بندر بعناد/طيب ساليني شلون مثلا!!!
جواهر/قلت لك مشغولة بعدين اكلمك حبيبي...صدقني مافيني اطول اكثر..
بندر بتوعد/اكيد مو تتهربين مني مشغولة؟
جواهر بصدق/والله..
بندر/طيب انا بظل منتظرك طول اليوم ابي بس اسمع صوتك الحنون الدافي....لاتنسين حبيبتي وظلي فكري فيني مثل ماانا ماراح اشيلك من تفكيري,,,,
////////////////////////////////////////////////////////
نجود/ممكن شوي بس عندي تلفون وبرجع لك...
ملاك/أي اكيد اخذي راحتك..
ابتعدت نجود شوي عن ملاك وردت على جوالها..
نجود/هلا حبيبي...
فهد/شلونك...
نجود/عال العال....اهم شي انت طمني عنك يالغلا..
فهد/مشكلتي بمجرد اسمع صوتك يروح الضيق اللي فيني!!
نجود/طيب حلو خلني معك طول الخط علشان لايفكر الضيق يجيك ابدا!!
فهد/مشاءالله عندك حل لكل شي....
نجود/مو انا نجود....
فهد/اليوم عندي قضية متعبتني....
نجود/ماعاش التعب اللي يجيك وانا نجود بنت ابوي......شعنه ها القضية؟
فهد/ابطال زواج..
نجود/شنو؟
فهد/اهل البنت مصرين بعدم تكافؤ النسب!!
نجود/من صدقك عاد!!!
فهد/أي...وبيفترقون..وبتشوفين...
نجود/وين عايشين احنا!!تزوجوا وخلصوا واللحين قالوا بطلان زواج وعدم تكافؤ النسب!!!!
فهد/عمرك ماسمعتي عن ها القضية؟
نجود/تبي الصدق شفتها بسنة من السنين بحلقة بمسلسل طاش ماطاش!!بس ماتوقعت احد يكلمني عنها ولا اني اسمع عنها حتى!!
فهد/شغلتك عن فطورك؟
نجود/لاابدا ياعمري انت تامرني باي وقت....والله لو شنو فيني اقولك لبيه وتحت امرك...
فهد سكت...
نجود/خلاص حبيبي بتضايق حالك على كل قضية بالمكتب وتشغل بالك فيها!!عندك انا اشغل بالك فيني ولامااستاهل!!
فهد/نجود..وش بتعشيني الليلة؟؟؟
نجود/........معليش انت تعشيني!!
فهد/أي وليش لا...وش تبين؟
نجود/قلت لك اني بمر العصر السوق مع منال هي مكلمتني وقايلة لي اروح معها اجهز معها بعض الشغالات وبنفس الوقت انا قايلة لك بدور شي لبندر...
فهد/مطولة بالسوق؟
نجود/يعني...
فهد/يعني بتنامين هناك؟؟
نجود/نوعا ما.....
فهد/خلاص لا طلعتي من المدرسة عطيني خبر بنتفاهم..
نجود/ماشي يالله الله يحفظك ياقلبي.....
سكرت ولفت وشافت ملاك بعدها بمكانها وهي نست سالفتها بالمرة..
نجود باعتذار/اسفة ياملاك..معليش عن جد اسفة والله نسيت انك موجودة ونسيت نفسي بالتلفون..
ملاك/لاعادي اخذي راحتك بظل واقفة لو لااخر الدوام ومابتحرك من مكاني....
نجود/شنو كنا نقول؟
ملاك/سالتيني عن صديقاتي والمقربات لي..
نجود/انتهينا منها ....
ملاك/هههه
نجود/ملاك..انتي عندك مشاكل...
ملاك بخوف/شنو يعني مشاكل..؟
نجود/وش تعني لك مفردة مشاكل بالله!!!
ملاك/انا ماعندي مشاكل...صحيح ماقلتيلي ..
نجود بصرامة/ملاك لاتغيرين الموضوع؟؟اذا ممكن..
ملاك/...........
نجود/حابة تتكلمين لي عن مشاكلك فتاْكدي اني بسمعك اكيد مثل مااسمعك بكل شي...
ملاك ناظرت بالارض وسكتت...
مشت نجود ومشت معها وهم ساكتين وقطعت نجود سكوتهم...
نجود/قلتيلي امك وين تشتغل؟
ملاك بلامبالاة/مديرة مركز الاعاقة...
نجود/اممم وكيف شايفة المركز؟
ملاك/مدري اصلا انا مااسالها عن شغلها ولا شي....
/////////////////////////////////////////////////////
