انثي لا تنسي
الجزء التاسع
السعاده والفستان الابيض
في فرصه بتجيلك ولازم تستغلها صح وفي فرصه بتجيلك وبتبعد عنها وانت متاكد انه مش لك
دي حقيقه الكل بيعشها وعلي قد ما الكل بيعشها علي قد ما في ناس بتجيلها الفرص ومش بتستغلها الناس دي يااما بتبقا مش فاهمه هي عاوزه ايه او ان الناس دي عندها قناعه انهم كده صح ....
فكرت في يوم انت ولا هي انك تعيش حياتك صح وتفهم وتعرف انت عاوز ايه فكرت في يوم من الايام انت عاوز ايه من الدنيا هل ياتري محتاج حب ولا محتاج صديق ولا محتاج جاه ولا محتاج سلطه عمرك سالت نفسك ايه الصح وايه الغلط ....
الحقيقه ان كل واحد فينا عارف الصح وعارف الغلط بس بيحاول انه يبين للجميع انه صح رغم انه عارف انه غلط وغلط جامد كمان بس بيبرر لنفسه غلطه اغلط مش عيب بس اعترف بغلطتك لان العيب انك تبقا غلطان وتقاوح فوق من غيبوبتك واعرف ازاي تتعامل صح مع مشاكلك.....
انتي احلي حاجه في حصلت في حياتي انتي الحب والقلب الطيب الي ابيع الدنيا عشانه ..
وانت روحي وضي عيوني وكل حاجه نقصاني انت كملتهالي ....
انتي انثي لا تنسي.........
محمود يامحمود
خير ياام جيسي
بالله عليك شوف الدكتور البنت لسه مفقتش من البنج ودموعها نازله علي عنيها
حاضر هشوفه بسرعه وارجع
متتاخرش
علطول
يادكتور
نعم ياحاج
بنتي كانت بتولد وبقالها اكتر من ساعه ومفقتش من البنج وعيونها بدمع
حاضر ياحاج انا جي معاك اشفها
دخل الدكتور الي الغرفه التي يوجد بها جيسي وابنها ادهم في حضنها وهي لم تفق من البنج نظر اليها وبدء في تفويقها واستغرب جداا عندما راي الدموع تنزل من عينيها ولا يوجد غير كلمه واحده علي لسانها ابني ... ابني... ابني ... ورد عليها الطبيب وقال ابنك جنبك في حضنك فقالت عمر شافه وهنا بكت الام ولم تقدر علي الرد فسال الطبيب هل عمر هذا زوجها ووالد الطفل فاجاب ابوها .... عمر هذا حبيبها الذي توفاه الله فصرخت هي وقالت عمر حبيبي ممتش محدش يقول عمر مات..... قام الدكتور واعطاها حقنه مهدئه لانها كانت في حاله هستريا غريبه وقال..
ياحاج سيبها نايمه وابنها في حضنها
ليه يادكتور
دي كانت بتفتكر وبتحلم وسيبها تكمل حلمها لحد ما تخلصه عشان لو فاقت من غير ما تخلصه هتعيش وكانها لسه فيه
وده معناه ايه يادكتور
معناه انك تسيبها ومحدش يفوقها
ماشي يادكتور
بينما جيسي كانت تقول عمر عمر عمر الي ان نامت واكملت ما كانت عليه
جيسي ياعمري
نعم ياحبيبي
في خبرين لازم اقولهوملك
خير ياسيدي
خبر حلو وخبر وحش
امممم وليه كده طيب ابدء بالخبر الوحش غشان الحلو يغطي بحلوته الخبر الوحش
لا ناصحه
تربيتك يابوس
طيب الخبرين مرتبطين ببعض
تمام
الخبر الاول اني عاوزك تكلمي اهلك عشان هاجي انا واهلي واخطبك
نعم بتقول ايه
الي سمعتيه
بتكلم جد والنبي
وانا من امته هزرت معاكي
طيب احلف
يخربيت كده
احلف بس
بصي انا لغيت الفكره خالص هو انا ناقص جنان
لا لا وعلي ايه انا طيبه خالص بس احلف والنبي اخلف بالله عليك ......
والله هاجي اخطبك
طيب اضربني كده يمكن اكون بحلم
عيوني بوووووم
ده بجد بقا انا مش مصدقه انا قلت والله هجيب لنفسي وجع الدماغ
لا خلاص ماشي
والخبر التاني اني هسافر علطول بعد الخطوبه
تسافر
اه اسافر
ليه
يخربيت الغباء عشان شغلي يابت
ايوه صح منت بتشتغل بره مصر
وحياة امك
بص اصل انا مخي ساح ومش متحمله بجد الكلام ده ومش مجمعه فسيبني كده دقبقتين استوعب الي بيحصل ده واكون زي الفل
طيب يامجنونه
منت الي جننتني
ههههههههه طيب
عارف ياسيدي انا اجمل خبر سمعته في حياتي ده عارف انا مش متوقعه اني البس الابيض لحد غيرك بجد ووعد مش هلبسه لغيرك
باذن الله
بحبك
عارفه يابت ياجيسي انا بحبك اوي وبحب كل حاجه فيكي لانك بنتي وحبيبتي وروحي
تسلملي بقا ياسيدي
يالا روحي وكلمي اهلك وحددي الميعاد
انا لسه هصبر لحد ما اروح ثواني
هتعملي ايه يامجنونه
هكلم بابا
ياخربيت جنانك
اه مجنونه بحبك
اتصلت جيسي بابوها وقالت
ايوه ياقلب
ايوه ياحب
عامله ايه ياجميل
زي الفل
دايما
وانت ياحجوج
بخير طول منتي بخير
قلبي ياناس
خير في ايه عاوزه فلوس ولا حاجه
لا يابابا زي الفل
اومال في ايه مش بعاده الاتصال ده
في خبر كده عاوزه اقلهولك
خير يارب
في واحد يابابا عاوز يجي البيت النهارده يقابلك
ليه
عشان .......
عشان ايه..
عشان عاوزك ...
ايوه عاوزني ليه
يوووه بقا متكسفنيش بقا
مستلفه منه فلوس يعني
مستلفه
اه متخلصي يابت في ايه
واحد عاوز...
هاااا
عاوز ......
ايوه
عاوز يخطبني
يخطبك
ايوه
هيخطب واحده مجنونه
كده يابابا ماشي بقا انا مجنونه
ههههه انا بهزر ومين ده يابت وعرفك فين
يوه ده حبيبي
حبيبك .....
لا اقصد هحبه
والله طيب
اقله يجي الساعه كام
علطول كده
اه
مش نسال عليهم الاول
لا هما معرفين
اه انتي مضبطه كل حاجه بقا
ده مش غريب يابابا ده عمر ابن عم مصطفي
اه عارفه ناس طيبين يابنتي علي بركه الله النهارده الساعه ٨ مناسب
اه يابابا مناسب جدا
والله وكبرتي ياجيسي وبقيتي عروسه
وانت هتبقي جدووو
ههههههههه والله فرحتيني
اغلقت الهاتف مع ولدها وحدثت عمر وقالت
تمام كده يابوس الساعه ٨ متااخرش
ماشي ياهبله
بردو
اه عندك مانع
انا اقدر
اتت الساعه الثامنه واتا عمر ووالده وامه واخوته الي بيت جيسي ليطلب يدها من اهلها واتي بخاتم الخطوبه وقدمه لها في سعاده تغمرها الجميع وكانت جيسي في قمه سعادتها وعمر ايضا واثناء حديثهم قال عمر لوالد جيسي
باذن الله ياعمي بعد ما نتجوز هخدها ونسافر
وهنا تغير وجه ابيها وقال
تسافر فين يابني انا مقدرش اتخيل ان بنتي تبعد عني مستحيل
ياعمي انا شغلي خارج مصر ازاي هكون في بلد ومراتي في بلد
يابني مينفعش انا ماقدرش اتخيل حياتي من غيرها اوعي تفكر انك انت بس الي بتحبها دي حبيبه الكل وحبيبتي قبل ما تكون حبيبتك
والحل ياعمي
الحل افرحوا وعيشوا واكيد لما يجي وقت السفر هنلاقي حل
وهنا تحققت رغباتهم وخطبها وبدءا يتقابلات كل يوم بعلم الجميع وعاشوا حياتهم علي اكمل وجه كما ينبغي وعلمها كيف تكون خاضعه ومطيعه لاوامره وجعلها ساديه له
وفي يوم من الايام طلبت جيسي ركوب الخيل لانها كانت مغرمه به فذهب بها الي اسطبل في نزله السمان وركبت الخيل وكانت سعيده
عمر ياحبيبي
نعم
عارف نفسي في ايه
في ايه
اركب متوسيكل
بس كده
اه
خلاص من عيوني
هتركبني هو انا اقدر ارفضلك طلب
تسلملي بقا
انتظروا الجزء القادم من
انثي لا تنسي
بقلم ماستر راقي
أنت تقرأ
انثي لا تنسي
Misterio / Suspensoفتاه جميله وجريئه جداا صريحه وواضحه محاطه بحفنه من الرجال احبت شخص وكان كل حياتها وتوفاه الله ومن وقتها وهي مشتته وحائره تتمتع بانوثه طاغيه وتعتبر ساديه بالفطره ذات رونق وجماال واحبت شخص اخر سادي ولكنها لا تعترف بحبها هذا لانها خائف من ان تخسره تابع...
