انثي لا تنسي
الجزء الثاني عشر
انا ساديه
هو ممكن في يوم تكون لحد مش ليك ؟؟
ممكن انك تحب حد انت اصلا مبتحبهوش وتعيش معاه وانت مغصوب وخصوصا اذا كان قلبك مع حد تاني؟؟
طبعا الاجابه في غايه الصعوبه لان الي بنتكلم فيه مستحيل بس للاسف بيحصل .... وموجود بكثره كمان تلاقي حد اتقدم لبنت وهو متاكد انها مش بتحبه وقلبها متعلق بغيره وبردوا يصمم انها تكون ليه مش عارف الي زي ده بيعاند نفسه ولا بيعاند مين بس الحقيقه انه بيعوض نقص عنده بيعوض حاجه مش مخلياه ينام ان ازاي بنت مهما كانت متكنش ليه بيعتبرها اهانه ليه وبيعمل المستحيل عشان البنت دي تكون ليه ولو حتي ليله واحده بس الشخص ده بيكون مريض بس بيلبي رغباته الشيطانيه وبس....
مش متوقعين طبعا ان يكون في حد طريقه تفكيره كده وكمان يحسسك انه مغصوب ومجبر انه يعمل كده وللاسف بيقل قوي وبينزل من نظر الشخص الي هيشاركه حياته بينزل من نظر الكل ومن نظر نفسه قبل حد تاني وده الواقع الي كتير منا بيهرب منه بس للاسف بيكون في عشره موده ومافيش حب في ولاد في نسب في حاجات كتير بتقف ضدك انك تترك العلاقه دي وكل واحد بيروح لحاله...
بس في ناس عندها قوه الاراده والعزيمه انها تقول استوب وتعمل كنترول وضحي بكل ما هو ثمين وغالي عشان تنفد بجلدها وتخلي همزه وصل ما بينهم ولو حتي وصل الموضوع للمحاكم ...
ايوه حد مش حساه مش لمساه ازاي هفضل معاه تحت اي مسمي وهو من البدايه تخلي عن كرامته ومبادئه وقبل انه يكون مكان حد غيره قبل علي نفسه يكون مجرد استبن يبقا محدش هيبكي عليه وزي ما دخل حياتنا عافيه هيخرج منها عافيه مهما كانت قوته وجبروته ....
انثي لا تنسي.........
حمدالله علي سلامتك ياجيسي
الله يسلمك ياماما
ايه يابت القمر ده
ده الي طلعت بيه من الدنيا كلها
ربنا يخليهولك ويباركلك فيه
يارب ياماما
احنا سمناه ادهم
كان نفسي يكون عمر ياماما
ادهم اسم جميل مش انتي كان نفسك يكون اول ابن عندك اسمه ادهم
ده لما كان ابوه هيكون عمر
الله يرحمه بقا يابنتي
الله يرحمه ياماما
بس ولد زنان اوووي ومبيسكتش وعاوز علطول يتشال انتي نايمه ومش هنا وهو عمال يزن يزن طالع لامه وهيبقا شبهك كمان ولابد في حضنك وانتي نايمه
مش امه ياماما لازم يعمل كده .. هو اكل
ايوه رضع وانتي نايمه ..
طيب تمام.. هنروح امته ياماما
كنا مستنينك تفوقي والحمد لله بقيتي كويسه..
الحمد لله
هنمشي لما الدكتور يجي يشوفك
هو ابوه مجاش
جه يابنتي زي الضيف شافه وباسه ومشي علي طول واتصل مره اطمن عليكي وبس..
خير ما عمل
لا يابنتي مش خير انتي وابنك ملزومين منه
وانا مش محتاجه منه حاجه
الي تشوفيه يابنتي
اهو الدكتوره وصل وهيطمني عليكي
مساء الخير ياام ادهم
مساء النور يادكتور
لا احنا بقينا تمام وزي الفل
الحمد لله يادكتور
الضغط مضبوط وضربات القلب وكله زي الفل
يعني اقدر اروح امته يادكتور
دلوقتي لو حابه
والولد صحته كويسه
ماشاء الله عليه زي الفل
الف الف شكر يادكتور تعبناك معانا
تعبك راحه وحمدالله علي السلامه
الله يسلمك ..
أنت تقرأ
انثي لا تنسي
Misteri / Thrillerفتاه جميله وجريئه جداا صريحه وواضحه محاطه بحفنه من الرجال احبت شخص وكان كل حياتها وتوفاه الله ومن وقتها وهي مشتته وحائره تتمتع بانوثه طاغيه وتعتبر ساديه بالفطره ذات رونق وجماال واحبت شخص اخر سادي ولكنها لا تعترف بحبها هذا لانها خائف من ان تخسره تابع...
