انثي لا تنسي
الجزء الحادي عشر
موت المشاعر
وتلك الايام نداولها بين الناس ....... الايام دول
احيانا بتيجي حد في حياته بسرعه بيغير كل حاجه وبرده بيروح من ايدك ومن حياتك اسرع مما تتخيل مبتقدرش انك تخليهم معاك ومتتوقعش انك في يوم هتسيبهم او هيسبوك وعشان كده متحاولش تعلق نفسك بحد .. لانه صعب جداا تتعود علي حد ويضيع في لحظه من بين ايديك تضيع كل احلامك تشوف المستقبل بواقع مرير يتعبك ويوجعك ويخليك عايش وحيد ...
عيش علي الذكري ربما تغير فيك حاجه عيش علي انك هتقابل الشخص ده في احلامك هتكون واقف شامخ واقع في ظلمات حبك عاوزه تنسي ومش قادر فبتخاول انك تتناسي ... ايوه تتناسي حبك وعشقك عشان تقدر تعيش في عالم انت ملكش مكان فيه مكانك الوحيد كان مع الشخص الي ضاع منك .....
والدنيا بردوا موقفتش عليه ولا هتقف عليك فعيش حياتك وربنا يصبرك وزي ما قلنا الايام دول...
بنقابل ناس ونودع ناس ونعيش علي امل اننا هنكون في قمه السعاده بس للاسف مش مستمتعين بالسعاده دي عشان عمرنا ما هننسي ....
كل شيء بيتولد صغير وبيكبر مع الايام الا الجرح بيتولد كبير وبيصغر مع الايام.....
الجرح المه زي الم الفراق متخليش مشاعرك تموت متخليش احساسك ينتهي عيش وتعايش ..
كنا وكنتم عشنا وعشتم ...
والنهايات اخلاق ...
بلاش دموع في الحب ولو حتي دموع فرحه وسعاده الدموع عمرها ما هتنسيك الدموع هتضعفك انا بحبك انا بعشقك لانك انثي لا تنسي...
يوم الخميس الموافق ٣ مارس ٢٠١٦ ده اليوم الي جيسي خرجت فيه من المستشفي وهي لابسه الاسود وحزينه وعنيها مليان شجن ايوه مليانه شجن الحزن وشايفه الدنيا سودا قدامها عشان وفاة اعز شخص في حياتها اليوم ده مكنتش منتظراه اليوم ده كان المفروض تلبس فيه الابيض مش الاسود عرفين يعني ايه معني الكلام ده يعني كسره وحسره ما بعدها شيء ممكن يتقال دخلت غرفتها ومسكه صوره عمر وبتبص عليها دخلت عليها لما اختها واخدت منها الصوره وقالتلها.....
دموعك عمرها ما هترجعه تاني ادعيله بالرحمه افضل حاجه ..
مش قادره انسي
حاولي هتعرفي تنسي
ان شاء الله
ربنا يصبرك
يارب
وكفايه الي حصل في المستشفي
ايه الي حصل
انت مش فاكره حاجه
لا احكيلي
بعد ما سمعتيني انا وبابا واحنا بنتكلم ازاي نبلغك بوفاة الله يرحمه عمر صرختي وعيطتي كتير لحد ما اغمي عليكي ودخلتي في غيبوبه لمده ٣ ايام وقمتي منها مش بتتكلمي وكل ما عليكي انك تعيطي وبس ومحدش عارف يكلمك وانتي كمان جالك بابا عمر الله يرحمه وامه وانتي زي منتي وكنا مفكرين ان جيتهم هتغير من حالتك للاحسن بس للاسف زادت حالتك سوء لانك شفتي عمر فيهم قعدتي علي الحال ده لمده اسبوع لحد ما الدكتور قال لازم تاخد صدمه اقوي من الي حصلت عشان تخفي وتتكلمي ...
انا فكره كل ده فاكره اني مكنتش بتكلم وفاكره اني كتت تعبانه جداا بس مكنتش مستوعبه ايه الي بيحصل بالضبط معايه كملي...
كانت نفسيتنا كلنا زي الزفت بسببك لانك كنتي هتضيعي من ايدينا لحد ما قررت اني اصدمك ...
ودي بتسميها صدمه انا كنت هموت فيها..
منا كنت لازم اعمل كده..
تقوليلي ان بابا مات وانتي عارفه انه اغلي حد في حياتي كلها .....
مكنش قدامي حل تاني ونفعت الحيله دي واتكلمتي عارفه قلتي ايه ...
ايوه قلت بابا بابا بابا متسبنيش انت كمان
وقعدتي اكتر من اسبوع بنعلمك الكلام لانك كنتي زي الطفل الي لسه امه بتعلمه الكلام
اه فاكره كل ده كويس
والحمد لله انتي قويه وعديتي المرحله دي ..
بس مش مصدقه اني مش هشوف عمر تاني
عيشي حياتك وربنا يعوضك خير
كان نفسي يالما البسله الابيض
هتلبسهوله في الجنه
ان شاء الله
ما تيجي نخرج شويه
لا انا عاوزه انام عشان هنزل بالليل اروح بيت جوزي
جوزك !!!
ايوه بيت عمر
هو عمر جوزك
ايوه
دخلت امها الي غرفتها هو مين الي جوزك ده ياجيسي...
عمر ياماما
وعمر اتجوزك امته ..
هو مش كان جوزي ياماما
حصل بينكم حاجه يابت
كان نفسي يحصل بس للاسف محصلش
انتي كده اتجنيتي رسمي وهتوقفي حالك
هو بعد عمر ممكن هفرحك لو اتجوز او اشوف راجل غيره
الدنيا مبتقفش علي حد يابنتي
بتقف ساعات ياماما
عيشي يابنتي حياتك ومدمريش نفسك
هحاول
ربنا يسعدك يابنتي انا عارفه ان الصدمه جامده عليكي بس هي دي الحياه
ربنا يجيب الخير ياماما
جلست جيسي ٦ اشهر في حاله لا يرثي لها جلست وحيده حتي ان اصدقائها اتوا اليها وارادوا ان يخرجوها من تلك الحاله لكن دون جدوي الي ان اتت اليها رفيقتها وصديقتها رندا لتحاول ان تخرجها من الحاله التي هي فيها كانت تحب رندا جداا وتسميها بنتها التي لم تنجبها ....
ايه يابنتي النتي فيه ده
ايه مالي مانا كويسه
لا مش كويسه
وبعدين انتي لسه فاكره تجيني
انا مقدرش اجي اشوفك وانتي بالحاله دي وكل يوم كنت بكلم طنط ولما عشان اطمن عليكي كل يوم ياجيسي
بس وجودك جنبي في الوقت ده كنت محتجاه
وانا مقدرتش اشوفك كده مقدرتش اشوفك في الحاله دي لانك غاليه عندي ولو شفتك كده مش بعيد كنت مت فيها
بعد الشر عنك
انا مش هسيبك كده
انا حابه اكون كده
لا هتقومي وتخرجي وتروحي شغلك وتعيشي الحي ابقي من الميت ياجيسي
عوزاني انسي عمر ياراندا
مقلتش انسيه بس انسي الحزن وعيشي
طيب ياراندا
قومي البسي
منا لابسه اهو
لا اقلعي الاسود ده
لا مش هقلعه
ورحمه عمر لتقلعيه
ليه كدا بتحلفيني بيه
عشان هتقلعيه يالا
غشان خاطري متحلفنيش بيه تاني اتفقنا
حاضر ياستي
هنروح فين
هنروح الجيم ادينا نلعب رياضه وكده
جيم ياراندا
ايوه ياجيسي يالا
استطاعت رندا ان تخرج جيسي من الحاله التي تعيش فيها ورسمت علي وجهها الابتسامه من جديد وبدئت بالتدريج ان تنسيها الحزن وهناك كان يوجد مدرب في الجيم اسمه تامر كان وسيم وعلي قدر من القوه والجسم المفتول بدء في تدربيهم وكان عينه دائما علي جيسي لاحظت رندا هذا كله وقالت لها
بت ياجيسي
ايه يابت
هو الكابتن ماله كده عينه عليكي علطول
انا عارفه
شكله كده وقع
وقفيه ياختي من الوقعه
شكله دايب دوب
بقلك ايه يابت انا ماليش في الجو ده
وحد يكره ياعبيطه
اه انا
طيب خليه بس يعجب بيه كده وانا اجنن امه
خدويه ياختي كله مش عوزاه
اه ده مز يابت
مز ولا زفت لنفسه
هوبا ايه ده اسكتي بقا غشان جي علينا هو سمعنا ولا ايه ولا عارف اننا بنتكلم عليه
يخربيت كده
اتي اليهم تامر وقال........
انتظرو الجزء القادم
من انثي لا تنسي
بقلم ماستر راقي
أنت تقرأ
انثي لا تنسي
Misterio / Suspensoفتاه جميله وجريئه جداا صريحه وواضحه محاطه بحفنه من الرجال احبت شخص وكان كل حياتها وتوفاه الله ومن وقتها وهي مشتته وحائره تتمتع بانوثه طاغيه وتعتبر ساديه بالفطره ذات رونق وجماال واحبت شخص اخر سادي ولكنها لا تعترف بحبها هذا لانها خائف من ان تخسره تابع...
