انثي لا تنسي

نهايه وليست بدايه

انثي لا تنسي
الجزء الثالث عشر

نهايه وليست بدايه

(الارواح جنودا مجنده من تقابل منها ااتلف ومن تنافر منها اختلف)

ااتلاف الارواح شيء صعب مش اي حد ممكن نرتاح معاه ومش اي حد ممكن نلاقي معاه التوافق الروحي والشعور والاحساس الطيب والدليل علي كده ان في ناس كتير بتكون عايشه معانا سنين تحت اي مسمي سواء الرابط كان زواج او صداقه او اخوه او من العصبه لينا وبنحس اننا اغراب بنحس اننا في وادي وهما في وادي تاني بس الظروف والعوامل الموجوده جبرتنا انهم يكونوا في حياتنا او جزء منها او يمثلوا الحياه بالنسبالنا واحنا مختلفين اختلاف تام ومجبرين علي اننا نكمل حياتنا دي مهما كانت العواقب .....
وفي ناس من اول مره بنشوفهم وبنقابلهم بنحس انهم السند لينا وكاننا بنعرفهم من زمان .. من زمان اوي كمان الاشكال مش غريبه علينا ومالوفه بالنسبالنا بنحسهم ويحسونا وبنعيش معاهم بكل رضا مش عشان هما بيشبهونا بالعكس عشان هما مختلفين عنا وبيكملونا هي دي الحقيقه ناس كتير تقلك احنا دماغنا زي بعضينا طيب تمام ... انا هعمل ايه بحد عنده نفس مميزاتي نفس طريقه تفكيري انا محتاج الشخص الي يكملني الي يعوض النقص الي عندي سواء كان النقص ده معنوي او نقص تفكيري او نقص تامل وابداع المهم انه هيكملني وهيقبلني بكل تفاصيلي زي منا مش محتاج اني اثبت او اخرج الحاجه الحلوه الي جوايا عشان اقنعه او يقتنع بيا شعار جميل حبيته وماشي بيه في حياتي .....
لن احاول ان اغير من نفسي لارضي الاخرين هذه حياتي احبها ان لم تعجبك ليست مشكلتي لان غيرك يعشقها بجنون.......
حلو المبدء ده للي يفهمه ويعمل بيه انت زي منت الي عاجبه عاجبه والي مش عاجبه هو حر وانا كمان حر مالم اضر......
الناس الي عايشه حياتها دون ااتلاف الروح دي بتكون معذبه في الارض ومبتصدق تقابل او تلاقي شخص يكون معاهم قلبا وقالبا ودايما الشخص المناسب ليهم بيجي في الوقت الغلط ورغم كده عايشين وراضيين ويكفي لما تسالهم عن احوالهم يكون ردهم المعتاد دايما ....... الحمد لله

انثي لا تنسي

جيسي
نعم يارندا خير في ايه ومين الي انتي جبتيه معاكي البيت ده وجبتيه ليه من غير ما تقوليلي
استني بس هو خدوهم بالصوت ليغلبوكم
لا صوت ولا نيله
قبل ما تتقمصي وتزعلي انا متفقه مع مامتك وباباكي وهما الي حددوا الميعاد
بجد والله وانا ماليش راي
لا طبعا انتي الكل في الكل هو من غيرك هيحصل حاجه زي كده
كويس انك فاكره وعارفه حاجه زي دي
بس انا عملت كده عشان عارفه رايك
طالما يابرده عارفه راي ليه تعملي حاجه زي دي علي الاقل قوليلي
عملت كده عشان بحبك وعاوزاكي تكوني سعيده
انا عارفه والله ياقلبي بس مش متخيله اني هتجوز حد وحد يكون في حضني غير الله يرحمه
جيسي الشخص ده كويس ونجرب واكيد مش هتفضلي طول عمرك كده انتي نفسك في بنت او ولد واكيد مش هتجبيهم لوحدك او تشتريهم من السوبر ماركت وانا نفسي بجد افرح بيكي....
انا مقدره شعورك ده وانتي عارفه انك اغلي حد في حياتي ياراندا
يبقا خلاص نتمم الموضوع ده
مش عارفه بجد
علي فكره امك وابوكي مقلقين منك وخايفين انك ترفضي وانا قلتلهم سبوني اتكلم معاها
ماشي يارندا هشوفه واقعد معاه بس لو معجبنيش هرفضه ومش هعمل حساب لحد
محدش هيجبرك تعملي حاجه غصب عنك
ده اكيد
قومي بقا البسي كده وضبطي حالك
ليه هو انا كده وحشه
لا بس البسي
بقلك انا كده زي منا والا والله .....
متكمليش الله يخربيت مخك خلاص زي منتي تعالي ........
انتي مقلتليش مين الي امه داعيه عليه ده
انتي مش عارفه
لا والله ما اعرف هعرف منين
ده تامر
تامر الكابتن
ايوه
يخربيتك ويخربيته انتوا مبتهمدوش
وهنهمد ليه بقا
انا قلتله لا
وهو مصمم عليكي وشاريكي ودخل من الباب..
ولا من الشباك ماشي
يالا تعالي...
يالا ...

دخلت جيسي غرفه الضيوف واذا بتامر يجلس مع ابوها وامها واخوتها دخلت جيسي والقت السلام وجلست بجوار والدها وعيون تامر لا تنزل من عليها وهي متعجبه منه لدرجه انها كانت خجوله جداا تحدث تامر مع والدها وقال

ان شاء الله كتب الكتاب امته ياعمي
مش لما يابني العروسه توافق
اه صح معلش نسيت
لا يابنتي معندناش بنات تتجوز غصب عنها
وده الاصح والاصول ياعمي
انا هسيبكم تقعدوا مع بعض شويه تتكلموا وبعد كده نشوف قراركم ايه
خرج الجميع وترك تامر وجيسي لوحدهم بالغرفه فقالت جيسي
راندا استني خليكي معانا هنا
استني فين انتي هبله
لا عادي عوزاكي معايه
لا طبعا مينفعش خليكم مع بعض خدوا راحتكم
يابت استني
لا والله ماينفع دانا ابقي بارده اووي يمكن الراجل عاوز يقول كلام ومكسوف مني عن اذنكم

جيسي
نعم
انتي خايفه مني ولا مكسوفه
عادي لا خايفه ولا مكسوفه
طيب وليه عاوزه راندا تفضل معانا
كده مش هي الي جبتك
جبتني علي اساس اني حد من الشارع وسحبتني وراها عيب كلامك ده
متفهمنيش غلط انا مقصدش حاجه
بصي يابنت الناس انا راجل وابن ناس وشاريكي ودخلت من الباب مش بتاع لف ودوران وجيتلك في الدوغري ومش هتكلم كتير معاكي شوفي نفسك وردي عليا وده كلامي ولو قلتي لا مش هغصب عليكي ولا هجيلك تاني انا يمكن قللت من نفسي لما كلمتك ولما جيتلك هنا بس كل ده عشان بحبك وشاريكي مش هطول عليكي وهمشي
استني بس متخدنيش علي الحامي كده
مافيش كلام تاتي يتقال
لا في
ايه هو
انا معرفش عنك حاجه خالص
لما توافقي عليا هتعرفي عني كل حاجه
اعتبرني وافقت
وافقتي عشان تعرفي عني كل حاجه متعتبرش موافقه ...
وتعتبر ايه دي
تعتبر انك حابه تعرفي انا مين
وده من حقي
اكيد حقك وهقلك انا مين

حكي لها تامر حياته كلها من البدايه للنهايه اعجبت جيسي بحياته وكفاحه ولكنها لا تستطيع ان تكون معه يوجد حاجز بينهم وفجوه عميقه ولكن البدايه مشوقه وبعد حديثه معها قررت جيسي الارتباط به رسميا......
دخل ابوها وقال
ها ياجيسي قلتي ايه
موافقه يابابا بس عندي شروط
شروط ايه
كتب الكتاب والدخله الاسبوع الجي علطول ومافيش فرح ولا فستان فرح
ليه بقا ان شاء الله مطلقه قبل كده ولا ايه ما تتعدلي يابت في كلامك
ده شرطي يابابا

رد تامر قائلا
وانا موافق علي كل شروطك
انت بتقول ايه يابني
ياعمي بقول موافق علي شروطها لو ده يريحها
والله انتوا الاتنين احرار بس ده جنان
المهم انها تكون مبسوطه
علي بركه الله ومبروك ياولاد

عمت الفرحه البيت كله والزغاريط ملئت المكان وكانت السعاده مرسومه علي اوجه الجميع الا جيسي فكانت تفكر هل ما فعلته صواب ام خطأ ولكنها كانت راضيه عن قرارها .... الفرحه حلوه ربنا يفرح الجميع
وهكذا انتهت حكايه الارتباط قبل ان تبدء ودخلت لمرحله الزواج.....
وفي يوم الخميس علقوا الزينه وجائت الاهل والاقارب لحضور الزفاف اتي الجميع واتا تامر مع اهله وكانت حفله الزفاف بسيطه جداا بعض الاغاني لم يدم العرس لمده ساعتين واخذ تامر جيسي الي بيتها وعش الزوجيه مع استغراب الجميع وظن البعض ان تامر يصلح غلطته مع جيسي التي لم تحدث من الاساس لمت بدر منها من تصرفات كيف ان عروس ليله زواجها تلبس فستان عادي جداا ولا تلبس الابيض ولكنهم لا يعلموا انها تنفذ وعدها بانها لن تلبس الابيض الا لعمر ....
حمدالله علي سلامتك ياعروسه نورتي بيتك
منوره باهله
انتي الي نورتيه ياروح قلبي
تسلم
عارفه نفسي في ايه
في ايه
اخدك في حضني
بص ياتامر هنتقف اتفاق
اتفاق ايه
مافيش...................
انتظروا الجزء القادم
من انثي لا تنسي
ماستر راقي