انثي لا تنسي
الجزء السادس عشر
تحقيق الحلم
الامومه
احلي كلمه ممكن تسمعها في حياتك وتحسها وتبقي سعيد جداا بيها كلمه غاليه كتير ومش بالساهل انها تنقال ليكي او ليك ممكن تعمل المستحيل عشان بس نظره عطف بضحي وبتكافح وتكد وتشتغل عشان توفر العيشه الكريمه لصاحب الكلمه دي .....
الكلمه دي هي ماما او بابا ...... انك تكوني ام انك تحققي حلم كتير حلمتيه انك تشوفي ثمره حياتك ونتاجك قدامك هو الي بيمدك بالقوه هو الي بيديكي الامل في بكره لو تعب في يوم بتكوني اول حد يقف جنبه ومبتنميش طول الليل سهرانه جنبه عشان كلمه ام مش بالساهل .....
والاب بيضحي بكل سعادته عشان ابنه يعيش حياه كريمه بيستكتر علي نفسه يجيب بنطلون او تيشرت عشان يلبس ويقول ابني او بنتي اهم ...
النظره في عنيهم بالدنيا وما فيها وربنا يدي كل محتاج الذريه الصالحه ......
مابالك انت ياعزيزي القاريء اذا كانت الام دي هي الام وهي الاب وهي العائل الوحيد للطفل ده الي زي دي يتعملها تمثال ايوه لانها بتربي وتصاحب وتصرف وتتاقلم وتتعب ومحدش يقلها مالك ونرجع بعد كل ده ويقلك النساء ناقصات عقل ودين ...... طيب ياغالي لو كان عندها عقل ودين كانت طلعت القمر علي كده لما تكون بتعمل كل ده وهي ناقصه عقل ودين .....
وكما قال الشاعر
الام مدرسه ان اعدتها اعدت شعبا طيب الاخلاق
فعلا هي المطبخ هي المعلم هي الدكتور هي الي بتطبطب هي الي بتعاقب هي الام هي الاب هي كل حاجه حلوه في الدنيا
ربنا يخلي كل ام عايشه ويحافظ عليها ويرحم كل ام ماتت وبعدت عننا....
الجنه تحت اقدام الامهات
والضنا غالي ........
انثي لا تنسي
مش قلتلكم انا كسبت الرهان مش قلتلك ياخالتوا مش قلتلك يالما
والله لا مكسبتيش .
ازاي بقا انتي مش قلتي مبروك ياجيسي
ايوه قلت
طيب مبروك علي ايه
مبروك انك حامل
انا حامل.
ايوه حامل في الشهر الثاني
لا بتهزري
لا مش بهزر ياجيسي
ازاي طيب حامل غريب بجد
ايه الي فيه غريب
ازاي بقيت حامل
انتي مش كنتي متجوزه
ايوه
يعني عادي انك تكوني حامل
مش عارفه انا متلخبطه ومش عارفه افكر
ليه يابنتي انتي مش كان نقسك في عيل
ايوه
طيب ما ربنا كرمك
بس ايه ذنبه الولد ده يتربي من غير ابوه
هيتربي وهيعيش
اكيد
انتي ناويه علي ايه ياجيسي
تصدقي لو قلتلك مش عارفه هعمل ايه
يدبرها ربنا من عنده
علي الله
ذهبت جيسي الي البيت وهي في حاله لا يرثي لها لا تعلم هذا الحمل يفرحها ام يحزنها مترده جداا ولا تعلم هي حزينه ام سعيده دخل عليها والدها ....
مبروك ياجيسي
علي ايه يابابا
علي الحمل يابنتي
والله يابابا ما عارفه اقول ايه
ايه يابنتي مالك
محتاره اوي يابابا ومشتته الفكر
ليه يابنتي بس
الولد ده هيتربي ازاي ويعيش ازاي وهيكون من غير اب كده الموضوع ده مش مستوعباه بجد ودماغي هتنفجر
انتي مش كان نفسك في ولد او بنت
كانت امنيتي اكون ام يابابا
وربنا بعتهالك وحققلك امنيتك دي
عارفه يابابا بس الوقت والظروف
ظروف ايه يابنتي هو احنا مش هنعرف ناكلك انتي وابنك مثلا ولا مستكتره عليا اكون جد
لا طبعا يابابا ربنا يخليك ليا ياحاج
ايوه كده اتعدلي
حاضر
افرحي يابت بقا وعيشي دور الام والحمل ومتخفيش من حاجه
تسلملي ياقمر
انتي الي قمري
حبيبي بقا ياناس
انا عاوز اعمل حاجه
حاجه ايه يابايا
هتصل بتامر اقله
وليه
الله هو مش ابوه ولازم يعرف انك حامل
لا ده ابني انا وبس مش ابنه
بلاش هبل وعبط يابت
هبل ايه بس يابابا مش عاوزه منه حاجه
ياهبله الحاجه الوحيده الصح الي حصلت في الجواز ده الطفل ده الحسنه الوحيده الي استفتديها
اه والله ياحاج
والله منا عارف
مش عارف ايه
عيال بتجيب عيال
انا عيله ياحاج
ههههههههه اه والله عيله وستين عيله كمان العيال بقت امهات وبتجيب عيال
اتصل والد جيسي بتامر
سلام عليكم
عليكم السلام
اخبارك ياتامر
الحمد لله ياحاج
عامل ايه
بخير ونعمه الحمد لله
انا متصل بيك عشان اعرفك حاجه
خير ياحاج جيسي فيها حاجه
لا جيسي بخير
طيب في ايه لو بخصوص النفقه وكده شوفوا المحامي وزي ما تتفقوا
تفقه ايه وهباب ايه اسمع
نعم ياحاج سامعك
جيسي حامل
حامل ازاي
ايه الي حامل ازاي حامل هتجيب بيبي عيل صغير حامل بطنها مليانه حامل يعني انت هتبقي اب....
بجد ياحاج
لا متصل اهزر مع امك انا
معلش اصلي مش مستوعب الف مبروك ياحاج
حاسك كده مش مبسوط
لا ازاي عادي بقا
وهتعمل ايه في العادي ده
عندي حل حلو
الي هو
بدل ما ابني يتربي بعيد عن ابوه او فيما بعد بعيد عن امه لما يكبر هاخده منها ارجع جيسي ياحاج ونعيش مع بعض واحطها في عيني
والله انا مقدرش اقرر حاجه زي دي صاحبه الشأن هي الي تقرر
تمام شوفها ياعمي وانا موافق علي كل طلباتها
ماشي
هنتظر منك تليفون تبلغني بالي حصل
وانت خلي عندك دم واتصل بيها باركلها اعتذر لها من الي حصل منك والي فات واقنعها انكم هتبدئوا حياه جديده وكده رغم اني عارف ان دماغها ناشفه والله ومهما عملت بس نحاول معاها وكل شيء جايز
حاضر ياعمي
ربنا يصلحلكم الحال
بس نفسك ياعمي معانا وكل شيء معاك هيبقا تمام لان جيسي بتحبك وبتسمع كلامك
هحاول
ماشي ياعمي
بعد ساعه دق هاتف جيسي رقم غريب
الووو
الووو ايوه
هو انت
ايوه
خير عاوز ايه
الف مبروك الاول
الله يبارك فيك
انا سعيد جداا ان ربنا روقني بطفل منك
وانا سعيده انا كمان ان ربنا رزقني بطفل بس تعيسه انه منك .....
تعيسه
ايوه تعيسه جداا كمان
جيسي عشان خاطر ابننا نرجع ياجيسي ونربيه بين احضانا عشان خاطر مستقبله
والله ولما هو كده مفكرتش ليه من البدايه في كده ...
معلش حقك عليا كانت نزوه وراحت لحالها انا اتغيرت ياجيسي بجد عشانك
اسمع كلامك اصدقك اشوف امورك استعجب
فكري بس ياجيسي ومترديش دلوقتي غشان خاطر ابننا او بنتا فكري ...
ماشي طيب هفكر
ايه يابنتي
نعم ياماما
جوزك كلم ابوكي وعاوز يرجع رايك ايه
مش عارفه والله
فكري كده بالعقل وشوفي الصح ايه واعمليه ومحدش هيغصبك علي حاجه
اكيد ياماما حاضر
عشنا وشفنا العيال بتجيب عيال دنتي عاوزه الي ياخد باله منك هتاخدي بالك منه ازاي
هههههه بلاش احراج بقا ياماما دنا هبقا احلي ام في الدنيا
اتمني ده بجد
باذن الله وهتشوفي
ماما
نعم
هي بطني كبرت
ربنا ما يحرمك من الهبل انا عارفه ان الهبل وراثه في العيله دي يعني خامل في الشهر الاول وتقول بطني كبرت
اه مش بتكبر هي
لا مش بتكبر دي بتبقي منفوخه من كتر اكل الكرونب يالا ياهبله
حبيبتي ياحاجه
هههههههههه ربنا يسعدك ويوفقك يابنت
بعد اسبوع اتصل تامر بجيسي ليسالها عن قرارها هل سترجع له ام لا
فكان رد جيسي انه ........
انتظروا الجزء القادم من
انثي لا تنسي
ماستر راقي
أنت تقرأ
انثي لا تنسي
Misterio / Suspensoفتاه جميله وجريئه جداا صريحه وواضحه محاطه بحفنه من الرجال احبت شخص وكان كل حياتها وتوفاه الله ومن وقتها وهي مشتته وحائره تتمتع بانوثه طاغيه وتعتبر ساديه بالفطره ذات رونق وجماال واحبت شخص اخر سادي ولكنها لا تعترف بحبها هذا لانها خائف من ان تخسره تابع...
