زينه

زينه 17💕

يوم الخطوبة
الصباح عديتو كلو ونسه مع اسد الصراحة اليوم كلو معاه😂💕... المغرب لبست فستان بصلي فيه ذيل طويل من ورا(بحب الفساتين دي💕) ومن فوق ابيض ولانو في الكوفير كان بهدلوني جبت ميكاب ارتست عملت لي ميكاب هادي جاء اسد وقف مسافة يعاين لي

اسد:زينه فستانك
زينه:حبيبي اخر مرة
اسد:متأكدة ؟
زينه:بحاول وبعدين طالع حلو😉
اسد:احمم انتي بتشاغليني😂
زينه:ياخي في زول قدامو لحية بالجمال دا وما يشاغل😂

ضحك بصوت عالي بعدها طلع تلفونو اتصورنا صورة بالمراية وحدة كنت بلعب بشعرو والتانيه بايساه في خدو ووحدة ماسك يدي

نزلنا تحت والناس بدت تزغرت بعدها لبسو عبد العزيز وحلا حتى عبد الله وشموع حتى انا واسد (نظام من الكبير للصغير)

بعد الخطوبة خلصت والناس مشو كل زول ساق حبيبتو وطلعو

زينه:ااسدد
اسد:غيري وتعالي
زينه:كويس
اسد:الطرحة
زينه:اسددد
اسد:عشاني
زينه:طيب

مشيت لبست فستان زيتي كامل من فوق مع الجسم ومن تحت واسع وطرحة اوف وايت وسلسل فضي وشبط اوف وايت ونفس الميكاب ما غيرتو.... طول الطريق كان ماسك يدي

زينه:اسد فك يدي
اسد:لا دي حقتي من الليلة
زينه:لسا شوية
اسد:ممكن ارجع اخليهم يعقدو مع صلاة الصبح
زينه:لا خلاص ما تتحرك
اسد:طيب

طلعت تلفوني صورت يدو وهو ماسك يدي ورسلتها ليه

اسد:زينه طلعي تلفوني من جيبي
زينه:طلعتو
اسد:افتحيه بتلقي صور قبيل اعمليها خلفية للجوال ورسلي لي صورة قبل شوية
زينه:الباسويرد
اسد:Z
زينه:وااي دي منو
اسد:Z انتي😂
زينه:اللهم لا تؤاخدنا بما لا طاقة لنا به😂😂💕حبك انا
اسد:وانا كمان

عملت القالو ولقيت مسج من احمد بسألو مشينا وين قعدت ادردش معاه بعدها فتشت اسمي لقيتو مسجلو "♥️♥️♥️♥️Ro7y" فتشت لقيت انو ما خاتي قلب لزول غيري انا وامه وابوه ابتسمت ليه ابتسامة كبيرة

اسد:مالك😂
زينه:باسويرد واربعة قلوب وانا ما عاملة ولا حاجة من دا
اسد:عادي حبيبي المهم انك معاي وصلنا

بعدها وقف وجاء فتح لي الباب نزلنا في مطعم كان حاجزو كلو عشانا بعد اكلنا واتونسنا بعد قعدنا في شارع النيل بقا يتكلم وانا سرحانه فيه.. استغل الفرصة وباسني في خدي

زينه:اسسد😨
اسد:روحو😂عايني خدودك حمرت كيف😂😂💕
زينه:اسسسدد
اسد:خلاص خلاص اسف😂😂💕

بقينا نتونس وانا منزلة راسي

اسد:حبيبي ارفعي راسك دا كلو خجل😂 طيب وليلة.....
قاطعتو:اسسدد احسن تسكت
اسد:حاضر ح يجي يوم انا اسكتك😂😉
زينه:الساعة كم
اسد:1 ونص
زينه:شششننوو
اسد:1ونص يلا عشان اتأخرنا

مشينا البيت دخلت نمت طوالي

الصباح
ماما:زينه فضل ليك كم عشان تخلصي جامعة
زينه:اسبوع
ماما:معناها تتحبسي الاسبوع البعديه
زينه:حااضر يلا بالاذن انا طالعة

بست راسها وطلعت اول ما وصلت الجامعة لقيت شموع كلمت الجامعة من كبيرها لصغيرها.......باركو لي وانا من شدة ما هم كتار ما قدرت افرق يينهم😂😂

عديت الاسبوع في الجامعة اخر يوم احتفلت مع شموع ودينا بعدها كل واحدة مع راجلها... اسد طلعني لفينا الخرطوم كلها وحددنا العرس بعد تلاته اسابيع رجعت البيت اول ما فتحت غرفتي لقيت..................