زينه

زينه 2 💕

زينه:عممممموووووو
عمو :زينه كيفك
زينه :تمام والله وانت
عمو :الحمد لله يا بتي
دخل عبد الله مبتسم
عبد الله :دايرة تغطي على نسيتك ليهم في المطار😂
زينه :عبد الله احسن تسكت

اتونسنا شوية وطلعت غرفتي نمت.... الصباح لبست بنطلون اسود وبلوزة رصاصية كاملة وعملت ايلاينر وروج كبدي

زينه:اسمك منو
.... :احمد
زينه:نطلع؟
احمد:اكيد
زينه:نادي اختك
احمد:هندي جات
زينه:تطلعي معانا؟
.... :ايوه
عبد الله :انا ماشي
زينه:انا بسوق
اشر لي وطلعنا فطرنا برا ولفينا الخرطوم رجعنا المغرب

بابا:زينه ما تخربي الاولاد
زينه :دا عبد الله😂
عبد الله :شنوو كذابة😳
عمو:تخرب ليهم شنو ديل يخربو بلد😂
احمد:شنو تخربو برستيجنا كدا
زينه:بعد مشاغلات قبيل احسن تسكت😂
خالتو اميمة(امهم) :منو شاغل منو
احمد: لا لا ولا زول😅

بعدها طلعت نمت... تاني يوم لسبت بنطلون اسود وبلوزة سوداء كاملة فيها وردة حمراء وايلاينر وقلوس

بابا:زينه ممكن تمشي المطار
زينه:الجاي منو
بابا:ولد عمك الكبير
زينه:الاء ارح معاي لاني ما بعرفو
الاء:ط ططيب

في العربية
الاء: عارفة يا زينه انتي كل حاجة فيك حلوة
زينه:كيف
الاء:مثلا ما بتتحجبي واهلك ما بضغطو عليك في اللبس وعندك الحرية تعملي اي حاجة
زينه:لانهم واثقين في تربيتهم وفي اني مستحيل اغلط وانتي كمان عمو ما ضاغط عليك باي شكل

تنهدت مسافة حتى اتكلمت

الاء:ما بابا

وبعدها سكتت ما حبيت اضغط عليها كتير لما وصلنا طلعت طرحة اتحجبت بيها... طلعو ولدين واحد اسمر والتاني قمحي فاتح والاء جسمها بقا يرجف وجاب الوان ومسكت يدي

القمحي:انا الف مرة قلت ما تلبسي الزفت دا😡😡
الاء:انا انا
....:اخر مرة والا
قاطعتو:والا شنو اقدر مد يدك عليها ولا نجوم السماء السبعة ما بتمنعي منك😡
.... :وانتي منو اصلا😡
زينه:زينه
داير يتكلم قاطعتو
زينه:شيلو شنطكم وسريع بالله😒

حمر لي وشال شنطتو وركب ورزع الباب التاني ركب معاه الاء ركبت قدام بدت دموعها تنزل مسكت يدها وابتسمت ليها يعني انا معاك وصلتهم وطلعت غرفتي افكر في الاء الباب دق

زينه:ما دايرة زول
.... :انا عبد الله
زينه:ادخل
عبدالله :انتي كويسة؟
زينه:ايوه
عبد الله :كذابة وواضح انك مضايقة
حكيت ليه... صح دايما بنتشاكل بس هو اقرب زول لي
عبد الله :طيب يمكن عملت حاجة غلط
زينه:ما عارفة
عبد الله :شوفي يا زينه ماف اخو بعامل اختو كعب مهما يكون اكيد هي عملت حاجة وهو زعلان منها لفترة وبعدين نسيتي دا صديق طفولتك
زينه:كان يا عبد الله
عبد الله :خلينا منهم يحلو مشاكلهم براهم ارح عازمك جردل ايسكريم
حضنتو لانو بالجد خفف علي بعدها طلع وعزمني وونسني لما رجعنا من التعب رقدت طوالي نص الليل في حسيت بحاجة تقيلة فوق يدي عاينت وقلبي قرب يقيف من الصدمة