رشاد:خير
زينه:بت عمي كان اجهضت واسي تعبت
رشاد:وين هي
زينه:في الزيتونه
رشاد: ارح
زينه:لكن...
قاطعني:كنت معاك معناها لازم امشي
مشيت لقيت اسد وعبد الله
زينه:عبد الله مالها
عبد الله :جاها نزيف فجأة
زينه:وحسام
عبد الله:قاعد معاها جوا
لقيت اسد بعاين لرشاد
زينه:رشاد دا عبد الله اخوي واسد ولد عمي دا رشاد معانا في الجامعة
رشاد:تشرفنا
عبد الله :الشرف لينا
اسد بس ابتسم ببرود قربت اخنقو من البرود الفيه بعد ساعة طلع الدكتور
........ :حاليا هي اتجاوزت مرحلة الخطر بس ح نخليها تحت المراقبه 24 ساعة
ومشا طلع حسام اسد عيونو بقت زي الشرار اسد مشا عليه اداه كف لما خشمو كبا دم وطلع عبد الله لحقو وحسام طلع الجو بقا مكهرب
زينه:رشاد اسفه على الحصل
رشاد: ماف داعي للاعتزار اي عائلة فيها مشاكل
زينه:ممكن تمشي لانو.....
قاطعني:لا انا ح اقعد
بعدها سكتنا بعد مسافة اتصل علي احمد رديت
زينه :شنو يا احمد مالك
... :انا عمك محمد
لساني اتربط
زينه:ا ا ا
عمو:الاء وين
زينه:معاي
عمو:اي معاك وين
زينه:في بيت شموع لي في حاجة؟
عمو :لا بس قلبي قبضني عليها وقلت اطمن
زينه:كويسة ما تخاف يلا سلام
عمو:سلام
قفلت منها بقيت ابكي ورشاد بهدي فيني اسد وعبد الله جو لقوه ماسك يدي اسد ملامحو اتغيرت
اسد:تعبانك معانا ممكن تمشي وشكرا ليك
رشاد:دا الواجب بالاذن
مشا ولحقتو
زينه:رشاد انا اسفه عشان كلام اسد
رشاد:وانا ما زعلت وماف داعي للاعتزار
زينه:زلت عني هم ياخ
رشاد:ما بزعل من حاجة تخصك😉 يلا
مشا وخلاني ملخبطة وماشة ما مركزة لما وصلت لعبد الله
عبد الله:زينه
زينه:ا اه
عبد الله:سرحانه في شنو
زينه:رشاد واسد
قلتها بدون ما اركز... لقيتو برفع لي في حاجبو
عبد الله :مالهم😂
زينه:اسد منهار مع الاء ومرة قاسي ومرة تصرفاتو غريبة زي لما طرد رشاد
عبد الله :محتاجة زمن عشان تفهميه
سكتت مسافة بفكر في كلامو لما نمت في الكرسي... صحاني عبد الله تاني يوم وصلت الاء البيت وهو مشا مع اسد وحسام من كف اسد ما رجع... وصلتها وما لقينا زول
تاني يوم
مشيت الجامعة لاقيت رشاد
زينه :مالك مضايق
رشاد:عندي ملفات بالايطالي محتاجة ترجمة
زينه:انا بترجمها
رشاد:شكرا ليك ياخ
زينه: ما بينا
الولد لما وشو طلع نور... قعدت ساعة ونص اترجم بعدها اتصل عبد الله
رشاد:خير
زينه:اخوي عازمني... ح ارسل ليك الايميل في مسج رسل لي فيه الملفات
رشاد:طيب... يلا
زينه:يلا
مشيت ليه لقيت معاه اسد سلمت عليهم وقعدت
عبد الله :مالك اتأخرتي
زينه:كنت مع رشاد بترجم ليه ملفات
اسد عاين لي بنظرة غريبة ما قدرت افهمها بعدها اكلنا ورجعت البيت لقيت حسام في وشي عملت ما شفتو وطلعت
اثناء ما قاعدين نتعشا جا اسد
عمو:كنت وين من امبارح
اسد:في شقتي كان عندي شغل قريب منها وحبيت ارتاح هناك
حلا:تعال اكل
اسد:بالهنا انا اكلت
وطلع... استغربت فيه وملامح وشو ما بتتفسر.... عدا علينا اسبوع وعلاقتي مع رشاد ماشة زي الفل لحدي ما في يوم
رشاد:زينه بعدين عازمك
زينه:وين
رشاد:برسل ليك اللوكيشن
زينه:تمام
رجعت البيت وفي بالي الف سؤال وسؤال لاقيت حلا
حلا :مالك
زينه:رشاد قال عازمني بعدين
حلا:مالو
زينه:حلا ما تتبسمي زي ام العروس
حلا:اسفه مالو😂
زينه:ما عارفة
المساء لبست فستان اسود فيه ورود بالفضي والرصاصي من تحت وطرحة رصاصية في نص راسي وميكاب هادي لكن طلعت تحفة
لاقيت احمد واسد وجود
احمد :ينفع اعرسك
زينه:ما بعرس شفع😉
جود:على وين
زينه:رشاد عازمني
رفعت لي حاجبها وقالت:الساعة 9
زينه:اي شفتها قبل ما اطلع يلا تشاو🙋💕
وطلعت خليت اسد بعاين بنظرة ما قدرت افهمها مشيت لقيت..................
أنت تقرأ
زينه
Diversosانا زينه بنت سودانيه مجنونه بسبب فضولي الزايد وقعت روحي في اغلاط... اقروها وان شاء الله تعجبكم💕
