لقيت الاء واقعة في الارض وسايحة في دمها بقيت متجمدة قريب ربع ساعة بعدها جريت جبت ليها عطر شممتو ليها صحت💔
الاء:زينه اعفو لي كلميهم يعفو لي😢
زينه:الاء ما ح تحصل ليك حاجة
الاء: في دفتر في غرفتك اقريه
وبعدها اغمى عليها... ناديت البواب تكلها طلعها العربية اتصلت كلمت عبد الله جاء بعد ربع ساعة
عبد الله :وينها
زينه:في غ ر ففة العمم ليات😭😭
عبد الله :اهدي ما ح تحصل حاجة
حضني وبقا يهدي فيني وهو داير البهديه.. طلع الدكتور لقا اعصابي منهارة
الدكتور: وين زوجها
عبد الله :لي
الدكتور:المريضة كانت بتحاول تجهض وعندها نقص في الدم ونزيف داخلي
هنا عبد الله ختا راسو بين يدينو وانا بقيت ابكي بطريقة هستيرية جات ممرضة ادتني مهدئ ونمت
صحيت لقيت روحي في غرفة
زينه:حصل ليها شنو
عبد الله ساكت ودموعو نازلة
زينه:عبد الله حصل ليها شنو
عبد الله :ك كويسة
زينه :عبد الله حصل شنو😭
جات الممرضة
زينه:لو سمحتى الاء محمد حصل ليها شنو
الممرضة:كويسة بس اجهضت الجنين
طلعت وانا من الصدمة ما قادرة ارمش عبد الله بتكلم وانا سرحانه لما ضربني كف خفيف حتى جمعت
عبد الله :زينه هي بتغلط واكيد عارفة انو دا ح يحصل
زينه:واهلها
عبد الله :ما لازم يعرفو عمو ممكن يروح فيها
زينه :واسد
عبد الله :زينه لا الا اسد دا متهور ممكن يعمل اي حاجة
زينه:دا اخوها لكن
عبد الله :ما اخوها
زينه:كيف يعني
عبد الله :اسد اخوها من ابوها
انا هنا بقيت اجمع من الاء قالت ما عندو حق لكلام عبد الله حتى فهمت بعدها جات الممرضة
......:المريضة صحت
عبد الله :طيب جايين
مشينا ليها وهي عينها ما قدرت ترفعها تعاين لينا اصلا ح تعاين لينا بياتو وش... تكلتها ودخلنا البيت لقينا الناس كلهم قاعدين
اسد:في شنو
زينه:ليها كم يوم ما بتاكل كويس وهبطت
محمد:طلعيها غرفتها لو سمحتي
زينه:حاضر
طلعتها وسكتت قعدت في غرفتها وبقت تبكي طلعت لقيت اسد في وشي قعد يتكلم واريتو ما اتكلم....................
أنت تقرأ
زينه
Aléatoireانا زينه بنت سودانيه مجنونه بسبب فضولي الزايد وقعت روحي في اغلاط... اقروها وان شاء الله تعجبكم💕
