قال لي شنوو؟،،،كيف يعني،،،حكيت ليهو قصة الاسورة والقروش وسرقة التلفون💔،،،،قال لي انا عارف انو دي فترة مراهقة والواحد بعمل فيها اي شي،،،بس ياربي بسام و امجد ديل بسرقوا لشنو؟،،،،انا لي قعده معاهم،،،يا مشوا عديل،،،يا كمان ح اخليهم غصبا عن عينهم يمشوا عديل،،،،،قولته ليهو بس ناس بيتنا ماعارفين بعمايل امجد دي،،يعني ممكن يفهموك غلط لو حاولتا تتكلم مع امجد،،،قال ليها طيب أنا ح اديهم صنة،،عشان بالمرة اعرف هم بعملوا بالقروش دي شنو،،،،قولته ليهو وح تعرف كيف؟،،،،قال لي ما اكيد الشغله الهم بسرقوا عشانا دي بتكون عاوزة قروش كتيييرة،،،،فاا نحنا نصبر حبة،،،تاني ح يسرقوا،،،انتي بس خليك متابعه مع إيثار،،،لو فقدت حاجه هي أو زول من ناس البيت خليها تكلمك،،،وأنا بكلم جود،،،،لازم احسم الموضوع دا،،لانو لو اتطور ديل ممكن يسرقوا من برة💔،،،قولته ليهو فعلا💔،،،،قال لي ماعاوز منك حاجه غير تاكلي،،،،قولته ليهو مانفسي في اكل خالص،،،عايزة انوم بس،،،،قال لي لا تاكلي وبعدين ننوم،،،قولته ليهو يا الله منك،،،قعد ياكل فيني كم لقمة،،بعدين قال لي اكلي براك😂😂👊،،،،،اكلتا شوية وقومتا،،،،صليت العشاء وقعدتا ادعي،،،،كنتا لسه في المصلاية،،،،بدر جااا ورقد في رجولي،،،قولته ليهو مالك؟،،،قال لي اشتقتا ليك❤،،،،بقيت اخلل ليهو شعرو بأصابعي،،،قولته ليهو وانا كمان اشتقتا ليك❤ اشتقتا ليك شديد❤،،،،قال لي ماعايزك تشيلي هم،،،ح احل مشكلة ناس بسام دي،،،قولته ليهو ان شاء الله تتحلى❤،،،قال لي طيب يلا ننوم😙،،،،قولته ليهو طيب،،،قال لي الليلة وين حاضر👊😂😂😂،،،،قولته ليهو طيب وحاضر مع بعض❤،،،فضل يعاين لي❤،،،،قولته ليهو قوم يلا رجولي وجعتني،،،قال لي هوي يا مرة هوي،،،،خليهم يوجعوك،،راحتي اهم شي😂😂😂،،،قولته ليهو انا مرة يا بدر😨،،قال لي وانتي شنو مثلا😂😂👊👊👊قولته ليهو ماتقول لي مرة😔،،،،قال لي خلاص ست البنات❤،،،،قولته ليهو اي كده ممكن❤،،،قام من رجولي وجراني من يدي،،،،،لما بقيت واقفة قصادو ضماني عليهو❤،،،،قال لي لي 10ايام من حضن زي دا❤،،،قولته ليهو حرام،،،أنا كل يوم بتحضن،،،،فكاني وفك لي التوب وبقى يسألني من منو ان شاء الله،،،قولته ليهو من ايثار من جود من ايمان من جيهان من امي من عمتو سميرة❤،،،قال لي حظك يااخ،،،،،قولته ليهو بس حضنك ماليهو شبيه❤،،،،بقى يضحك،،،قال لي يا فهيمة اكيد ماح يكون عندو شبيه لانو مختلف❤😂،،،،ورجع ضماني تاني❤❤،،،،،،،،،تاني يوم صحاني،،قال لي قومي اعملي شاي انا طالع،،،قولته ليهو طيب،،،دخل الحمام وأنا رجعتا نومتااا،،،طلع لقاني نايمة،،،،اتوضا وصلى،،،تاني جاا صحاني،،،قولته ليهو بدر ما قايمة ياخ خليني انوم،،،قال لي قومي ياه بطلي كسل،،،قومي صلي واعملي لي الشاي،،،قولته ليهو حاضر،،،،عاين لي مسافة وقال لي اي شاطرة❤،،،،قومتا اتسوكتا واتوضيت،،،جيت صليت،،،لقيتو لبس ليهو بنطلون اسود وقميص بيجي مخطط بإسود،،،طبعا انا بكره القميص دا كره،،،عملتا ليهو الشاي واديتو ليهو،،،،بقيت واقفة وبعاين ليهو بنظرات اشمئزاز كده😂💔،،،قال لي مالك،،،،قولته ليهو انت القميص دا عاجبك في شنو؟،،،،دمو تقيل شديد،،،قال لي نفس دم سيدو،،،قولته ليهو معقولة!،،،،،غايتو بعد تجي من المحل،،،ح اشيلو واحرقو،،،بقى يضحكك😂😂😂😂،،،قال لي طيب طيب،،،يلا انا طالع،،مامعروف اجي متين،،،قولته ليهو مانفسك تدي مرتك روح قلبك تلفون جديد❤🙈قال لي مانفسي😂👊👊،،،والله ديل كلهم بضاعه،،،المرة الجاية بجيب ليك،،،،،،قولته ليهو نشووف😒،،،،،قام طالع وصلتو لحدي الباب،،،قال لي مصاريفك في الدولاب كويس؟،،،قولته ليهو كويس،،،،قال لي ح تمشي السوق؟،،،،قولته ليهو ماعارفة،،،احتمال،،،،بس انت ماتتأخر،،،وبعدين لما تكون جاي جيب لي معاك منقه💜،،،قال لي بتتوحمي ولا شنو؟،،،،قولته ليهو ياريت😂😂😂❤،،،،قال لي ربنا يرزقنا❤قرب مني وقال لي بالمناسبة؟،،،قولته ليهو شنو؟،،،،،قال لي جبتا ليك البنطلون المنقاوي❤،،،قولته ليهو واااي يا بدر انا بحبك❤ حضنتو وباب الشارع كان مفتوح😂😂😂👊👊،،،،قال لي مجنونة ح تفضحينا،،،،،فكيتو وقولته ليهو شكرا😁قال لي وح تلقي معاهو مجموعه مكياج وعطرين كده نسيت أسماهم في الشنطه الجنب الدولاب،،،،،بقيت اعاين ليهو وقولته شكرا ليك ياخ😭❤❤❤،،،،قال لي مانفسك تشكريني بطريقة ارقى من كده🌚،،،قولته ليهو امشي يا منحرف،،،مش وراك شغل ومشاوير👊👊👊😂،،،قال لي احم احم فعلا والله،،،،قبل يطلع مسكني وباسني بين عيوني❤ قال لي اشوفك بعدين،،،،وطلع❤،،،،قفلتا الباب وجريت الغرفة،،،،،شلتا الشنطة وفتحتها،،،بقيت اعاين للحاجات❤ اتهبلتا بالجد❤،،،،،بعد نضفتا بيتي وكذا،،،عاينتا للساعه كانت 9،،،،،ناديت كريمة بفوق،،،قالت لي انتي وين يختي ليك كم يوم ماف،،،لا حسك انتي ولا راجلك،،،قولته ليها بدر كان مسافر،،،وأنا مشيت عند اهلي،،،قالت لي اهااا،،طيب اطلعي ارح السوق،،،قولته ليها طيب،،،لبستا توبي وشلتا القروش وطلعتا،،،،مشيت السوق مع جاراتي،،،رحاب قالت لينا والله الليلة زهجانة ومعتز قفلها معاي من الصباح،،،كنتا عايزة اتحنن زاتي نفسي قفلت💔،،،كريمة قالت ليها اصلا الرجال ديل مرض سااااي💔،،،،بثينة قالت ليها حرام عليك😂😂😂،،،والله فيهم الطيبين والحنينين❤،،،قولته ليها أيوة بالظبط كده يا كريمة ماتحكمي ساي،،،قالت لي هااا كلام ساي والله،،،انتن لسه ماشفتن شي بس،،،بثينة قالت ليها طيب ههههه،،،ولا تزعلوا نفسكم،،،بعد الفطور اي واحده تشيل حنتا والعايزة تشيل حلاوتها وحطبها وتعالوني،،،اظبط ليكم قهوة💜ونقعد نتونس،،،رحاب قالت ليها انا نفسي قفلت والله يا بثينة اعفوني،،،،قالت ليها ماف حاجه اسمها نفسي قفلت،،،وبعدين ماتنسي انو نوسة دي عروس ولسه ضيفتنا❤،،،النبي تعالي،،،قالت ليها خلاص سمح بجي،،،،،لما وصلنا عايزة اخش بيتي،،،بثينة قالت اي انتي راجلك قاعد؟،،،قولته ليها لالا طلع،،،قالت لي خلاص تعالي افطري معاي،،أنا زاتي قاعده براي💔ماتجيبي اي فطور،،أنا عايزة اعمل عصيده،،،،قولته ليها طيب ادخل الأكياس دي واجي،،،،دخلتا الاكياس التلاجه،،،وكان عندي سلطه اسود في التلاجة،،عملتها سرعه،،،قفلتا بيتي وطلعتا،،،،،،هي خلت لي الباب فاتح،،طوالي دخلتا ومشيت ليها في المطبخ،،،عاملة قدام المطبخ عريشة كبيرة،،،فيها سريرين وتلفزيون ومروحه متحركه،،،وحافرة فيها حفرة الدخان،،،،،قولته ليها بيتك كبير ماشاء الله❤،،قالت لي الله ماضراك حبيبهه،،،كبير لكن ماعندي اطفال،،،فايده كبروا شنوو؟،،،قولته ليها بكرة تجيبيهم ويجننوك ههه💜،،،،قالت لي ان شاء الله❤😢،،،،،فضلتا اونس فيها لحدي ما جهزت الفطور،،،قالت لي انا ما طباخه على قدر كده،،،بس ابلعي عشاني❤😂😂،،،قولته ليها كلنا ما طباخين هههه،،،،هاك كبي السلطه دي،،،قالت لي،يخسي عليك ليه متعبة نفسك،،،قولته ليها ماف تعب ولاحاجه❤،،،،مشت جابت صحن وفرغتا،،،،،وقعدنا فطرنا،،،،قالت لي انتي قريتي شنووو؟،،،،قولته ليها محاسبة،،،قالت لي هااا كويس،،،وماناوية تشتغلي؟،،،قولته ليها بيني وبينك مافكرتا في موضوع الشغل دا،،،،قالت لي لالا فكري واملي زمنك،،،ولا راجلك معترض؟،،،قولته ليها لالا هو ماح يكون عندو مشكلة،،،بس انا كسلانة😅،،،بقت تضحك،،،،،،بعد خلصنا فطور،،،غسلتا ليها عدتها،،،،جابت الحلاوة وقالت لي تعال اشيل ليك جسمك،،،حنتك نزلت كلها،،ورجولك بيضاء زي البنات،،،،قولته ليها اساسا ماعندي حاجه للحنه،،،قالت لي هيي انتي عويرة،،،اتحنني وارسمي وادخني،،،خليك مرة مجيهه،،عشان راجلك مايعاين برة،،،قولته ليها يعني لو عملتا كده مابعاين برة😂😂👊👊،،،،على فكرة الحكاية اكتفاء بس ما اكتر❤،،،قالت لي صحي كلامك والله،،،شالت لي يديني ورجولي،،،قالت لي ماتختي حنه ساده،،انتي لسه عروس جديده،،ارسمي بس❤،،،،كده دقيقة اسي اولع ليك الحفرة،،،قولته ليها بري ما عايزة،،قالت لي خلي العوارة يا ايناس،،،احسن ليك،،،،قولته ليها ماعندك موضوع طبعا😒قالت لي اساسا😂😂😂،،،،،بعد ولعت الحفرة،،،رحاب جات مع بتها،،،وكريمة مع اولادا الاتنين،،،،،رحاب قالت لينا والله من الصباح ريم ماخلتني اعمل حاجه بس بتبكي،،،بثينة قالت ليها جيبيها،،،شالتا منها وبقت بتحاول تنوما،،،انا قعدتا في الحفرة،،،،وقومتا بعد حكاية ربع ساعه كده،،،،،بثينة قالت لي شكلك ما من النسوان البريدن الدخان😂😂،،،قولته ليها يعني😅،،احسن اعمل ليكم القهوة،،،قالت لي بتعرفي ليها؟،،،قولته ليها معلمة فيها😂😂❤،،،،،المهم دخلتا المطبخ وعملتها ليهم وعملتا ليهم فنكوش بالجنبة❤،،،،،،وكريمة جابت بليلة،،،،بعد بثينة نومت ريم،،،ختت الحنه لرحاب،،،،،بعد شربنا القهوة،،،،رحاب قالت لي انتي يا نوسة متزوجه زواج تقليدي ولا عن حب،،،قولته ليها الاتنين😂😂❤❤،،،قالت لي اجي،،،كيف يعني،،،قولته ليها والله،،اممم بدر دا حبيبي من وانا عمري 15سنة،،،،ونظام ود عمي وكده،،،ابوهو قال لابوي انا حجزتا بتك لولدي❤،،،قالت لي يا حظك ونصيبك❤،،،،قولته ليها بختي بس❤،،،،،بثينة قالت لي زي دا لا بتخلى لا بتشلب😂😂😂😂👊👊،،،،،قضيت معاهم النهار كلو،،،لحدي العصرية كده حتى اي واحده رجعت بيتا❤،،،،،مشيت صليت العصر،،وعملتا الغداء،،،دخلتا استحميت،،،لبستا لي فستان وسرحتا شعرتين وقعدتا احضر في التلفزيون،،،،،جاني اتصال من إيثار،،،رديت ليها،،،قولته ليها يابت متين جبتي تلفون،،،قالت لي جابو لي ابوي قبيل الصباح،،اخبارك شنو؟،،،قولته ليها تمام،،كيف انتي وناس البيت،،قالت لي تمام الحمد لله،،،بس أمس خاتم امي ما لقيناهو،،بيت تقول فيهو شيطان ياااخي،،،بلعتا ريقي،،وقولته ليها امي فقدتو متين؟،،،،قالت لي مع المغرب كده،،،اظن بعد طلعتوا،،،،قولنا يمكن الحرامي السرق تلفوني سرق الخاتم،،،قولته ليها والله غريبة،،،،،قالت لي اممم شديد،،،اتونستا معاها شوية وقفلتا،،،،،،قولته يكون أمجد برضو شالو؟،،،،،لاحول ولا قوة الا بالله،،،،،،بدر جاا داخل البيت قريب المغرب،،،،لقاني واقفة في المطبخ وسرحانة،،،ضماني وقال لي السرحانة،،،بشعرتينك زي الشافعه😂❤احم احم،،،،قولته ليهو اا كيف كان يومك؟،،،قال لي عااادي،،،وانتي،،،قولته ليهو يعني،،،،قال لي عاملة شعرتين مالك؟،،،كان واقف وراي وبتكلم لي في اضاني،،،التفتا عليهو وقولته ليهو مرتك لسه ماكبرت❤،،،لصق انفو مع أنفي وقال لي وانا ماعايزها تكبر،،،،،قولته ليهو قبل شوية إيثار اتصلت علي،،،،قرب لي وقال لي اها وبعدين،،،،قولته ليهو وبعدين قالت لي انو خاتم امي ما لقتو💔،،،،زحا مني وقال لي امممم حتى انا جود اتصلت علي،،،وقالت ما لقوا الخلاطة،،،تخيلي حتى العده م ح يعتقوها💔،،،هم كده ح يتضروني امشيهم غصبا عنهم💔،،،،،قولته ليهو بس براحه عليهم،،،،أنا خايفة يكونوا بيتعاطوا ولا حاجه؟،،،،قال لي الزول البيتعاطى بكون واااضح،،،،،بس هم شكلهم مابيتعاطوا،،،،قولته ليهو ح تتكلم معاهم متين؟،،،قال لي كمان يومين،،،،قولته ليهو كويس،،،،،قال لي كده خلينا ننسى الشباب ديل شوية،،،،احكي لي عملتي شنو الليلة؟،،،قولته ليهو انا وجاراتي كنا عند بثينة شربنا معاها القهوة وو،،،قال لي وو،،،،قولته ليهو وادخنتا وشلتا جسمي،،وعايزاك تديني قروش علشان ارسم،،،،قال لي طوالي اديك ترسمي،،،قرب لي شديد،،،الاذان اذن،،،قولته ليهو المغرب يا بدر يلا،،،كبير الله❤،،،قال لي كبير الله😅❤،،،،طيب الحق المسجد،،اصلي واجيك❤،،،،قولته ليهو طيب😂😂😂👊
في جانب آخر
اسمعوني انتو الاتنين،،،الحبوب العندي كلها اتباعت،،لو عاوزني اجيب ليكم،،جيبوا قروشكم،،،غير كده ماعندي ليكم حاجه،،،امجد قال ليهو هوي انا امس جايب ليك خاتم وتلفون قريب ب9مليون،،،،بسام قال ليهو وانا جبتا ليك 300جنية،،،ولسه ح اجيب،،،بس اسمعني بكرة انجز لينا حبوب نضيفة،،،والله الشغل ماشي يحلا،،،قال ليهم خلاص جامد،،،معاكم لحدي بعد بكرة اتصرفوا جيبوا لي حاجات نضيفه،،،وأنا بعزكم،،،،💔
اما انا بعد صليت قطعت المنقة الجابا بدر،،،،جاا من المسجد،،،،،كان لابس جلابية،،،وحالق حلاقة جديده،،،،اساسا ما لاحظتا ليهو😂😂💔،،،افتكرتو حلق امس ولا حاجه😂😂💔،،،،،جاني في المطبخ،،،،بقيت اعاين ليهو،،،،،قال لي بتسحريني،،،،بتعايني لي كده مالك؟،،،،قولته ليهو بتخجل😂😂💔،،،قال ليي الله لا قسمو لي👊👊،،،،قولته ليهو حلقتا متين؟؟،،،،قال لي من يوم جيت هنا،،،قولته ليهو مالااحظتا ليك الا اسي😂😂💔💔،،،،قال لي ماعندك قوة ملاحظه خالص،،،،قولته ليهو اممم بس شكلك بقى احلى❤بعد اتغدينا كده،،،شلتا صحن المنقة،،وقولته ليهو ارح ناكل في الصالة،،،قال لي ارح،،،،،قعدنا في الكنبة وقولته لبدر رأيك شنو اشغل ليك حفلة الحنه حقتي،،،قال لي ياريت ماشفتها،،،،قولته ليهو ثواني،،،مشيت جبتا اللابتوب ووصلتو،،،دخلتا الاسطوانة وشغلتا الحفلة❤،،،،بدر قال لي فستانك كان قصير عشان كده رسلتي لي الصور نص😒،،قولته ليهو اممم😁،،،،فجأه جابو ود خالتي بيرقص معاي،،،بدر قال لي مبسوطة وبترقصي معاهو،،،،والله لو كان حضرتا الحفلة دي،،،كان قتلتا اي راجل حضرها😒،،،قولته ليهو هههه ياغيور،،،على فكرة ديل زي امجد واحد،،،قال لي لا عليك الله،،،،هم لو مابقوا زي امجد عايزاهم يبقوا زي منو مثلا😒،،قومتا وقفلتا اللابتوب بالمرة😂😂👊،،،قال لي مالك قفلتيهو؟،،،قولته ليهو علشان انت ماح تبطل تعاليق👊👊👊😂😂،،،سكت وبقى يحمر لي،،،،،قولته ليهو ناكل منقة يابيبي😁،،،،قال لي كلمة بيبي دي بتجوط ام افكاري👊👊،،،قولته ليهو بيبي بيبي يا بيبي يا حبيبي،،،حشر لي شريحه منقة قال لي خلاص ياخ😂😂😂👊،،بعد خلصنا اكل المنقة،،اتونسنا شوية❤بعدها قومنا صلينا العشاء،،،،بدر قال لي ننوم بعد كده،،قولته ليهو مانعسانة انا،،وبعدين عندي فيلم❤🌚،،،قال لي النوم ولا الفيلم،،،قولته ليهو الفيلم،،،قال لي طيب انا ولا الفيلم،،،قولته ليهو بدر ماتقارن نفسك بالحاجات الانا بحبها ح اختار الفيلم🌚😂😂😂👊👊،،،،،،قال لي يعني انا ما من الحاجات الانتي بتحبيها؟،،،قولته ليهو انت العشق❤❤❤😂،،،شالني وقال لي بكرة احضري الاعاده🌚😂😂😂
#نتلاقى💜
