جهزتا نفسي،،،ولبستا بتي وانا دموعي جاريه،،،ماقادرة اوقف بكى،،،بدر شالا مني وقال لي ماتخافي،،،قولته ليهو تفتكر تكون عيانة😭😭😭💔،،،قال لي لالا،،،اسي ح نمشي المستشفى ونطمن عليها،،،انتي بس اهدي،،،،قولته ليهو طيب يلا😭😭😭💔،،،،قال لي اي ارح،،،طلعنا من البيت زي الساعه 5كده،،،،مشينا المستشفى القريبة لينا،،،،،سجلنا عند دكتور الاطفال،،،وفضلنا قاعدين قريب نص ساعه بعدين دخلنا ليهو،،،فضلتا اشرح للدكتور عن العلامات الظاهرة في فاطمة وما لاحظتا ليها من زمان،،،،الدكتور شالا مني وفحصها،،،،بعدين اداني ليها،،،قال لينا انتو بتبقوا لبعض؟،،،،بدر قال ليهو ايوة،،،بس دا دخلو شنو في الموضوع،،،،الدكتور قال ليهو كيف دخلو شنو،،،،،زواج الاقارب دا خطر جدا،،،عادةً الطفل بورث مرض من الام او الاب،،،،وكمان لو فصيلة الدم متشابهه بين الام والاب وبينهم صلة قرابة،،بيحصل عيب خُلقي للطفل💔،،زي مثلا يجي الطفل اصم او ابكم او اعمى،،،أو يتأخر في المشي،،،او ممكن يكون عندو متلازمة الدوان،،،،قولته ليهو بتي بتي انا عندها شنوو؟،،،قال لي بتك مصابة بمتلازمة الداون،،،دي فئة معينة من الناس،،،المجتمع بلقبهم بالمنغولين💔،،،طبعا بقيت في حاله صدمة والدكتور لسه بشرح لينا،،،،،قال لينا طيب متلازمة الدوان بتحصل كيف،،،،اللي هو بحصل نتيجه لوجود كروموسوم زايد💔ودايما بكون وراهو إعاقة عقلية،،يعني مثلا بطء الاستيعاب،،،الكلام في سن متأخر وهكذا،،،،ومرات بكون زي حاله بتكم دي،،،اختلال جسدي،،،يعني زي ما ملاحظين انو الشق العرضي للعين فيهو ميلان شديد ومع الوقت بزيد طبعا ويكون واضح،،،واذا ملاحظين انو راسها صغير،،،يعني ماطبيعي💔،،،،،واحتمال بسيط انها لو كبرت سمعها يكون ضعيف💔،،،،،بدر قال ليهو طيب هي ممكن ترجع طبيعية؟؟،،،،الدكتور قال ليهو للاسف لا،،،،بس اهم شي لما تكبر،،،تعاملكم معاها يكون عادي،،ماتحسسوها انها مختلفة عن باقي الاطفال،،ابعدوها عن الضغط النفسي تماما وحاولوا هيئوا ليها جووو مناسب ليها كطفلة متلازمة💜،،،،،،وفضل يشرح لينا عن الكروموسمات وعددهم في الجسم وكذا💔،،،،بعد طلعنا منو،،،انا بقيت في حالة تانية،،،بدر شايل بتو وأنا بالي ما معاهم،،،،حاسة نفسي تايهه،،،،كنتا بتذكر في كلام صحباتي وعن انو ما لازم اتزوج واحد من اهلي💔،،،،،،،الدنيا في لحظه ضاقت بي💔،،،وصلنا البيت،،انا مشيت الحمام،،،وفضلتا اغسل وشي بالموية،،،ماقادرة استوعب السمعتو من كلام الدكتور،،،،حاسة نفسي ح اموت،،،،اتمنيت اموت اصلا💔💔،،،،،طلعتا لقيت بدر منومها في صدرو،،،،جيت شلتها وختيتا على سريرا وبقيت اعاين ليها،،،،لقيت دموعي مالية وشي،،،ماعارفة انا ببكي على شنو؟،،،على انو بتي عندها متلازمة،،ولا على انها مازي الاطفال،،،،،بدر قام من السرير،،،وقف قصادي ومسكني من اكتافي،،،،قال لي بتبكي ليه،،،،ندمانة انك اتزوجتيني؟،،،،على فكرة ربنا ادانا رزق💜،،،،انتي ما المفروض تبكي،،،غيرنا ما لاقي اطفال💔،،،قولته ليهو بس دي طفلة ما طبيعية💔،،،،قال لي انتي البتقولي كده،،،،،دي بتنا❤،،،،دي الكان نفسك تجيبيها مني❤،،،إيناس ما اتغير شي،،،،شوية تغير ملامح ما ح يخلينا نكره بتنا💔،،،شوية كروموسوم زايد مابخليها قبيحه،،،بالعكس بخليها احلى من اي زول❤،،،،،،،،دي بتنا الح نعيش عشانا وح نربيها،،،ما ح نحسسها انها مختلفة❤،،،ما ح نحسسها انها مجرد عيب خلقي دخل حياتنا،،،،دي بتي وبتك❤،،،ضميتو وفضلتا ابكي،،،،بكيييت لدرجه هو ماعرف يهديني كيف ولا يعمل شنوو؟،،،،ماكنتا قادره اتقبل الفكرة💔ماعارفة هل انا ام سيئه ولا الظروف هي الخلتني كده،،،،بدر قال لي انتي اقوى من كده،،،وبعدين انتي ح تعايني ليها على انها ناقصة ومنغولية💔،،،،ولا ح تعايني ليها على انها بتك❤ والحاجه الحلوة النورت حياتنا💜،،،،،،قولته ليهو بدر انا ماقادرة اتكلم او استوعب حاجه،،،تعبانة من اي حاجه😭😭😭💔💔،،،،،قال لي ايناس ماتصعبي الموضوع،،،،،طيب لو كان الدكتور قال لينا انو معاها قلب أو سرطان وماف امل انها تعيش،،،كنتي ح....قفلتا ليهو خشمو،،،وقولته ليهو لا لا يا بدر،،،،بعد الشر عليها❤ انا بحبها والله بحبها😭😭❤❤،،بس الناس وو،،،قال لي ماتفكري في ناس،،فكري فيها هي قبل الناس❤ هي اول حاجه،،،بعدين بجو الباقي❤،،،،مرا اسبوع وكلمتا ناس امي بالموضوع،،،،كلهم هدوني وبقوا يقولوا لي هي زاتا لو بقت احلى من كده بسحروها ليك❤❤،،،،ايثار بقت كل فترة والتانية بتجي تشوفا وتلعب معاها❤،،،كانوا كلهم بحاولوا يحسسوني انو الموضوع عادي وما محتاج توتر❤،،،،،لما اهل بدر عرفوا،،،،سولافة قالت ليهو انا كلمتك وماسمعتا كلامي،،،انت وايناس فصيلة دمكم واحد،،،وعايز اطفالكم يجوا طبيعين،،،،أكان اتزوجتا رانيا ماكان اخير ليك،،،بدر قال ليها لو كل اولادي الح اجيبهم من ايناس ح يكونوا زي فاطمة❤ فأنا ماعندي مشكلة انو اجيب فصيلة كاملة من متلازمة الداون❤،،،وبعدين انتي كنتي عايزاني اتزوج رانيا علشان هي بت خالتو لعبد القادر،،،وعشان انتي اساسا بتكرهي ايناس،،،بس اقول ليك حاجه،،،،انا غير مع ايناس ما ح اكمل حياتي💜،،،،،،،،،بعد فاطمة تمت السنة،،انا شبه اتقبلتا الوضع،،،في يوم بثينة جاتني من الصباح،،قالت لي زهجاانة،،خلصتا نضافتي كلها،،،بس عايزة تتو تونسني❤،،،قولته ليها ههه طوالي،،،انا زاتي عندي غسيل،،،شيليها،،،قالت لي لسه مافكرت تمشي،،،قولته ليها لسه💔،،،شالتا وطلعت،،،،اثناء مابغسل،،باب الشارع ضرب،،،فتحتو،،لقيتا عمتي،،،سلمتا عليها وضيفتها،،،قالت لي بتك وين؟،،،قولته ليها مع جارتي،،،،قالت لي البت صغيرة من اسي تعوديها على بيوت الناس،،،ولا عشان ما طبيعية مافارقة معاك،،،،بعد كلاما دا حسيت كأنو سهم غزا قلبي💔،،،قولته ليها ماشة اجيبا،،،،لبستا توبي،،،أول مافتحتا باب الشارع اتلاقيت مع بدر،،،قال لي ماشة وين،،،قولته ليهو اجيب تتو من بيت بثينة،،،،رفع لي راسي لقاني ببكي،،،قال لي مالك في شنو؟،،،قولته ليهو امك جوه،،خش اقعد معاها،،،انا ح امشي اجيب بتي واجي،،،قال لي طيب،،،،طلعتا مشيت لبثينة،،،،شلتا بتي وانا ببكي،،،قالت لي ايناس مالك يابت،،،قولته ليها نفسي افهم انا ذنبي شنو لو ربنا اراد انو بتي تطلع كده😭😭😭😭،،،،قالت لي كده فهميني،،،،قعدتا احكي ليها كلام عمتي💔💔قالت لي ماتشتغلي بيها،،،،دي مرة خرفانة سااي😒،،،شلتا بتي ورجعتا البيت،،،،وأنا داخله على الصالة،،،سامعه عمتي بتقول لبدر اريتني لو زوجتك لأي بت غيريها،،،انا يا ولدي ماعندي مشكلة مع مرتك،،،،بس اها اولادكم كلهم ح يطلعوا بالشكل دا،،،قال ليها امي من الاخر كده انتي عايزة شنوو،،،،قالت ليهو اتزوج غيرها يا ولدي،،،جيب ليك اولاد طبيعين يا ولدي،،،قال ليها امي انا ما داير اتزوج تاني،،والمادار بتي معناها ما دارني✋،،،قالت ليهو دا آخر كلام عندك،،،،قال ليها اي،،،،،قالت ليهو بت آدم قدرت عليك لكن،،سمح يا ولدي الله يسعدك،،،،لما جات طالعه لقتني واقفة وماسكة بتي،،،عاينت لي من فوق لتحت وطلعت،،،،دخلتا الصالة،،،بدر جاا علي شال مني تتو،،بقى يقول ليها حبيبة ابوها❤،،،،قولته ليهو اتزوج يا بدر الدين،،،،عاين لي بإستغراب قال لي نعم؟،،،،قولته ليهو اتزوج علشان اولادك الجاين يجو طبيعين💔،،،قال لي ايناس انتي مجنونة صاح،،،زواج شنو البتتكلمي عنو،،،قولته ليهو دا كلام أمك ما كلامي،،قال لي وانا كلامي وين ك راجل وك زوج وكل أب،،،وين كلامي؟؟،،،،ممكن تفهمي أنو انا غيرك ما عايز❤،،واقول ليك شي غير تتو ماعايز تاني❤،،،قولته ليهو بحبككككك❤،،،قال لي بحبك اكتر❤❤،،،،،،مرت فترة وفاطمة كان عندها سنة ونص،،،،،في الفترة دي كان عرس جود وجيهان في نفس الزمن❤❤،،،،،مع انو جيهان وجود قريبات لي شديد،،،بس ماقدرتا امشي غير العرس،،،،لانو سولافة وامها طول الوقت كانوا بتعمدوا يسمعوني فارغ💔💔،،،فمشيت العرس بس❤،،،،،،،امجد وبسام امتحنوا الشهاده،،،ونسبهم كانت زي وشهم🌚👊👊😹،،،دخلوا نفس الجامعه ونفس المجال❤
في يوم كنتا في غرفتي بنوم في تتو💜،،،،سامعه ضرب في الباب بصورة ما طبيعية،،،،قفلتا باب الغرفة،،،ومشيت فتحتو،،،لقيتا سولافة،،،،،،من باب الشارع بتكورك،،،قالت لي مش بدر دا لسة انا عند وعدي ليك،،،ح اخلي يتزوج،،،،ويجيب،ليهو جنا ينفعو،،،بدل المنغولية حقتك دي،،،،قولته ليها المنغولية حقتي دي ماجبتها برااي،،،،ودقيقة خليك مستنياني اجي اوريك ح تزوجي بدر كيف،،،،دخلتا جوه،،،شلتا مفراكه العصيده وطلعتا ليها برة،،،،،قولته ليها الليلة اعرف منو المرة فينا،،،،والله الليلة يحلك مني الله بس،،،،قالت لي بتخوفيني بمفراكتك دي،،وهي ماشة على جهه باب الشارع،،،،جريتا من يدها،،رغم انها اسمن مني،،،،بس وقعتا فيها ضرب بالمفراكه،،،،وهي بتكورك وتصرخ بأعلى صوت عندها،،،،،ماخليت ليها حته سليمة،،،،جاراتي لمن سمعوا الصوت جوا جارين،،اصلا الباب كان فاتح،،،رحاب قالت لي ايناس جنيتي،،مالك مع المرة هاااا،،،،بثينة قالت لي عملت ليك شنو ضارباها كده،،،،قولته ليهم جاية في نص بيتي وبتقول لي بتك منغولية،،،حبيت اوريها ام المنغولية دي ح تعمل شنووو؟،،،بثينة قالت لي عفييييت منك👏👏،،،،،كريمة قالت لي ايناس اسمعي كلامي وصلي على النبي،،،خليها،،،قولته ليها اساسا خليتا،،بس تاني تبقى مرة وتجي هناا،،،والله اكسر رجلها،،،،،،قامت وهي حيلها ماشايلة،،،قالت لي حسبي الله عليك،،،لملمت اطرافا وطلعت،،،،جاراتي قعدوا معاي شوية بعدين طلعوا💜،،،،،،،،،المساء بدر جاا وشو متغير،،،،بعد رصيت ليهو الغداء،،،قال لي إيناس تعالي عايز اتكلم معاك،،،قولته ليهو اها سامعاك،،،قال لي ليه ضربتي سولافة،،،وانتي بتضربيها ماراعيتي انها اكبر منك،،ولا ما راعيتي لي انا دا،،،منظري قداما هي وزوجها لما حكت لي بطريقتك معاها،،،ليه تتعاملي معاها بالاسلوب دا،،حالتك زولة متعلمة،،،قاطعتو قولته ليهو انا في اي شي متعلمة انما حاجه بتتعلق بيك فأنا جاهلة❤،،،،اختك جاتني وفي نص بيتي لسه مصرة انك لازم تتزوج،،ولسه بتقول عن بتي منغولية،،للحظه لقيت نفسي ما شايفة حاجه غير اني اضربها،،،،ولو كان طولت قعدتها شوية كان قتلتها وما يهمني،،،قال لي طيب نحنا مش مية مرة اتكلمنا في موضوع زواجي دا،،،انتي ماعليك بكلامهم،،عليك بكلامي انا وبس،،،،،و حاليا عايز منك حاجه واحده،،لو لي خاطر عندك،،،لازم تمشي وتعتذري من سولافة،،،،،،،،،،،💜
#نتلاقى✋
