كتبت لي على شوية فيتامينات وطلعنا،،،،طول الطريق بدر ماسك يدي قوي❤ بس نهائي ما اتكلم معاي لحدي ماوصلنا بيتنا❤ أول مادخلنا البيت ضماني وقعد يبكي❤ والله كان ببكي بصوت💔،،،،قولته ليهو حبيبي،،،قال لي الحمد لله❤،،،،ربنا دا كريم شديد وبحبني،،والله بحبني،،،اول شي اتزوجتك ودي كانت امنيتي الوحيده❤ تاني شي بقيتي حامل مني❤ انتي ماعارفة انا مبسوط كيف،،،ولا عارفه انا حاسس بشنوو،،،،إيناس إنتي ماعارفة اللخبطه الانا فيها حاليا❤،،قولته ليهو حتى انا متلخبطه يا بدر❤❤😭😭😭وربي مامصدقة،،،يعني قبل فترة بسيطه كان في حمل كاذب،،،بس حاليا بقى حقيقي❤،،،،بدر انا بحبك وبحب البيبي المنك دا قبل يجي😭❤،،،،،قال لي وربي البيت انا البحبك وبحبك شديد كمان❤بس تاني واحده واحده وماح اخليك تتعبي نفسك ابدا،،،،قولته ليهو من اسي😂😂،،،قال لي اييي،،،،تاني من السرير ماح تنزلي،،،قولته ليهو شكلك ناسي انو عرس اختي واخوك بعد اسبوع،،،،قال لي امممم مشكلة ياخ،،،أول شي خليك عارفة ماف كعب عالي،،،،وماتلبسي اسكريتي يضايقك،،،وما تتشالقي وترقصي بعدين😒قولته ليهو حاضر حاضر حاضضضضضر❤❤😂بتكلم معاي لحدي ما وصلنا الغرفة،،،رقدني على السرير،،،وقعد يعاين لي❤😂😂،،،قال لي اجيب ليك موية؟،،،أو أي حاجه،،نفسك في شنوو؟،،،شاوري بس❤،،،قولته ليهو نفسي انك تروق شوية كده وتجي ترقد جنبي،،،وتاني ماعايزة اي،شي خاااالص،،،،جاا رقد جنبي وختا يدو على بطني،،،قال لي حاسة بيهو؟،،،قولته ليهو صراحه لا😂😂،،،ختا راسو على بطني،،،وقال لي ماسامع حاجه،،حبيبي انا ابوك،،،،امممم،،،طبعا قبل تجي لازم تعرف انو امك دي،،،وسكت،،،قولته ليهو امو مالا😒👊،،،،قال لي امو احلى ام في الدنيا❤ باسني على خدودي وعيوني❤ضميتو شديد،،،،قولته ليهو خلينا كده على طول،،،قال لي كده كيف؟،،،قولته ليهو مبسوطين ورايقين وكده❤،،،قال لي طييييب،،،دايما ح نكون مبسوطييين ورايقيين وكده❤😂،،جريتو من لحيتو،،،قال لي ح تتوحمي عليها ولا شنوووو؟،،،نزل وشو باتجاه رقبتي وبدا يحرك لحيتو على خدي،،،قولته ليهو حرام عليك خشششنه،،،،قال لي امممم عشان ماتفكري تجريها تاني،،،،قولته ليهو بدر يعمري،،،خلينا ننوم احسن،،علشان بكرة ح يكون وراانا مواضيييع،،،قال لي انتي ماح تتحركي من هنا اساسا،،ماتجبريني اربطك في السرير❤😒👊 قولته ليهو اووو لالالا ،،،،اساسا انا عارفة قواعد الحمل،،،ما اشيل حاجه تقيلة،،،وما اتعب نفسي،،،،ووو،،،قال لي وو شنوو،،،قولته ليهو ووانت في الشهور الاولى لازم تبعد عني،،،قال لي امممم عارف😂👊👊👊،،،،قولته ليهو طيب يلا تصبح على خيييير،،،،قال لي وانتي من اهل الخير❤،،،تاني يوم صحيت لقيت بدر صاحي وبعاين لي،،،قولته ليهو الحلوو،،صباح الخير،،قال لي يصباح النووور❤ عارفة انو دي أول مرة مما اتزوجنا اشوفك وانتي نايمة،،،،قولته ليهو بالجد،،،قال لي امممم شكلك حلو شديد❤،،،قولته ليهو كذاب،،،،قال لي والله😂❤👊،،،قولته ليهو طيب ينفع يا بيبي يا حبيبي أمشي لايثار اليوم؟،،،بتكون متوترة وكذا،،،فااا اقعد افضفض معاها،،،ومنو اكلمهم بموضوع حملي❤،،،،رفع لي حاجبو وقال لي افكر،،،،قولته ليهو الموضوع مامحتاج تفكيييير،،،بلييز،،،،عاين لي بتردد،،،قولته ليهو عشان خاطر البيبي❤😢،،،،قال لي لا انا لو خليتك مشيتي فاا ح يبقى عشان خاطرك انتي وبس❤ قولته ليهو يعني امشي🙈❤،،،قال لي ح اوصلك لحدي بيتكم،،،،وحتى استناك نرجع سوا،،اساسا ما وراي غيرك،،،فاضي تماما،،قولته ليهو احب الفاضي عشاني انا❤،،،،،بعد فطرنا كده،،،لبستا عباية،،لانو بدر رفض لي البس توب،،،احساس لو ربطتا التوب ح اخنق البيبي👊👊😂😂😂،،،المهم طلعنا من البيت بعد الضهر،،،،وطول الطريق بدر بقول لي بتتنفسي كويس،،،،مضايقة،،،لحدي ما وصلنا بيتنا،،،،،دخلتا جوه،،،لقيت أمي جايطة مع إيمان،،،امي بتقول ليها يا بتي هو العرس باقي عليهو 6ايام،،،كيف عايزة الزفاف يكون براهو والجرتق في يوم براهو،،،إيمان قالت ليها دي الموضة كده يا امي،،،حتى الرسم خليهو تاني يوم،،،يوم الزفاف تكون عادية،،،امي قالت ليها بري بري من موضتكم دي،،،قولته ليهم السلام عليكم،،،،إيمان قالت لي وعليكم السلام،،تعالي احضرينا يا ايناس،،،،انا قولته انو....قولته ليها سمعتكم بتتناقشوا،،،،انا في راي شوفوا إيثار عاوزة شنو بس،،،قالت لي فكرة برضوو،،،،قولته ليهم هي وين صحي،،،،،قالت لي اظنها بتتكلم مع مصعب،،،بتلقيها في الحوش البغادي،،،قولته ليها طييب،،،،،مشيت لقيتا بتتكلم مع مصعب،،شغالة ليهو عاين ح اعمل حنة،،،يعني يا مصعب تفقد الواحد اعصابو،،،يعني شنو الفستان عريان،،نحنا بنات وبس يعني،،،اووف خلاص يااخ،،،،ح اعمل ليهو اكمام،،،،خلاص اقفل ،،،،التفت لقتني واقفة،،،قولته ليها معترض على فستانك؟،،،،قالت لي اااي،،،،قولته ليها احسن،،،لانو بالجد فستانك ح يكون شااذ،،،قالت لي هو المفروض نستلموا متين،،،قولته ليها يوم التلات،،،قالت لي يعني بعد بكرة،،،قولته ليها ايون،،،قالت لي ح اتضطر اعمل ليهو تعديلات،،،،مصعب ح يكرهني،،،قولته ليها اي اعملي فيهو اكمام شيفون ح تكون لذيذه،،،قالت لي ظابط،،،،قعدتا معاهم لحدي بعد المغرب،،،،كنا بنخطط لحفلة الحنة،،،،بعد خلصنا قولتة ليهم بالمناسبة انا حامل،،،،إيثار قلعت عيونا،،قالت لي بالجدددد،،،،احلفي احلفي،،قولته ليها والله والله😂👊،،،امي قالت لي الف مبروك يابتي،،أن شاء الله يربى في عزك وعز أبوهو،،قولته ليها اامييين،،،،،إيمان قالت لي الف الف مبرووك،،،ربنا يحفظو ليك❤ قولته ليها امين يارب،،،،،بعدها بدر اتصل علي،،،قولته ليهو طالعه طالعه،،،،،لبستا طرحتي وطلعتا،،،،قال لي كلمتا اهلي برضو❤،،،،انبسطواا،،،قولته ليهو واااي يا بدر حرام عليك جود ح تكون زعلت مني يااااخ😭😭😭👊👊👊قال لي اي اي زعلانة،،لدرجه بكرة من النجمه جاياك😂😂
مرت الايام لحدي ما جااا يوم الحنة❤،،اخترتا التوب ح امشي بيهو وكذا،،وجهزتا نفسي على اساس امشي من الصباح،،،بس زي الساعه 10كده راسي كان لافي،،فبقيت راقده في السرير حكاية ساعتين،،،،،ماكنتا نايمة بس دايخه،،،،لما حسيت نفسي اتحسنتا،،،قومتا استحميت ولبستا عبايتي،،شلتا ملابسي،،وقفلتا البيت كويس وطلعتا،،،،،،،،،وصلتا بيتنا،،،لقيت إيثار ماف،،،،إيمان قالت لي طلعت من الصباح الكوافير،،قولته ليها اهااا،،انا تعبانة والله،،ح اخد لي نومة،،،بس لو احتجتوا لحاجه صحوني❤ قالت لي طيب،،،مشيت غرفه ايثار،،ونومتااا،،،،تاني ماصحيت الا بصوت ايمان،،،قالت لي يابت قومي الساعه 5،،،قولته ليها جاده انتي،،،قالت لي اااي يلا،،،،،قومتا ومشيت معاها ظبطتنا الصواني بتاعت الحنة❤ وزخرفناهم،،،بعد المغرب كده الناس كلها اتحركت على الصالة❤،،،،انا ظبطتا نفسي ولبستا توب اناناسي باحمر❤وشبشبي كان عااالي،،،،بس ثابت،،لبستو واتحركنا على الصالة❤،،،،،كنا مخلومين مع الضيوف،،،،وامي كل مرة تقول لي اقعدي،،،فااما بلقى لي طريقة،،،،لحدي ما إيثار جات💜وكانت مزززة،،،بس شكلها زعلانة عشان عدلت الفستان❤❤😂😂😂،،،،انا ما رقصتا نهائي،،،،بس سلمتا على ايثار،،وقعدتا في اقرب كرسي💜،،،الحفلة كانت ظاابطة شديد،،،بس انا بتهزا في الكرسي😂😂😂😂❤ وفي نفس الوقت نعسااانة شديييد💔،،،،قبل الحفلة تخلص،،،جاني امجد،،قال لي تعالي معاي برة،،،،طلعتا معاهو،،،،لقيت بدر❤،،،،قولته ليهو حبيبي،،،،قال لي لابسة شنو من جوه،،،قولته ليهو اجي😂😂👊،،،اسكيرتي بس ما ضيق،،،،قال لي وبالنسبة للكعب؟،،،قولته ليهو ثابت ماح اقع بيهو،،،قال لي طيب نمشي؟،،،،قولته ليهو لا طبعا،،،انا ح ارجع أشوف الناقص شنوو،،انت ارجع،،،،قال لي لا ح نرجع سواا،،يلا قدامي،،،،قولته ليهو بدر الحفلة قربت تخلص،،،قال لي عايني قولته ليك ارح،،،ماتكتري معاي في الكلام،،،
#نتلاقى
