تاني يوم الصباح،،،،،صحيت ولقيت بدر لسه نايم،،،،قومتا استحميت واتوضيت صليت،،،،جيت قعدتا قدامو،،وبقيت انقط ليهو موية شعري في وشوو❤😂،،،،،فتح عيونو شوية وتاني رجع غمضهم،،،،غذيت ضفوري في خدو،،،مسك يدي ومافتح عيونو،،،قولته ليهو بدر،،،يعيوني قوم خلاص😔،،،،،فكيت يدي منو،،وشلتا المخده بقيت اضرب فيهو،،،حلف لو يصحى،،،،قولته ليهو خلاص خليك نايم،،،،طلعتا من الغرفة،،،ومشيت بديت نضافة،،،،،،بعد خلصتا نضافة،،،شلتا بخور ووديتو الغرفة،،،طبعا ريحه البخور القوية بتضايق بدر👊👊🌚،،،،،ختيتو وقفلتا باب الغرفة،،،،،،فتحتا التلفزيون وبقيت احضر،،،وهو ياحليلو البخور شركو💔،،،،،،بعدها حسيت بالذنب،،،وقومتاا مشيت الغرفة،،،لقيت البخور كتم،،،وبدر كان بكح بصورة فظيعهه💔،،،،طلعتا البخور وفتحتا الشبابيك،،،،،وجريت عليهو،،،،كان عرقان ولسه بكح،،،قولته ليهو بدر،،،،،بدر اصحى أنت كويس،،،،بقى يقلب لي في عيونو،،،خوفني💔،،،قولته ليهو بدر فتح عيونك،،،دموعي نزلت،،،مشيت الحمام جبتا موية،،،رشيتو شوية،،،بس لسه ماعايز يصحى ولا حتى يفتح عيونو،،،،بقيت اشوف نفسو بطئ،،،،،بقيت ابكي بصوت💔،،،،،قال لي بصوت حزين كده إيناس،،،قولته ليهو اها سامعاك انت كويس صاح؟،،،قال لي انا بس كنتا عايز تنفس اصطناعي❤وبقى يضحك بأعلى صوت،،،قال لي ماشفتي شكلك وانتي خايفة علي وبتبكي،،،وماعارفة تتصرفي كيف😂😂😂😂😂😂😂💔💔💔👊،،،،أي نعم البخور ضايقني شوية،،،،بس قولته امثل عليك واشوف رده فعلك💔😂😂😂😂😂😂😂،،،،،قولته ليهو لقيت ردة فعلي كيف،،،عاينتا ليهو بغضب وطلعتا برة،،،،مشيت المطبخ وبقيت ابكي على هبالتي،،،،جاا لاحقني،،،،قال لي معقولة لكن،،،الهظار مابنفع معاك للدرجه دي،،،ضماني وقال لي اسف،،،،بس حبيت اخوفك شوية،،،قولته ليهو بس انا ارتعبتا،،،،قال لي بالله ارتعبتي💔💔😂😂😂،،،،اموت انا في كلمة ارتعبتا،،،كده قوليها تاني❤ قولته ليهو ابيت،،،،قال لي والنبي😂😂😂،،،،قولته ليهو الانا اسفة،،،علشان دخلتا البخور وقفلتا الغرفة😢،،،قال لي مامشكلة،،،،المهم صباح الجمال❤،،،قولته ليهو يسعد صباحك،،،قال لي انتي عارفة انو الصباح الببدا بيك مستحيل يكون كعب،،،دايما بكون حلو كده ومليان خير❤،،،،قولته ليهو وانت عارف انو الزمن اتأخر وانت لسه في البيت😆،،،قال لي ماهو يا ذكية انا ما موظف ولا شغال تحت زول،،،حر امشي الوقت البعجبني،،،قولته ليهو بالله،،،،قال لي والله،،،وماعايز اطلع اليوم كمان رايك شنو،،،،ح اقضي اليوم معاك❤،،،قولته ليهو جاااااادي انت،،،،قال لي ايوهه،،،بس شاي ظريف منك سرعه،،،،قولته ليهو طيب استحمى وصلي،،،بعدين تعال نشرب الشاي،،،قال لي تمام،،،،،،جهزتا الشاي،،،،وقعدتا انتظرتا بدر يطلع من الحمام،،،سمعتا تلفون بدر بضرب،،،،،كانت جود،،،رديت عليها الو،،،قالت لي ايناس عليك الله اديني بدر لو جنبك سرعه😭😭😭💔،،،،قولته ليها مالك يابت في شنو؟،،،قالت لي بدر وين،،،قولته ليها في الحمام،،،مالك بتبكي قلقتيني،،،،قالت لي ياااخ بسام ومصعب ماسكين في بعض،،،،واحد فيهم ح يقتل التاني يا ايناس😭😭😭💔💔💔فجأه بقت تصرخ،،،واااي يا مصعب فكوو،،،ح يموت في يدك،،،واصوات كتيرة عالية،،،فجأه الخط فصل،،،طبعا اتوترتا شديد،،،،،بدر جاا طالع من الحمام لقاني ماسكة التلفون وبرجف💔،،،،،قال لي في شنوو،،،،الضرب منوو؟،،،قولته ليهو ب بدر،،،الحق اخوانك،،،،قال لي مالهم،،،قولته ليهو جود،،جود قالت ماسكين في بعض وماف زول قادر يمسكهم،،،كان لابس عراقي،،،لبس جلابيتو وشال قروش من الدولاب،،،قال لي خليك هنا،،ح امشي أشوف الحاصل شنو،،،قولته ليهو تمام،،،بعد طلع،،،ركزتا انو تلفونو معاي💔،،،،،بقيت قاعده على اعصابي💔،،،،،،وماشة وجاية،،،وكل ما اضرب في رقم جود يديني مغلق💔،،،،،،،،بدر وصل عندهم،،،ولقى بسام ماسك سكين وبقول لمصعب قرب لي بس الليلة،،،والله اضبحك،،،،تعال،،،واقف مالك وريني رجالتك دي،،،،مش من قبيل بتنبذ وبتخنق فيني،،،اسي تعال،،،وربي الآيات السكين دي اغذها في مصارينك،،،،بدر جاا وقف قدامو،،،قال لي اديني السكين دي،،،،،بسام قال ليهو بدر اختاني،،،،والله ما اخليهو،،،،مصعب قال ليهو وقت راااجل كده وماسك لي سكين،،،عينك في حق الناس مالك،،،بتسرق دهب امك يا.....،،،،وتسرق قروش ابوك،،،وكمان كنتا عايز تسرق تلفوني ومرتبي مش كده،،،،اسي جاي تعمل راجل،،،ماتمشي تشتغل وتجيب قروش بضراعك ولا بعجبك حق الناس يا كلب،،،بسام اتخطى بدر وحاول يطعن مصعب بالسكين،،،بدر قاواهو ومسك منو السكين،،،،امهم قالت ليهم فرجتوا علي الدنيا كلها،،،،عاجبكم شكلكم اسي،،،ماسكين في،بعض وتتشاكلوا،،،بتتقاوا على بعض؟،،،ياااخ اتفووو عليكم يا كلاب،،،بسام قال ليها يا امي،،،قالت ليهو لا امك ولا بعرفك،،،انا ما ولدتا حرامي وشماسي،،،وشك دا ما دايرة اشوفو تاني،،،،اثناء مابتتكلم كده جات واقعه💔،،،،كلهم جروا عليها،،،بدر قال لاخواتو خليكم معاها،،،وعاين لبسام ومصعب،،،قال ليهم وانتو تعالوا معاي،،،،،دخلهم الصالون،،،،وقال لي مصعب كده خليك من بسام دا عرفناهو صغير ومابعرف يتصرف،،،أنت زول كبير وواعي،،،دا شنو البتعمل فيهو دا💔،،،لا راعيت لامك ولا لابوك،،،،مصعب قال ليهو انا لمن شفتو بمد يدو وبسرق ماقدرتا امسك نفسي،،،لقيت نفسي خانقو💔،،،،بدر قال ليهو افتكرتك اوعى من كده،،،وبعدين الامور الزي دي بتتناقش بهدوء ما بجوطه وضرب وبهدلة زي دي💔،،،،،مصعب قال ليهو هو دا خلى فيها هدوء،،،،،،بدر قال ليهو الموضوع دا خلاص اعتبروا منتهي،،،كده قوم شوف امي بقت كيف،،انا بلحقك بعد شوية،،،قال ليهو كويس،،،،،،بدر قعد قصاد بسام،،،وقال ليهو شوف ما قدامك حل غير تصارحني بتعمل بالقروش دي شنو،،،بتسرق ليه،،،ماقدامك خيارات،،،قدامك بس تقول لي الصراحه،،،،،بسام فضل يعاين لبدر مسااافة،،،بدر جاط فيهو،،قال لي اتكلم،،ولا هو الكلام دا مكتوب في وشي،،،،بسام قال ليهو طيب ح اقول ليك،،،،قبل فترة بتاعت شهرين،،انا و امجد،،اتعرفنا لينا على شلة برة المدرسة،،،،كانوا بشربوا سجاير وبنقو وببعلوا حبوب وبضربو اي حاجه،،،،المهم انا وامجد بارينا نفس الطريق،،،بس بطريقة مختلفة،،،بدر قال ليهو كيف يعني؟،،،،قال لي بدل نبلع الحبوب،،،بقينا نبيعهم بسعر اعلى،،،ونستفيد من القروش،،،،قال ليهو بتستفيدوا منها في،شنو مثلا،،،،قال لي اي حاجه،،،نشتري جزم،،،نلبس نضيف،،،،نطلع ونصرفا ع على البنات وكده،،،،بدر قال ليهو كمل،،،،قال ليهو الولد البجيب لينا الحبوب،،،بقى يغلي السعر ونحنا اضايقنا شديد،،،،والزباين البشيلو مننا،،،بقوا يطالبونا بكمية اكبر من الحبوب،،،،بدر قال ليهو والسرقة افضل حل،،،،بسام قال ليهو ايوهه لانو ماف زول ح يشك فينا،،،،فبقينا نشيل حاجات من البيت،،،دهب قروش خلاطه ملايات،،،أي شي يجي على بالك،،،،بدر قال ليهو وآخر شي جاي تسرق تعب ابوك وعرق اخوك صاح💔،،،،أنت عارف بعد عملتك دي تاني ماف زول من ناس البيت ح يثق فيك💔انت خلاااص صغرتا في نظرهم،،،،،تاني لو اقل حاجه اتفقدت في البيت دا ح يقولوا انت💔،،،،عارف يا بسام انا خليت المدرسة ليه؟،،،بسبب القروش،،،أنت جيت ولقيت الوضع ممتاز،،،بس انا كنتا طول الوقت بطالب بكتب للمدرسة بملابس،،،بحاجات كتيرة،،،وطبعا الوقت داك ابوي مابقدر يوفر لي الانا عايزو،،،فخليت المدرسة وبقيت اشتغل،،،اشتغلتا اي حاجه تجي على بالك،،،بس عمري ماقربتا على حرام،،،،،ماكنتا بعاين لحق زول نهائي،،،عيني كانت مليانة،،،،،،لحدي ما كبرتا والدرس كان واحد انو الحرام طرقو كتيرة وسهلة،،،والحلال كمان طرقو كتييرة وصعبة،،،بس طعمو احلى❤،،،ياريت لو تفهم الكلام دا كويس،،،والمرة الجاية ماح اجي وأتكلم معاك وانصحك،،،انت الح تتكلم لي عنك،،،عن دراستك طموحك نظرتك للحياة،،،يابسام الحياة بتتعاش مرة واحده بس على مراحل،،،،،استغل الفرصة دي وعيش صاح،،،،صلح اغلاطك،،،وخليك زول نضيف من جوه،،،شبع عقلك ورغباتك بحاجات مفيده،،،،،صدقني لو استوعبتا الانا بقولوا دا ح تعيش بقلب وعقل❤ وح تعيش راجل ليهو كلمة❤،،،،،وطلع خلاهو،،،مشى اطمن على امو،،واتكلم معاها انها تسامحو والمرة دي على مسؤوليتو،،،،وحلف مصعب مايسألو ولا يجيب سيرة لابوهم بالحصل❤،،،،،،،،،بعدها طلع وجاا البيت،،،،طبعا لقاني متوترة ودموعي مالية وشي،،،،،اول ماشفتو قدامي،،،جريت عليهو،،،قولته ليهو الحصل شنو،،،وبتصل لناس بيتكم ماف زول برد علي💔خوفتا شديد،،،وكنتا ح اجن من كترت التفكير وو،،،،قال لي هشش هششش،،،مسكني من يدي وقال لي ماف داعي لخوفك دا كلو،،،تعالي احكي ليك الحصل،،،قعدني جنبو على السرير وبدا يحكي لي عن الحصل💔💔،،،،بعد خلص قولته ليهو ربنا يهدي ان شاء الله❤،،،قولته ليهو طيب وامجد ح تعمل معاهو شنوو،،،،قال لي ح اتكلم معاهو نفس الكلام❤ح امشي ليهو بعد المغرب كده،،،فجأه عاينتا ليدو لقيتا مجروحه💔،،،قولته ليهو بدر😨دا شنوو،،،يدك مجروحه💔💔قال لي ما لاحظتا،،،،قولته ليهو طيب ثواني،،،مشيت المطبخ جبتا موية ملح وجيت شلتا قطنة،،،نضفتا ليهو الجرحه وماكانت عميقة الحمد لله❤،،،،قولته ليهو جات سليمة،،،يلا أقوم اعمل ليك شاي،،،قال لي لا خليهو،،،قولته ليهو لا ح اجيبو،،،مشيت عملتا ليهو شاي تاني وجيبتو،،،قال لي ماح اشربو براي،،،قولته ليهو طيب انت اشرب بالاول،،وانا بعدك،،قال لي عشان تجري وراي صاح🌚❤❤👊😂،،،قولته ليهو ايون يا ابو عيون بنية❤،،،،شرب نص واداني النص التاني❤،،،،،قضينا اليوم كلو بالهظار والضحك،،،لحدي العصر كده،،طلعتا كنستا الشارع،،،،وجيت راجعه،،طلعتا توبي ودخلتا الغرفة،،لقيت بدر بحاول يفتح الدولاب بيدو المجروحه ويدو التانية شايل بيها ملابس،،،،قولته ليهو ثواني ثواني،،،،فتحتا ليهو الدولاب وشلتا منو الملابس،،رصيتهم،،،قولته ليهو كنتا تناديني،،،قال لي ايناس ماتخافي كده،،يدي ما واجعاني،،قولته ليهو ولووو،،،نزل وشو باتجاه وشي وباسني في خدي❤،،،،قال لي كل ما ابوسك يدي وجعها بخف،،،قولته ليهو يا سلام😂👊،،اسي انت قولته ما واجعاك🌚،،،قال لي واجعاني بس ما شديد👊👊😂،،ماتركزي ياااخ،،،،،،قولته ليهو طيب😂😂❤،،،،،،بعد المغرب كده قولته ليهو عايزة امشي معاك؟،،،قال لي اصلا سايقك،،،لبستا لي توب بطقمو❤ وهو لبس جلابية❤ اساسا والمفروض يحردوها ليهو😔❤❤🙈،،،،قولته ليهو طالع مز،،،قال لي بسم الله كمان من يومي مز😌،،،،قولته ليهو بجاملك يلااا😂😂😂👊👊،،،،قال لي بايخه عارفة نفسك،،ارح قدامي،،،قولته ليهو ارح❤،،،اجرنا امجاد لحدي بيتنا،،،طبعا ناس البيت اتفاجؤا بينا،،،،إيثار قالت لينا وجع وش بأدب لكن😂😂😂😂👊❤،،،،،بدر قال ليها بكرة تفتشينا ما تلقينا،،،،ابوي قال لينا دي ماعندها موضوع ساااي😂😂 تعالوا براحتكم،،،،،،أمي قالت لينا تنورونا❤،،،طول القععده،،،أمجد بعاين لبدر وكأنو عارف انو الجية دي عشانو،،،،بعد شوية بدر قال لامجد كده ارح برة عايزك في كلمتين،،،،❤
#نتلاقى🌚
