سكرتيرة فرعون(بقلم منى ارام)
الفصل الثالث :
ياسر : ايه يا اختي ليه انشاء الله
منى : استقالة يا فندم انا مش عاوزة اشتغل في الشركة ثاني
ياسر : بلاش دلع يا منى وروحي شوفي شغلك
منى : انا مش بدلع يا فندم انا فعلا مش حقدر اكمل شغل هنا ثاني
ياسر : طب انا برفض الاستقالة دي
منى : مش من حقك يا فندم أن موظفة هنا وزي اي موظف من حقي اسيب الشغل وقت ماانت عاوزة
ياسر : اه قلتيلي وقت ماانت عاوزة ،لا يا آنسة مش زي ماانت عاوزة ،عقد شغلك مع الشركة بيلزمك تدينا إخطار خمسطاشر يوم اقبل ما تسيبي الشغل علشان نلاقي بديل ليكي
منى : ( في نفسها انت ايه مابتتهدش بس والله منا سكتالك ثاني ) تمام يا فندم انا حلتزم بالعقد الخمسطاشر يوم الي جايه لغاية ما تلاقي بديل،
يبتسم ياسر ابتسامة نصر ،لتكمل منى : بس خلال المدة دي أن حلتزم بشغلي الي محطوط في العقد بس
ياسر : يعني ايه
منى : يعني يافندم انا سكرتيرة وبس وشغلي حيكون في السكريتاريا وبس لا ححضر للافراح ولا حعمل مشاوير برى الشركة مش بتاعة الشغل
ياسر : بتتحديني يا منى
مني : مش بتحدى سيادتك بس دا شغلي الي المفروض اعملو هنا في الشركة و لغاية ما المهلة تخلص مش حشتغل غيرو
ياسر (بغيض) : طب يلا بقا على شغلك
منى : لا يفندم انا إجازة النهاردة انا قدمت طلب إجازة تحت في شؤون العاملين مع تقرير طبي لحالتي الصحية يخولني اخد إجازة مرضية زي اي موظف عن اذن حضرتك، وتغادر تاركة إياه مصدوما
ياسر : هي مالها دي ايه ال شقلب حالها كدا؟
ذهبت منى الى منزل ياسر لتحضر سيارتها
ياسمين : يعني يا منى انت خلاص سبتي الشغل يعني مش حنشوفك ثاني ؟
منى : لا طبعا اكيد حنشوف بعض انت ناسيه أن احنا قرايب ولا ايه
ياسمين تحتضنها : وصحاب كمان
منال : والله يا بنتي على عيني انك تسيبي الشغل بس عارفة اد ايه ياسر تاعبك فيه ،فمش حلومك على الاستقالة
تخفض منى رأسها في حزن
ياسمين : وحتشتغلي فين دلوقتي
منى : مدام عليا صاحبة شركة النور عرضت عليا قبل كدا أن اشتغل معها،حكلمها وشوف ولو مافيش حدور على غيرهم
منا : اكيد مش حيرفضو هما حيلاقو زيك فين دا كفاية خبرتك انت بتشتغلي مع ياسر من وانت في الجامعة.
منى : ربنا يقدم الي فيه الخير استاذن انا بقا
منال : خليكي يا بنتي اتغدي معانا
منى : شكرا يا طنط بس والله تعبانة ومش قادرة عايزة اروح اخد الدواء وانام
منال: ربنا يشفيكي يا رب خلي بالك من نفسك
في المساء اتصلت سلمى بمنى
سلمى : ازيك يا منى عامله ايه يا حبيبتي
منى : الحمد لله احسن شويا
سلمى : سلمتك يا رب
منى الله يسلمك شكرا لسؤالك ،عملتو ايه من غيري ؟
سلمى : اسكتي دي الدنيا كانت مقلوبة لحالة طوارىء ،والبشمهندس ياسر كل مرة يغلط وينده عليكي وانا اقولو : ايوى يا فندم الانسة منى إجازة النهاردة اي أوامر
منى: هههههه امال حيعمل ايه لما الخمسطاشر يوم يخلصو
سلمى : بتتكلمي عن ايه مش فاهمة
منى : هو انت ما تعرفيش مش أن استقلت
سلمى : يا لاهوي يا منى دي الشركة حتولع
منى : اعمل ايه ما انا يا استقيل يا اموت نقصه عمر من فرعون دا
سلمى : والله مش عارفة اقولك ايه ،بس ربنا يقدم لك الي فيه الخير ،اسيبك انا تصبحي على خير اشوفك بكرى
منى : وانت من أهله سلام
ثم بحثت في هاتفها وأظهرت صورة لياسر ونظرت إليها متنهدة وقالت : وحشتني.
صباح اليوم الثالث في شركة العدلي كانت منى تجلس في مكتبها عندما وصل ياسر حين لمحها ابتسم لا اراديا احساس الاشتياق لها لا يستطيع تفسيره ،فقد كان يوم امس صعب جدا بدونها
ياسر : صباح الخير
منى : صباح النور يا فندم
ياسر: جيا بدري يعني
منى بثقة : أن عمري ما تاخرت عن شغلي يا فندم دا نفس المعاد الي بكون فيه على مكتبي طول الخمس سنين الي اشتغلتهم هنا ( في نفسها انت الي عمرك مااخدت بالك )
طب هاتيلي قهوة وحصليني على المكتب
منى : حاضر لكنها في هذه المرة لم تقم هي باعدادها بل طلبت من الساعي تحضيرها وأخدها لياسر ثم تبعته هي بالملفات
ياسر : ماجبتيش القهوة بنفسك ليه
منى : مش شغلي في ساعي مهمة كدا
ياسر : مش ملاحظه انك زودتيها يا منى
منى : لا يا فندم أن ملتزمة بحدود شغلي
ياسر : طب هاتيلي البوسطة
منى : اهي حضرتك تامر بحاجة ثانية
ياسر : عندنا موعيد ايه النهاردة
منى : عندك معاد مع اثنين من العملاء هنا في الشركة ،وعندك معاد مع الشركاء الجدد من شركة الغنيمي برى الشركة ودا معاد غذاء
ياسر مبتسما بمكر : وانت طبعا حتكوني معايا
منى : طبعا يا فندم دا شغلي
ياسر : طب تمام في حاجة ثانية
منى : في الشغل مافيش بس منظمة الافراح اتصلت علشان تروحو تشوفو الكوشة
ياسر : وطبعا حضرتك مش حتروحي لأن دا مش شغلك
من : مبتسمة بالضبط يا فندم
ياسر ممتعضا : خلاص حكلم جمانة تتصرف روحي انت على شغلك
بعد قليل
ياسر : يعني ايه مش فاضية يا جمانة هو مش فرحك
ياسر : مش حينفع منى تروح
ياسر : علشان منى استقالت
ياسر: اتصرفي يا جمانة انا ورايا شغل سلام بقا
في موعد الغداء ينزل ياسر ليستقل سيارته تتبعه منى لكنهاتتجه الى سيارتها
ياسر : رايحة فين يا منى
منى : حركب عربيتي يا فندم
ياسر : من امتى الكلام دا احنا حنروح سوى
منى: لا يا فندم أن حركب عربيتي مش كل مرة اترمي
فالشارع استنى حد يوصلني
ياسر : اتفضلي اركبي يا منى بلاش شغل عيال
منى : اسفة يا فندم أن مصرة اروح لوحدي ،واظن مافيش بند فعقد الشركة يلزمني اركب مع المدير .
وتركته لتركيب سيارتها
ياسر : لا البنت دي اتجننت خالص
في غذاء العمل حضر اثنين من مدراء شركة الغنيمي أحدهم رجل كبير في السن وهومحسن الغنيمي صاحب الشركة والآخر شاب في الثلاثين من العمر يضاهي ياسر وسامة وهو اياد الغنيمي ،ومعهم سكرتيرته من وكانت فتاة شابة جميلة لكنها كانت ترتدي ملابس ضيقة وقصيرة
في حين كانت منى ترتدي ملابس أنيقة ومحتشمة ،مما جعل اياد يعجب بها كثيرا ناهيك عن جمالها الاخاد طبعا ،فظل يتاملها طوال فترة الاجتماع والغريب عند ياسر أنه انزعج بشدة من ذلك فكان يستعجل إنهاء العمل للمغادرة .
فما الذي حدث لقلب فرعون هل تغير نبضه
انتهى الفصل الثالث
ايه رايكم الفرعون وقع كذا ولا ،،،،،،،
لا لس دا حيتفرعن اكثر تابعوني
