#بعد_مرور_خمس_سنوات
دينا قاعده ف نص السرير وزهجانه طلعت بره فتحت التلفزيون بس ماف جديد كالعاده دخلت واكرم كان نايم في السرير جاتو وبدت تصحي فيهو
اكرم ..اكرم اصحي لانو انا زهجانه وعايزاك ف موضوع 😔..
حبيبتي ثواني بس خليني شويه وبصحي (بتمتم بالكلام واخد وضعيه تانيه واتقلب طلعت دينا من فوق ليهو وجاتو بالجهه التانيه وقربت منو وبقت تتكلم معاهو وتهمس ليهو في اضانو بصوت مبحوح عشان تخوفو 😂اكرررررراااااام اكرااااااام ، هنا اكرم صحي اتنفض وقام مخلوع قعد ف السرير ختا يدينو في وشو وجسمو كلو بقي عرق وبيقول ليها،،، دينا اقسم بالله انتي حاتقتليني يوم 😓😓 دينا ضحكت وجات حضنتو وقالت ليهو كنت بهزر معاك حبيبي طولت ماهظرت ولاضحكت معاك 🙄🙄🙄،،،، لكن تهزري بالطريقه دي طيييييييب انا حاوريك ح اعمل فيك شنو 😡😡 دينا بقت جاريه واكرم جاريه وراها ف الغرفه بحركات كلها رومانسيه وبضحكو لحد مسكها وشالها من نصها زي البيبي وقعدها ف السرير وباسها لحد مارقدت ع السرير وهو ببوس فيها بعد شويه قام شال البشكير بتاعو حق الحمام ودخل الحمام . فضلت دينا بره بتسرح ف شعرها ولما اكرم طلع قالت ليهو
اكرم فكرت في الموضوع القلتو ليك ؟؟؟! 🤔
رد عليها اي موضوع تقصدي ؟؟
موضوع اعلان زواجنا ي اكرم انت كل مره حاتقعد تتهرب كده وبعدين انت وعدتني انو كلها حكايه شهر وحاتعلن زواجنا واحنا حاليا متزوجين ف السر لينا اكتر من ٧ شهور وانا زهجت من الانتظار وكل فتره ابوي بتصل علي وبجيب لي ف عريس 😔وانا ارفض من غير سبب ، وبعدين لمتين حانعيش في الفنادق كده عايزه احس ست بيت وعندي مكان خاص بي انا 😡
(رد عليها اكرم اثناء مابلبس في بنطلونو ) دينا خلينا نكون واضحين احنا اول ارتباطنا حكيت ليك بوضعي ووريتك انو انا متزوج اصلا وماكزبت عليك ووريتك مابقدر اعلن زواجنا الان وانتي وعدتيني انك تصبري يبقي ماف حل غير تصبري (كمل بقيه لبسو وعاين ف الساعه لقاها ١٠صباحا جا باسها من راسها وهي طبعا كانت لسه ذعلانه قال ليها وهو بفتح ف باب الغرفه )
انا عارفك لما تفتحي موضوع العرس ده معناها عايزه حاجه 😅 انا عندي ليك هديه حاتعجبك شديد الاسبوع الجاي حازبها ليك وبعدين بطلي حنك ابوي جايب لي عريس ده ابوكي ف البلد انتي بتشوفي ف السنه حسنه وموضوع الفنادق ده حايتحل قريب وكل شي حايتحل قريب انتي بس اصبري ✋🏻يلا سلام (مشت وراهو عشان تقفل باب الغرفه ودعتو بابتسامه رضا وطلع 😊😔)
دينا عمرها ٢٤ سنه نحيفه وطويله وجميله جدا اي شاب يشوفها ممكن تثير اعجابو بسيطه جدا وحالتها الماديه تعبانه امها متوفيه وابوها راجل كبير ف عمرو وعايش ف البلد ماكان بعيد جدا عن دينا
شغاله ف مصنع بسكويت اللي هو واحد من المصانع الكتيره جداالبلمكها اكرم ،، اكرم عمرو ٥٦سنه كبير في عمرو قوامو جميل ومابتحس انو راجل كبير لولا الشيب الفي راسو لسه محافظ علي لياقتو وصحتو متزوج من وحده ابوها سفير وحالتو الماديه يعتبر ملياردير بس طول فتره زواجو الاول واللهي كانت ٢٠سنه من مرتو الاولي ماانجب وده الخلاها يرتبط ب وحده تانيه عشان عايز يجيب اولاد لاقي دينا فجأه يوم في المصنع واتعرفو ع بعض دينا قبل ماتتعرف عليهو كانت ساكنه مع وحده صحبتها في بيتهم وبعد اتعرفت علي كرم واتزجو اكرم بقي مقعدها في فندق قريب من الشغل بيتلاقو ف الفندق كل شهر مرتين كده بحكم شغلو وانو مافاضي ع طول وطبعا كلن بيصرف عليها ومامخليها محتاجه حاجه
يتبع
