صحت دينا علي صوت منبه التلفون الساعه ٦صباحا دخلت استحمت وجهزت عاينت للتلفون عسي تلقي مكالمه من اكرم 🙍🏼♀بس مالقت لبست وطلعت ع الشغل الساعه كانت ٧ وصلت الشغل ولقت سعيد كالعاده بره بشرب ف قهوه عن وحده ست شاي جنب الدوام لما شافها جايه من بعيد وقف ليها ولماوصلت ليهو قال ليها تعالي اقعدي اشربي قهوه ،،، (بس دينا لانها كانت مستاءه جدا ماكانت حابه تقعد واعتزرت ليهو بلطف 😪ودخلت بس كان باين عليها انها ماطبيعيه خالص )
في بريك الفطور جاها حسن وبقي يتكلم معاها
- دينا انتي كويسه طمنيني 😦
- انا كويسه اطمن ماف شي مستاءه حبتين 😪
- طيب في حاجه ممكن اساعدك بيها
- صدقني لو كنت محتاجه حاجه كنت كلمتك اصلا انت اقرب زول لي وانت عارف 😊
- طيب ارح الفطور
- لا معليش انا حاسه بمعدتي ماتمام من امس ماعايزه اكل هسا امشي انت انا باكل بعدين
طيب . اذا احتجتي شي كلميني
عدت الساعات كئيبه وممله جدا لانو اكرم من امس ماحاول حتي يتصل علي ويطمن عليها بس اثناء ماهي بتفكر كده تلفونها اتصل 📣📣 ولانو كانت مخصصه لااكرم نغمه معينه عرفتو وماصدقت لما اتصل فرحت شديد 😍😍 اخدت التلفون وردت بسرعه
- الو ،، حبيبي حرام عليك يعني من امس ماتكلمني واتصل عليك ماترد 😪😪
- معليش حبيبتي كنت مشغول شديد بس دايما انتي ف بالي اسمعيني انا عامل ليك مفاجئه حاتعجبك جدا ،، اطلعي انا منتظرك بره
- بره هسا 🤭 بس حاقول للمدير شنو انت عارفو اصلا شايله معاي 🙄
- ههههههههه مدير منو انا المدير يابيبي انا زبطت اي شي وقلت لمديرك انو دينا لاذم تطلع تجيب طلبيات من بره للمصنع ودينا بالزات لانك اكثر خبره يلا هو حايجيك هسا ويقوليك عايزنك تطلعي تجيبي الحاجات دي (واثناء ماعم واقفين فعلا جا المدير وكلم دينا وطلع دينا طبعا ماصدقت لفحت شنطتها واتخارجت لاقت حسن سالها ماشه وين وقالت ليهو خاشرح ليك بعدين وطلعت جاريه بعد اول شارعين الشارع التالت اكرم كان مستنيها ركبت بسرعه وبقت تتلفت بحيث انو ف حد شايفها ولالا
- حبيبتي انا اشتقت ليك انا الليله عامل ليك مفاجئه بس ماتساليني هي شنو طيب لما نصل ♥
- طيب حبيبي بس احنا اصلا ماشين وين 🤔
- الله ماقلنا ماعايزين اسأله
- طيب حاسكت خالص ومحاتكلم (وفضلو ماشين لمده نص ساعه كده بالعربيه ووصلو جنب عماره فيها ٣. طوابق ونزلو وكان في انتظارهم شاب تحت كان لابس بدله وشايل ورقه وقلم في يدو اول ماشاف عربيه اكرم جري ووقف قدامهم وابتسم وسلم عليهو بكل حراره وطيبه العماره كانت جميله جدا من بره منظرها رهيب والرسومات الفيها كانت غريبه نوعا ما بس كانت جزابه جدا دخلو مع بعض التلاته والمصعد كان جنبهم ركبى في المصعد وضغطو علي الرقم بتاع الطابق التالت ودينا كانت مبسوطه شديد وماسكه اكرم من يدو وبتعاين ليهو وبتتبسم المصعد فتح ونزلو منو ومشو ع اتجاه الشقه مكتوب عليها رقم (٢) دخلو جوه الشقه دينا قالت لااكرم
- حبيبي انا مافاهمه حاجه ؟
- انا مش قلت ليك عامل ليك مفاجأه
- معقوله لالالا بس ماتقولي 😳😳😳😳😳😳😍😍😍😍😍
- ايوووووووه من يوم الليله الشقه دي حقتك انا بعتها وكتبتها باسمك ادخلي اتفرجي عليها ع بال ما اتكلم مع السمسار شويه 😉
- ياااااااخ انا بحبك شدييييييد ي اكرم شكرا ليك (وحضنتو شديد وبعديها مشت تتفرج ف باقي الشقه ومشي اكرم للراجل الكان معاهم ودار بينهم الحوار ده
يتبع
