دينا مشت المصنع بعد مااكرم طلع وطبعا وصلت متاخره والمدير التنفيزي في المصنع شاكلاها وهي اتحججت انها كانت عيانه وعندها مغص ف بطنها وماكانت قادره تجي المصنع وبعد تعب حتي اقنعت المدير وهي طبعا بتتظاهر بس ب كده لانو حتي لو المدير بتاع الفرع رفدها ممكن يجي المدير العام (اكرم) ويرجعها بس هي مابتحاول تظهر الحاجه دي قدام الناس عشان مايكون في تساؤلات
وصلت المصنع ولبست الكوت بتاع الشغل ودخلت مع اصوات الماكينات والجوطه كان حسن (زميل دينا ف الشغل وصاحبها شديد )واقف وبشتغل شافها جاي من هناك وصلتو سلمت عليهو وبقي بتكلم معاها بصوت عالي عشان اصوات الماكينات كانت عاليه
يادينا مالك الليله اتاخرتي خير انشالله ؟؟! 😰
لالا اطمن كان عندي الم ف معدتي شويه بس خلاص وقف ..✋🏻😊
لاحولا الف سلامه ليكي ومشيتي دكتور ولالسه ؟؟!
لالا الموضوع مايحتاج دكتور كانت لحظات قليله ومرت انا خايفه المره الحايه المدير يرفدني ؟؟😂✌🏿
المشكله يرفدني معاك يقول لي دينا من تجي بتخلي الشغل وبتتونس معاها ع فكره لمح لي هو بالحاجه دي 😂😂
(ردت عليهو وهي مبتسمه) ماتشتغل ببهو ده مجنون ساي خليهو يرفدنا نمشي نقعد بره حنب باب المصنع ونشحد 🙊
ههههههههه مجنونه انتي والله انتي لو رفدوك مزه حلوه الف من يشغلك او يمكن زاتو تلمي ليك في واحد كده غنيان وامو داعيه عليهو ويتزوجك ويكون كبير وعندو قروش كتيوخ ترتاحي من المصنع ده ىصوت الالات 😂😂((طبعا حسن كان بقول الكلام ده بمبدا الهزار بس هي اتحسست وخافت وبقت تهرب بعيونها من حسن وتقول ليهو )ههههه مستحيل طبعا ده يحصل ههههه وطوالي مشت الجهت التانيه من المصنع عشان سسماكانت قادره تخت عينها ف عين حسن
عدت كم ساعه واكملت شغلها واثناء ماكانو عايزين يطلعو من الشغل حسن كان واقف من بعيد بعاين ليها وهي بتستعد عشان تطلع (حسن بيحب دينا من اليوم الاتلاقو فيهو بس ماقادر يحكي ليها وكل مره بجي عشان يتكلم بحس انو اتلبك وماقادر ينطق ،،هو شاب وسيم وحبوب اوضاعو الماديه يعني متيسره عايش مع امو في بيت ف حي متواضع ) لما انتبه انها رفعت راسها وابتسمت وجات عليهو مسح النظره بتاعت الحب الفي عيونو وابتسم وقال ليها رجعنا تاني لشحطط المواصلات 😊 ،،،،، معليش نعمل شنو يعني نستحمل بس ي حسن لحد نلقي شغل احسن
طلعو ولانو طريقهم ماواحد اتفارقو في نص المسافه
بعد اتفارقو اخدت دينا التلفون وبقت تتصل علي اكرم ،اكرم بفصل الخط في وشها وهو دايما بعمل كده 😔لما بكون معاها ويمشي مهما تتصل مابرد عليها لحد ماهو يتصل عليها لما ماردا زعلت شديد وصلت الفندق دخلت الغرفه بتاعتها واخدت شاور جهزت الغدا حقها وقعدت قدام التلفزيون بس حست انها ماكويسه وحست بطمام شديد وجرت رجعت ف الحمام ورفعت راسها ف المرايه وقعدت تبكي وتبكي 😭😭😭 (انا ليه بهين نفسي كده وعشان شنو يعني اكرم بتعامل معاي كده انا حاسه اني زي عاهره طلعت من الحمام وكانت مستاءه شديد ) فتخت الدولاب وطلعت منو شريط فيهو حبوب (بندول)اخدت منو حبه وبعد شويه بقت حاسه انها هادئه وماحست بنفسها الا وهي نايمه
يتبع
