دينا صحت بصوت عالي جدا بيخبط في الباب صحت وهي مخلوعه جرت ع الباب وعاينت بالعين السحريه عشان تعرف منو الفي الباب شافت مره واقفه مالابسه طرحه شعرها اسود وكانت صاره وشها بطريقه غريبه المره كانت اربعينيه العمر لابسه عبايه سودا
فتحت ليها دينا الباب واول ماافتحت الباب ملامح المره اتغيرت من الصره القبيل لضحكه وابتسامه كبيره 😊😊مرحبا انا ياسمين جارتك ف شقه رقم ١ وعرفت من الخاله صفيه الساكنه في الدور الاول انك سكنتي جديد وحبيت اتعرف عليك واعزمك العشا معاي اكيد انتي ماعامله حسابك ع العشا لانك حديده (ردت عليها دينا وهي بتتثائب لانها حاسه انو راسها تقيل وماقادره تغمض ) شكرا ليك ياسمين انا فعلا ماتعشيت لكن شربت شاي قبل شويه تعالي ادخلي انتي اعزمك شاي ☺
-بس انا خايفه اتقل عليك شكلك كنت نايمه
-لالا العفو ياخ اتفضلي انا يس لي يومين كده مامرتاحه وبطني ماطبيعيه ومابقدر اكل كتير معدتي بتألمني اتفضلي (دخلت وراها وقعدت ف الكرسي الكانت قاعده فيهو دينا ودينا قبل ماتمشي ع المطبخ سالتها )
-عفوا بس اتخيل لي انك كنتي مسافره صح لانو الزول الجاب لينا الشقه قال كل الناس الفي الطابق ده مهاجرين ؟؟
-ايوه فعلا انا كنت مهاجره بسً رجعت لي اسبوع كده لكن ماف زول عارف غير خالتو صفيه اللي في الاول 😊خلينا يوم نزورها حاتحبيها جدا
-طيب ماف مشكله 😊 انا حادخل اعمل الشاي طيب (دخلت دينا المطبخ وحهزت الشاي بس ماعارفه تعمل كم ملعقه سكر ف حبت تسال ياسمين عشان تعرف سكرها كيف حات بره عشان تسالها بس مالقتها قاعده ف الكرسي والهول فاضي 😳استغربت طبعا وبقت تنادي ياسمين 📣 لو سمحتي انتي هنا ياسمين 📣 بقت تدخل في الغرف يمكن تكون دخلت تشوف الشقه بس مالقتها والحمامات خبطت فيها من بره بس ماف حد عاينت لباب الشارع لقتو مفتوح اختارت في تصرف المره حركت وشها في تساؤل كده وقفلت باب الشقه وجات قعدت ف الكرسي عاينت للزمن الساعه كانت ٩ ونص بالليل قفلت التلفزيون ودخلت غرفتها لبست ملابس النوم ورقدت وبقت تعاين لسقف الغرفه اللي عليهو نفس الرسومات البره المثلث الجواهو عين بس في سقف غرفه النوم كان واحد وكبيرماقدرت تعرف ده شنو كل ماتعاين للصور دي بتحس بنعاس غريب وبتنوم فورا وفعلا نامت ،، صحت الساعه ١٢ بالليل تاني وقامت عرقانه من النوم مشت المطبخ فتحت التلاجه اخدت القاروره بتاعت المويه شربت قفلتها واخدتها معاها بس الغريبه والحاجه المالاحظت ليها دينا انو المويه كانت بارده رغم انو التلاجه متعطله شربت من المويه وواصلت نومها
(الزمن كان مابمشي تقريبا واقف او بمشي بالبطئ وكل مادينا تصحي وتعاين ف الساعه تلقي انو عدت ساعه بس وكل مره بنفس الطريقه ف النهايه صحت وبقت ماقادره تنوم الساعه الان خمسه صباحا طلعت بره وقعدت قصاد التلفزيون للحظه بس كانت ف حركه 😰وراها شخص ماشي واتحرك بسرعه كبيره ولما اتلفتت وراها براحه وهي خايفه 😰😰😰 ماشافت حاجه غمضت عيونها واتنفست 😓 وشهقت لانو اتخلعت شديد قبل ماتفتح عيونها حست بنفس قريب لوشها فتحت عينيها فجأه وبخوف وشافت منظر مرعب
مره حامل لابسه فستان زفاف ابيض والدم ناذل منها وشايله سكين وبتحاول تشرط بطنها بالسكين 😰😰والدم من كل اتجاه (صرخت دينا بصوت عالي والمره لسه بتقرب منها دينا صرخت لحد وقعت واغمي عليها ووقعت ف الارض )
