دينا استعادت وعيها وهي بين نايمه وصاحيه بتحاول تفتح عيونها كانت سامعه صوت بعيد بس ماقادره تميزو وهي بتحرك راسها يمين وشمال عشان تستوعب البحصل لما فتحت عيونها لقت ياسمين قاعده جنبها (جارتها الفي الشقه ١) عاينت بالاتجاه التاني لقت دكتور لابس بالطو ابيض وفي يدو في حقنه عباها وجا ضغط علي يدها وطعنها اتألمت وعاينت لياسمين وبقت تقول
-ياسمين انتي ؟؟! انا وين 😔😪 انا حاسه اني تعبانه شديد في شنو وده منو 😓😓
-اطمني يا دينا انتي في بيتك وكويسه انا جيت خبطت ع الباب ولما مافتحتي خوفتا عليك وكسرت الباب لقيتك مغمي عليك اتصلت بالدكتور وجا
_هنا الدكتور اثناء مابستعد عشان يطلع قال ليها خلي بالك ي مدام انتي حامل اي حركه منك اي ضغط ممكن يأثر علي الجنين
_ ياسمين التفتت علي دينا وقالت ليها الف مبرووك اخيرا حايجينا ف العماره بيبي جديد (كانت ياسمين مريبه ف شكلها وفي تصرفاتها ع طول وشها شاحب وماف علامات ارتباح ع وشها ...دينا بعد سمعت خبر الحمل نست اي شي وبقت خايفه حايجي جنين هي ماعارفه ابوهو وين هنا ياسمين طلعت مع الدكتور بره وكانو بتكلمو براحه وبيتوسوسو دينا قامت بصعوبه من السرير ولانو الدكتور اداها حقنه مهدئه كانت بتشوف الحاجات ضباب ومابوضوحً باب الغرفه كان مقفول بس ماكلو كان موارب قامت واتسندت علي السرير وبعديها علي الحيطه لحد وقفت جنب الباب ولسبب ما اتخبت ورا الباب
وبقت تعاين من فتحه الباب الصغيره والدكتور وياسمين لسه بتهامسو فجأه ياسمين اتلفتت وحمرت ل دينا بشكل مخيف كانو كانت شايفاها لما كانت بتتخبي 😡 دينا خافت رجعت واتكلت ع الحيطه وغمضت عيونها وبقت تتنفس بسرعه فجأه ياسمين دخلت ل دينا ف الغرفه وكانت غضبانه شديد وبدت تتكلم معاها بنهره كده
-انتي قمتي من سريرك ليه 😡😡
-دينا ردت وعلامات الخوف كانت ظاهره عليها (انا كنت ماشه الحمام 😰 )
-اسمعيني لاذم تخلي بالك من نفسك (وياسمين بدت تعاين ل دينا في بطنها ) نحن حاليا محتاجين ليكم شديد
- دينا ردت عليها نعم ؟؟! انتو ؟؟! انتو منو ومحتاجننا انا ومنو انا مافاهمه حاجه؟؟
- انا ماعايزه كلام كتير انا ماشه كرت الدكتور في التربيزه هناك لو تعبتي اتصلي عليهو
- طيب ممكن اعرف الزمن الساعه كم ؟؟!
- الساعه ٧ مساء
- نعم 😳😳😳😳كيف يعني ٧ مساء انا كنت صاحيه الساعه ٤ ومامتزكره بعديها حاجه بس اكيد الزمن محايكون مرا كده بسرعه 😰
- انا ماشه لو احتجتي حاجه تعالي خبطي علي الباب انا قاعده ماطالعه
- لما طلعت ياسمين دينا ماكانت فاهمه حاجه عاينت للساعه لقتها ٧ مساء فعلا اخدت التلفون وبقت تتصل علي رقم اكرم وكان مقفول طوالي كانت جعانه واتزكرت انو ماف حاجه ف البيت تتاكل اخدت طرحتها وفكرت تطلع تجيب اكل من بره رغم انها تعبانه لما فتخت الباب وكانت طالعه فجأه لقت في راجل واقف في الباب في وشها شايل معاهو شنطه صغيره واكياس كتيره جنبو ف الارض اتخلعت وصرخت الراجل بقي يتكلم معاها
- معليش اني خلعتك بس كنت ناوي اخبط علي الباب 😊 انا رسلني زوجك عشان اصلح التلاجه وكمان مرسل ليك معاي شويه مواد تموينيه للاكل
- اهااااا طيب اتفضل انت بتشوف اكرم اخر مره شفتو متين ؟؟!
- الراجل شال الاكياس ودخل من غير مايرد علي دينا طبعا هي استغربت انو مابيرد عليها ، دخل المطبخ وفتح التلاجه وعدي ربع ساعه فيها دينا فتحت الاكياس ولقت كميه من المواد لحمه وبيض وفراخ وكميه من الاكل لقت انها مامحتاجه تطلع قعدت قصاد التلفزيون وبقت منتظره الراجل يخلص عشان تقدر تعمل حاجه تاكلها الراجل بعد خلص جا وقال ليها
- انا خلصت ي مدام عن ازنك
- دقيقه طيب بس ماتطلع (دخلت عشان تجيب قروش من الغرفه ولما طلعت مالقتو بقت محتاره دخلت فتشت المطبخ والحمام مالقت زول عاينت اتجاه الباب لقتو فاتح جرت علي اتحاه الباب لما وصلت عاينت بره لقت الذول دخل المصعد والباب كان لسه ماقفل بتاع المصعد بقت تنادلي فيهو بس هو اختصرها وقفل الباب
