هو من بعد الحب بقلم حروف مبعثرة الناشربارق العراقي

البارت الرابع

#هو_من_بعد_الحب
#البارت_الرابع
#بقلم_حروفٌ_مبعثرة
#اalnasheraliraqi9

من  كال  ملاك ..
انصدمت ..لكن  بسرعة .حسيت  على  روحي
وضحكت  ضحكة  جذابية ..
ابو الفوارس خوية ..
اريدك  تعذرني ..
الشأن  شأنك ..
ولازم  انت  تصارحها ..
لان  بعدين مراح  تحترمك وتعتبرك
ضعيف  الشخصية ..
اعذرني  خوية ..
لكن  اختيارك  جيد
ملاك  خوش  بنية ..
والكل  تعرف  هالشي ..

فارس ..
اي  ضرغام ..ما كتلي  شنو  موضوعك  الي 
ردت  تحجيلي  عنة

ضرغام ..
ههههههه تدري  فارس  نسيت  الموضوع اصلا ..
يمكن  لان  مجان  موضوع 
ذات  اهمية..
من  اتذكرة  ..اكيد  اجي  اكلك ..
بعد  يومين ..
فارس  صارح  ملاك ..
ورفضت  من  اول  ما صارحها ..
وضل  فارس..يلح ..
والكلام  الي دار بينهم ..
كلة  وصلة  لضرغام ..
الي  بداخلة  متألم ..
لكن  ساكت ..
وكال  ما اجوز  منها ..

ضل  فارس  ..في كل  مناسبة ..
وكل  فترة  يرجع  يفتح الموضوع 
وملاك  ترفض
ضرغام ..
من  بعد  ما  فارس صارح ملاك
ورفضت ..اني  ما اكدر  اخطي 
اي  خطوة ..
صعبة ..راح  اكون  بنظر الكل  خاين ..
والسكوت ..والنسيان .. والابتعاد
افضل  حل ...
انتهت  السنة الاولى
بهذا  الحال ...
لا  ملاك  قبلت  بفارس ..
ولا  فارس  جاز ...
ولا  اني    كدر ت بعد  اعترف
عن  مافي  داخلي ....

ضرغام
بدت  السنة  الثانية ..
ونفس  الاحداث
ما تغيير  شي ..
وقررت  ...ابتعد
عن  فارس  ..وملاك ..
وقصتهم  الي  صارت  على  كل  لسان ..

وصرت اروح  لقسم  العلوم 
الي  قريب ..عن  قسمنا ..
هارب  ..من  نظرات  ملاك ..
الي  كلها  تسائل  عن  تهربي  منها
وكلام  فارس  عن  ملاك ..

ياذيني ..اني  وصديقي  نحب  نفس البنت
وهية  رافضتة  نهائيا
وكلشي  بيها  تصرفاتها ..كلامها  وعيونها
تشير  الى  انها  تبادلني  نفس  الشعور ..
لكن  ما بالايد  حيلة ..
مجبور  ابتعد ...
.....  
بعد  اسبوع قررت  اترك  الخط ..
لان  فارس  الطريق  كلة  يسولف  بيها ..
واصلا  فضح  البنية ..من  كد  ما يحجي  للولد 
عنها ..وعن  حبة الها ..

بذاك  اليوم  رحت  عبرية ..
علما  اني  باحدى المحافظات  القريبة
على بغداد ..واذا  اروح  بالعبرية اتأخر
وتقريبا  اركب  اربع او خمس  سيارات 
الا اوصل  الجامعة ...

رحت  عبرية ..وجان  عندي  امتحان
ومتأخر ..واني  واكف  بكراج بغداد الجديدة
الي  بي  السيارات  الي  تروح  للجامعة
الطلاب  عددهم  هواي ..
والسيارات  قليلة جدا ...
كل  شوي  اباوع  للساعة  الي  بايدي ..
وانتظر ..
الانتظار  صعب ..
وبذيج  اللحظات  رفعت  راسي ..والتفتت
وجان  اشوف ..
الي  ما جنت  متوقع  ابد  اشوفها  هنا
شفت  اريج ..
اي  هية ..
هية  نظرة ...لو  اعصار ...
اي  اعصار ..
اقتلع  كل الاشواك  الي  بكلبي ..
وزرع  ورود  الامل  ..من جديد ...
بنفس  اللحظة  هية  هم  اجت  عينها 
بعيني ..
اني  جنت  وحدي  واكف ..
وهية  هم  وحدها ..
كلبي  يكول  روح  سلم  عليها ..
حاجيها ..
وعقلي  يكول  اثكل  واترك  البنية  بحالها ..
ضلينا  ..
كل  شوي ..
اباوعلها ...
وهية  تباوعلي ..
اووف  ..يم  عيون  مليانة  سحر
وين  جنتي ..
ليش  اختفيتي  فجاة
وهسة  رجعتي  ..
لكن  ..
ياترى ..
تبادليني  نفس  الشعور ..
لو  عندج  احد  بحياتج ..
بهل  اثناء ...
وكفت  سيارة منشأة اوتمارس ..
كبالي  ...
ما  صدكت  روحي  واخيرا ..صعدت اول  واحد
وصاروا  الطلاب  يتراكضون ..
اني  كعدت  يم  الجام ..
اول  مقعد من  صفحة  الباب
واباوع  ..للطلاب  الي  هجموا 
هجوم  على  السيارة ..
وعيني  راحت  على 
ساحرة  قلبي ..
جاية  واكفة  قريب من  السيارة 

لكن  متكدر  تصعد 
وهية  هم  ضلت  تباوعلي  ..
اووف  ياعيون  طيحتي  لب  العقل ..
متحملت  اشوفها  بهل  حال ...

اشرلتها  صعدي كمت وكفت ..
وحاجيت  الولد  يسولها  طريق ..
اجت  صعدت ..
اني  كمت  وكعدتها  بمكاني 
والسيارة اكتضت  بالركاب ..
واضطرينا  نوكف  بالممر ..

صاح  السايق  ..
يابة  ترة  العدد كلش  هواي ..
وتايراتي  تعبانة ..
اذا  متصير زحمة
الواكفين  خل  ينزلون ...

وبما  انوا  اني  اول  واحد  يم  الباب  واكف
نزلت ..اول  العالم ..
ومن  نزلت ...
وكفت  شلت  راسي ..
واذا  بيها  تباوعلي  ومصدومة..

وبانت  على وجها  البريء ..
بانت  عليها ..
علامات  الندم..
تباوعلي  بعيونها ..
لكن  متكدر  ..شتسوي 
تنزل ..
وتترك  مكانها ..
والولد  دينزلون ...
مشيت  شوية 
ابتعدت  عن  نظرها .
ما  اريد تلوم  نفسها ..
وكفت  شوية  ليكدام  ..
وجان  تحرك  السيارة ..
وشلت  راسي  لكيتها  بعدها  تباوعلي 
الى  ان  مشت  السيارة ..
وراحت ...

صح  اني  عندي  امتحان ..
ومتأخر ..
لكن  بداخلي  راضي ..
اي ..راضي 
لان  حتى  لو  بشي  بسيط 
ساعدت ..
بنت  جواريني ..
سهلت  امر  على  بشر ..
والله  كريم  ان شاء الله 
ربي  يسهلي ..
بس  بقى  سؤال ..
يدور..ابالي..
شعدها  بجامعة  بغداد ..

معقولة ..
هي  هم  تداوم  هناك ..

اجت  غير منشاة ..
وركبت ...
وفكري  مشتت ..
من مكان  متأخر  عن  امتحاني 
ومن  مكان ..
افكر بشوفة  اريج ..
الي  صارلي  ..قريب  السنتين ..
مشايفها...
بالسنين  الي  جنت  بالاعدادية ..
ماشف  اريج ..
الا  عدة  ..
مرات  تنعد  على  الاصابع ..
وصلت  للجامعه..
لكن  الحمد  لله ..
لحكت  باللحظات  الاخيرة ..
وقررت ..ابتعد  عن  فارس ..
وقت  الاستراحة 
ما بين  المحاظرات ..
ورحت  يم  قسم  العلوم ..
الي  هو  قريب  عن  قسمنا ..
ومشى  ذاك  اليوم ..
واني  مرتاح  نوعا ما ..
خلص  الدوام ..
ورجعت للبيت ..
ورجعت  الافكار  الحلوة  تزين  مخيلتي ..
اووف  ..يا اريج ..
شلون  اوصلج ..
وشلون  اعرف  بشنو تفكرين ..
ومن  بكلبج ..
وبعد  يومين  من  هاي  الحادثة
دا مشي  وية  اصدقائي ..
يم  القسم مالي
جان  اشوفها  كبالي  ..
هية  و بينة   وياها ..

استحيت  اني  اسلم  عليها ..
لكن  هية  اجت  وكفت  كبالنا ..
وبادرت  بالسلام ..
ورديت  السلام ..
وجان تكول  ضرغام
ممكن  من  وقتك  شوي ..

وللحكاية  بقية ..