#هو_من_بعد_الحب
#البارت_السادس_عشر
#بقلم_حروف_مبعثرة
#اalnasheraliraqi9
ضرغام ،،
كعدت تسولفلي عن نفسها وشتحب
وشتكره ،،
وتسالني شنو احب وشنو اكره ،،
وكل شوي تاخذني الافكار ،،
بعيد ،،
اي تاخذني غصبا عني ،،
وارجع اركز وياها وبمعانيها وبتصرفاتها
هواي بيها شبه من اريج ،،
مو بالشكل ،،
وانما بالتصرفات وطريق الكلام
اماني اصغر مني بسنتين ،،
اماني مخلصة تربية علم نفس ،،
يعني فاهمة ومتعلمة ،،
بس ما متعينة ،،وهالشي اني اريدة
اريد وحدة متعلمة ،،
لكن متتوضف وتطلع برة
اريدها تبقى بالبيت غيرتي ما تسمح
زوجتي تختلط بالناس
الشي الي يخصني احبة يكون الي فقط
احب اني اوفر كلشي تحتاجة زوجتي
وشتريد ،،،
بس لا هية تطلع برة وتشتغل وتختلط
بالناس ،
كعدنا ما يقارب الساعتين ،،
لكن مو كل الي كالتة ركزت بي
لان اني افكاري مشتتة من الداخل،،
وصار ثاني يوم ورحنة اشترينا حلقات
وذهب وعفتها وية امي وباسمة
واني رحت اختارلها هدية وتالي
اشتريتلها ،،ساعة ،
ذهبية جدا جميلة ،،
تكفيرا عن عصرة ايديها ،،
البارحة احمرن ايديها من عصرتهن
ووعدتها اجيبلها هدية ،،
ومن رجعنا للبيت ،،
صحتها،،
واجت كعدت يمي
وكتلها غمضي عيونج ،،
استغربت وسالت
ليش ؟
معليج غمضي عيونج وانطيني ايدج
غمضت وانطتني ايدها،،
لزمت ايدها ولبستها الساعة ،،
وكتلها فتحي عيونج ،،
من شافتها ،،اندهشت وابتسمت
كتلها عجبتج ،،
ردت
كلش حلوة مبين عليك ذواق ،،
للحظات ،،حسيتها اريج ،،
واخذت ايديها ابين ايدية ،،
وصرت اللمسهن ،،وعيني عليهن ،،
واتذكرت من عصرت ايد اريج ،،
واتذكر مرة من دننزل السيارة
خلت ايدها على باب السيارة ،
واني اتعمدت اخلي ايدي على
ايدها ،،وحتى هية حست بية لان
طولت يلة وخرت ايدي ،،
لحظات اروح لغير عالم ،،
عالم عانيت بي
ولحد الان اعاني ،
وجان احس على روحي ،
كتلها اخذي راحتج ،،
اخاف تردين ترتاحين من تعب السوگ
كرهت نفسي ،،
اي
لان بعدني،اتذكر اريج ،
بلحظات ما تخصها،،
باجر نسوي حفلة ،،
حفلة العقد او بمعنى اخر (المهر )
بهاي الليلة بعد ما كعدنا سوة ،
هية تعبت جسديا من السوگ
واني تعبان نفسيا ،،
والليل ما نمت زين ،،
الافكار تسلب الانسان راحتة
من تكون مؤلمة ومشتتة،،
صار الصبح ،
واخذتها لمحال تاجير البدلات ،
واختارت بدلة وردية ،،
أنت تقرأ
هو من بعد الحب بقلم حروف مبعثرة الناشربارق العراقي
Romanceقد تجمعنا الصدف وتزرع في قلوبنا الحب فهل لنا من ذلك الحب نصيب
