هو من بعد الحب بقلم حروف مبعثرة الناشربارق العراقي

البارت الثاني

#هو_من_بعد_الحب
#البارت_الثاني
#بقلم_حروف_مبعثرة
#اalnasheraliraqi9

من شفتها.هية ذيج البنية هية نفسها
ودتسال ..عن ضرغام محسن .
فرحت بداخلي ..
واشرت باصبعي على صدري
بما معناه اني ...
وجان تهز راسهة ..ورفعت حاجبها
بما معناه ..ها ..
رجعت ااشر على السبورة ..
وبعد ما التفت ..
وحصلت على اعلى عدد من الاصوات
وصرت القدوة على صفي ..
بعد يوم..
دك الجرس ..
وجان عدنا مادة الجغرافية ..
دخلت علينا .معلمة هاي اول مرة اشوفها ...
بس جانت ..جميلة جدا ..
وعرفتنا ..على نفسها ..
وعرفنا ..انو هاي المعلمة جاية نقل
وراح تاخذنة .بالاجتماعيات ..

بدة الدرس ..
وصارت ..تسال ..وتدرسنة ..
ويا طالب ..الي تاذن الة بالشرح
او بالقراءة ..
مجانوا ..يجاوبون ..
الا ان ..اذنت الي بالشرح ..
كمت وكلي ثقة ..
كمت قرات وشرحت ..الدرس .
وسالتني عن اسمي ..
وجاوبتها ..
...مشت الايام ..
وصارت ست هند ..
ماترضى .او بالاحرى معيجبها
سوى اسلوبي ..سواءً ..
بقراءة الموضوع او شرحة ..
وجانت تكول ..
ضرغام من يشرح ....
يشرح..الكلب ..
جانت راضية جدا عني ..
وتبين ..بعدها ..انو
ست هند هية ام الطالبة الجميلة
اريج ..
وشائت الصدف ايضاً ..
ان ..يكونوا ..جيرانة ..
اي ..ست هند ..همة الجوارين الجدد
الي سكنوا ..براس الفرع .الي يروح للشارع
الرئيسي...
واحنة براس الفرع لكن من ذيج الصفحة
الي على الداخل ...
اي ..نفس المدرسة ..
ونفس الفرع ..
ونفس العمر ..
عائلة اريج ..

تتكون من
ابوها ..ومهنتة ظابط بالشرطة
وامها ..ست هند معلمة مادة الاجتماعيات ..
وعدها ..اخوان ثنين ..
اكبر مني ..
وعدها اخت ..
اصغر منها ..
حالتهم المادية ..جيدة ..

اما اني ..
فكانت عائلتي تتكون
من ابوية ..صاحب محل تحفيات..
واثاث ..
وامي ربة بيت ..
واني ..الجبير ..
وعندي ..اخوان٢
عبد الله
و
محمد
واختي باسمة ..

احنة صح حالتنة المادية زينة
لكن مديونين على البيت ..
....
مشت الايام ..
ونجحت ..الاول على المدرسة ..
ومشت الاشهر ..
وماشفت ..
اريج ..الا عدة مرات قليلة ..
..
بدت سنة دراسية جديدة ..
وهنا اني...داومت سادس ابتدائي ..
واريج كذلك ..
وصرت اشوفها ..
هواي بالمدرسة ..
وكلما اشوفها ..
يتجدد احساس ..الاعجاب
بداخلي ..
..مع كل يوم ..
مع كل نظرة ..
مع كل صدفة ..تجمعنا سوة
تتجدد..احاسيس جديدة ..
ينمو حب ..
ويكبر ..في داخل
قلبي ...
اي ..بدت قصة اعجابي باريج
واني اابن الحادي عشر ..من العمر ..
...
مرت اشهر الدراسة ..
ونجحت الاول على المدرسة ..
وصار لازم نفترق .
بعد ماكو لقاء .
لان كانت مدرسة ابتدائية مختلطة ..
وبالمتوسطة ..ماكو مختلط ..
...
مرت السنين ..
واني على نفس العزيمة والاصرار ..
تفوق ..بتفوق ..
نعم اني ضرغام ..
كل سنة ..اعفاء عام ..
ما عدى الثالث ..لان بكلوريا ..
وبالاعدادية ..
كذلك اعفاء عام ..
ماعدى السادس .وهم لان بكلوريا ..
..كل هاي السنين ..
واني احساس الاعجاب بداخلي
ما تغير ..
واريج ..صارت تمر ابابي
من تروح لمدرستها ..
سواءً ..متوسطة او اعدادية ..
لان طريق المدرسة ..
هو عن طريق ..صفحة فرعنة ..
واني ..بطرقي ..لمدرستي ..
عن طريق صفحتهم ..
امر من يم بيتهم ..واروح لدوامي
لان ..مدرستي ..
بالسوك ..
وهيج ..صارت ..
شوفتي الها ..عن طريق
الصدف ...
وصرت ..اذا ..تمر ابابي
غصباً...عني ..
تحرسها ..عيوني ..الى ان ..
تختفي ..عن عيوني ..

لحد الان ..ما اعرف
اني ..ليش هالبنية معجب بيها
وهل ياترى اثنينة نحمل بداخلنة نفس المشاعر
وللحكاية بقية
______________________________________