عشق النسيان " الجزء الاول من سلسلة العشق"

البارت الاول

نوفيلا
عشق النسيان
الحلقه الاولي
&&&&&&&
صرخت فيه بقسوه وغلظه وهي تشدد ع كل حرف بتقوله : عيد قولت ايه تاني ؟؟
نظر ليها برعب واضح ف عيونه وحاول كتير انه يتكلم لحد ما عرف
الحارس برعب : الاثنين إللي كانوا ف السجن هربوا جلالتك
نظرت اليه بعيون تكاد تفقده وعيه من شده الخوف
تكلمت بصوت هادئ زي ما بيقولوا ( الهدوء ما قبل العاصفه) :  وده حصل ازااي ؟ مهو مفيش غير سببين لاما انت واللي معاك نايمين ع ودانكم .. أو العيلين دول قدروا يضحكوا عليكوا وغفلوكم مش كده وبردو النتيجه واحده
تلعثم ف كلامه : يا جلالتك .. غياب الملك كان ليه تأثير ع إللي حصل
رفعت صوتها بامر : المملكه تمشي زي ما تكون موجود فيها الملك أو مش موجود وعشان كده انت وكل حراسك مطرودين وكويس اوي اني مقتلتكمش غور من وشي
جري بسرعه من قصادها رغم انها بنت ألا وإن شخصيتها شديده جدا وليه لا ؟؟ وهي بنت جلاله الملك (شاكر) والوريثه للعرش من بعده !
قامت من مكانها بغضب وجريت ع ساحه التدريب يمكن ترتاح شويه وتنفس عن غضبها .. البنات إللي ف سنها بتشوفهم بيلعبوا وبيهزروا ومفيش ف دماغهم حاجه بس هي .. هي من صغرها اتعودت علي المبارزه بالسيف وركوب الخيل والسباحه ورمي الاسهم كل شئ يخليها في منصب ولي العهد .
فضلت تدرب لحد ما زهقت رمت السيف بقوه ومشيت بخطوات واثقة وفيها شئ من الحده ودخلت ع الجناح بتاعها أو نقدر نقول مملكتها الصغيرة .. دخلت جوا وقعدت ع كرسي هزاز وفضلت تفكر ف صمت لشئ مجهول قطع تفكيرها صوت اختها الصغيره
نورسين بأدب : سمو الاميره .. جلاله الملكه عايزكي
بصت ليها بغضب شديد : أولا إنتي اختي واحنا لوحدنا قولي اسمي عادي .. ثانيا هي عايزه اي
نورسين باستسلام : معرفش .. هي قالت اندهلك
احتد صوتها : وهي مبعتتش حد من الخدم لي ؟؟ ولا هي مجتش لي أصلا
نورسين مهدئه : مولا.. عشق دي جلاله الملكه وأنتي عارفه كده كويس مينفعش الأسلوب ده .. إنتي المفروض تكوني اعقل من كده مش أنا إللي هقولك .. إنتي الملكه المستقبلية للعرش كل حاجه بتعمليها محسوبة
تنهدت بضيق : حاضر يا نور .. حاضر. 
مشيت ببطء ويضيق عند الملكه (هيام ) وهي بتستغفر ربنا وبتحاول تكون هاديه ع قد ما تقدر عشان متضطرتش تعمل حاجه تندم عليها بعدين ..
خبطت ع الباب وفضلت ثواني  وسمعت الاذن بالدخول دخلت جوا بهدوء وقعدت ع الكرسي المقابل للملكه بكل برود واستفزاز بصت ليها بغضب بادلته ببرود امرت الخدم يطلعوا برا وبعد شويه كان المكان كله فاضي
هيام بابتسامة عريضة مستفزه : ازيك يا سمو الاميره
عشق بإنجاز : خير جلالتك قالوا انك عايزني
هيام : دي طريقه تكلمي بيها امك بردو يا كارمن
عشق بحده : اسمي الاميره عشق ثم اني معنديش امهات امي ماتت
هيام بغضب : بنت اتعدلي ف كلامك مهما عملتي أنا هنا الملكه وكلمتي تمشي ع الكل
عشق باستفزاز : اسما .. أسما بس يا مولاتي انا هنا الحاكم الفعلي للمملكه لحد ما الملك يرجع بالسلامه
هيام بغضب : لحد أمتي هتعامليني كده
كارمن : ف حاجه عايزه تقوليها مولاتي
هيام بغيظ : امشي يا سمو الاميره أمشي
طلعت عشق وهي جواها فيها نار كل ما تفتكر إللي حصل يزداد غضبها من الملكه وتصبح فكره سماحها مستحيله أما في داخل الجناح الملكي الخاص بالملكه فكانت تتحرك بغضب
هيام : هتفضلي طول عمرك غبيه يا عشق طول عمرك .. لازم تفوقي من غبائك ده .. يا اسمااااء
دخلت اسماء بسرعه (الايد اليمين للملكه) وهي بتدعي يعدي الوقت بسرعه لان من صوت الملكه واضح جدا أن في حاجه وحاجه كبيرة كمان
اسماء : نعم جلالتك
هيام : عايزكي تبعتيلي عدنان فورا وتبعتي حد يشوفلي كل تحركات الاميره عشق بتعمل اي بتروح فين كل حاجه
أسماء بطاعه : امرك جلالتك
طلعت بسرعه تنفذ المطلوب منها  وبعد شويه رجعت بشخص من منظره الخارجي ملثم مش مكشوف غير عيونه إللي تشبه عيون الصقر ف حدتها مش ورا أسماء بهدوء وثقه بينما الثانيه حركاتها مرتبكه طبعا وهي وراها زي ما بيقولوا ومعروف عنه السفاح!!!
دخلت جوا وهي جواها الف سؤال لي الملكه عايزه واحد زي ده؟؟ واشمعنا هو ؟؟
اسماء باحترام : مولاتي .. عدنان برا
هيام : دخليه
طلعت أسماء ودخل عدنان وحيا الملكه باحترام وتحدث بهدوء : خير جلالتك
هيام بخبث : عدنان .. الملقب بالسفاح بتقتل بدم بارد ومبتخفش من حد .. الملك دخلك الجيش لقوتك وقوه الملاحظه بتاعتك .. فيك كل الصفات إللي اي واحده تعوزها .. بس المشكله انك دايما مخبي وشك
ابتسم بسخرية : تصدقي مكنتش أعرف الكلام ده عن نفسي .. انتي فاجئتيني جلالتك
هيام بغضب : أنت إزاي تتكلم بالاسلوب ده أنت مش عارف أنا ممكن أعمل اي
عدنان ببرود : الكل عارف اني مبخفش .. وأكيد جلالتك مش جايبني عشان تقوليلي كده خير جلالتك؟؟!
هيام بابتسامة : بص بقي وعايزك تسمعني كويس لان مفيش غيرك عن هو إللي ممكن يساعدني
&&&&&&
ف مكان تاني نقدر نقول جناح تاني ف القصر نسمع صوت ضحكه عاليه جايه منه وبنتين بيلعبوا شطارنج
عشق بسعاده : أنا إللي فوزت
نورسين بعبوس : حرام عليكي يا عشق .. ارحميني أمتي بقي هتسبيني انا اكسب
عشق وهي بتشاكس اختها : اعملي زيي واتعلمي إنتي اللي جاهله
نورسين بابتسامة : والله حد يصدق أن إنتي الاميره إللي ممشيه المملكه كلها ع رجل واحده
عشق : يا بنتي أنا مش اي حد انا بنت الملك شاكر يعني طبيعي
نورسين بضحك : يا واثق انت .. هتعملي اي ف موضوع الأسواق
تحولت ملامحها لجاده : هنزل بنفسي الأسواق واشوف اي اللي بيحصل
نورسين بقلق : هتنزلي إزاي يا عشق أنتي عارفه كام واحد عايز يقضي عليكي
عشق بابتسامة : أنا سمو الاميره عشق وعندي اخت حلوه زيك مفيش حد هيقدر يقرب مني وبعدين ما إنتي عارفه اني بنزل كل مده الأسواق
نورسين : ايوه بس المره دي مختلف المره دي الملك غايب بقاله مده كبيرة  والكل قلقان وف اللي بيستغل قلق الناس
عشق : وانا بعت حرس ف كل مكان يدوروا علي الملك ولو سمح الأمر هنزل بنفسي ادور عليه
نورسين باستسلام : محدش بيقدر يقنعك بحاجه يا سمو الاميره
&&&&&&
انقضي اليوم سريعا وظهرت شمس جديده بأحداث جديده هتغير كل شئ
كانت قاعده ساكته أو بمعنى اصح بتستغفر وتسبح وحست بحركه غريبه حواليها اتوترت وبدون مقدمات هجمت ع الشخص ده بس مسكها وتني دراعها
نورسين بغضب : انت مين
عشق بهدوء: تاني مره متتوتريش لان حركاتك دي بتضعف باقي الجسم اما ثاني شيء فمتسأليش حد هو مين مهو مش طبيعي هيرد عليكي
لفت بسرعه وشافت اختها إللي بصالها بهدوء
نورسين بغضب : إنتي إنتي .. امشي يا عشق
عشق: همشي بس عايزكي تاخدي بالك من كل تصرفات الملكه
نورسين بقلق : هو ف حاجه
عشق بغموض : أنا مبقولش كلامي مرتين يا نور
نورسين بطاعه : امرك يا سمو الاميره
زفرت بضيق بس وعدت نفسها لما ترجع هتصالحها طلعت برا ولقت الحرس موجودين بعد ما كانوا ملهمش وجود
عشق بحده : كلكم مرفودين .. وتبعتوا تجيبوا مكانكم حالا
احد الحراس بسخريه : وانت مين بقي عشان تأمرنا
عشق بصوتها القاسي اللي رعب الكل : انا الاميره عشق وكويس اوي انها جت ع الرفد أن لو حد تاني كان دخل اوضه الاميره مكنتوش هتحسوا يا حيوانات مش عايزه اشوف وش حد فيكم
ومشيت الي وجهتها وهما قربوا يعيطوا من الندم بينما نورسين بتضحك جوا
نورسين : مش هتتغيري يا عشق .. يعني إنتي اللي دخلتي باساليبك ديه وشيلتيها للحراس
&&&&&
وصلت ع الأسواق وهي معاها تعتبر زي اختها الثانيه (غاده (احد الخدم ولكن بالنسبه لعشق غير كده نهائي زيها زي نورسين بالنسبه ليها
غاده بصوت هامس : انتي لي مخلتناش ناخد معانا اثنين ولا ثلاث من الحراس
عشق بهدوء : لأن أنا مش عايزه حرس معايا
غاده : بس ده غلط
عشق : لو مش عايزه تفضلي معايا امشي والا اسكتي
غاده باستسلام : أمرك سموك
مشيوا مع بعض بيراقبوا الأسواق وطبعا مخلاش من عصبيه عشق ع التجار و انها كانت هتتخانق اكتر من مره لولا تدخل غاده المستمر وفضلت تتوعد لتجار معينين بحساب شديد
غاده : مكنش ينفع اللي عملتيه ده سموك
عشق بغضب : دول بيضحكوا ع الناس احنا عاملين سعر وهما سعر تاني خالص .. هما ماشيين من دماغهم وبعدين فين الناس اللي المفروض ف الأسواق حسابهم كبير معايا
غاده ف سرها : يارب الملك يرجع بسرعه لأن الاميره شكلها مش هتعدي إللي حصل ع خير ومفيش غير الملك هو إللي كان بيقف ف وشها
فضلوا ماشيين لحد ما وقفوا قدام سباق لرمي الأسهم عن بعد يزيد عن ١٠ متر وقفوا يتابعوا بهدوء بس محدش قدر يجيب السهم ف المكان المحدد والكل ببشجع لحد ما احد الاسهم وقف ف مكانه بالظبط ..
غمضت عيونها بقلق وفتحتها وبصت حواليها ولقت كلامها صح الاميره اختفت بصوا كلهم لقوا عشق أو الشخص الملثم واقفه وف ايدها القوس والكل بيبصلها ما بين اعجاب وحقد وتشجيع وسابتهم ومشيت زي ما جت ومعاها غاده
غاده : انتي فعلا غريبه يا سمو الاميره
عشق بسخرية : مفيش راجل عارف يجيب حتت سهم ف الهدف
غاده : مش عارفه اقول اي
عشق : متقوليش حاجه. وحست بحركه غريبه حواليها وقفت مكانها واتكلمت بهمس مع غاده
عشق : روحي اندهي الحرس
غاده بقلق : ف اي يا مولاتي
عشق بصراخ هامس : بقولك روحي.  جريت غاده بسرعه وطلع خمسة من قطاع الطرق عليها
عشق بسخرية : خير يا حبيبي أنت وهو مضيعين حاجه
احد القطاع : عايزين اللي معاك كله
عشق : وماله تعالي خده.
قرب منها أحد قطاع الطرق يهجم عليها بس بحركه مفاجاه كان واقع ع الارض والكل بيبص بصدمه وكلهم هجموا عليها وهي بتدافع عن نفسها لحد ما واحد ضربها فجاه ف ظهرها وواحد تاني ضربها بالسيف ع راسها وجريوا وسط الدوخه والسواد إللي هي بقت فيه وبدون مقدمات وقعت ع الأرض بس وقعت ع سن صخره فانفجر الدم من راسها  بغزاره ..
★★★★
..يتبع
#Nemo