عشق النسيان " الجزء الاول من سلسلة العشق"

مشهد خاص بمناسبه العيد 🌹

دخلت بخطوات واثقه حاده لقاعه المحاكمه والكل واقف احتراما وخوفا منها لي لا؟؟ وهي ملكه مملكه الفوارس بعد غياب الملك والملكه الغير معروف وهي قايمه بدورها كملكه بشكل جيد جدا قعدت على كرسيها بهدوء ووقار والكل منتظر امرها بالجلوس اخدوا الأمر وقعدوا ودخل شاب في مقتبل العمر ووقف قصادها بدون خوف
عشق : معاك الوقت تحكي اللي انت عايزه
الشاب بشجاعه : جلاله الملكه .. انتي السبب عارفه تتحكمي في الوزراء الخاصين بمملكتك
وقف الكل وقرب الحراس منه حاصروه بأسلحتهم صاحت بصوت عالي : محدش يلمسه ابعدوا
بعدوا كلهم والشاب بص لعشق بشكر : شكرا مولاتي
هزت رأسها وهتفت : السبب اللي انت بتقول عشانه أني مش عارفه احكم الوزراء اي هو؟ واذكر اسمك
الشاب : انا اسمي صفوت بن الحج محمد اللي بيشتغل في المطبخ الملكي اللي حضرتك بتاكلي منه والوزراء كمان
عشق بهمس : الوزراء ؟؟ ممم كمل
صفوت : حضرتك وزير من الوزراء بتوعك من دون ذكر أسماء طرد ابويا من شغله وياريته سكت علي كده لا ده دمر البيت إللي كنا عايشين فيه وامر جنوده يضربوا ابويا وهددنا ان محدش يجب سيره لجلالتك ولا يفتح بوقه ولا هو اول وزير يعمل مع الناس كده ولا احنا اول ناس الوزير ده بالذات يتعامل معانا كده .. انا سايب ابويا تعبان في البيت وامي ست مريضه لو هي دي العداله امال لو هتظلموا الشعب هتعملي ايه
صاح فيه احد الوزراء بغضب : انت ازاي تجرؤ تقول كده لجلاله الملكه انت محدش علمك الادب
عشق بهدوء حااد : تحب امشي وتيجي تحكم مكاني عشان تتكلم براحتك بقي
سكت الكل عن الكلام وهم شايفين غضب عشق الواضح من غير ما تتكلم وعرفوا ان الوزير ده مش هيكمل معاهم ده لو فضل سليم
عشق : تقدر تقول اسم الوزير يا صفوت
صفوت بسخرية : مش محتاج اقول هو فضح نفسه لما اتعصب يا جلالخ الملكه
وقفت عشق من مكانها والكل وقف معاها وهم قلقانين حتي شجاعه الشاب راحت بوقفها نزلت من على العرش بتاعها ومشيت بخطوات هاديه ناحيه الوزير اللي اتمني أن الأرض تتخسف بيه ف اللحظه دي
عشق بصوت حاد : تجمعلي جنودك اللي كانوا معاك وانت بتهجم عليهم دلوقتي حالا وانت .. شاورت لاحد الحراس .. تروح تجبلي اهل الشاب ده فورا اتحركوا
اتحرك الكل فعلا على قدم وساق وبعد عشر دقايق كان كل اللي طلبتهم عشق واقف قدامها وبيفكروا مين هيطلع عايش من الحرب دي
بصت عشق علي الراجل الكبير وفعلا شافت علامات الإعتداء عليه وع زوجته كمان مش هو بس
عشق : قولتلي الوزير ده هو اللي ضرب والدك بحراسه دول مش كده
صفوت باستغراب : ايوه
عشق : تمام نفس الحراس اللي ضربوا والدك واهلك هم نفسهم اللي انت هتاخدهم وتضربوا الوزير زي ما ضرب اهلك بالظبط
الوزير بصدمه : جلاله الملكه مينفعش. وكانت دي الغلطه الثانيه إللي ارتكبها
عشق بعيون بتشع نار : وايه اللي هينفع عشان تعرفني عليه وتعلمه ليا .. اتفضل خد حق اهلك
قرب منه الشاب وضربه بقوه وانهالوا عليه الحراس وكلهم فضلوا يضربوا فيه لحد مبقاش فيه مكان سليم وبعدوا عنه
عشق : كده العداله بالنسبه ليك؟!
صفوت باستغراب شديد من هدوء عشق : ايوه سموك انا كده ريحت نفسي واخدت حق اهلي
عشق : بس انا مش دي العداله بالنسبه ليا
بص الكل على الوزير بشفقه وهو اتمني لو كان مات ف ايد الشاب ده خير من اللي هتعمله فيه الملكه .. سحبت سيفها بحده وهي رفعاه ف وشه وبدون مقدمات قطعت رجله اليسري وسط صراخه وصدمه الكل
عشق بصوت عصبي : تمسكوا الحيوان ده وتربطوه من رقبته ف رجل الحصان ويلف وسط المملكه كلها باقصي سرعه الحصان عشان يبقي عبره للي يفكر يستغل منصبه من تاني ويتشطر علي الناس وبالنسبه للحيوانات دول .. شاورت علي الحراس مساعدين الوزير الفاسد .. يتسجنوا مدي الحياه عشان اي كلب مكانهم يفكر الف مره قبل ما يعمل حاجه من دماغه من غير ميرجع للملك او للملكه اتحركوا والوزراء كلهم مرفودين ملهمش مكان ف المملكه
ومشيت من قدامهم وكل واحد ييلعن حظه اللي وقعه مع اللي مبتحرمش ورجعت على مملكه الفرس من تاني وشافت ابنها وبعدين دخلت أوضتها ودخل وراها غيث وع وشه ابتسامه هاديه
غيث : نورتي المملكه يا جلاله الملكه
لفت ضهرها وعلي وشها ابتسامه هو بيعشقها ابتسامه مبتظهرش غير ليه وبس
عشق : والملكه كانت محتاجه الملك جنبها
قرب منها وحضنها من ضهرها ودفن راسه بين خصلات شعرها وطبع قبله رقيقه على رقبتها غمضت عينها بمتعه ولفت أيدها حوالين أيده
غيث بهيام : اسف ملكتي الحلوه .. انتي عارفه المشاكل اللي كانت موجودة ق المملكه هنا وبعدين أنا واثق ف قراراتك يا عشقي
عشق بحب : وعشقك دايما هتكون قد ثقتك دي يا غيثي
غيث : وحشتيني يا عشق ثلاث ايام بحالهم مشوفتكيش عارفه لما قالوا انك وصلتي انا كنت هتجنن
عشق : مش اكتر مني حبيبي .. المملكه فعلا كانت محتاجني كانوا مستغلين غياب الملك
غيث بجديه : حصل ايه يا عشق
حكتله علي اللي حصل واللي عملته وكانت غضبانه جدا وهو قرب منها وطبع قبله خفيفه علي عيونها سكتت خالص وابتسمت بحب
غيث : بلاش تتعصبي وانتي بتتكلمي بيكون شكلك طفولي وانتي حلوه لوحدك
عشق : وبعدين بقي يعني انا بتكلم جد وانت بتنسيني أنا عايزه اقول ايه
غيث : عشان انا حلو وعسل كده
عشق بضحك : واثق طبعا .. بس بجد يا غيث هو اللي انا عملته غلط
غيث : لا يا حبيبتي مش غلط .. هو غلط وكان لازم يتعاقب عشان أمثاله يعرفوا يتعاملوا مع الناس كويس وانا بنفسي ههتم بتعيين الوزراء متقلقيش
عشق بحب : تعرف اني بحبك
غيث بخبث : تؤ اثبتيلي جلالتك
قربت منه وطبعت قبله خفيفه على شفايفه وهو قربها منه اكتر واتعمق ف قبلته ليها بجنون وهي شاركته جنونه بحب وبعدوا عن بعض عشان النفس وسندوا راسهم علي بعض
عشق بصوت مش واضح : غيث المملكه وابننا
غيث بتوهان : هشششش وحشتيني يا عشقي
عشق بهيام : وأنت كمان يا غيثي وحشت عشقك اوي
وكانت دي اشاره خضرا من عشق قرب منها وباسها بكل الشغف والحب والجنون اللي جواه وهي بادلته نفس شغفه وجنونه وحبه مش مهم العالم من حواليهم المهم انهم مع بعض وده المهم وبس♥

كل عام وانتم بخير يااارب 💙🙈 عيد مبارك علي الجميع ان شاء الله
#Nemo