عشق النسيان " الجزء الاول من سلسلة العشق"

البارت الرابع

نوفيلا
عشق النسيان
الحلقه الرابعه
&&&&&&&&
دخل الملك وقعد ف الجناح وكان حوله عشق ونورسين والملكه وكلهم فرحانين برجوع الملك
نورسين بسعاده : وحشتنا جلالتك
شاكر بابتسامة : وانتي كمان .. اي يا عشق مش هتسلمي علي بابا ولا أي
بصتله جامد وبعدين جريت ف حضنه وحضنته جامد
عشق بدموع : وحشتني أوي يا جلاله الملك.. كنت محتاجلك أوي
رغم انه ملك وهي اميره بس عند عشق مفيش لا قواعد ولا حدود بيتعامل معاها عادي جدا واصحاب جدا
شاكر : ما انا رجعت اهو
هيام : كنت فين يا جلاله الملك ... اي سبب الاختفاء ده
شاكر بحده : انا كنت سجين
شهقوا بصدمه
عشق بغضب : مبم إللي اتجرء يعمل كده
شاكر : هحكيلكم .. لما روحنا ف رحله الصيد كانت في حركه غريبه حوالين المكان .. أنا أمرت الجنود يمشوا وإني هفضل لوحدي  .. لحد ما ظهر جنود ملثمين وهاجموني لحد ما انصبت وفقدت الوعي .. فوقت لقتني ف السجن .. بس مش عارف مملكه اي حتي الملك أو حتي الأمير مظهرش حتي اسم المملكه مكنش حد بيذكره
نورسين : وحضرتك طلعت ازاي؟؟
شاكر : واحد ظهرلي من العدم وساعدني ع الهروب
ابتسمت عشق لانها عرفت ان غيث ليه يد ف الموضوع بس الملكه اتكلمت
هيام بسعاده : ده عدنان .. أنا إللي امرته بكده
شاكر بدهشه : عدنان
هيام : ايوه كنت عارفه انه انسب واحد للمهمه دي لانه مش هيفكر وهيقتل بسهولة
(عشان متظلموش الناس ف واحده تكون عايزه تقتل بنتها بردو😂😂👊 )
عشق : وأنتي مفكرتيش أن ممكن يكون حد تاني
هيام : معتقدش .. لأن مفيش غير عدنان بس إللي كان يقدر يقوم بالمهمه دي واهو قام بيها بنجاح
شاكر : وانا لازم اكافئه واعرف منه اسم المملكة
وفضلوا يتكلموا وعشق استأذنت تطلع وراحت تجيب السيف بتاعها عشان تتدرب وبعد مااخدته شافت غيث واقف مع واحده وبيكلمها بلطف وبابتسامه داست ع سنانها اوي وبعدين البنت دي بعدت ومشيت
قربت منه وهي ماسكه السيف وعينها بتطلع نار وهو بصلها مستغرب من حالتها
عشق بغيظ : كانت بتقولك اي
غيث باستغراب : نعم .. هي مين
عشق : غيث مبهزرش
غيث : عادي متشغليش بالك سموك
عشق وهي بترفع سيفها ف وشه : غيث انا صبري يينفذ
غيث ببرود مستفز : مش مشكلتي
وبدون مقدمات رمت السيف فجاه وهو اتصدم وبص وراه لقي نفس البنت واقفه بس مش نفس الشكل دي حاجه كد صلبه تمثال الدم مسحوب منها والسيف بعيد عنها بسنتيمترات بسيطه جدا تكاد لا تذكر
غيث بغضب : عشق إنتي اتجننتي .. دي كانت ممكن تموت
داست علي ايديها جامد واتكلمت ببرود مستفز مصطنع : مش مشكلتي
سابته ومشيت وهو ضحك جامد والبت جريت ع برا وهي بتعيط
غيث بضحك : كده اكتشفت جزء جديد من سمو الاميره  .. الغيررره !
قعد يضحك وهي مشيت وهي مخنوقه مش عارفه ليه عملت كده بس هي مكنتش هترتاح غير لما تعمل كده دخلت اوضتها بغضب ودخلت غاده وراها واستغربت المفروض الملك راجع يعني تكون فرحانه بس إللي واضح العكس خالص
غاده : مولاتي .. انا جهزت امور الحفل ومش ناقص غير حضرتك تشوفيها ولو فيه اي تعديل نعمله
عشق بضيق : انا واثقه ف قراراتك يا غاده
غاده : شكرا سموك .. مالك يا سمو الاميره
عشق بدون وعي : مين دي اللي كانت واقفه مع الأمير االنهارده
غاده باستغراب : مين .. رغد
عشق : رغد مين
غاده : خادمه هنا سموك
عشق ف سرها : هو انا كل شويه هتطرد خادمه عشان جنابه ولا اي
غاده : بتقولي حاجه سموك
عشق : ولا حاجه
ومشيت من قصادها ع اوضه الخدم ونورسين راحت وراها واستغربت انها رايحه هناك بس متكلمتش
عشق بأمر : فين رغد
جت رغد وهي لسه بنفس الشكل بتصلها عشق بغضب : انتي مطروده وعلت صوتها بامر اللي يشتغل هنا يشتغل باحترامه إحنا مش بنلعب
وسابتهم ومشيت ووراها نورسين اللي بردو مش فاهمه حاجه ودخلوا جناح عشق
نورسين : ممكن افهم طردتيها ليه
عشق بدون وعي : بتهزر مع غيث بمرقعه
نورسين بخبث : اااه قولتلي غيث ومرقعه امممم
عشق بحده : قصدك اي ي نور
نورسين بجديه : إنتي كنتي بتحبيه يا عشق
عشق باستغراب : لي السؤال ده
نورسين : بقي عشق إللي دماغها بتوزن المملكه كلها مش عارفه اجابت سؤالي
عشق : مالك قلبتي كده لي يا سمو الاميره
نورسين : مهو انتي تشلي يا عشق .. مهو اكيد كنتي بتحبيه والا تتجوزي واحد من عمه الشعب ليه
عشق بجمود : انا معرفش اي حاجه .. انا واحده ذاكرتي ضايعه عايزني اساعدك ازاي
نورسين بهمس : مش محتاج تفتكري يا سمو الاميره .. دي بس شرارات الغيره
وسابتها ومشيت وعشق بصت مكانها بذهول
عشق بهمس : غيرررره !
نفضت الفكره بسرعه من راسها ووقفت : غيره اي انا معرفوش .. ده واحد نصاب محتال .. حتي لو كان إللي كانت بتحبه الاميره الهبله انما دلوقتي لا لا .. بس انا اي خلاني اقول حب .. ما طبعا الغيره مرتبطه بالحب .. لا لا لا .. لا غيره ولا حب مستحيل
وفضلت تردد الكلام ده مع نفسها لحد ما تعبت ونامت
&&&&&&&&
صباح يوم جديد طلع الملك اعلن عن رجعوه لشعبه والكل فرح بالخبر جدا ومشي بس خبط ف
غيث : اسف جلالتك
شاكر باستغراب : انت مين
كان لسه هيتكلم بس قاطعه ظهور عشق إللي اتكلمت : الحارس الشخصي بتاعي يا جلاله الملك
شاكر : حارس .. بس انتي مكنتيش بتحبي كده .. اي إللي اتغير
عشق بابتسامة باهته : حاجات كتير يا جلاله الملك حاجات كتير
شاكر : طيب تعالى عايزك .. ف حاجات كتير عايز اعرفها
عشق : حاضر جلالتك
ومشي الملك ووقفت عشق شويه وبصت لغيث إللي باصص ليها بغموض
غيث : لي مقولتلوش
عشق : نفرض اني قولتله .. هتستفيد اي
غيث : أني ابقي بحريه مكنش خايف من حاجه
عشق : وانت كده مش بحريه .. انت اهو الحارس الخاص لسمو الأميرة
غيث : ده لوحده تقييد للحريه
عشق : لا والله .. ع العموم انا لسه مش متاكده من اي شيء انت قولتها لاني ببساطه مش معايا دليل بس صدقني لو بقي معايا دليل ع كلامك ساعتها تعمل إللي انت عايزه .. واه شكرا ع رجوع الملك
وسابته ومشيت وهو وقف مكانه لحظات بيبصلها بغموض واستغراب
غيث : النهايه قربت .
ومشي علي اوضته وهو بيفكر في شئ وعزم ع تنفيذه خلاص
دخلت جناح الملك وكان قاعد
شاكر : تعالي يا عشق
عشق : خير جلالتك
شاكر : ممكن اعرف أي إللي حصل بينك وبين الملكه .. ومتقوليش محصلش حاجه لان باين جدا
عشق باستسلام : حاضر سموك
وحكتله ع كل شيء هي عارفها وفاكرها ومن اللي اتحكالها
شاكر : وأنتي رايك اي
عشق: انا تايهه يا بابا .. مش عارفه لي كل ده حصل .. معرفش هي عملت كده لي .. اي هدفها من كل ده
شاكر : ولو عرفتي أن كل ده عشان مصلحتكم انتم
عشق : معتقدش يا بابا .. مفيش شئ يدل ع كده
شاكر بهدوء : عشق .. انا بعتمد ع تفكيرك إنتي .. فكري إنتي ف الموضوع وشوفي هتلاحظي ايه .. تقدري تمشي
قامت من مكانها بهدوء وهي بتفكر ف كلامه كويس وقررت فعلا انها تدور عن الموضوع يمكن تقدر تعرف حاجه خصوصا أن معاملتها مكنتش كده
مشيت وهي تايهه ولقت نفسها ف الجنينه اتنفست بعمق
غيث من وراها : مالك سموك
عشق : عارف لما تحس انك تايه .. مش عارف تفسر حاجه حواليك .. كل شيء عكس رغبتك انت .. الكل ضدك
غيث : ولي ميكونش إنتي السبب
بصتله جامد وهو كمل : ايوه .. لي متقربيش منهم .. لي عامله لنفسك حدود مينفعش حد يعديها  .. لي متخليش حد يشاركك في قرارتك لي دايما قراراتك من نفسك متقوليش عشان انا كده .. إنتي عايزه تبيني نفسك انك كده بس إنتي اضعف من كده ياسمو الأميره. .. مهما عملتي أنا عارف ان ورا كل إللي بتعمليه ده طفله ويمكن اقل .. اقولك كل ده من اي .. كنتي نفسك تبقي بنت وتدلعي زي اختك نورسين بس فجاه لقيتي نفسك اميره ف مملكه وهتمسكي العرش بعد الملك .. وده طبعا كان ضدد طموحك ورغباتك واتحولتي من واحده نفسها يبقي ليها بيت لواحده واجب عليها تتعلم كل حاجه عن الحروب والذي منه .. وفوق كل ده معامله الملكه اتغيرت .. وبقيتي لوحدك معندكيش غير نورسين .. إللي احيانا تتمني لو تكوني مكانها
بصتله جامد اوي ازاي قادر يفسرها اوي كده محدش قدر يفهمها زي ما هو فاهمها كده
عشق بجمود : يمكن ده قدري عشان كده مينفعش اكون غير كده
غيث : لي مينفعش .. بالعكس يا سمو الاميره انتي ضعيفه متقدريش تتغيري .. اقولك ع مثال بسيط بصي علاقة الملك بالملكه وشوفي بيتعاملوا ازاي .. ابسط مثال لما الملكه شافته بعد مده شوفي نظره الحب واللهفه إللي كانت ف عينها .. حاولي تبصي لكل الجهات عشان تعرفي تعيشي .. اختك نورسين دي إللي انت حاسه انها متدلعه مظلومه اكتر منك .. طب انتي تقدري تخرجي من القصر هي لا محبوسه بين أربع حيطان مبتعملش حاجه عكسك .. إنتي سلبيه
وسابها ومشي وهي واقفه مكانها فعلا نظره الشوق إللي كانت ف عيون الملك والملكه زي ما يكون غياب سنين من شهرين حتي اختها نورسين فعلا يمكن كمان شايله هم اكتر منها كام مره طلبت تخرج بس هي رفضت .. هي فعلا سلبيه !
&&&&&
أسماء ببتسامه : الفرحه ظاهرة ع جلالتك برجعوا الملك
هيام بحب : انا والملك شئ كد مش قادره اوصفهولك يمكن احنا إللي متجوزناش بهدف توحيد ممالك ولا شيء انا بنت بسيطه جدا يمكن كنت ابسط منك كمان
اسماء : اتقابلتوا ازاي جلالتك
_اظن ده شئ ميخصكيش
كان صوت عشق إللي وشها بيدل ع أن في شئ حاصل ارتجفت اسماء من نبره صوتها وشاورتلها الملكه بانها تمشي مشيت وبصت لعشق
هيام بقلق : مالك يا عشق
قربت منها بهدوء صامت ونامت ع صدرها وقبل ما تتكلم الملكه قاطعتها : ممكن تسبيني كده من غير اسئله ارجوكي
سكتت الملكه وفضلت حاضنها وبتملس على شعرها كانت مفتقده لحضن بنتها وحصلت عليه وهي كانت مفتقده احساس الحنان ف حضن مامتها الاثنين عوضوا بعض فضلوا شويه وبعدين بعدت عنها
عشق بهدوء : ممكن نرجع زي ماكنا .. ام وبنتها وبس من غير حدود
هيام بفرحه : بجد .. عشق انا عايزه اقولك
قاطعتها : أنا مش عايزه اعرف حاجه .. الماضي خليه ف الماضي واسبابك مش عايزه اعرفها .. اللي انا عايزه انه يحصل ان متحرمش من حضنك ممكن .. ممكن تسامحي بنوتك
بصتلها بدموع وحضنتها وبدلتها الحضن باشتياق هي مش عايزه حاجه تاني بعد كده مش عايزه تعرف اسباب اي حاجه يمكن تعيش مرتاحه
هيام : وحشتيني اوي يا عشق
عشق : وانتي كمان وكملت بمرح اتقبلتي إزاي مع الملك بقي
نورسين دخلت ولقتهم قاعدين استغربت وبصت لعشق باستفهام وهي ابتسمت فابتسمت بسعاده وراحت وسطهم
هيام : كده كفايه عليا بناتي الإثنين حواليا مش عايزه حاجه تاني
شاكر ع الباب : عائلتي كلهم سايبني ومتجمعين هنا
نورسين بابتسامة : اتفضل جلالتك
دخل جوا وعشق عادت سؤالها تاني والملك والملكه ابتسموا
عشق باستغراب : هو في ايه
شاكر بضحك : امك كانت بتكرهني
نورسين بصدمه: نعم ازاي يعني
شاكر : هقولك .. مامتك كانت بنت فلاح عندنا هنا وطبعا انتوا عارفين سمعتنا برا عامله ازاي ما دام ملوك نبقي ظالمين .. المهم والدتك كانت بتكره والي العهد اللي هو أنا لدرجه انها اتجرأت وحاولت تضربني بالسهم وتموتني ومقدرتش
هيام مكمله : السهم مجاش فيه والحراس مسكوني بس بدل ما اتحاسب اتجوزني .. ف الأول كان كره مكناش عايزين بعض .. بس لما قربنا من بعض حبينا بعض وانتوا جيتوا
عشق : يعني قصه الحب الخرافيه دي كانت قبلها كره صح
شاكر : مش بالمعني لاني كنت معجب بمامتك من قبل ما تعرفني بس مكنش ينفع لان الطبقات مختلفة واستغليت اللي هي عملته لصالحي بس
ضحكوا وقعدوا يتكلموا لحد ما الاختين طلعوا
عشق لنورسين : اجهزي عشان بكره هنخرج برا القصر
نورسين بصدمه : نعم
عشق وهي بتمشي : زي ما سمعتي
فضلت تبص مكانها وبعدين ضحكت وراحت اوضتها أما عشق راحت ع اوضه غيث بس ملقتهوش استغربت وطلعت برا
عشق للحارس : الامير فين
الحارس :في الاسطبل سموك
عشق : ماشي.  ومشيت راحت هناك ووقفت تبصله وهو بيغسل الحصان بعنايه
غيث : هتفضلي واقفه مكانك كتير
عشق باستغراب: عرفت منين أنه انا
غيث : عادي
عشق : لي بتعمل كده ممكن تخلي حد يعملهولك
غيث بابتسامة : بحب كده .. بحس بنفسي مع الاحصنه لما تلمسيه كده بتحسي انه صاحبك .. اكيد عارفه الشعور ده
عشق : فعلا شعور حلو .. شكرا
غيث : علي ايه
عشق : لانك ساعدتني في ارجاع الملك .. وانك قدرتي تفوقني لحاجات كتير شكرا ليك
غيث بشبه ابتسامه : ده واجبي سموك .. تقدري تدخلي عشان الجو ومتخافيش مش ههرب
قربت منه واتكلمت بهدوء : كون أن انت قاعد معانا ف نفس القصر يبقي انا واثقه فيك
وسابته ومشيت وهي ع وشهادة ابتسامه بلهاء متعرفش لي  .. متعرفش ليه اصلا جت هنا دخلت جناحها بسعاده ونامت
&&&&&
يوم الاحتفال برجوع الملك الكل ع رجل واحده عشان الحفله تكون افضل ما يمكن  الكل في الحفله وكانت جميله جدا بس في واحده عماله تبص ف وشوش الكل بتدور عليه
نورسين بخبث : برا مع الحرس سموك
عشق بغضب : بيعمل ايه
نورسين بنفي : معرفش
طلعت برا بغضب هي بتدور عليه وهو واقف برا طلعت وراحت ناحيتهم والكل وقف باحترام
عشق بحده : غيث عايزاك
وطلعت برا والكل مستغرب اعتذر منهم وطلع وراها
غيث باستغراب : خير سموك
عشق : انت بتعمل اي هنا؟؟
غيث : قاعد زي ما إنتي شايفه
عشق : المفروض تكون معايا صح
غيث : انا مجرد حارس قدام جلاله الملك مينفعش اتخطي الوضع ده
عشق بجمود : يبقي تيجي معايا كحارس مش دي مهمتك تعالي
واخدته معاها وهو مستغرب وفضلوا مع بعض وسط استغراب الملك وغضب هيام وابتسامه نورسين علي غيره اختها إللي بتبان جدا لما حد من الجواري أو الضيوف يكلموه لحد ما الحفله انتهت واتجمعوا كلهم وكان من ضمنهم غيث
غيث بهمس : ده تجمع عائلي مينفعش اكون وسطكم عن اذنك
عشق بغموض : لا انت هتفضل هنا
هيام لعشق : اعتقد مش محتاجه حارس وانتي وسطنا
عشق : فعلا بس في حاجه لازم تعرفوها كلكم
وقفت قصاده قدام الكل واتكلمت بابتسامه
عشق : انت فاجئتني لما رجعت الملك .. وانا كمان عايزه افاجئك
الكل استغرب من كلامها هو له دخل برجوع الملك بس هو اتكلم
غيث : معتقدش مفاجأتك هتعجبني أو هتبقي زي مفاجأتي
عشق : خلينا نشوف
وشاورت بايدها للحارس ومشي وبعدين رجع معاه ست مسنه باين ع وشها الوقار والطيبة اتنفض غيث من مكانه ووقف الملك والملكه بصدمه بص للست دي وبعدين بص لعشق
عشق بابتسامة خبيثه : اي رايك ف المفاجاه دي يا غيييث .. ولا اقولك يابن عمتي !!!
★★★★★★★★
.. يتبع
#Nemo