عشق النسيان " الجزء الاول من سلسلة العشق"

البارت الخامس والاخير

نوفيلا
عشق النسيان
الحلقه الخامسه والاخيره
&&&&&&&&
غيث بهدوء : زي ما تحبي مش هتفرق
شاكر بصدمه : انتي عايشه
روز بابتسامة بشوشه : ايوه يا شاكر .. انا مموتش أصلا
هيام : ازاي .. إحنا
عشق : كله كدب
بصوا ليها بدهشه
عشق : كل إللي اتقال من خمسه وعشرين سنه كان كدب .. عمتي او نقول ملكه مملكه الفرس هي اللي خطتت لده
روز : كان لازم اعمل كده .. عشان مكنتش هقدر اكون مع حد غيره
شاكر بغضب : يعني إنتي كل ده عايشه واتجوزتي بن عدونا وعندك ابن كمان واحنا منعرفش حاجه
عشق بابتسامة ساخره : ازاي بقي وابنها كان بينا من عشر سنين
هيام : اي الكلام إللي بتقوليه ده يا عشق
عشق : الحقيقه جلالتك .. غيث هو هو عدنان السفاح .. هو اللي كان مسؤل عن الجيش لفتره ومشي .. هو بردو اللي انتي اخترتيه انه يبحث عن الملك .. وهو بردو اللي عمل التمثيليه دي كلها وانه جوزي
شاكر بحده : ولما إنتي عارفه كل ده يا سمو الاميره مقولتليش لي
عشق : العفو جلالتك بس كان لازم اتاكد بنفسي قبل ما اعمل اي خطوه
نورسين : إنتي مفقدتيش الذاكرة صح ؟؟
بصتلها وابتسمت : إنتي إللي هتقولي انا فقدتها ولا لا
بصتلها جامد وافتكرت مواقف كتير هي عملتها اسلوبها حدتها طريقه كلامها كل شيء زي ما هو مفيش حاجه اتغيرت
نورسين : طب ليه .. ليه عملتي كل ده .. معاملتك لي وساعه السهم .. أنا مش فاهمه حاجه
عشق : لانك إنتي الوحيده إللي كنتي هتقدري تكشفيني لان ببساطه إحنا قريبين من بعض فكان لازم معاملتي بيكي انتي تتغير عشان اقدر اكمل إللي انا عايزه اعمله .. ومقولتش ليكي ليه لان ببساطه كان ممكن تكشفيني
هيام : واي لازمه التمثيلية دي كلها
عشق وهي بتبص لغيث اللي بيبصلها بهدوء خالص عكس ما هي كانت متوقعه : عشان أكشف حقيقه عدنان اللي بيظهر ويختفي .. عشان اقدر اوصل للملك لاني كنت متاكده ان محدش هيوصلني ليه غير عدنان .. بس إللي متوقعتوش حكايه جوازي ديه
كل ده وشاكر ساكت بيسمع وبس حس هو قد اي ميعرفش حاجه عن بنته وانها فعلا تقدر تمسك منصبه من غير ما يقلل
روز : عشق جت مملكه الفرس وطلبت تقابلني شخصيا .. ساعتها استغربت وخفت قولت يمكن عرفت حاجه طب لو عرفت ليه انت اللي مجتش مش هي .. ساعتها فعلا كل مخاوفي اتحققت وطلعت فعلا عرفت الحقيقه
شاكر : وازاي قدرتي تكشفي الحقيقة كلها
عشق بابتسامة : لو أنا ف مكان تاني ومش عايز حد يعرفني اكيد مش هاخد اي شيء يدل ع شخصيتي بس غيث عمل غير كده تماما .. ف أثناء المبارزه إللي كانت ما بينت انا لمحت قلاده مملكه الفرس ساعتها استغربت بس كملت عادي وبعدها روحت مملكه الفرس .. وسألت ع غيث بس طلع مفيش حد بالاسم ده .. استغربت إزاي مملكه طويله محدش فيها بالاسم ده لحد ما اكتشفت أن ده اسم الأمير وبس .. وممنوع حد غير الامير ياخده وطبعا صوره مش منتشره فكان لازم ادخل القصر الملكي بنفسي وعشان كده لازم اكشف عن هويتي الحقيقيه .. وقابلت ساعتها الملكه ف الأول مكنتش اعرفها ولا اعرف اي شيء عنها بس عرفتها من شئ واحد بس
طلعت قلاده ذهبيه تشبه القلاده إللي ع رقبة الملك
عشق : القلاده دي إللي زادت الشك اكتر من ناحيتها .. لان مفيش من دي غير إللي مع جلالتك وكانت مع جدتي وجدي .. وف نفس الوقت اخت الملك اللي اختفت فجأة ويقال انها اتقتلت ساعتها الخيوط كلها اتجمعت ومحور الحديث اتغير واتكلمت معاها على اساس اني اعرفها وهي مخيبتش ظن واتكلمت معايا عادي وبعدها اكتشفت انها وقعت بالكلام بس كان خلاص فات الوقت وطلبت منها صوره غيث وشكي طلع في محله وطلع غيث هو أمير وولي عهد مملكه الفرس
حاله صمت من الكل وذهول من كلامها إللي بالنسبة ليهم زي لغز كبير
روز بدموع : انا بعدت لأني مكنتش هقدر اعيش من غيره صدقني .. ويمكن كده كانت الحروب بين المملكتين تقل .. بغيابي عن المملكه كل شيء كان هيتحسن وده اللي حصل الحروب قلت لحد ما اختفت والكل نسي الموضوع وكلنا ارتحنا .. بس دلوقتي أنا من حقي ارجع وسط عائلتي انا مش باقي ف عمري كتير وعايزه اكمله معاكم وكنت هاجي بنفسي من قبل ما عشق تيجي .. القرار قرارك يا جلاله الملك وانا عارفة أنك هتكون عادل ف قرارك مهما كان
شاكر بهدوء : انا مش عارف اتخد قرار .. إنتي خلتيني تايه مش عارف اقولك اي .. إنتي إللي قولتي لابنك يجي هنا صح
روز بنفي : ابدا .. انا معرفش اي حاجه حتي هو كان بيغيب بس محدش كان يعرف بيروح فين ولا بيعمل اي .. صدقني انا معرفش اي حاجه عن إللي كان بيعملها غيث
هيام بابتسامة : وكل ده كان ماضي يا روز .. مفيش ف العمر وقت نضيعه تاني .. هنرجع تاني مع بعض
الملك بصلها جامد وهي هزت راسها بابتسامة وهو اتنهد وبعدين ابتسم
شاكر بابتسامة : أهلا بيكي ف قصرك من جديد يا جلالة الملكة
ابتسمت روز وسط دموعها وابتسمت عشق ونورسين وراحت لحضن اخوها وحضنته جامد وهو بادلها الحضن بقوه وسط فرح من الكل
ف وسط ده كله لفت نظرها الهادي اللي بيبص للوضع بهدوء غريب بصتله باستغراب وهو بادلها نظره بارده ومشي من قدامهم كلهم وهي راحت وراه
عشق بصوت عالي : غيث .. غيث
وقف مكانه وهي قربت منه بهدوء
عشق : هتروح فين
غيث ببرود : اعتقد إنتي سمعتي جلاله الملكه قالت اي من شويه محدش له دعوه بحياتي
عشق : بس انا بنت خالك
غيث بجمود: انت متقربليش بشئ
وسابها ومشي وهي بتبص مكانه باستغراب لي بيتعامل بالطريقة دي .. هي غلطت ف حاجه .. كان طبيعي أن كل شئ يتكشف مكنش له داعي تكمل ف التمثيليه دي رجعت تاني معاهم جوا وقعدوا يهزروا لحد ما دخل عليهم غيث بالزي الملكي رجع لطبيعته تاني بصتله باعجاب ممزوج بدهشه
غيث بابتسامة جاهد ف رسمها : انا كده مليش مكان هنا .. لازم ارجع المملكه
وقف شاكر وراح له وحضنه فضل ساكت شويه وبعدين حضنه بابتسامة
شاكر : ازاي ملكش مكان هنا .. انت ابني الثاني .. ابن الغاليه
غيث بابتسامة : شكرا جلالتك بس فعلا المملكه محتاجني انا بعدت فتره كبيره لازم ارجع
نورسين بابتسامة حرجه : بص انا اسفه ع معاملتي معاك قبل كده بس اكيد انت فاهمني صح
غيث بابتسامة : فاهمك ومتخافيش انا مش زعلان منك انا اعتبرتك اختي الصغيره ممكن تعتبريني اخوكي بقي
نورسين بسعاده : طبعا انا كنت بتمني يبقي ليا اخ ولد
ضحك عليها وراح للملكه سلم عليها
هيام بابتسامة بشوشة: انت من النهارده واحد مننا لانك فعلا واحد مننا وانسي اي معامله حصلت مني قبل كده
غيث : انا فعلا نسيتها متقلقيش
وقف قدام عشق بصلها جامد وهي كمان كل واحد عايز يتكلم بس مش عارف بعد عنها ورجع لورا وهي متعرفش ليه زعلت كده
روز: انا همشي معاك
غيث باعتراض : لا إنتي محتاجه لعائلتك متقلقيش عليا انا
وسابهم ومشي وهي طلع وقفت برا تشوفه وهو ماشي وجوها وجع غريب مش عارفه تفسره بصتله جامد وهو زي ما يكون حس بيها وقف مكانه لحظه اتخيلت انه هيبصلها بس كمل طريقه عادي وجواه وجع ميعرفش ليه عاملها كده؟؟ المفروض هو عارف ان هيجي ف يوم والحقيقة تبان .. لي مجروح كده؟؟  يمكن عشان خدعته بس مين إللي خدع مين هو اللي خدعها بانه جوزها ولا هي اللي خدعته بانها مش فاقده الذاكره مش عارف
رجعت تاني وسطهم وهي راسمه ابتسامه مزيفه قدامهم بس مش قدام توأمها لأنها كانت أن ف حاجه بينهم وكمان متكلموش قبل ما يمشي عارفه شعور اختها ايه دلوقتي
&&&&&&&&&&&
عدت ايام واتعزموا ف ممكله الفرس ع فرح بنت من القصر الملكي  وصلوا هناك وعينها بتدور عليه بين الموجودين بلهفه فضحاها بس مهتمتش حتي بنظرات الأمراء اللي حواليها هي عايزه واحد بس وأخيراً شافته بهيبته إللي طغت ع المكان من اول ما شافته وهي كانت بتتخيله امير ولديها شافته ف أرض الواقع قدام عينها
دخل وهو بيتمني ميشوفهاش لأنه مش عارف هو ممكن يعمل اي وحشته غريبه هو مقربش منها  للدرجه اللي توصله انها توحشه بس امنياته جت عكسه شافها قدامه زي الاميره إللي اقسم انه مش لايق ع حد غيرها وبس بصلها جامد واتقبلت العيون ف نظره اشتياق وعتاب .. عتاب؟؟ هو معملش حاجه عشان تبصله كده .. قرب منهم وسلم عليهم واتعمد يتجاهلها نهائي وده غظها جدآ
غيث بضيق : ازيك يا غيث
غيث ببرود مصطنع : أهلا سمو الاميره اتفضلوا
ودخلوا جوا وعشق بتبص عليه بغيظ شديد وذاد لما اميره قربت منه وقعدت تدلع وهو بيبتسم
نورسين بخبث : مالك يا عشق
عشق : شايفه بيعاملها ازاي
نورسين : عادي يا عشق ما ممكن يحبها ويتجوزها
عشق بغضب : نعععععععم ده أنا كنت قتلته وقتلتها
نورسين : ليه هو مش من حقك يا عشق
عشق : لا من حقي
نورسين : اي الدليل لكده
بصتلها جامد ومتكلمتش لانها فعلا معندهاش دليل على كده
نورسين : انتي خسرتيه لما حسستيه انه مغفل قدام الكل .. وصغرتيه .. ولسه بتخسريه بسكوتك ده يا عشق .. اتكلمي معاه واجهيه يا سمو الاميره
بصتلها بهدوء وهي بتفكر هي فعلا حسسته كده؟؟ .. بس هي مكنتش تقصد تعمل كده مشيت ناحيته
عشق بهدوء : ممكن اتكلم معاك
الاميره بغيظ : مش شايفه انه واقف معايا ولا ايه
عشق باستفزاز : اي صوت العرسه ده جاي منين
الاميره بغضب : أنت اتجننتي
عشق وهي تمسك ايد غيث وتسحبه معاها : لا لا واضح أن المكان ده مش كويس خلينا نتكلم ف مكلن تاني.  ووقفوا بعيد وبصتله كتير وبعدين اتكلمت
عشق : وبعدين
غيث : افندم
عشق : يعني اشمعنا انا إللي بتكلمني كده
غيث بسخرية : كده ازاي سموك .. أنا بتكلم عادي جدا
عشق : بجد انت شايف ده عادي .. اي إللي اتغير من ساعه ما عرفت الحقيقه كل تصرفاتك معايا اتغيرت .. كان طبيعي أن الحقيقة تتعرف .. ولا انت كنت متوقع أن هنفضل كده ع طول
غيث : لا مكنتش متوقع بس كان ممكن تقوليلي .. ولا إزاي انا واحد نصاب محتال مش كده
عشق : ف الأول مكنش ينفع تعرف حاجه لاني لو كنت قومت باي إجراء ناحيتك كنت هتكشف
غيث : وبعد كده كان ممكن ساعه ما اتخطبتي ف السوق تقوليلي ع اساس رجعتلك الذاكرة .. لي مقولتليش
عشق : لاني كنت عايزه اعرف فين الملك مختفي فين كنت عايزه اعرف مين عدنان حاجات كتير
غيث : وعرفتي والملك رجع كان ممكن تقوليلي مش تجيبي امي عشان تحرجيني.. ملوش لازمه الكلام ده سمو الاميره عن اذنك
وسابها ومشي واستأذن من الملكه انه يطلع اوضته بس هي مسكتتش وراحت تدور عليه وسالت الملكه وعرفت انه في اوضته طلعت وراه كان واقف ف نص الاوضه
عشق بغضب : دي مش طريقه كلام
غيث بضيق : انا متخلف ارتحتي
عشق : طب انا وقولت اسبابي انت كان اسبابك اي
غيث بجده : أقولك اسبابي اي .. اني ارجع الملك .. اني اعرف مين اللي ورا إللي طلعوا عليكي وبما ان علاقتك بالملكه متوتره وزي ما منتشر انك فاقده الذاكره قدرت العب عن النقطه دي .. اللي حصلك ده مش قطاع طرق دول ناس كانوا هيموتكي فعلا بس انا كنت حواليك ولا تكوني فاكره انك هزمتيهم بنفسك لو تفتكري أن ف واحد كان بيضرب فيهم هما مش فيكي .. وكان واضح أن معروف أن الاميره خارجه يبقي الخيانه من القصر نفسه فكان لازم اتدخل ملقتش فى الطريقه دي وقدرت فعلا اعرف مين الخاين ومين إللي ورا اختفاء الملك فكري كده وشوفي مين عندكم ف المملكه م ظاهر من فتره
سرحت ولقت أن اللي مش ظاهر اسماء!!؟ معقول اسماء الخاينه فعلا محدش كان عارف بخروج الملك غيرها ومحدش بردو اللي كان عارف خروجها غيرها وهي بردو إللي كانت بتزرع كلام ف دماغ غاده عشان توصله ليها ضدد الملكه ازاي كل ده فات عليها
عشق : ولي مقولتليش كل ده .. وهي فين
غيث : مقولتش ليه مش مشكلتك يا عشق .. انا هي فين فهي خلاص اخدت جزاءها واتقتلت
عشق : ازاي مفيش اي شيء حصل عندنا
غيث : ومين قال انه عندكم يا عشق .. اتقتلت هنا واتمثل بجثتها وسط الناس كلها
عشق : وانت مدايق مني أني خبيت عليك .. واحده بواحده
غيث : انا مخبتش عليكي عشان الهبل اللي ف دماغك
عشق بحده : امال ليه
غيث بغضب : عشان حبيتك
سكتت
غيث : ايوه حبيتك معرفش ليه انتي بالذات ف اجمل منك ميه مره والف اميره موجودين قدامي ليه إنتي بالذات معرفش .. مكنتش عايز ازود عليكي حمل تاني
عشق : قصدك أنك
غيث : كنت عارف انك مفقدتيش الذاكرة.. وكنت عارف انك روحتي المملكه وانا اللي طلبت من الراجل أنه يقولك كده عشان انتي اللي توصلي لكل شيء بنفسك .. كنت عارف كل حاجه إنتي بتعمليها يا عشق
بصتله جامد اوي ومتكلمتش وهو استغرب هدوءها ده
غيث : عشق انتي كويسه
عشق بهدوء : مفيش حاجه يا غيث
وسكتت شويه وبعدين اتكلمت : ممكن تجبلي البرواز ده
شاور ع الحيطه : ده ؟؟
عشق بتأكيد : ايوه هو ده
غيث باستغراب من طلبها اللي لا هو طبيعي ولا هو ف وقته بس سكت : اوك
وراح ناحيه البرواز ولسه هيشيله لقي ف سكينه عدت من جمب راسه فضل واقف مكانه يستوعب للحظات ولف بصلها بس هي كانت و رمت سكينه ما بين رجله وواحده تانيه ف الجنب الثاني من رأسه وهو واقف زي الصنم
عشق بغضب : دي عشان ضحكت مع واحده ملهاش لازمه .. ودي عشان اتمديت مع واحده حقيره .. ودي عشان اتكلمت مع خدامه بابتسامة .. ودي عشان انت بارد ومستفز ونصاب .. ودي.  فضلت تعدله ف حاجات كتيره بس هو مكنش مركز معاها هو كان مركز مع التشاهد لان حس خلاص أنه هيموت وفضل يتشاهد ومركز مع السكاكين اوي بتنشن فين لحد ما قربت منه جامد وغرزت سكينه فوق راسه بالظبط
عشق بحده : ودي عشان متلعبش بيا تاني وتمثل دور البرئ
وسابته ومشيت وهو فضل واقف مكانه وبعدين اتحرك بحرس شديد ولف بص ع السكاكين اللي رسمت جسمه
غيث بابتسامة بلهاء ؛ انا اهو الله
وبدون مقدمات وقع ع الارض
.....
نزلت تحت بسرعه وهي الغيظ مليها معقول كان عارف كل ده وساكت وهي إللي فاكره انها ضحكت عليه طلع هو إللي لعب عليها كل الفتره دي
هيام من وراها : من شكلك واضح أن غيث قالك الحقيقة صح
بصتلها بصدمه : إنتي كنتي عارفه
هيام بتأكيد : ايوه .. أنا كنت عارفه كل حاجه من الاول وغيث هو إللي فهمني كل حاجه .. مكنتش مرتاحه ف الأول بس اطمنت لما عرفت انه بن عمتك  .. كان لازم يكون موجود معانا يا عشق مكنتيش هتقدري تعملي حاجه من غيره .. أما ع معاملتي ليكي زمان ف ده كان باتفاق مع الملك عشان نعرف مين الخاين لان هو الوحيد اللي هيستفاد من كده عشان يدمر العلاقات بينا  ..  انا كنت شكه ف اسماء بس بعد معاملتك اللي اتغيرت واللي حصل اتاكدت شكوكي  .. ساعتها غيث اللي سكتني عشان نعرف مكان الملك وايوه كنت عارفه أن هو عدنان .. بس كان لازم اعمل كده قدامك
بصتلها بصدمه ولقت الكل حواليها بيبوصوا ليها
عشق بضحكه سخريه : يعني الوحيده إللي طلعت هبله فيكوا صح .. أنا الوحيده المغفله وسطكم وبصت لنورسين وانتي كنتي عارفه
بس بصت ف الارض بحزن اتكلمت بغضب : انتي كنتي مشتركه معاهم يا نورسين
نورسين : انا عرفت لما رجع الملك مكنتش اعرف قبلها
عشق بعصبية : انتوا.. انتوا ضحكتوا عليا.. وانا إللي عامله فيها ناصحه طلعت اغبي واحده فيكم الكل عارف وانا الوحيده المتخلفه إللي فيكم حتي إنتي لما جتلك مهنش عليكي تقوليلي الحقيقه وانك عارفه كل ده .. مصعبتش عليكي وانا تايهه وبحاول اجمع اي معلومه عشان المملكه
بصتلهم بوجع ولقت غيث واقف ع السلم قربت منه بوجع
عشق : محستش بيا .. محستش وانا كل يوم عايزه أعرف أبويا فين .. طب انت مين وعايز مني اي .. مصعبتش عليك .. محستش بيا وانا مضطره أكره اللي بيحبوني فيا عشان اوصل لهدفي .. وانا مضطره امثل انك جوزي فعلا
غيث : انا عملت كل ده عشانك يا عشق .. مكنتيش هتستحملي
عشق بحده : انت بتحدد عني ليه .. بتقرر قرارات نيابه عني لييه .. يارتني كنت فقدت الذاكره فعلا .. ياريتهم كانوا موتوني ف ساعتها احسنلي .. ده انت حسستني أني أنا ظالمه الكل .. حسستني أني شريره والكل ملايكه .. حسستني بمشاعر انا كنت مانعه نفسي منها.. خلتني احبك
غيث : وانا كمان بحبك والله العظيم بحبك
عشق : متحلفش انت كدااب .. إللي بيحب مبيعملش كده .. انت كداب كداب
وسابتهم وجريت ع برا وهو كان هيلحقها بس الملك وقفه
شاكر : سبها براحتها هي دلوقتي مصدومه من اللي حصل
غيث بدون وعي : انا عايز اتجوز عشق
الكل بصوا ناحيته بدهشه طلب مش ف وقته خالص
روز : ده وقته يا غيث
غيث : اه وقته انا بحبها وهي لسه قايله قدامكم انها بتحبني يبقي نتجوز
هيام بضحك : مش ممكن تغير رايها خصوصا أن ف امير لسه مكلمني دلوقتي وهي كانت معجبه بيه مش صح يا نورسين
نورسين بخبث : ايوه بس ممكن يترفد عادي عشان غيث بردو
غيث بغضب : عشق مش لحد غيري من ساعه ما شوفتها وهي ليا انا وبس والجوازه هام برغبتها أو غصب عنها
وسابهم ومشي وهما ضحكوا ع منظره وف نفس الوقت قلقانين ع عشق
&&&&&&&
مر اسبوعين ع الموضوع ده عشق رجعت يومها مكلمتش حد ومنعت أن حد يدخلها فضلت حابسه نفسها ف اوضتها بتعيط لانها سلمت مشاعرها بالسهولة دي لواحد كداب والله هي مش عارفه دلوقتي مين فيهم الكداب رجعت لحياتها وكانت بتفضل ف ساحه التدريب لوقت طويل لحد ما لقت القصر بيتزين بالورود والانوار دخلت جناحها ولقت وراها  الملكه واختها وبنات كتير
عشق باستغراب : خير ف حاجه
هيام للبنات : جهزوها عايزها اجمل ما يكون
عشق : هو ف اي
نورسين : هتعرفي بعدين بس ارجوكي اسمعي الكلام
بصتلهم جامد وسابتهم يعملوا اللي هنا عايزينه عشان تعرف ف اي ولقت نفسها متزينه زي العرايس جت وساوس غريبه ف دماغها بس مسحتها فورا ودخل الملك وبصلها بدموع ابويا
شاكر : مبروك يا عشق .. طالعه زي القمر
استغربت كلامه ونزلت معاه لقت واحد لافف ضهره استنتجت ع طول مين ده لف وبصلها جامد وقرب منها وباسها من راسها وهي مصدومه من إللي بيحصل
غيث بهمس : مبروك يا عشقي الوحيد .. مبروك سمو الاميره
واخدها معاه وهي مش حاسه باي حاجه وركبها ع الحصان وسط تهاني من المملكه كلها ووصلوا ع مملكه الفرس ولقت مامتها واختها وعمتها واقفين
هيام بدموع الفرح : طالعه زي القمر يا حبيبتي ربنا يسعدك
نورسين وهي بتحضنها : مبروك يا أحلي اميره ف الدنيا
روز : مبروك يا اميره مملكه الفرس دلوقتي
بصتلهم وبعدين اتكلمت ببرود : خلصتوا اللعب ده
بصوا ليها باستغراب
غيث : لعب اي
عشق : جو الجواز والكلام الفاضي ده
غيث : نعم ؟!
عشق : اي .. انا قولت حاجه غلط ... جواز مش هتجوز
غيث : ااااه لا ده عندها بقي ميغروكيش اني أمير
عشق بحده : بقولك اي .. اتكلم عدل احسن..
ملحقتش تكمل لان غيث ضربها براسه ف دماغها لدرجه اغمي عليها
غيث ليهم : معلش بقي بس مفيش حل غير ده
وشالها ومشي بيها بعيد عنهم وهما بيضحكوا
&&&&&&&
فاقت وهي حاسه بوجع ف دماغها وضباب حواليها لحد ما افتكرت إللي حصل اتعدلت بغضب ولقته قاعد قصدها وع وشه ابتسامه جميله بس مرسمهاش كتير لانها اختفت من البوكس اللي خده
غيث بوجع : ااااه .. هي دي صباح الخير لحبيبك
عشق : حبيب مين انت هتستهبل
غيث : انكري انكري بس انا عارف الحقيقه
عشق : لا ده انت مجنون رسمي ووقفت تدور ع حاجه تدافع بيها عن نفسها
غيث : متحاوليش مفيش ولا سلاح هنا .. ولما نرجع القصر هرمي كل الاسلحه إللي موجوده متقلقيش
رجعت تاني جمله لما نرجع القصر ف دماغها وبصت حواليها لقت انها فعلا مش ف اوضه ف قصر .. هي ف كوخ!!
عشق بغضب : أنت جايبني ف كوخ
غيث : وف وسط الغابه عشان تعرفي اني رومانسي
عشق : غيث مشيني من هنا .. انا مبحبش الغابات
غيث : لا لا انا موجود معاكي وبيني وبينك الجو حلو اوي هنا
عشق بغضب : أنت عايز مني ايه .. مش وصلت للي انت عايزه أبعد عني بقي
قام من مكانه وقري منها ببطء وهي بتبصله بخوف وقلق قرب منها وحط راسه ع رأسها
غيث بهمس : اقسم بالله بحبك .. إنتي عشقي يا سمو الاميره .. مقدرش ابعد عنك أنا بقيت عامل زي السمكه وأنتي بحري لو بعدت عنك هموت .. حيي الوحيد اللي مش لعبه .. إنتي الوحيده إللي خليتي ده يدق
وحط ايديها ع قلبه وهي اترعشت من حركته دي
غيث : مقدرش ابعد عنك يا عشقي
عشق بتوهان وهمس : ولو بعدت عني .. لو طلعت بتكذب عليا يا غيث .. ساعتها مش هيكفيني عمرك كله هقتلك ع ايدي
غيث بابتسامة : وانا موافق أن موتي يبقي علي ايدك يا اميرتي
قرب منها جامد وهمس جنب ودانها : بحبك
عشق بنهم: وانا كمان بحبك
قرب جامد واتقطعت المسافات وبقوا شخص واحد وبس وابتدوا حياتهم ف نص الغابه
اما في مملكه الفرس فنلاقي نورسين ماشيه ووراها شاب غريب
الامير غربب الاطوار : طب انتي من مملكه اي .. طب تبع مين .. يا سمو الاميره .. يا أميرتي
نورسين بضيق : بقولك اي حل عن سمايا بقي والا والله هموتك
الامير برومانسيه : وانا يكون ليا الشرف أن انتي إللي تموتيني
نورسين بغضب ؛ يوووووه
وسابته ومشيت وهو مشي وراها : يا سمو الاميره .. يا اميررررره
★★★★★★★★
#النهايه
اتمني اني كونت ضيفه لطيفه عليكم وتكونوا انبسطوا مع السلامه ونتقابل ف شئ جديد أن شاء الله
#Nemo