عشق النسيان " الجزء الاول من سلسلة العشق"

البارت الثالث

نوفيلا
عشق النسيان
الحلقه الثالثه
&&&&&&
صدمه سكوت تقدر تسمع الأنفاس بس
عشق بسخرية : لا بجد
الشخص بابتسامة : عارف ان الحادثه قصرت عليكي يا حبيبتي عشان كده جتلك فورا مقدرتش اقعد .. انا غيث يا عشق
هيام بصوت عالي : يا حراااس افبضوا علي المحتل ده
عشق بحده : محدش يقربله .. ابعدوا
نورسين بغضب : عشق ده محتال .. إنتي مكنتيش متجوزه اصلا
عشق: ومين قالك.. إنتي بنفسك قولتي ان كان ليا اسراري .. يبقي اكيد ده احد اسراري ولا ايه يا غيث
غيث بخبث : ايوه إنتي مكنتيش عايزه حد يعرف بموضوع علاقتنا لانك الاميره ازاي تتجوزي واحد من عامه الشعب
عشق بغموض : ماشي .. يا غاااااده
جت غاده بسرعه وهي بتبص لكل النظرات إللي متوجهه لعشق
عشق : خدي الأستاذ غيث اوضه الضيوف وميغبش عن عينيك يا غاده فاهمه
غاده بعدم استيعاب : امرك سمو الاميره .. اتفضل
ومشي غيث مع غاده وهو مستغرب ردها العادي معقول مفقدتش الذاكرة مثلا لا لا معتقدش
هيام بغضب : إنتي بتدخلي واحد نصاب ف القصر الملكي
عشق : ده قراري واللي مش عاجبه يمشي
نورسين : عشق جلاله الملكه بتتكلم صح .. ده واحد محتال محدش يعرف عنه حاجه واكيد مستغل انك فاقده الذاكره عشان كده عمل لعبته دي
عشق : سبيني انا احدد هو نصاب ولا لا
هيام : انتي اكيد اتجننتي
عشق بغضب : انتي واقفه دلوقتي قدام وريثه العرش إللي من غيرها كانت المملكه كلها وقعت يبقي تتكلمي كويس يا جلاله الملكه
كانت هتضربها بس ايد عشق منعتها
هيام بغضب : أنا ممكن احبسك  بالكلام إللي إنتي قولتيه ده
عشق بغضب : متقدريش عارفه لي .. لان كل ده ف أيدي انا الملك اعلن أن ف حاله غيابه مفيش غيري أنا صح ولا اي جلالتك
نورسين بدهشه : انتي رجعتلك الذاكرة
عشق : مش لازم ترجعلي الذاكرة عشان اعرف معلومه زي دي .. ف القصر ف اكتر من واحد ممكن يساعدني .. كان لازم اشك لما كنتي عايزني ارجع بسرعه ع العرش لأن محدش عايزك يا جلاله الملكه .. فياريت اي شئ خاص بيا انا ملكيش دعوه بيه لا بيا ولا بالمملكه سموك
وسابتها ومشيت بغضب شديد وسط دهشة الملكه ونورسين بصت للملكه بالم
نورسين بحزن : انتي السبب ف كل ده .. معرفش اي إللي غير كل حاجه بس اكيد هعرف يا .. يا جلاله الملكه
وسابتها ومشيت وسط صدمه الملكه هي وحشه اوي للدرجه دي .. هي اللي اتنزلت عن العرش لولادها محدش يعرف كده غير الملك .. الملك .. من ساعه ما اختفي وكل حاحخ ماشيه عكس اه بس لو يرجع كل حاجه هتتصلح .. مفيش غير الملك اللي يقدر يتكلم مع عشق .. الوحيد إللي عشق بتسمعله
&&&&&&&&
راحت علي ساحه التدريب متعرفش اي إللي جبها هنا بصت حواليها لقت كل الأسلحة ولقت اثنين شايلين سيف كبير وجايين ناحيتها
الرجل : السيف سموك
اخدته منهم وامرتهم يمشوا ومسكته وقعدت تبص عليه هي عارفه انه تقيل بس بالنسبه ليها زي الريشه شئ خفيف جدا شافت ناس ماسكيين سيوف .. دم .. صوت عالي ابتدت تتبارز مع نفسها وهي نفسها الالم ده يروح من دماغها وفجاه رمته جامد وسمعت صوت شهقه قويه بصت عليها لقت نورسين ومفيش غير سم واحد فاصل بينها وبين السيف
عشق بصوت كفحيح الافاعي : اي إللي جابك هنا يا سمو الاميره
نورسين بقلق : عشق إنتي كويسه
عشق : امشي من هنا
نورسين بعناد : لا مش همشي يا عشق
مسكت القوس بتاعها ووجهت السهم فيه : بقولك امشي
نورسين بتحدي : مش هتقدري تعمليها يا عشق
عشق بسخريه : اي اللي مخليكي متاكده كده
نورسين : إنتي يا عشق .. اختي مش هتقدري تعملي ك
بس مكملتش لان السهم فعلا عدا من فوق راسها وهي سكتت بصدمه مكنتش فعلا متخيله كده
عشق : إللي بتتكلمي معاها دي واحده مش فاكره اي حاجه فابعدي عني
سابتها ومشيت وسط خوفها اول مره تخاف من اختها عمرها ماخافت منها دايما كانت الأمان بالنسبة ليها يمكن اكتر من الملكه مشيت بسرعه ورا عشق إللي دخلت جناحها
نورسين : لي كل ده يا عشق .. عشان واحد محتال هتخسري الكل
عشق : ملكيش دعوه يا اميره
نورسين : لا يا عشق مش هينفع.. ده واحد نصاب إنتي متعمليش كده لو انتي فاقده الذاكره انا مفقدتهاش وعارفين مين الكداب ومين اللي مش كداب
عشق بصراخ : اخرسي بقي مش ناقصكي يا سمو الاميره .. قولي لجلاله الملكه ملهوش لازوم انك تجيلي
نورسين ودموعها بتهدد بالنزول : لا يا عشق محدش بعتني انا بقولك كده عشان إنتي أختي عشان انا عارفكي متعمليش كده
عشق : مش إنتي بنفسك قولتي ان كان ليا اسرار ميمكن مكنتش عايزه حد يعرف أني اتجوزت
نورسين ببكاء : يا عشق صدقيني
عشق بعصبية : اصدق اي .. انا واحده مش فاهمه اي حاجه متجوزه ولا لا .. انتي اختي اصلا ولا لا .. طب دي امي ولو امي بتعاملني كده لي .. حياه الاميره كانت كلها اسرار انا تعبت .. اطلعي برا وسبيني لوحدي .. انا كرهت نفسي كاميره .. ياريت كنت واحده زي اي واحده من الناس مكنش زماني ف القرف ده .. الناس باصين لكوني اميره ومرتاحه ميعرفوش أني بتمني بس اكون زيي زيهم .. ابعدي عني يا سمو الاميره .. اللي هيقرب مني هيتحرق بناري وانا مش عايزكي تقربي من النار دي.
بصلتها بدموع وهي شايفه اختها متدمره قدامها ومش قادره تعمل حاجه طلعت من الجناح بحزن وسابت عشق ف كتله النار إللي فيها وبدأت تكسر كل حاجه قدامها ووقفت قدام مرايتها
عشق بغضب : انا بكرهك بكرهك .. حتي وأنتي فاقده الذاكره لسه عايشه ف القرف ده .. انتي كنتي عايشه ازااااي .. أنا معنديش نفس قوتك إنتي كنتي واحده غريبه وانا مش شبهك .. أنا وانتي مختلفين شكل واحد بس مختلفين انا بكرهك يا سمو الاميره بكرهههك
ورمت الفازه ف المرايه والازاز انتشر في كل مكان وهي قعدت ف الارض بضعف لحد ما لقت شخص داخل
غيث : اهدي يا سمو الاميره
عشق بحده : انت متخلف اطلع برا .. انت بالذات متدخلش عندي هنا
غيث : عشق انا بسكت عن كلامك ده لانك فاقده الذاكره ومعذوره
عشق بغضب : انا مش مصدقه ولا كلمه من إللي انت قولتها .. اي يخليني اخبي اني متجوزه
غيث : لو إنتي مش مصدقه دخلتيني القصر ليه
عشق : عشان اعرف مين إللي وراك
غيث : لا يا سمو الأميرة انتي تايهه .. مش عارفه اي حاجه وكل شويه يظهرلك حاجه جديده عن شخصيتك ف طبيعي مش عارفه مين الكداب ومين الصادق كلامي صح ولا لا
سكتت وبصتله باستغراب ازاي عرف يفهم اللي جواها
عشق بتوهان : انت مين
غيث بغموض : هسيبك تعرفي ده لوحدك .. انا مين
وسابها ومشي وهي بصت مكانه بضعف وعيونها نزات بالم ووجع لو رجعت الذاكره كل حاجه هتتصلح هتفهم كل حاجه يااااارب
&&&&&&&
عدت اسابيع وكل حاجه بقت بارده القصر اصبح مفهوش روح نورسين وعشق بيعاملوا بعض بحدود وكل واحده مخنوقه من الطريقه دي والملكه مبتجتمعش بيهم الا ساعه المحاكمات وغيث فارض نفسه ف كل حاجه بتعملها عشق لحد ما قررت تنزل وسط الناس وتشوف احوال المملكه لقت غيث داخل عليها وهو بلبس غريب بصتله باستغراب
غيث : مش يلا
عشق : يلا فين
غيث : عشان ننزل
عشق بدهشه : ننزل وكملت بسخريه وانت مين بقي قالك اني عايزك معايا
غيث : مش لازم تقولي انا بحس
عشق : اااه لا بس معلش مجهودك هيروح ع الفاضي
غيث : وانا مش هسمحلك تروحي لوحدك
عشق بغضب : انت اتهبلت ولا اي مش معني اني سايباك تدخل ف حاجات انت اصلا ملكش دخل فيها يبقي خلاص انا ممكن احبسك ومحدش يعرفلك مكان
غيث بشخريه : بجد ومستنيه ايه
عشق بغضب : اتكلم عدل
غيث : انا جوزك يا اميره
عشق : نفس الاسطوانه المشروخه انا معرفكش افهم بقي
غيث بغموض : بس انا اعرفك .. ويا ستي اعتبريني حارس وخلاص
عشق بصدمه : ستي !!!!
غيث بمرح : خلي البساط احمدي
عشق : ستي واحمدي !! تصدق بالله انا لو رجعتلي الذاكرة واكتشفت اني متجوزاك هقتل نفسي عشان فكرت اتجوز واحد زيك ولو مطلعش كده هقتلك انت
غيث : لو بقي .. ها هنمشي
بصتله بضيق واتحركت لقت غاده ف وشها اللي بتبص لغيث باستغراب
عشق : خلاص يا غاده الامير غيث هيجي معايا
عاده : بس يا مولاتي
عشق : خلاص يا غاده انتهي الأمر
ومشيت وجنبها غيث وقابلت نورسين اللي بصت لغيث بغضب
نورسين : علي فين سموك
عشق : هنزل وسط الناس ومعايا غيث
نورسين ببرود مصطنع : تمام
عشق بخبث : غريبه يعني مش معترضه أن غيث معايا
نورسين : دي حياتك الخاصه سموك
وسابتها ومشيت وسط غيظ عشق حط ايده علي كتفها بصتله بغضب بس مهتمش ئ
غيث بصدق : كل شيء هيرجع زي الأول اوعدك
بصتله جامد وحست بشعور غريب بس بعدته بسرعه ومشيوا بهدوء وفضلوا يمشوا وسط الأسواق ويشوفوا الناس لحد ما
غيث بملل : مزهقتيش
عشق بسخرية : تعبتي بسرعه يا بطه
غيث بغضب : عشق .. اتعدلي
عشق بحده : اسمي الاميره عشق انت فاهم متتخطاش حدودك
غيث : طب بصي لاني مش هاخد حاجه من الكلام معاكي
كانت هتتكلم بس قاطعها
غيث : اي رايك ناكل من هنا
عشق بدهشه : نعم من هنا من الشارع
غيث بابتسامة : ايوه متخافيش مش هتتسممي ولا حاجه .. واهو تكوني قربتي من الناس كمان .. بصي هو في طلب
عشق : خير
غيث : انسي انك اميره خالص .. وانسي انك تعرفيني أصلا وخليني افسحك ف كل مكان هنا
عشق بسخريه : تفسحني .. انت بتتعامل مع بنت اختك
غيث بنفاذ صبر : والله كانت تسمع الكلام عنك .. ها إنتي مش هتخسري حاجه
فكرت مع نفسها لي لا هي فعلا مش هتخسر حاجه
عشق : بس لو معجبنيش اليوم
غيث بابتسامة : يبقي كفايه التجربه يلا
ومد ايده وهي بصتله جامد وبعدين مسكت أيده ورمت كون انها اميره ومسؤله عن مملكه بحالها هي دلوقتي عشق وبس بدون القاب بدون قيود
قضت اليوم كله ما بين ضحك وهزار وشافت جنب مرح ف غيث هي فعلا مكنتش بطيقه بس ابتدت ترتاح ليه قعدوا ياكلوا
غيث : اتمني تكون الفسحه عجبتك سموك
عشق بسعاده طفوليه : كانت جميله اوي .. ياريت نكررها كتير
غيث ابتسم ع براءتها ومشيوا وهما ماشيين شافوا مجموعة من الناس متجمعين دخلوا ف وسطهم وحاولوا يحشوا بنهم بس عشق اتخبطت جامد ف دماغها ووقعت ع الارض وغيث جري عليها بسرعه وحاول يفوقها
غيث بقلق : عشق .. عشق فوقي عشق
فضل شويه لحد ما فاقت وبصتله
عشق : اي إللي حصل
غيث : لا بسيطه اضربتي ع دماغك اغمي عليكي بس
عشق بسخريه  : لا بسيطه فعلا .. طب اي مش نمشي ولا اي
غيث : ماشي يلا اسندك ولا اي
عشق : موصلتش للدرجه إللي احتاج حد يسندني
غيث بلا مبالاة : براحتك
ومشيوا لحد ما رجعوا ع القصر لقوا هيام واقفوا قلقانه قربت منها وحضنتها وسط دهشه عشق والحرس
هيام بلهفه : عشق انتي كويسه .. قالولي انك انضربتي علي دماغك فيكي حاجه يا حبيبتي
عشق بجمود : متخافيش مموتش
بصت ليها بجمود وبعدين اتحركت من مكانها بكل كبرياء
غيث بلوم : لي كده يا عشق من حقها تطمن عليكي إنتي بنتها
عشق بحده : ملكش دعوه انت مش ولي امري
غيث بغضب : لا فوقي انا مش شغال عندك ولا زي الملكه هسمع واسكت إنتي تيجي عندي وتقفي يا عشق
وسألها ومشي وهي زفرت بضيق وراحت علي جناحها بضيق
عشق : اوووف يعني كان لازم اتكلم بالاسلوب ده .. ما يولع ولا يهمني
وخدت قرارها انها تسكت وقعدت لحد ما نامت اما هو فمشي ف الاوضه بغضب وهو مخنوق منها
غيث : انا مشوفتش برود بالشكل كده .. ده لو فيه جايزه الاستفزاز وقله الزوق كانت خدتها معرفش دي اميره ازاي عليها لسان محتاج قطعه
&&&&&&&
مر يومين وغيث بيتكلم مع عشق بحدود وهي مضايقه مش عارفه السبب بس مضايقه وعلاقتها نوعا ما باختها رجعت زي الأول راحت ع ساحه التدريب ووقفت ولقت صوت من وراها
غيث : تعالي نتبارز
عشق : وهتسفيد اي
غيث : ممم .. اللي يخسر يجيب للثاني هديه
عشق بتفكير : موافقه
طبعا الخبر وصل لنورسين اللي طلعت هي وغاده واسماء بأمر من هيام وفضلوا واقفين يشوفوا مين هيكسب
بدأت المبارزه والقوي متعادله بس المسابقه اخدت مسار تاني ومل واحد ظهر قوته وعشق مقدرتش تنكر إن غيث اقوي منها وعنده مهاراه عاليه بس مش هي اللي تسمح لنفسها بالهزيمه فضلوا كده لحد ما بص ف عينها جامد وهي بصت ف عيونه بس فجاه وقع ع الارض وهي السيف بتاعها فوق رقبته
عشق بانتصار : متفتكرش انك كده هتتوهني .. انا عارفه الحركات دي كويس
غيث وهو بيقوم وبيعدل هدومه : واستني هديتك يا سمو الاميره
عشق : ملوش لازوم لانها ممكن متعجبنيش
غيث بغموض : انا متاكد انها هتعجبك
عشق : انت لي دايما ف غموض ف كلامك
غيث : عشان أنا مش عايزك تعرفي غير إللي انا عايزك تعرفيه بس
ومشي وسابها وسط غيظها وأسماء راحت للملكه تبلغها إللي حصل وغاده مشيت ونورسين قربت من عشق
نورسين بسعاده : براافو عليكي يا سمو الاميره قدرتي تغلبيه
عشق بضيق : بلاش سمو الاميره دي يا نور .. انا عشق وبس
نورسي : حاضر يا عشق .. بس اي الشطاره دي
عشق : مش عارفه حاسه ان هو إللي سابني اكسبه
نورسين : لا معتقدش إنتي مش شايفه نفسك ولا اي
ضحكت مجامله وبعدين دخلوا القصر وهي راحت تشوف امور المملكه
&&&&&
هيام بغضب : يعني اي اختفي
أسماء بخوف: معرفش جلالتك انا دورت عليه ف كل مكان بس ملهوش اثر
هيام : غوووري من وشي
جريت أسماء بسرعه برا
هيام بغضب : يعني خلاص اخر امل راح .. نفسي افهم اختفي فين .. واختفي إزاي قبل ما يخلص إللي طلبته منه لو شفته هيبقي ليه عقاب كبير أوي
&&&&&
انتهي اليوم وظهر يوم جديد بأحداث جديده وبهجه وفرح علي البعض وحزن علي البعض الاخر
مشيت من قدامه بس لقته مهتمش اتكلمت بصوت عالي
عشق : غاده انا هنزل المملكه
غاده باستغراب : بس انتي لسه راجعه سموك
عشق وهي بتبص علي غيث بضيق : مهو معرفتش اتحرك المره اللي فاتت .. وبعدين إنتي مالك امشي من هنا
مشيت غاده وهي مستغربه حال الاميره اما هي فبصت عليه بضيق ولقت واحده من الخدم بتقرب منه بابتسامة
الخادمه بدلع : سمو الامير ف شخص عايز يقابل حضرتك برا القصر
غيث بابتسامة : قوليله اني جاي
الخادمه بدلع مضاعف : يعني هتجي ع طول ولا اقوله انك هتتأخر
ضحك ع سذاجتها بس ميعرفش أن فيه واحده تانيه بتتمني لو معاها السيف بتاعها تقطع رقبته ورقبتها مره واحده ومش هتتردد
غيث : لا هاجي علي طول
الخادمه : امرك
ومشيت من قدامه وهو بص لعشق وابتسملها وبعدين مشي وهي هتفرقع
عشق بغيظ : انا يبتسملي ويمشي ومع الخادمه يتدلع .. وبعدين اي السهوكه اللي فيها ديه
مشيت وراحت مكان الخدم إللي لما شافوها وقفوا فورا فضلت تبص عليهم بعينها لحد ما شافتها شاورلتها قربت منها بخوف
الخادمه : خير سموك
عشق ببرود : انتي مطروده مشوفش وشك ف القصر
وسابتها ومشيت وسط صدمه الكل والكل عرف انها عملت حاجه للاميره والا ليه تطردها وقفت برا لقت غيث بيقرب عليها
غيث بابتسامة : جاهزه لمفاجأتك
عشق : انت لسه فاكر
غيث : مبنساش حاجه اتقالت أو قولتها المهم جاهزه
عشق : جاهزه
غيث : تمام يا غاااااده .. غاااااده
جت غاده بسرعه
غيث : روحي نادي سمو الاميره نورسين وجلاله الملكه وقوليلهم اننا منتظرينهم ف ساحه القصر
غاده : امرك
ومشيت بسرعه وعشق بصتله باستغراب
عشق : وانت عايزهم في اي
غيث بمشاكسه : الصبر حلو يا حلو
ضحكت علي منظره وطلعوا برا ف ساحه القصر وفضلوا واقفين لحد ما جت هيام ومعاها اسماء ونورسين ومعاها غاده
عشق بتافف : انا مش فاهمه بردو احنا واقفين هنا ليه
غيث بسعاده : اهوووو
وشاور ع الباب والكل بص واتصدموا كلهم من إللي داخل عليهم بهيبته اللي لسه متغيرتش بس جسده بقي هذيل ضعيف
نورسين بصدمه : جلاله الملك ..
&&&&&&&&
..يتبع
#Nemo