#فصلية_شيخ
#الحلقة5
بابا دفعه محدساعده من عمامي لان بسبب امي خلتهم يكرهون ابوي وميتقربوله ابد ..
اني بوقتها جنت اشوف ابوي مهموم وحاير ينطيني لو يخلي سلام بالسجن .. الى ان كتله
..بابا اروح فصليه عادي وخلي سلام يطلع من السجن ..
.. بنتي تعرفين شنو فصليه يعني مالج حقوق يعني تنذلين
.. بابا اني بنتك تربية ايدك ان شاء الله ارفع راسك يمهم ومااخليهم يذلوني واذا على حقوقي عادي هي هنا امي سلبت حقوقنه .
.. الله يحفظج بنتي ويوفقج . وسامحيني وانه ابوج قصرت بحقج وحق اختج هواي
.. لا بابا انت ممقصر وربي يخليك النه ..
بعد 3 ايام .. اخذني ابوي الهم ولبست عباتي وبوشيه هيج الفصليه لازم تروح ..
دخلنه منطقتهم وين ماوصلنه انفتحت باب جبيره دخلت السيارة اباوع بيوت 3 اكبار واحد بصف الخ ... دخلنه للديوان وابوي سلم وهمه طبعاً ردو علينه بثكل .. كعدت عقد النه السيد . ..وهنا عرفت اسم رجلي ضرغام .. الشيخ ضرغام .. بس مباوعت ولاشفته منو بيهم .. ابوي كاله هاي بنتي دير بالك عليها
رد هو عليه .. الله كريم شكد متعجرف هالشخص
دخلوني للبيت وابوي راح .. كلت لازم ماابجي لان اذا بجيت اضعف .. لازم ارفع راس ابوي ..
تلكني نسوان اثنين وبعدين اجت وحده ثالثه .. وياهن كللي لاهله ولامرحبا وحده بيهن صاحت يمه اجت الفصليه .. اخذنها للحجيه
دخلت لغرفه .. لكيت مره جبيره بس مو كلش كاعده لابسه اسود ومعصبه .. باوعتلي كلتلي رفعي البوشيه . . رفعتها صفنت بوجهي .. وضربتني راجدي وردت ضربتني الثاني كتلي شلون ابرد نار فقد ابني .. لو اكتلج هنا هم متبرد ناري ..
عرفت هيه امه .. والتمن عليه كلهن بس وحده منهن من تضربني تكولي اخذتي الشيخ الله ياخذج ويخلصنه منج ..
احس كسرني تكسير بس اني ساكته محجيت شي .. دخلني بغرفه مثل المخزن ذبني بيها ..
حيل تخوف .. ضليت ابجي لحد ماغفيت ...
_________
ضرغام .. من وصلنه خبر انه اخوي انضرب .. رحنه للمستشفى كلونه ربعه انه تعارك هو وولد والي بده العركه اخوي وهو الي رفع سجينه على الولد والولد راد يدافع عن نفسه .. اني طبعا اعرف اخوي نجاح من النوع يحب المشاكل .. هواي .. ماكو ثاني يوم توفه لان الضربه اجت بالكلية ف كليته وكفت والثانيه تعبت من النزف .. وهم وكفت .. طبعاً انهارينه .. وعمامي وابوي كالوا لازم ناخذ بثاره
اجو اهل الولد واخر شي الحل فصليه و30 مليون .. لان ابنه عايل ..
بيوم الجابوا الفصليه انقهرت على ابوها رجال محترم وشيباته وهو يتوسل بينه ندير بالنه على بنته ..
دخلوها جوه .. وضلينه بالديوان .. طبعا الديوان شوي بعيد عن البيت لان دائماً الزلم متجمعين يمنه .. وهم حتى نسوانه تاخذ راحتها
.. لليل دخلت شفت امي مخليه صورة نجاح وتبجي .. كعدت سولفت وياها .. وشوي هدئت وهم اخواتي جانوا عندنه خلن العشه .. وكعدنه نتعشى وشوي اجت امل بنت عمي .. كعدت ويانه على العشه ..
هنا تذكرت الفصليه .. كتلهم البنيه وين .. ؟
كالن بالمخزن ذبيناها ..
امي كالت شعليك بيها اريد اخذ ثار ابني منها
ضرغام .. يمه شنو هالحجي هاي انتي حجيه وحاجه بيت الله وتعرفين الحرام من الحلال .. شنو تاخذين ثار ابنج هيه شعليها .. ابنه تره جان عايل ..
امي .. اسكت لا هسه اكوم احرك روحي
ضرغام .. استغفر الله مااريد شبعت .. رحت للمخزن لكيتهم قافلينه صحت لاختي تفتحه .. دخلت لكيتها كاعده تبجي واكو دم بوجهها
كتلها لاختي جيبيلها فراش وبطانيه .. وجيبيلها فد شي تاكله ...
كلتلي مااشتغل خدامه عند الفصليه .. باوعتلها بخزر .. كالت اي يلا رايحه ..
اشجان .. كعدت بليل المخزن اضلم واني اخاف من الضلمه كعدت اقره ايات وابجي واحس راسي يريد ينفجر .. والمخزن بارد .. جان وقتها الجو بي بروده ..
شوي ودخل عليه واحد ماميزت شكله بالضلمه بس وياه مره كللها جيبيلها اكل كلتله مااشتغل خدامه عند الفصليه .. هو بس خزرها شو هاي خافت وراحت شوي وجابتلي اكل وبطانيه وفراش شمرتهم عليه وراحت قفلت باب المخزن ..
فرشت الفراش واكلت شوي لان مااكدر بعد راسي حيل يوجعني ..
انوب انحصرت من البرد وين انطي وجهي وهاي قافله باب المخزن عليه ..
اخر شي دعيت ربي يفرج عليه وبجيت ونمت محسيت الا الباب انفتح خوات الشيخ اثنينهم .. كللي يلا كومي لايكون عجبتج الكعده هنا ..
كمت طلعت اول مارحت للحمام .. وغسلت وجهي بيه دم يابس .. وشعري هم لميته ولبست حجابي زين وطلعت .. كلتلي وحده بيهم يلا هسه تسوين الريوك .. النه . سويت الريوك .. وشوي ودخل شاب يجي تقريبا بعمر سلام او يمكن اصغر منه .. عرفته اسمه منتظر . لا صاحن كالله تعال تريك كللهم مااريد
كعدت الحجيه .وبناتها والشيخ الجبير ابوهم .. على السفره .. واني تكترت بالمطبخ سويتلي لفه جبن ..
اسمعهم يحجون الشيخ كللهم ضرغام وين كالتله الحجيه بيته تعرفه ميجي هنا .. بس بليل يمر ويروح
كللهم الشيخ .. اليوم عندنه طلابه جبيره وي عشيرة **** لازم نحلها فاحتمال اني وشيخ ضرغام نتأخر ..
شوي واجت مريه جبيره دخلت اسمها ام علي
عرفتني بنفس
ممكن تصويت و متابعه و كومنت حلو مثلكم 😍😍😘
