#فصلية_شيخ
#الحلقة6
يارب دخيلك من كثر مارفسن بطني نزلنها عليه ... رحت لجنطتي ادور فد شي اخليه .. لكيت عندي دشداشتي شككتها وخليتها احتياط . منا لمن تجي ام علي تجيبلي احتياطاتي .. شوي وسمعت الاذان يأذن .. طلعت دورت بالبيت فارغ البيت .. محد بيه بس اني .. شنو وين راحوا .. شوي بدت الشمس تطلع اجت ام علي .. كتلها خاله وين الجماعه .. كلتلي بالنجف .. عزا يعني انتي وحدج تركوج بالببيت .. لعد ام البوشيه الراحت وياهم منوا
اني انصدمت خاله لاتخبليني شنو بوشيه اصلا البارحه من عفتج اجيت ابدل .. لزمني نسوان وخوات الشيخ ضربني لحد مااغمى عليه ستوني كعدت حتى من ضربهن نزلت عليه العاده ..
ام علي لطمت على صدرها .. عزا العزاني .. ولج هسه افتهمت .. الشيخ من رفض امل .. امها ونسوان عمامها وخوات الشيخ وعماته اجن ضربنج والبارحه بليل ب 12 طلعوا.. كللهم الشيخ حتى الفصليه تروح لا تخلوها وحدها ... وهنه طلعن وحده عود مبوشايه من المخزن كدام الشيخ على الاساس انتي . يبووو خلنج هنا حتى تموتين....الحلقه 5
ضرغام .. طلعنه للنجف الزلم بسيارة والنسوان بسيارة .. زرنه الامام ورحنه للمقبره والنسوان بدت صياحهن وبجيهن .. بعدين رجعنه صلينه الفجر ورجعنه لبيوتنه .. من نزلنه يم بيوتنه .وبالاخص بيت عمي . شفت امل نزلت من السيارة وبيدها بوشيه .. صفنت شنو هاي مشفتها هناك غير ام البوشيه هيه ..... 😠 لا يالله .. شنو ضحكن عليه من وكفنه يم بيتنه نزلت كبل النسوان من سيارتنه شفتهن نزلن وحده وحده .. وامي وخواتي باوعتلهن خزرتهن ... كتلهن اشجان وين صفنن بوجهي كللي منو هاي .. كتلهن الفصليه . ضلت وجوهن تضرب الوان عرفت ملعوب منهن
كتلهن دخلن واحسابجن يمي ...
اشجان .. ام علي راحت جابت احتياجاتي .. ودخلت للحمام غسلت بمي دافي .. ورجعت للمخزن وجع بطني حيل مأذيني ... واني مماكله ونزف صار عندي .. محسيت الا دخت ووكعت ...
ضرغام دخلت للبيت صحت على الفصليه ..
اصيح وماكو وامي وخواتي دخلن جوه .. رحت للمخزن لكيتها نايمه كعدتها ماكو متكعد . .. صحت على ام علي كتلها شبيها .. كالت هاا مابيها شي .. اباوع على اخواتي يخزرن باام علي .. وام علي ارتبكت كتله ليش متكعد صحت بعلوا صوتي .. نزت ام علي كلتلي العاده اجتها وتخربطت .. كتلها سويلها فد شي مالح واشويلها معلاك بساع .. وجيبيلي عصير برتقال ..
رحت اريد اطلع اسمع امي تكول لاخواتي حيل وياجن كتلجن لا تلمسنها معليجن بيها . . بس علمود اموله كتلتن ارواحجن ..
لو ميته هااا شتكولن لاخوجن .. يلا احجن
اسمع حجيهن عرفت ام علي تعرف شي ..
لزمت ام علي كتلها خاله اذا متحجيلي كلشي بالتفصيل .. ابطلج واريد اشوف ايتامج منو يكفلهم .. كلتلي لا خاله دخيلك راح اسولفلك .. البارحه امل اجت لاخواتك تبجي وتكللهم الشيخ رفضني لان عاشك الفصليه .. وهاي اولها ا.. واخواتك بالقرايه دمهن حترك ولمن عماتك ونسوان عمامك ودخلن ضربنها لحد ماا البنيه اغمى عليها وخطيه كعدت الفجر لكت روحها مدمايه ومن الضرب اجتها العاده وداخت ووكعت ..
ضرغام .. رحت على امي كتلها يمه من اليوم الفصليه تجي وياي ولبيتي تخدمني
الحجيه .. شنو الحجي شيخ
ضرغام .. اي تردين اخليها هنا حتى بناتج يكتلنها لا هاي البنيه محسوبه مرتي وامانه عندي
الحجيه ... اي حتى تمم زواجك منها مووو والله ولعبتها صح الفصليه كل يوم تتماوع علينه حتى تروح يمك
ضرغام .. شنو هالحجي زهكتوني لخاطر الله
(بصياح )
الشيخ الجبير . .. شكو ضرغام شبيك بويه ..
ضرغام سولفتله عمايل خواتي وعماتي .. ابوي طرد خواتي وكللهن كلمن بيتها يلا بعد لحد تجي واذا تجن... تشوفن امجن وترحن ..
اشجان صحيت .. على ام علي تذب مي على وجهي .. وكعدتني كلتلي شربي عصير
شربت عصير شوي احس نفسي بديت اركز لكيتها مسويتلي معلاك شوي ... اكلت لكمتين .منه
.. ام علي .. مدريتي الشيخ شسوه علمودج يلا كومي وحظر نفسج حتى تروحين وياه لبيته .. كللهم راح اخذها لبيتي
اشجان .. حيل فرحت من عرفت راح اطلع من هالبيت ..
لليل اجه الشيخ ضرغام اخذني .. لبيته
دخلت البيت يخبل .. جبير ونظيف منو ينظفله معقوله هو ..
ضرغام .. شبيج صافنه ..
اشجان .. هااا لا بس منو ينظف البيت لان البيت نظيف
ضرغام ...ابتسمت على عفويتها .. وانتي بس هذا همج منو ينظف .. يابه اكو مره اسمها ام علي تعرفيها كل اسبوع تجي تنظف وتروح بما انه انتي اجيتي بعد ام علي متجي ..
اشجان.. ماشي .
مشت حياتي وايامي بيت الشيخ اكعد الفجر اصلي وانظف وارتب وهو ممقصر ترس الثلاجه ترس بالاكل .. كمت وقت فراغي لمن الشيخ مموجود اكعد اكل لو اسوي حلويات لو كيك وكام الشيخ يجي وكت الغده لبيته يتغده ويدخل لغرفته ينام .. وللعصر يكعد يروح للمضيف يم ابوه .. ولليل ب 10 يلا يجي ...
يلكي عشا حاظر وملابسه محظرتهن اله..... والي ينزعه بسرعه اغسله واجفف واكويه .. واعلكه ..
ضرغام .. بديت اتعود على دلالها واكلها جانت نفسيتها بالطبخ كولش حلوة .. والحلويات الي تسويها .. بس اني ما
ممكن تصويت و متابعه و كومنت حلو مثلكم 😍
