#فصلية_شيخ
#الحلقة13 والاخير
علي .. يمه شيماء تكفي وتوفي هيه هم بنتج ..
خلصنه عشه .. وكامت ايمان وياهم
ايمان .. خلصنه العشه وكمت ارتب وياهم المطبخ عمتي وريتاج راحن كعدن يمهم واني وشيماء نغسل المواعين وننظف خلصنه شغلنه .. رحت لكيت ريتاج كاعده بصف علي ومخليه ابنها بحضنه وهو يلعب بيه .. موقف حيل يضوج واحس بالغيره .. شوكت تكبر ياابني وتجي للدنيا ..
___________
اشجان .. حملي تقدم وشهيتي انفتحت على الاكل وصرت دبه 😁
اني وضرغام حياتنه ماشيه وكلش حلوة وابوي بين فتره وفتره يجي يشوفني .. بس امي ابد مشفتها ولااسأل عنها لانها ابد مسألت عني ولا اجت تشوفني ...
اخوي سيف مرات يجي يشوفني بس سلام مايجيني ابد يستحي من اهل ضرغام ..
بعد فتره سمعت امل تزوجت .. اما اخوات ضرغام ابد مشفتهم من اربعين اخوهم لسه ..
ضرغام ابد ممقصر وياي ومدللني دلال بس مضوجني بشي واحد يغار عليه .. وميقبل اطلع وي الحجيه لو ام علي الا هو ياخذني للمكان الي اريده ..
ومرت اشهر ودخلت بشهري بليل حسيت بألم قوي بظهري كعدت لكيت ضرغام مو يمي طلعت امشي محنيه ادورة بالبيت ماكو .. ادك عليه جهازه يمي .. اباوع دم بين رجليه عرفت نفسي راح اجيب .. ماوصفلكم شعوري بوقتها حيل خفت ..خفت على طفلي .. خفت انه ضرغام مموجود ومنو اليه ..
صحت بصوت عالي وابجي ضرغام الحكني .. شوي وشفته نزل مفزوع من فوك .. حسيت نفسي اجاني الفرج .. هو من شافني ومنظري والدم انصدم .. راح جاب عباتي .. ولفني بيها ودخلني بالسيارة . ..
اني اتوجع واسمعه يخابر لام علي كللها جيبي غراض الطفل بالبيت وتعالي وي منتظر ..
دخلوني للمستشفى .. ساعه يلا جبت ..
الممرضه . .. منو وي اشجان
ضرغام.. انه
.. مبروك اجاك ولد
.. الله يبارك بيج .. شوي واباوع اجت ام علي وامي ومنتظر
.. الحجيه .. بشر يمه ولدت مرتك
.. اي يمه جابت ولد
.. ام علي .. الف مبروك شيخ يتربى بعزك
الممرضه .. محتاجين ملابس للطفل جايبين احتياجاته
ام علي.. اي اخذي يمه
ضرغام .. فرحتي بأبني نستني كلشي
نستني مشاكلي كلها ..
اشجان .. طلعت من المستشفى ب 10 الصبح رحت للبيت الحجيه بوقتها تغيرت معاملتها وياي .. كعدت يمي لحد مطلعت من الاربعين متركتني ابد .. وهم لان الناس الي تجي توجب مااعرفهم فهي تستقبلهم وتعرفني عليهم
عمي الشيخ ذبح 3 ذبايح لسلامة ابني ووزعهم على الفقره ..
صدك نسيت اكولكم ابني سماه ابوه فهد ..
فهودي جان حلو يشبه ضرغام
وهم اجتني اختي ايمان وهم خطيه جانت حامل الها 5 اشهر وبطنها كبيره .. حيل فرحت من شفتها وحضنتها عوضتني عن حنان امي الي محسيته ابد ..
____________
ايمان .. من رجعنه من عزيمة بيت عمي .. علي اجه بات يمي
.. اكول علاوي
.. كولي حبي
.. من حملت ريتاج هم فرحت
.. صراحه اي فرحت لان شعور حلو انه واحد يصير اب
.. طيب واذا انه حملت هم راح تفرح
.. طبعاً حبي اصلا اتمنى اطفالي كلهم منج
.. طيب انه عندي الك خبر
.. كولي اليوم تخوف سوالفج
.. هههههه لا هذا ميخوف هذا يفرح
انه حامل ..
.. شنو ومن شوكت .. صدك امونه انتي حامل
. . اي شبيك اليوم الصبح رحت للمركز الصحي وحللت وطلعت حامل
.. وليش محجيتي يم اهلي
.. صراحه خفت ينغصون عليه فرحتي .. تدري اليوم عمتي تكولي انتي عاقر وانتي وامج طلعتن جذبه على زوجج ..
.. اوووف حبيبي امي تعرفين سوالفها تريد تضوجج .. بس دام هيج كلتلج خلي حملج سر بينه حتى من تجيبين نفاجئها وتشوف منو العاقر 😉
.. ياحبيبي فدوة اروحلك اني
.. لج كومي طفي الضوه خلي ننام
ايمان .. مرت الايام ومرت الاشهر ومحد دره بحملي حتى اهلي لان مااوصلهم مرات اتحسر من اشوف المعلمات وياي يسولفن عن امهاتهم وعن اهلهم وشلون مرتبات كل اسبوع زيارة لاهلهم والي امها مساندتها بكلشي .. اتحسر ليش اني امي متوصل يمنه ليش هيج تكرهنه ..
حتى بيت جدي موصلت الهم .. ومن جابت اشجان رحت الها ووجبتها وضليت يمها 3 ايام بس الحجيه ام زوجها ممقصره وياها
بعد اسبوع اجاني علي كلي حظري نفسج بعد الولاده راح ننتقل لبيتي ..
.. ليش وهذا البيت وزوجتك علي لايكون تسكني وياها
.. يا حبيبتي .. ريتاج اليوم طلبت الطلاق مني تريد تشوف حياتها .. وصراحه حقها لان اني هواي ضلمتها . ..
.. وحسوني شلون ؟
.. يبقى عندي لان حتى حسوني متريده .. من هسه كوليلي عندج استعداد تربين حسوني لو ادزه يم امي
.. شنو هالحجي حبي طبعاً اربيه خطيه بعده صغير
_________
ولدت اني وجبت بنوته حلوة سميتها جمانه .. وطبعاً عمتي فاضحتني بين النسوان انه اني عاقر ومن جبت طلعت جذابه كدام الجيران والناس .. وكلها ضلت تلومها لان تطعن بيه ..وبعدها..انتقلنه لبيت علي
وريتاج هم سمعنه عنها تزوجت ابن عمها مطلق
وحسوني صار ابني وهو واخته واحد ماافرق بينهم ..
اما بالنسبه لبيتي اجرته ومن ايجاره وايجار الشقق وراتبي كدرت اسوي سلف واشتري بيت صغير وهم ااجره .. يفيدن بالمستقبل لاولادي ..
الحمد لله بعد الي شفته من هضم وعذاب
الله عوضني
ممكن تصويت و متابعه و كومنت حلو مثلكم 😍
