كرونيك: 💕💕"زواج_على_ورق"💕💕

💋البارت 05💋

5
كلامو صحيح ثقتو في روحو هدتها ...قسوتو قتلتها ..الله غالب ماتقدرش تبعد اكثر مراهو هو مبعد ... تخيلو انكم تبقاو ساعة بلا اكسوجين لا محالة رح تموتو ...هذا حالها ...كي يطول مايجيش ولا يسافر يحوس معا كريستين تبات في بيتو وتشم ريحتو ...ماتلوموهاش ... مستحيل تقدرو تلومو انسان عاشق مهما تمادا رح يبقى على حق ...هو يكون معمي بحبو يشمي على خطو معشوقو وينسى الصواب ينسا كلش يتفكر برك حبيبو ...هذا حالها معا نزار ...وهذا حال نزار معا كريستين ... دخل يدوش لبس قشو وخرج بلاما يخزر للقهوة اللي وجدتهالو وحطتها فوق الطابلة قبل مايخرج قاتلو -نزار ماتخرجش معدتك فارغة راك مريض
خزرلها مطلع حاجب وقلها منين عرفتي ..
اريج عكس كريستين تعرفش تمثل ،...تربثت وقاتلو ...اا..شفت البارح كريستين واقفة عندك سقسيتها قاتلي مريض ...
ابتسم تاكد بلي كريستين هي اللي سهرت لراحتو ....
اوكي ومادخلك نفطر ولا لالا حاجة ماتخصكش .... وخرج وخلاها ... بعدما خرج عيطت لكريس وقاتلها خلينا نتلاقاو ...جات كريس خايفة من اريج تقول لنزار انها هي اللي عاوناتو ....جات تجري ساقيها اعلى من راسها ..(الخلعة وما دير) ... دخلت للدار بمفتاحها غير دخلت ...ناضت اريج من الكرسي عينيها وساعت وبدات توكوك ماعرفت واش تقول ...ياسر تخلطت عليها ... قاتلها اريج -تقدمي نهدر معاك ... ...
وقفت قدامها كي الفتاة المطيعة وقعدت جنب اريج . خرتلها اريج وقاتلها ...
-اكيد متفاجئة وخايفة ... من حكاية متفاجئة حكاية اني نمشي حكاية عادية لانو مانيش والدة بالشلل ...اما حكاية خايفة لازمنا نتفاهمو ... شوفي مش رايحة نقول لنزار حتا حاجة ... مانقولوش بلي هاداك النهار انا طيبت وبلي اليوم انا سهرت معاه ... بصح بشرط
اللي هوا ...سقاستها برجفة ...
حاجة تفيدك ماتخمميش مانضركمش ... اللي نحبو ...انو نولي انا نطيب وندير كلش بصح كي يجي نزار تقوليلو انك نتي درتي هاك
قاتلها بفرحة باااهي ...بصح علاه ديري هاك
لانو مستحيل انا ونزار نكونو معا بعض بصح عادي انو تكونو نتوما سعداء وكي يكون هو فرحان انا نكون فرحانة زادة ...
لهذي لدرجة
واكثر ... صدقيني نبحكمم تكونو معا بعض فرحانين وعايشين حياتكم
اذا كنتي هاك وعلاه ماتطلقيش
مانقدرش نزار الهواء اللي نتنفسو الحياة اللي نعيشها العمر اللي نعديه ... كريس حكاية اني نمشي خليها بيناتنا
اوكي ماتخمميش ...بصح ممكن نكونو اصدقاء ؟؟
مشات معاك ههه ...ضحكت بين دموعها موقفها صعيب بصح لازمها دير هاك ..على جالو
... اريج حبتو حب اسطوري ممكن حتا في الكرونيكات ماتلقاوهش ... عشق فات الحدود كسر الحواجز محا الاهانات ...عشق ولا اي عشق ... بصح للاسف نزار معمي للاسف ... ...
خرجت كريس ...واريج دات كرسيها للكوزينة تحسبا لدخول مفاجئ ... وبدات تصنف وتطيب ... كي جا وقت العشا قعدو كاملين على الطابلة ... نزار ياكل ويتبنن ... واثنيناتهم فارحين ... ...
نزار : هممم يا عمري على عمري
كريس ؛المهم عجبتك
نزار :كيفاه ماتعجبنيش ...كون طات مطيبتها وحد المعاقة نعرفها كون راني ميت تسمم ...
وكمل ياكل ... خزرو لبعضهم كريس بنظرات اسف ... اريج غمزتها وسكتت خبات وجعتها وقالت ...كريس ماكلتك تهبل زيدي صبيلي ...
جات رح تصبلها قالها نزار ...:ماهيش خدامتك احمدي ربي طيبت ... صبي وحدك ولا كولي الرهج اللي يرهجك ويريحنا منك ...
كملت الحلقة جام بليييز