كرونيك: 💕💕"زواج_على_ورق"💕💕

💋البارت 03💋

3
بعدما طردها راحت للبالكون وبدات تخزر للغيوم ...تحسهم كيفها ... يمرون بهدوء يحمون الناس من اشعة الشمس وفي الاخير ...كي يبكو يفرحو الناس عند حزن الغيوم ...
هبطت دمعة سخونة ... مسحت فور مامسحتها هبطوو دمووووع يناجوها باش تخليهم على عنانهم وماتمسحهمش ... حالها صعيب وماكانتش تتوقع يصيرلها هاك ... قرات بزاف وكانت تبكي بصح في الاخير تفرح اكثر من البطلة ...بصح في الحقيقة كاين بزاف رح يفرحو في بلاصتها مكتوب عليها الحزن ...
رجعت بكرسية بتوالي حبست عند الفوتاي كيفاه رح تتكى عليه وهي هاك والروبة كيفاه تنحها ... .. بدات تحاول ترفع روحها بيديها ... واووووب طاحت ... جنب الفوتاي ... سندت على الفوتاي وبدات طلع في روحها عليها ..طلعت ونصها التحتاني بقا شكلها كان مثير للشفقة ...بدات تزحف ... وتجبد في روحها واخييرا طلعت بصح بالروبة ...ورقدت استسلمت للنوم وتتمنى ماتفيقش غدوة ..
جا الصباح ناضت شافتو رايح للكوزينة يخي حاولت تهبط كيما طلعت ..ونجحت راحت للبيت باش تبدل ،....
كي خرج من الكوزينة مالقاهاش استغرب بصح مخممش بزاف ... دخل للبيت وتفاهم بيها تما تحاول توصل ،.... وهنا جاتو فكرة باش يعذبها ويندمها على حياتها ... ماكانتش فايقتلو وكانت بردانة تاني حابة تبدل ... متحس بيه غير وهو يجر فيها ... وين ماخذني ماجوبهاش ...وهي سكتت ... خرجها للبالكون وكان المطر قالها جملة وحدها وسكر عليها الباب ...-هاذي على جال دخلتي لبيتي بلا استئذان وضرك ابقاي هنا هاني مانسكروش اذاقدرتي تفتحيه ادخلي ...
وسكر الباب وبما انو الباس عالي ماوصلتش ومااااتت من البرد ... تنفخت من الماء كي الفروج ساعتين وهي تحت المطر ... حتا ولات تشوف في والللوووو ... داخت .
اما هذاك بعدما سكر الباب ...عيطتلو كريستين وعولو يتلاقاو ... خرج ونساها .... في اليل رجع مبلول وحالتو حالة حوس عليها في الدار مالقاهاش من شاف البالكون ...تفكر ... ضرب راسو ... اففففف ... فتح يجري كانت متغاشية وشعرها طايحة على وجهها ومازالها بالروبة ...
بدا يفيق فيها ووالو هبل يحسبها ماتت ولا ... حط يدو على رقبتها كان النبض ضعيف ...دخلها بين يديه رافعها ...يجرييي للشومبرة عيط للطبيب وراح بدلها قشها وهو يحاول وهو مغمض عينيه ... لبسها بيجامة ... ودارلها منشفة على شعرها ... جا الطبيب عاينها وهي بدات تفيق... قالها الطبيب
راكي لاباس
ايه
كيفاه تبقاي تما
خرجت نشم هوا وتسكر الباب وماقدرتش نفتحو
... استغرب نزار وعلاه ماقالتش من بعد قال اكيد على جال تحب تخليني نحبها راني فايقلها رخيسة ودير كلش ...
فات عام اااييييييه عام ... ماتستغربوش ... ماصرا والو لاخاطر هاذاك الاناني كون جا قعد معاها وحدهم زوج سوايع وسمعها كون راه حبها على طيبتها بصح هو كان محتقرها في هاذ الوقت كانت كرستين بين الوقت والاخر تجي تبات عندهم وهوما بدلو الدار شراو وحدة كبيرة ... ... وكي ماتكونش كريستين ميقعدوش عشر دقايق يا اما يضربها ايه يضربها ولا يدابز معاها وهي ساكتة جامي ردتلو الهدرة ولا حتا عطاتو سبب مقنع يضربها ... في هاذ الوقت اريج دارت عملية قبل ست شهر ومنجحتش وبقا مشلولة حتا بعد السبور ... اما امها فماتت بسبب غير معروف ...ماتت الي مصبرتها ... وبوها بعد شهر تزوج ...
نهار كان الثلج ... اريج في غرفتها ..وكريستين في بيت نتاعها ونتاع نزار هههه من المفروض هاذي البيت يعيش فيها نزار واريج .... ... ايا جا نزار مرييض يكح بسيف رافع روحو ... دق باب بيتو فتحتلو كرستين طاح عليها ... بعداتو وقالت ايا ضرك بعديني وانا غدوة عندي تصوييير افففف ... جرتو للصالة وحطتو وغطاتو وراحت لبيتها رقدت ... هه تخلات عليه على جال التصوير ملا حب ...
فاقت اريج في ليل مخنوقة .. خرجت من بيتها باش تشرب ما ...شافتو متكى راحت ليه مدت يدها على جبهتو لقاتها سخووونة ... تفجعت فتح عينيه بشوي وقالها بصوت خافت ... البرد غطيني ...
ناضت من كرسيها تجري وراحت للكوزينة ... ايه اريج تمشي
جام على كل حلقة بلييييز