كرونيك: 💕💕"زواج_على_ورق"💕💕

💋البارت 04💋

4
دارت كمادات في ما بارد ورجعت تجري قعدت في كرسيها ... حطتلو كمادة على جبهتو ....وبدات تعدي في يديها الصغار على لحيتو ... وتتامل في وجهو ...اه لو كانت تقدر تقول راني نمشي ...ولا تكون في بلاصة كريستين ...
حتا بعد الذل اللي عيشولها بقات تحبو ... سبحت في الماضي ووصلت لاكثر نقطة وجعتها ...تفكرت نهار جاها لبيتها وقالها .... شوفي صحابي جاين مانحبش نشوف مانظرك دوري في الصالة ... مانيش متحمل نكون ضحكة بين العبد وتحشميني يقولو مراة نزار ** مشلولة معاااقة ... وتاني كامل يحسبوني تزوجت بكريستين لذلك متخرجيش ... ... بلعت غصتها في قلبها وسكتت .... كانت تتمنى تقلو ماتخلينيش ...تقلو راني نمشي ارجوك خليني نحس اني مرتك ...تقلو خليني نشوفك ونتا تذوق ماكلتي لاول مرة ... تقلو وتقلو وتقلو ...وفي الاخير تقلواني نحبك ... بصح خرج قبل ماتقلو غلق الباب بالمفتاح ... وخلاها كي القطة محبوسة حاشم بيها ... سكر عليها حبسها وحبس احلامها في قفص مليان شوك ... عطاهاش امل ... عطاها حقيقة مرة ... سكرلها على امانيها في كتاب الاوهام وخلاها غارقة في دموعها تناجيه يجيها ويقلها هي نعرفك على اصحابي بصح مستحيل ... بعد شوي سمعت ناس داخلين ... بدات تسمع ف اكثر سنفونية مزعجة ... تتمثل في ربي يخليكم لبعض في الله يبارك في ربي يرقكم بولاد الحلال .. توجهت للباب وبدات طل فقي ثقب المفتاح ... خزتهم قعدو على الطابلة ... بحكم انها مقابلة باب شومبرتها ... كانو زوج عاطيينها بالظهر وكريستين ونزار مقابلينها ...شافتو باسلها يدها وقالها ...تسلم يدك على العشاء حبي ...تمنات تكون تما ويقلها حبيبي اريج ربي يحفظك ليا ... رجع للواقع المر على صوتو وهو يشدلهنا في يدها و
يقلها بصوت تاعب ...كريستين خليك معايا .. ماتروحيش نحبك ... ابتسمت باستلو راسو وقالت انا تاني نحبك هاني معاك ماتخافش ...
غدوة الصباح فاقت كريستين لبست قشها رايحة للتصوير خرجت من البيت ...شافتها راقدة حاطة راسها فوق ضدرو وشادين يد بعضاهم ...خافت ينوض ويخزر لهاذ المنظر من بعد تخسر قدام وحدة معاقة ... راحت ليهم ونحتلهم يديهم من بعض ...وكانها كانت تفصل الروح عن الجسد ... دات اريج لبيت وراحت فيقاتو وقاتلو بدلال ...حياتي فيق ...
فاق وتبسملها ..صباح الخير
حطت يدها على جبهتو ...ايا مليح هاك لاباس الحمد لله
شدلها يدها وباسها ... يعني نتي كنتي سهرانة معايا ؟؟؟
ايه يا حبي خفت عليك
ربي يخليك ليا ومايحرمنيش منك عزيزتي ...بصح كيفاه جيت هنا
قاتوبكذب وبما انها موالفة على التمثيل ماتربثتش .... كانت بيتننا باردة ... فقررت نخرجك ...ان نروح للتصوير تشاو بيبي ماتعبش روحك ...باستلو راسو.....وراحت
تسمع فيهم وقلبها ينزف ... بصح هاك احسن الحمدلله ماشكوش فيها بلي راها تمشي الحمدلله ...خرجت وراحت قدامو وقاتلو بحب ...صباح الخير ...قالها بلاما يخزرلها ...وهو اللي يشوف وجهك صباح يلقى الخير .... خلاتها في قلبها ...عطاها بالظهر ورايح لبيتو ... قاتلو بتبهليل ... نحميلك قهوة ؟؟؟
دارلها مستغرب ... من نيتك ... نتي صح ماعندكش كرامة رخيييسة ...بعد هذا الذل اللي عيشتولك كامل مازالك هنا كون جيتي عندك كبرياء راكي رحتي وطلبتي الطلاق
جا رح يدخل للبيتو سمع صوتها حبسو ... -بيا نحبك والكرامة في الحب ممنوعة واذا كاش نهار طلبت الطلاق فهذا مش من قلبي ...
رايكم وعلاه خبات انها تمشي
جام على الحلقة بلييييز ...