كرونيك: 💕💕"زواج_على_ورق"💕💕

💋البارت 13💋

13
راسها رزين عينيها تفتحهم شوي وتسكرهم ... تشوف في جسد يعلق في السيروم ... قالت بصوت خافت وتاعب ...-نزار .... ماسمعتهاش الممرضة ... حاولت تعلي صوتها حتا وتحس في ريقها ناشف -نزاااار ... ..دارتلها ممرضة قاتلها واش ... نزار .... قربتلها وسمعت واش قالت خرجت لنزار قاتلو نتا نزار قالها ايه ...قاتلو المريضة تحوس عليك ... دخل يجري ... لقاها تخزرلو تنهد براحة وراح ليها يجري ... قعد جنبها وباسلها يدها
قالها :حبيبي راكي لابس
ابتسمت ابتسامة باهتة : احسن ... نزار انا ... ماخلاهاش تكمل ... تحبيني وانا نحبك ماكانش حاجة تعيقنا
سكتت ماحبتش تقطع هاذ اللحظة الرائعة ... جابتلها الممرضة ماكلة قالت مانكلش ...
نزار : بلا جدك تاكلي ... قعدها بسيف الجرح وجعها وحطلها وسادة ... بدا يوكل فيها ... كي الطفلة الصغيرة ...
وهو يوكل فيها توسخت جنب شفايفها ... اريج امسحي الشربة ... جات تمسح ماعرفتش البلاصة ... جاتو فكرة تهبل وشحال يتمنى يديرها ... قربلها ونحلها يدها وباسها جنب شفايفها ... هي شادت وهو شعل لهب ... بدون وعي كلالها شفايفها ...وهي بما انها اول مرة ماعرفتش دير حتا ردة فعل ... وهذا زاد فرحو وهبلو ... زاد هاج ولا يعض فيهم عسل ... بعدها يلهث .. دارلها وجهها بين يديه وهي تفتح في عينيها بسيف من قوة الاحساس ... قالها بصوت مبحاح
سكر مابنك يافرخة قتلتيني ...
فاقت على روحها تفكرت علاقتها باسماعيل بعدت وجهها ...
نزار انا مخطوبة ...
بعنف شدلها شعرها وقربها ليه وزاد غطس في شفايفها ... حاولت تبعدو ماقدرتش ... قوي عليها ... بعدها وقالها ... نتاعي ملكي ليا حقي في الدنيا نتاعي وحدي ... انساي تروحي ليه
بصح نزار اناو...
عاود باسها ... خلاص ذابت يا لهوي على السخانة خخ ... بعدها وعنقها ماتناقشينيش اصلا راني نخبر فيك موضوع خطبتك انا نحلو
مانيش نحوس نفسخها ... بعدها مصدوم
تحبيه ؟؟؟
هبطت راسها ...
صاح حتا تهزت وتحطت
جاوبي تحبييه ...
سمع صوت وراه ...ماتصيحش على خطيبتي و ..دارلو ومعول يا قاتل يا مقتول... راح ليه...مش خطيبتك وعمرها ماتكون ...اريج مرتي ورح تبقا
نتا اناني ..مش كيفها ...
ايه انا اناني مش رح نخليهالك مهما كلفني الامر
حبسو هبلتو وشبي جدكم تهدرو وكاني مش موجودة خزرولها في زوج
ن:حبيبي من تختاري
ا:ايه قولي ال عذبك ولا اللي يحبك
دارلو نزار ...وضربو ببونية تحب في مرتي يا حيوان ...جات الممرضة راكم في سبيطار مش سوق يا اما تسكتو يا اما اخرجو ...
خرجت وخلاتهم ...
ار:عجبكم هاك اخرجو منا خلوني وحدي
ن:انا مانخرجش ونبقا معاك
ا:نتا اخرج انا نبقا معاها
روحو في زوج
كي سمعو واش قالت خرجو
خلاواريج محتارة واش تخير ...