كرونيك: 💕💕"زواج_على_ورق"💕💕

💋البارت 09💋

9
كلمت بوها وقاتلو يبعثلها الشوفور ... هي مش حابة تروحلو وهو تاني بصح هاذاك رزقها ورثها من امها لازمها توقف عليه ... خرجت من بيتها لقاتو قاعد معاها في الصالون ... هبطت راسها وكملت طرريقها سمعتو يقلها ورقتك غدوة تجيك ... خرجت بلاما تهدر اصلا ماعندها ماتقول تعبت وعيات من المذلة خلاص رح تبعد وتحاول تحميه من بعيد ...
بعدما سكرت الباب حس بموجة برد سكنت ظلوعو تنهد وناض قال لكريس اللي تخمم في طريقة باش ماتخليهش يعرف بلي مش هي اللي كانت طيب انو خارج يروح للخدمة كي العادة ... خرج وهي دخلت للكوزينة تطيب وفشللللت جربت قداش من مرة مرة حرقتها ومرة فسدت شكلها ... ومرة جات شكلها مقبول ... ومابقاش وقت بزاف قالت -اممم زعما درت الملح ؟؟؟ ...ووالو مادرتش كبت كمية شوية كبيرة ... خزرت للطبق قالت المهم الطعم سمعتو جا راحت تحط كي الشاطرة خخخ ... قعدو على الطابلة وهو اصلا مش نافحتلو حاس حاجة ناقصاتو والف يصيح ويبهدل اريج هه ... قالها وجبيه شطلو هاك موالفة تخدميه مليح
حبيبي تعبت
اوكي المهم الطعم ...حط اول لقمة في فمو رماها قال يعععع وشبيها مالحة ؟؟؟
حبيبي زعفتني منك دايمن نطيب ماكلة بنينة اليوم برك كي ماجاتش مليحة نبزتني بفففف خسااارة
ماتزعفيش جاتني بيزار برك كي ماجاتش كيف قبل ...
عند اريج قاعدة في بيتها من وصلت وهي في بيتها ماخرجتش بقات فيها علقت فوتوه وقعدت تخزرلو ... توحشتك يا درا واش راك ... بوها جاها وقالها تجي تتعشا من فوق قلبو تهنا منها وقت وعاودت رجعتلو كي السوسة ماكانش بو يخمم كيفو كان اناني ...قاتلو ما عينهاش ...راح ومازاد حتا حرف ... جاها تيليفون ... لقاتو نسيم يدها اليمين ردت ....-الو نسيم كاش جديد
ا جا هاذاك الراجل اللي محكناه هاداك النهار وقالنا انو عندو اخبار
اوكي هاني حجاية ...
لبست قشها وخرجت ماكانتش عارفة انو نزار شافها بصح ماعرفهاش وقرر يدخل باش يعطيها الاوراق ... كانت عندو رغبة قوية باش يشوفها ماهوش عارف وعلاه المهم كان حاب يشوفها ... ممكن احساس بالامتنان
دخل للدار تلاقا بالبون دخلاتو للصالة شوي وجاه بوها ... وقفلو وخزر في وجهو بسيف يكرهو وينقم عليه ...
واش جابك
اكيد مش على جالك جيت نهدر معا اريج
اهاا يعني حبيت ترجعها
مش بالظبط رح نعطيها اوراق الطلاق
راك تغلط
مشكلتي عيطلها
راقدة
ضرك انا نروحلها
مش بكيفك اخرج ... طردو بكل صحة رقعة نزار مااستحملش الاهانة وعطاه اوراق الطلاق يخي قطعهم قدام نزار ... مانحبش يقولو على بنتي مطلقة
خليهاعندك بالاك تنفعك واصلا هي اللي طلبت الطلاق
...
عند اريج دخلت للمقر نتاعها لقاتو. قاعد كيما المرة اللي فاتت
تقدمت وقعدت قدامو
انعم واش رح تقول
عندي معلومة مهمة
اللي هيا
لا كلش بالمقابل
واش تحوس
عليك
هههه هبلت
تقريبا شوفي انا حبيتك شجاعتك وقوتك خلوني ننسا عقلي
مريض اخرج منا
اسمعي المعلومة مهمة اذا قبلت رح نعطيك نصها وكي نتخطبو نعطيك نصها الزاوج
سكتت شوي تخمم ... هي وعلاه ماتوافقش اسماعيل زين وبدنو مخدوم وبالاك يقدر ينساها في نزار وحبو ... قاتلو موافقة واش معلومتك ...
بعد اسبوع رح يخطفو نزار
وين يدوه
هادي بعد الخطبة نهدرو ...
بصح كاين مشكل
اللي هو ...
حكاتلو ....
شوفي عندي فكرة
زعما واش فكرتو رح نعرفوها في الحلقة الجاية ...