'وعدني قلبي أن لا يحب... ف خانني و عشق!'

27

البارت / 27

بعد فترة و هم يدورون على الكافيتيريا أخيرا...لاقوها

.

راحوا البنات قعدوا على الطاولة..

نور: انا بروح اشوف شي نشربه

في: اوكي

نبض قعدت و عيونها كانت تتأمل باللي رايح و الي جاي و فجأة ..

عيونها طاحت على شخص كان قاعد بالطاولة الي مقابلها...و كان معطيها ظهره

نبض بداخلها" ههه طلعت هنا بالجامعة بعد!..انا اوريك!"

جت نور و كان معها الكوفي(بارد)

نبض كان واضح عليها انها بتسوي شي متهور....قامت و خذت كاسة من نور..

نور: على ويين؟

نبض لفت لها و رفعت السبابه و قالت بابتسامه واضح عليها الانتقام: دقيقة و برجع..

نور: بس ترا ذا الكوفي حقيي!..

تجاهلتها نبض و كملت طريقها

فّي كانت تقرا بالكتاب الي أعطاها فيصل..

قعدت نور و هي تعطي الكوفي لفي: والله صرت أخاف من نبض و افكارها...البنت محد يدري وش الي ببالها!

فّي و هي مركزة بالقراءة: معليك منها...هي كذا دايم مب شي جديد...و خاصة في المدرسة...لازم تظهر انها هيبة عشان تحمينا

نور: فّي بالله خلك في كتابك انا الي غلطانة اني فتحت معك الموضوع...وش هيبة و وش حماية انتي بعد..

.

توجهت نبض بخطوات صارمة تجاه فهد و وقفت وراه..

فيصل و بدر شافوا ..

فهد لاحظ عليهم : وش تناظرون؟؟

لف فهد و فجأة حس بشي بارد ينكب عليه....ناظر للي كب عليه الكوفي

صارت عيون كل الي بالجامعة عليه..

..: اووف كيف تتجرأ؟!

..: اعتقد لأنها جديدة هنا لا تعلم ان الاكس شخص خطير

( الاكس: يلقبون فهد ب "إكس" او X"" و معناه الشئ الخطير او مثل تحذير عدم الاقتراب منه)

لاحظوا فّي و نور ان عيون الجميع كانت في اتجاه معين...و ناظروا ثنتينهم على اتجاه الحدث

قاموا من الصدمة و قالوا بصوت واحد: نبض؟!

فهد مو مصدوم و كأنه يدري انها معه بالجامعه: انتي..؟

نبض بإبتسامة جانبية: أي انا...ايش رأيك بالصدفة هذي؟؟ ملعوونه صح؟...و انا بعد اتفق معك..بس انا مو جاية عشان افاجئك اني معك بالجامعة..انا جاية بس اصحح شوي من الكلام الي قلته..و هو اني مو مسترجله و اتصرف برجولية عشان خاطر سواد عيونكم انتم يالرجال..